 | | |  |
 |  |  | |
|
|
|
ANDA AKKA TETTEDDU ?ANDA AKKA TETTEDDU ?
"Their task is to take risks, calculating potential cost for themselves. But they do not take into account the consequences of their losses for the economy as a whole".
Noam Chomsky
"Win yeččan yečča wayeḍ tarbut tekkes !"
At zik
Di “wall street” srafgen yedrimen, yiwet n teswiεt xlant lbankat, kra din yerefref amzun d afexxar !!
Amek akka teḍra, yernu qqaren-d kullec iteddu am ssaεa, iman-is iman-is kan !
Qqaren-d d ssuq i yeselḥawen tilufa, aγ zzenz, tetixerḍ-as ad teddu γef iman-is !
D lewhayem ! ger yiḍ d wass qelben akk lbistat, neẓra “Sarkozy” yuγal d amarksi, yezzem, yergem wid tt-ixedmen…yenn-a ddula tezmer ad tqabel !!
Di Marikan, lḥukuma tenna ad tefkk 700 imelyaren akken ad tḥudd lbankat γef xellu. Di “Yurupa” kif kif ddulat ḥezment ad d-grent iman-nsent madya ad qerrεent i yugaren aya.
Ddula yughal-itt-id wawal, iḍelli d ssuq i yettṛayin, ass-agi ddula tezga-d s ufella !
Iḍelli ddula texla, ass-agi γur-s idrimen s ara tqabel !
Wid yetturaren s yedrimen, iqqemarren (the speculators) ad sadren iqqeray nsen, ar ttεeddi tiyita, imiren ad d-uγalen, ur yeqṛis ur yenγil !!
D ddula ara yeqablen taluft, ewwet γer lğib-ik a yazawali.
At tedrimt (the capitalists) ufan abrid amek ara tili ddula d ttawil ger ifassen-nsen, ad tt-sxedmen akken i sen-yehwa, γur-sen ijernanen, tilibizyuwat, iqqeddacen, iceyyaten…cebken-tt akken ilaq.
Yettεemir uqeẓẓul, yettεemir γef iqqeray-nneγ ara d-yeterḍeq.
At tedrimt sdukklen iγallen-nsen, jebbden lexyuḍ sya u sya, tawant ur tt-ssinen nekkni nezga-d d lexyal n tebḥirt, ixabbazen n ddula zgan γef iqqeray-nneγ (ibulisen, lakul, ijernanen, imussnawen ukarṭṭun…) daya i γ-d-issaḥen si tama n ddula, d tikerrac-is kan !
Ma d tamurt…eh tamurt !! “yenna-yas wedγaγ fsiγ, yenna-yas ukkerra ula’ra d-inniγ” !
Ur yelli wamek ara d hedṛeḍ γef tmurt, tamurt am win yesferfuden di ṭlam ! ur nezṛi ara amek tleḥḥu.
10 iseggasen-aya tura, d idrimen ttenγalen-d fella-s am weclim, lpitṛul tewweḍ ssuma-s taqacuct werğin-is yewḍitt (ger 40 d 100 idullaren).
Yella kra i ibeddlen ?
Yella… zik medden ttazzalen γef tlelli tura ttazzalen γef yedrimen, tewḥel tgersa deg wedγaγ, aw ara tt-id-yekksen, andala-k ?
Adabu yessenṣṣal taglimt yettεawad tayeḍ, d wid-a kan n yiḍelli d wid n wass-a, acema ur yembawel ara, tesbeḍ teqqim akken.
Ma d wid ikerfen s ddaw uzaglu, yeččan acḥal d tiyyita tura, smeglizen kan s wallen, ttrajun, zṛan akken xedmen, adebbuz yezga yezga, caεffen seg tixidas udabu.
Ilaq tura ayen nniḍen ad d-yenulfu…! Djamal At Udiε Asabter yellan deffir wa | Asabter n zdat
Krakra
- Tinin-is...Azul,
Tella kra n tifrat nniḍen bbexlaf tagi n ukeččum n unabaḍ s yedrimen akken a d-yessemneε ixeddamen, yernu mači wid kan n lbankat, akkd igad yuγen ixammen s wekridi? Lḥaṣun nekk ur walaγ ara. Dacu kan anabaḍ ur ilaq ara ad yeqqim din ilaq ar deqqal ilaq ad yerr aleggam i umaṛci neγ i welzuz(ahat yella kra bb wawal nniḍen i umaṛci)
- Tinin-is...Azul,
kečč a gma ayen akk d-tesrusuḍ deg wesmel deg-s inumak imeqqranen, ccbaḥa d tezdeg.
Acuγer akka tεezzleḍ deg yiman-ik, tettḍilliḍ-d kan si ccuka?
Tikkelt-nniḍen neḥwağ ad nwali iḍrisen-ik di tmenzut ttxil-k!
Tanemmirt,
Sεid
- Tinin-is...azul,
tanemmirt-ik a Sεid,
dacu ak inniγ a gma, mačči d aεzal i εezleγ iman-iw, d taswiεt ur yinserḥ ara, wamag mačči d lebγi n tira is ulac !
lehḍur-ik d afud irennun, yessen tira ad tkkemmel.
ula d nekk ḥemleγ akken tettaruḍ, teččureḍ d ddḥeṛ, aql-ak tesnernayeḍ trennuḍ di tira, tanemmirt-ik d tameqqrant a gma.
ar tufat
- Tinin-is...Tanemmirt ula i kečč a Ğamal a gma!
Aql-aγ nettrağu amaynut sγur-k,
Sεid
- Tinin-is...Azul a Djamal;
Atah wawal s teqbaylit id yeṭṭaran afud!
ur zriγ ara acimi, iseqsiyen atraren, akkak am tasedramt(finance), neγ tilufa yaεnan Géopolitique, akw d tazmart(la santé) ur ṭṭarun ara attas fellaent.
leqbayel uγalen hesben iman nsen d timitt n dunnit.
"imusnawen "nneγ uγalen akw d iyeffussen, maca mara tmuqled wid igan amussu amazigh zik d iyeffussen akken ellan.
Djamal cukkaγ k dilleli.
yiwen useqsi s γuri γurek:
dacu ṭṭamuγli inek, yef "imusnawen"(l'élite) lleqbayel taggara yagi?
n ḥus marra belli yella kra yembawlen degsen.
amedya: imucaγ(les touregs) atnan qrib adnegren, nekwni neṭṭaru γef isura n l'ENTV, lḥağ -urcfiγ ara isem ines.
amek armi ulac tira γef tfarka(l'Afrique)?
Amek armi ulac tira yef SIDA (neγ le SEX)?
ar taggara...
kecc a djamal agma, terrid iyi d tarwiht.
- Tinin-is...azul a lvachir,
tanemmirt-ik γef wawalen-agi inek,
isteqsiyen-ik s wazal nsen ḥwağen aṭas umeslay, dacu nekk ay d-inniγ kan akka s tewzel akken ttxemimeγ; tira s teqbaylit (s tmaziγt s umata) tura kan i tebda tettmurud, d tidett tugett n wayen i nettaru γef "tmagit*" (tamagit = identité) acek asmahit aγbel-agi urεad ur yefri ara !
dacu ilaq, akken id tenniḍ, a nissin a nettaru γef ayen nniḍen (tazmart, uzzuf*, tatiknulujit*...), ma newḥel deg tagi kan n tmagit, idles nneγ ur yettnarnay ara, ad nezggel aṭas n tlufa !!
tenniḍ-d "wid igan amussu amaziγ zik d izelmaḍen akken llan" (zṛiγ turiḍ "iyeffussen" maca tebγiḍ ad tinniḍ "izelmaḍen", ma γelṭeγ inni-y-id ?)
mačči d aγbel ma llan "iyeffussen", (imaziγen am igduden n ddunit merra ilaq ad sεun myal tiγmi), dacu aγbel m'ar illin kra n medden γursen "tidyulujit*" (ideology) yarnu ad ttmeslayen s yisem n wegdud merra (aya qqaren-as "fascism"), d tidett ass-a llan kra n leqbayel i ybγan akka a neddu "ḥed, tnin" deffir-sen.
ma d "imusnawen"neγ (l'élite) a Lvachir, tugett degsen ssudnen afus n sselṭan (deg tmura n ddunit merra !!), dayfi nekk uγaleγ ur sikkideγ ara γer lewhi nsen, win yebγan tamusni inadi netta s timmad-is, fiḥel tilibizyu, fiḥel ijernanen (mačci akkit !!)
ur ilaq ara d yiwen kan n wemdan neγ d yiwet kan terbaεt ara yettmeslayen (ladγa ma yella s yisem nneγ !), ilaq yal yiwen degneγ ad yerfed awal, ad immeslay nnuba-s.
aṭas n tlufa id bedreḍ a Lvachir, as t-id-nuγal akk, ad nemmeslay akk fell-asent, yarnu ilaq a nettiki akk.
tanemmirt-ik d tameqqrant a Lvachir
alih ar tufat !
G.T :
awalen γef i yella yitri amecṭuḥ (*) d awalen imaynuten (néologismes) urεad kcimen s wudem unṣib tameslayt (d imusnawen n tmeslayt :-) ar aγ d yinnin !!)
Uzzuf: sex (zeṛ Mezdad)
- Tinin-is...Azul fell-awen, asteqsi i d-tegreḍ a Lvacir yella yakk deg iqerra n wid yebγan ad yennerni weswir n tmeslayt-nneγ, imussnawen n tidet qedcen yakan u la qeddcen yal ass iwakken a d-snulfun amaynut ama deg ilugan n tira neγ deg wawalen imaynuten atraren ara niḥwiğ ma nebγa a d-nemmeslay γef tlufa n ddunit, akken ssneγ, deg wayen yerzan isalan, d ineγmasen i d-ilehhun di cγel am wa ! Iwakken ad tili tγamsa laqen yemdanen yeγran neγ yessnen aḥric-agi akk d yedrimen, sakin ma llan ineγmasen yesεan allalen, yesεan adeg i weγmis, ma ur sεin ara imeγriyen, aγmis-nni ad yeddu kra n wagguren dγa ad yemmet, ma ulac wid ara t-id-yettaγen, ansi d-yekka nnger n yeγmisen d tesγunin s tmeslayt-nneγ ? Yekka-d si lqella n tedrimt akk d lqella n imeγriyen ! Ur walaγ deg kra iseggasen i d-iteddun ad yeḍru wayen akk i nessaram nekkni s wid i tt-iḥemmlen teqbaylit-agi-nneγ, axaṭer mačči d yiwen wefrag i γ-iregglen iberdan, anagar internet-agi , imi ur yeḥwağ ara aṭas n tedrimt !
- Tinin-is...azul a meẓyan;
aqli dγa ferḥeγ imi atan aseqsi yagi yella deg iqqera akk n imeγnasen.
taluft n wallalen (ttawilat) agi d taqdimt. werğin id tecfiγ nesεa ttawil.
γas akken llan wid iqedcen γef tmaziγt, wiyyaḍ qedcen s tmaziγt (macci kifkif) d iseggasen.
bγiγ ak d inniγ d akken γas allalen laqen, maca yella wacu nniḍen.
nekk cukkeγ d tideologit (l'idéologie dominante) n wass agi i yerran ameγnas d asedram(detenteur de capital).
amedya: di tallit i deg imucaγ neggren, γriγ aḍris n yiwen umaziγ γef εimarat lḥağ lakhdar(série télévisée n l'ENTV).
ma nger n imucaγ ur k yessargag ara tasak, lfilm n l'ENTV yessargagiṭṭ, ihi mačči d allalen kan i d ssebas! γas ma yella asaru yagi iregmed deg leqbayel.
imazzziγen (leqbayel imaynuten: les Néokabyles) ur ttmeslayen ara γef imucaγ axatar ma meslayen zran taluft tella degs AREVA (entreprise du cac 40).ihi ulayγer!
amezyan a gma, nekk γuri ttif IZLAN agi ineggura n Cheikh Sidi Bemol wala iγmise n itersiyen( journaux partisan, même en tamaziγt).
ssneγ kra n warrac atenan ttarun les bandes dessinées s tmaziγt i warrac; wiyyiḍ xeddmen isaruyen iwezlanen (court metrages) s t maziγt yerna ẓran ur d ttawin ara FRANK.
ihi, wufqay-k ayen id tenniḍ, maca nekk asiremiw meqqer, yerna de toute façons je refuse la fatalité que voudraient nous imposer ces idéologues de la 25 eme heures!
imaziγen n wassa sεan azal am wid n yiḍelli, neγ ugar.
awal agi d newwi, mazal ur yekfi, ilaqas atas umeslay d unadi.
yerna γas tella lemgarda garaneγ, d awal kan.
nniγ-d ayagi deg yiwen wesmel nniḍen ssufγen iyi si tcemlit. inal din rrebi nsen.
ma d kečč a mezian awal ik d azidan, yerna ssarameγ ad yiγzif
Lvachir vouchlaghem
- Tinin-is...Tenniḍ dakken d tideolojit n wass-a i yeğğan imeqqranen-nneγ ad ssusmen γef twaγit ideg llan imucaγ, dagi aql-i yid-k a Lvacir, tikebbaniyin tigraγlanin ufan abrid s tehri akken ad srewtent, yernu a serwatent di yal tiγmert n ddunit, imawlan n tγamsa akk d yilγagduden (medias) ssusmen acku wid i ten-yeṭṭfen sεan assaγen (liens/relations) akk d imeqqranen n tsertit, wigi qqnen allen-nsen zdat wayen iḍerrun, ini εemmden !
- Tinin-is...A Lvacir, kečč l'anarchiste n wecεir. Lemmer d tidet d l'anarchiste yili ur tettagadeḍ ara timanit n tmurt n yeqbayliyen imi d netta ad ihudden ṛebbi n udabu Lezzayer. Asmi a t-thudd sinna a d-neffeγ mgal MAK akk d terbaεt-is. Kečč tebγiḍ kan ad tceyytteḍ i waεṛaben. L'Anarchiste yettqellib akk s wayes ad ihudd adabu ur yettkukru ara. Kečč ṭṭez ṭṭez
- Tinin-is..."A Lvacir, kečč l'anarchiste n wecεir. Lemmer d tidet d l'anarchiste yili ur tettagadeḍ ara timanit n tmurt n yeqbayliyen imi d netta ad ihudden ṛebbi n udabu Lezzayer"
γriγ acḥal d abrid tiririt-agi inek, ur ttfhimeγ!
ahat tzemreḍ ay id sekneḍ: amek armi teqneḍ "timanit" n "tmurt n yeqbayliyen" γer tanarcitt neγ tilellitt.
yella yiwen umussu di ṭelyan qqaren as s tfransist "la ligue du nord". γas yessutur "timanit", ugar, timmunent n tama ufella n ṭelyan, d aεdaw ameqqran n tilleli. ur yezmir ara unarciw ad yettiki degs.
ma yella kečči n "le MAK" semḥiyi ur ilaq ad tfehmeḍ d akken le MAK akw d la ligue du nord yiwen nsen.
uqbel ad qebleγ tikti n le MAK ilaq d netta ara d yesfehmen lmaεna , anamek, n timanit γef yettnadi. "nekkni mačči d aεraben" mačči d ahil (programme).
ahat inarciyen ttekkin di le MAK ma d nekkni s inarciyen n wecεir taswiεt-a mazal.
"Asmi a t-thudd sinna a d-neffeγ mgal MAK akk d terbaεt-is. Kečč tebγiḍ kan ad tceyytteḍ i waεṛaben. L'Anarchiste yettqellib akk s wayes ad ihudd adabu ur yettkukru ara. Kečč ṭṭez ṭṭez "
tikti yagi mačči d tamaynut. di ṭrad nni n tmurt n lezzayer mgal fransa. l FLN di tallit nni yerkkeḍ akk amgarad yellan ger imeγnasen. imi d tussa timmunent kkemlen kan akken deg arkkaḍ nsen ar ass-a.
twalaḍ! d tikti yagi inek id yewwin adabu yagi i tebγid ad thuddeḍ yerna tebγiḍ as tεawdeḍ abrid nniḍen!
aseqsi: yezra ferhat Mhenni d akken imeγnasen n umussu ines ad bernen fellas asmi ara d taweḍ "timanit"? yeqqbel tikti yagi inek? ur tcukked ara d netta ara ad ibarnen fellak a Amidi?
d tidett, inarciyen ttnadin ad hudden adabu. maca kečči tettnadiḍ ad tebnuḍ adabu n l MAK. twalaḍ amek!
"tetcciyited i waεraben", iy id tennid.
ayγer mačči d keč ig ttcciyiten i yeqbayliyen?
yak cyata d cyata. ihi kifkif aγ.
tanmirt u ssarameγ timmanit n tidett i yal amdan!
- Tinin-is...timanit i tmurt iqvailiyen<<llan kra>>ur yeqvil rebbi,ṭavarḍa ar ay ekkes γef imezḍaγis,u asenyer nif n'sen ṭirugza n'sen.
ihhi ,ur neḤwağğ ara ahhil timanit ugal aεum
- Tinin-is...Tiliwa je suis laïc ou I am laïc
kra n-tezrawt s tmaziγt
idéologie = tasnakta :
id y-usan deg sin w-awalen am " tusna" d " tikti " science et idée. Amezwaru awal (issin) d-afeggag (le radical) aẓar ines (SN). s-w-aẓar agi, n-zmer ad an-seqdec tugett n-w-awalen. maca an-ddu aken llan ilugan n tjarumt d tusnilsit (la linguistique)..
Amedya: tawacult n w-awal "issin" sudmen-d (dérivés) deg w-awalen tusna, amusnaw, tamusni, amassan, usnan, usnaw, art...
D w-awal :
idée = tikti :
Id y-usan deg w-azar (kt) s-w-aẓar agi n-zmer ad an-seqdec tugett n-w-awalen. maca an-ddu aken llan ilugan n tjarumt d tusnilsit (la linguistique).
Amedya: tawacult n w-awal " kti " sudmen-d (dérivés) deg w-awalen : kti, m-kti, s-kti, naγ aktay (penser), asmekti, tusnakt (mathématique) art...
Maca s-uflla kan id meslaya-γ d-itezrawt-agi
am-aka, tamaziγt aken n-nnan imusnawen ttutlayt n twawult hamytho-symitique anamek-is: yal askil (lettre) deg ugmmay amaziγ γures anamek-is. Ama di talγa tunnuγt (forme graphique) ama di talγa tanamkit (forme symentique) ama di talγa tiγriwit (forme phonologique).
Amedya : di Tifinaγ
Askil : " r " talγa-s tunnuγt, ttimezzit naγ ttimdewaṛt (sa forme graphique est ronde). Im-ara tten-wali; tturarent w-alen nnaγ fella-s.
deg-mi id-iskan akw ayen " ittembwiwilen naγ izzin naγ idewṛen "
Amedya deg w-awalen : rwi-γ, abruri, adrar, amrar, azrar, urrar art...
Amedya niḍen : di Tifinaγ
Askil : " z " talγa-s tunnuγt,(sa forme graphique) sin ifardisen mlalen s-yiwet n tzeggart( deux éléments lier par une lieson).
Ima ara ten-wali iskane-d " kra izegren γaf kra " naγ (une idée de traverser)
deg-mi it-n-ttaf deg medyaten n w-awalen :
Azger, ezger, azrar, zzit, tizerzert, azniq, tawenza, zzelum, azegḍuf, mezzir, tinzert art...
Akka imusnawen imezwura nnaγ nudan yal aḥric di tmedurt aken adyaf amkan-is di tutlayt. D-igni, d-akal, d-agama(la nature), d-iman (l'âme), d-anza (l'esprit), tafeka (le corps) art...
Nek zemraγ ad-inniγ imezwura nnaγ s-nulfan-d tutlayt iwumi iseman " Tifinaγ " i syin akin tutlayt tuγal ttusna id yufan kulec γar imaziγen.
Ad s-mektiγ kan belli yiwen ugrigi iwumi iqaren euclid, γar imaziγen ig-wi izamulen d wunuγen; aken akyin belli d n-tta id yufan (la géomtrie de l'espace. Netta Yuγ lḥal imaziγen snen tusna-ayagi muqbel igrigiyen.
Tamaziγ tutlayt n tusna
Sγur TILIWA
- Tinin-is...Tiliwa
Tasurift,
Awal " Tiγriwit " = timsislit (phonologie) ou imesli (phonème)
Awal " Timduwaṛt = tubrint (ronde)
| |  |  |  | |
|