Islam Bessaci d  amedyaz yuran isefra akken ten-tegen at zik. Yeğğa iḥulfan-is a d-miren, gan tamda, yerra-yasen targa, s yeččuṛ amud isefra i d-yeffγen ussan-agi yezrin, "Mazal Asirem".  Islam Bessaci, a d-tiniḍ  yefren ass deg a d-ilal, 19 deg yebrir, mači 80, mači 2001, maca 1973. Wid i εerḍen ad skuffren tafsut n 80, γilen zemren a s-rren aγummu i yiṭij, wid yenγan Massinissa Guermaḥ γilen anagar netta i yellan neγ ad yilin. Netta γas ismawen-nsen mači Massinissa maca isem n Massinissa yura γef ayen yunagen lekwaγeḍ n nekkwa-nsen, yura γef iman-nsen(ṛuḥ-nsen), deg ulawen-nsen, lulen-d yis-s, ur ṛğin ara imawlan-nsen a sen-t-fken. Asefru amenzu "Tayemmatt", yura-t asmi γur-s 15 iseggasen. Seg imir-nni tikta ines ffuktint yerna-yasent tazmert n tegzi. Seg wegrud-nni i yella yuγal d amusnaw deg tussna n tmetti. Timetti yessen s iḥulfan-is imir-nni, yessen ilugan-is ass-a s tegzi-s, s wallaγ-is. A wen-iniγ tidet ur γriγ ara amud isefra i yura maca γriγ kra isefra. Yuklal a t-id-yebder yiwen, yuklal a s-yefk tabγest yiwen. Seg waṭas-aya qqareγ-as a d-aruγ kra γef ayen yura, ttṛajuγ a d-yeγli wamud isefra-s gar ifassen-iw, maca ulac, ur iyi-tettunefk ara tegnit. Nekk ttrağuγ, Islam Bessaci ur yerği ara, yenna "d nekk a ten-id-yerren isefra-w deg wesmel." Ccah deg-i, ur uklaleγ ara ula d tanemmirt.

azul fell-awen sumata. Ilmend ubdel n tamendawt lεar tamaynut i tmurt n Lzzayer,yesulef fell-aγ ad-nefk tamuγli nneγ.Tamuγl-iw tweha γer usefru:

Tamendawt lεaṛ

Aqli zgiγ uyseγ
f tmendawt ur nesεi iseγ
Mazal sseγzafen di lekdub

Lεaṛ yulli-n yenna: ur ttruseγ
Tamurt mazal ad tfarseγ
Yemγi usegmi laεyub

Tignawt t-ṣeḥa mi tṣaγ
azekka-nni d adfel yessaγ
Maca ur iεeṭṭel ara idub

Imi d talaba lejdud i ttluseγ
Muḥal ad amseγ
Yibbas a naweḍ lmarγub

Sγur islam bessaci

Asefru i uselway n Lezzayer Butef

AMṢUḌ

Atan icuba aydi
Yettarra iman-is d sidi
Acḥal yewhem deg yiman-is

Ur yettḥebbir ur yettnadi
Ur ifuk ur yebdi
Ceγl-is yezga d unqis

Ayen yelhan ur t-id-yefdi
Qqeḍran γur-s d udi
Tamment rẓaget deg yimi-s

Ula d Rebbi ur t-id-yehdi
Yesseγres akk nfadi
Ulac win yeğğa deg lεeql-is

Lukan yella d aseεdi
Deg ubrid yelhan ad iεeddi
Yerna ad yissin leqedr-is

Ar yiγes tewweḍ tfidi
Tidett ur tt-yettaγ uṣurdi
Yibbas a d-yessers leḥsab-is

Ttmenyif ad qqimeγ weḥd-i
Wala a yi-ksen tabidi
Γurwat win inekren laṣel-is

Sγur islam bessaci

******************************

Tanemmirt a yislam γef isefra yagi. Asefru iferru.

Azul,
Ihi, ulac deg-neγ anwi ur neḥwağ asebγes! Tudert i Islam, tudert i tmaziγt. Afud anezmar i umedyaz-agi-nneγ.
Tenemmirt
Awetniri

Anwa i t-yerran d awkil
Ubeṛṛiḍ agi ugertil
Ur nettirid ur nettγaṛ

Am ukured i-wezzil
Yerra iman-is d lfil
Netta si zik d aγeddaṛ

D nekwni ur nezdi aḥlil
Is yesγuzfen iγil
Di tmurt yeḍṛa leqhaṛ

Tuγal am ayla n sbil
Ččan-t snejlan utwil
Nesbek di ddula lεeskaṛ

azul fell-awen
tuklaleḍ asnemmer a gma-tneγ Islam Bessaci, asefru-yagi-inek γef tmendawt d isali deg wayen tettḥulfuḍ, akken qqaren ala imedyazen i yettḥulfun i wayen yeḍran d wayen ara yeḍrun, iwulem-aγ kan ad yili win ara γ-iḥudden ma yella d ayen n ddir ara yeḍrun,
ssarameγ-ak tabγest d yiseγ lkem deg wayen tettgeḍ a gma-tneγ

muḥend

Tiweḍ-d tfanṭazit γur-neγ nenna-yas εeddi a texxuceḍ!
Ẓriγ mačči d kečč i igan isem i yiman-ik mi d-tluleḍ, maca d amyaru i telliḍ a gma tzemreḍ a tferneḍ isem umeskar i yess a tefreḍ tawaγit i γ-yeğğan deg tegnitt am ta...

Ttmenyif ad qqimeγ weḥd-i
Wala a yi-ksen tabidi
Γurwat win inekren laṣel-is

Tanemmirt ay Izem Bessaci. Ifyiren-agi smektayen-d win akken n Matub:
ddwa-s ad ncerreg tamurt ad nebrez tura

Ddaw webrid nnig webrid, leqrar-is d abrid. Dacu-t dacu-t. D Timanit, d timunent, d ṭṭef γur-k ad ṭṭfeγ γur-i.

Qaṛen at zik:awal n bab n wawal.Sarameγ-ak afud igarzen a Islam BESSACI, tamedyaz-ik zedigg-et, lqayet, wesiε-t. Ihi i tikelt niḍen sarameγ-ak amecwaṛ yelhan deg webrid agi ntira,imi keč daḥeddad n wawal, damyaru d-amedyaz.akyesdum Rebbi imawlan-ik, iwid d-tid k-ihemlen, akyesdum Rebbi itmaziγt
Sγur yidir si kanada

Tanemmirt tameqrant a yamedyaz γef isefra ayi imelḥanen nezzah, tanemmirt γef ayen akw i turiḍ dwayen ar-ataruḍ sya dafella i usegmi n tutlayt nneγ.

Anda it-teduḍ ay-aḍaṛ?-Γer waẓaṛ! Aḍaṛ iteddun γef tidett yesawwaḍ. Aka icaren imezwura. saramaγ-ak ad-tawḍeḍ γer lebγi-k agmma Islam BESSACI.Acku tamaziγt tuḥwağ irgazen iyettnaγen s ticcart, stira, am-keč a islam Bessaci, ticcart-ik qeṭṭiε-t,tesakkay wid iγeflen. ihi nesaram amaynut deg-k a yamyaru amaynut netmaziγt. Ncallah ad-tawḍeḍ γer tqacuct, isem-ik ad icareg igenwan d lebḥuṛ, adinadi mara timura ndunit, ad-tiliḍ dağgu alemas ger tgeğda yeṭṭfen tamaziγt.
afud igarzen.

tasekurt yelli-s n tmurt

ḥAzul fellak a Mass islam Bessaci.Aken yeqaṛ yenzi "siwa idurar un-temlil ara". nekk d Rabaḥ n tezmalt, maca tura aqli di Ṭelyan(italy) tamdint n milan,dagi i tidir-aγ.Acḥal d abrid i qimm-aγ weḥdi txemim-aγ fellak. Tmektay-aγ-d ayen nesεedda akeni di tsedawit n buzariεa di Lzzayer tamalaγt. Tmektay-aγ-d ayen nesεedda deg la cité n ḥydra. Acḥal nεawez uḍan lwaḥid nḥeku γef yal aḥric xaṛsum aḥric n tsekla taqbaylit.Acḥal iḥemlaγ aneslaγ itmedyazt-ik, xaṛsum isefra n si muḥ umḥend.
Aken kan ideliγ asmel n tsekla imyura, t baniyid teṣwira-k, dγa yewet wul-iw, yuγali-yi-d ṛṛuḥ.
Ihi akiniγ a yaḥbib lebda abrid idewiḍ dwin yesufuγen ar wayen yelhan, yerna yessawaḍ. tanmirt-ik γef wayen id-fkiḍ itamiγt u mazal ad-fkeḍ.
Artufat afud igarzen.Tanmirt
Rabaḥ si ṭelyan

Azul fell-awen !

Tanemmirt a Bessaci γef tmedyezt-ik ilhan ibbaḥen ! kemmel kan. Isefra-k, εeğben-iyi i sin ladγa amezwaru ; deg tseddart-is tis kraḍt :
"Tignawt tṣeḥḥa mi ṭṭseγ
Azekka-nni d adfel yessaγ
Maca ur iεeṭṭel ara idub"

D tidet ilha usfillet d usirem
Maca di tmurt-nneγ neğğren iswi
Teγzi-ines d teγzi n yifeḍ (l'infini)
Awwaḍ-ines d awezγi.
Adfel n Rebbi iγelli-d ifessi
Ma d ssem-nsen ittnerni
Ddwa-s ad tcerreg tmurt gar wačrab d Uqbayli
Neγ ad tt-nseggex wakali
Yiwen i Rebbi ur d-ittγimi.

Akka i tt-id-inna Lwennas :
"Leqbayel d Waεraben ur llin d atmaten"
Neqqar daγen :
"D acu i k-igan d gma, a mmi-s n takna n yemma ! ?"
Amek akka a εağaba ad iyi-izdi ssqef d mmi-s mm uγennas iyi-ikkaten ya ass, rnu ad neqqar lḥemdu Llah labas !
Ccah ! s yinnan kkseγ urfan.

bu ugernin

" Ay annect tcebḥeḍ a taγzalt"!
I d-as-nnan i teγyult wid ur nessen.
Turew-d tyaziṭ tamellalt,
ldin medden imawen-nsen.

Fkan i war anamek anamek, ihi tura wissen amek,
ttifxir kan ad terwi.
Ahat arway d asellek, γas tiṭ s tindaw tehlek,
aγebbar ad as-t-nezwi?
-------------------------------------------------

Yella usefru llan lehdur
neγ ldi imi-k kan d asefru?
Ay amdan γas ul-ik yeččur,
arğu ttxil-k ad tt-nefru!

Fren acemma gar temsal, gar uberkan d umellal,
glu-yaγ-d s kra umaynut!
Ma yella tγileḍ-aγ d lmal, ssuget, ffeẓ deg wawal,
aql-aγ ad nuγal nemmut...