winna

Azul

A lwexda iṣaren !
Iqqel uqelmun s iḍarren !
D acuuu-tt ? d acu-tt ?

Texxerweḍ, tebberweḍ
Deg-s ireggi itenneḍ
Imejjugen-is di tmaneγt
Iḍarren-ines di Nwaqcut
Abeḥlus-is deg umalu
Ara ittḥelli irennu
Si Lkanari γer Tniri
Icennu s qessam-nwen :
"Ar kra da aaakk inu"

D ddustur neγ d tamendawt ?
Neγ d mmi-s n tinnat ?
Anta i d tifrat ?

Tanemmirt-ik a winna(t) !

bu ugernin

azul
mačči kan ad nettsusum yal m'ara d-sseγlin tixesarin am tigi fell-aγ, tanemmirt-ik a Winna. Tura dayen yal wa ad yeccnu s tutlayt-is, aεrab s taεrabt-is, aqbayli s teqbaylit-is. D wagi i d awal n Lwennas Maεtub

ulayγer nerğa asirem ad nsenned γef ssber
amsedrar ur iḥekkem γas yeγra yeẓwer
afus n lbaṭel ittwaleqem, lγella-s d ccer
i laṣel ssamsen, udem yeγma yejjunjer
jeggren s ddin d taεrabt tamurt n Ledzayer
d uγuru, d uγuru, d uγuru

d ungif ibubben tawwurt akken i wen-teḍra
ma tγilem ad ḍelqen i tsarut tessεam nniya
win iεerḍen tacriḥt tsekkurt ur iqenneε ara
ddwa-s ad ncerreg tamurt ad nebrez tura
ammer ass-en ay atma ad tnaqqel Ledzayer
seg uγuru, seg uγuru, seg uγuru

mačči d yiwen i d-iẓedmen yessenta tuccar
ay amcum seg-neγ yeffγen yeğğa-d tisigar
di Ledzayer tagmat tuḍen, tenṭer ur tettnekkar
ssus iṛebba acciwen ad yesni idurar
iεeṭṭel a d-yejbu liser ara tt-ifersen
seg uγuru, seg uγuru, seg uγuru

γas yeqqed-aγ laẓ d facal γef ssber ur nettsennid
sskud mazal tarwa n leḥlal ur s-nkennu i lqid
akken yebγa izelez uzaylal ur nxellef abrid
i yemmaren a tiḥemmal ur nnfiḍent lğid
s laṣel d ṣṣfa n lεeqqal s ara nezwi Ledzayer
seg uγuru, seg uγuru, seg uγuru


ssureft-iyi deg tira n teγri-yagi n Lwennas
muḥend


atan a d-ssegriγ s wawal-ik a Bu gernin
si Lkanari ar tniri
icennu s qessam-nwen
ar kra da aaakk inu

riγ a d-iniγ, ssureft-iyi (ma ccḍeγ) deg tira-yagi n teγri n Lwennas

A Winna a "ssalupri"
Jjmiε liman ur d asent-tεawdeḍ, aql-ik-id "limuji" seg wesmel!
Anemhal n wesmel

Azul fellawen(kent), azul a Muḥend, ur zriγ ara ma d kecc i d muḥend s email agi : tamuccent_igawawen@hotmail.com, nekk d Jestem d www.kabyle.com tinid-d ak daruγ iwaken ayid imled amek ara aruγ tutlayt-iw aken iwulem.

azul a Jestem-tafat, tikkwal ttaruγ-n daγen ar kabyle.com, maca mačči d nekk i d muḥend n tamucent-igawawen, ma dayen yeεnan almad n teqbaylit, yella uselmad-nneγ n wesmel, wagi isem-is Ṭaglal, nekkni akk aql-aγ d netta i γ-isselmaden di tira, ẓer kan γer tewwurt n tama tazelmaṭ yellan deg wesmel-agi, ad taffeḍ timsirin-is, yettak-d iwelihen n tira ilmend isseqsiyen yellan,
muḥend

Azul fell-awen !

Tanemmirt-ik a Dda Muḥend, tefkiḍ leεtab i yiman-ik turiḍ-aγ-d asefru n Lwennas abaḥan ilan azal meqqren. Γur-sen, d lemgillat ad ttkellixen yis-s i yimerhaf (les faibles) n wallaγ niyyat iγeflen, netta iqqar-aγ-d d aγurru ; ula d inelmaden deg ubraḥ n usenğaq, ttafen-tt d tagnit i umeεεek d umesxer... i ittuγaḍen d tezweγ-nni izzamalen idammen n umeγras iṭṭfen talemmast gar gemmu d tezdeg n tkerkas.

Deg uγurru n Lwennas ha-t-ah wakken gziγ :
Ma neqqim kan nṣebber nesmidig (croiser) iγallen-nneγ, nettraju ad tbeddel fell-aγ ; ala nnger n tutlayt d laṣel i γ-ittrajun, acku netta _ adabu _ ur ittbeddil, ur ittserriḥ i wid issnen asefrek ad ḥekmen. Γef waya d waya d wayen niḍen, tḥettem fell-aγ ad nezdi, nekkes gar-aγ nnḥas tismin i yaγ-izedγen, nemyeεqal d atmaten ; beṭṭu-yid-sen yuwren (obligatoire) imi d awezγi ad as-serrḥen am umcic ur nberru i tqeṭṭiḍt
S waya ad nezwi tamurt seg takka d uγurru i tt-idlen.

Awwah ! win isεan kra n usegzi niḍen ad aγ-t-id-yini, s waya ara s-nerr tajmilt i Lwennas yuklalen tamella.

bu ugernin

Azul fell-awen !

Tanemmirt-ik a Dda Muḥend, tefkiḍ leεtab i yiman-ik turiḍ-aγ-d asefru n Lwennas abaḥan ilan azal meqqren. Γur-sen, d lemgillat ad ttkellixen yis-s i yimerhaf (les faibles) n wallaγ niyyat iγeflen, netta iqqar-aγ-d d aγurru ; ula d inelmaden deg ubraḥ n usenğaq, ttafen-tt d tagnit i umeεεek d umesxer... i ittuγaḍen d tezweγ-nni izzamalen idammen n umeγras iṭṭfen talemmast gar gemmu d tezdeg n tkerkas.

Deg uγurru n Lwennas ha-t-ah wakken gziγ :
Ma neqqim kan nṣebber nesmidig (croiser) iγallen-nneγ, nettraju ad tbeddel fell-aγ ; ala nnger n tutlayt d laṣel i γ-ittrajun, acku netta _ adabu _ ur ittbeddil, ur ittserriḥ i wid issnen asefrek ad ḥekmen. Γef waya d waya d wayen niḍen, tḥettem fell-aγ ad nezdi, nekkes gar-aγ nnḥas tismin i yaγ-izedγen, nemyeεqal d atmaten ; beṭṭu-yid-sen yuwren (obligatoire) imi d awezγi ad as-serrḥen am umcic ur nberru i tqeṭṭiḍt
S waya ad nezwi tamurt seg takka d uγurru i tt-idlen.

Awwah ! win isεan kra n usegzi niḍen γef tezlit-is aγurru, ad aγ-t-id-yini, s waya ara s-nerr tajmilt i Lwennas yuklalen tamella.

bu ugernin

azul fell-awen
tanemmir-ik a Bu gernin, iwulem-as i wawal n teγri am ta n Lwennas, a s-nernu tira, iwakken ur ntettu yara ayen yeḍran yid-neγ, akken d-teniḍ mazal ttkelixen γef imerhaf n wallaγ, s usenğaq d teγri-nsen iwakken a γ-kksen azref-nneγ, tutlayt, d wayen nniḍen, ttγiḍen imeγras i iruḥen d asfel γef tmurt, mi ara d-walin, ayen i d-kksen ger ifasen n Faffa, yuγal ar ger ifasen n at Wejda

ad ak-ssnemmreγ a Bu gernin kečč daγen aql-ak tesselmadeḍ-aγ, awalen-agi i γ-id-ttakkeḍ, a γ-nefεen aṭas deg tira-nneγ,

muḥend

Azul fell-awen a tagmat, a tarwa uamziγ εzizen, γlayen. Aql-i deg yiwet tumert ur nesεi tamtilt! neγ amek ara s-tsemmiḍ i tedyant-a ideg ara twaliḍ taqcict yetrtfeğğiğen am waggur, ugar d tafat i yejjem yeẓri?! Tafat-agi acḥal aya segmi s-greγ tamawt, tura-d yakan s yisem n Tmaziγt, tura-d daγqen s yisem n Tafat si Junav, tura daγen deg yesmilen-nniḍen. Amarzeg-nneγ, amaseεd-nneγ nekkni s wigi n imyura imi d-trezzu fell-aneγ Tafat, ssarameγ dγa a d-terzu fell-aγ xerṣum tikkelt i wass. Tegra-d deg wayen d-tessutreḍ " amek ara taruḍ", qqaren " Tin γlayen tessutur ayen irexṣen", mačči kan d tira neγ d ayen fessusen, allen-iw a m-tent-in-fkeγ! War anezgum, d war aγbel a Tafat , a jutam, ayen triḍ a t-id-tafeḍ da: ilugan n tira... kemm steqsi-d kan, nekk aql-i da h24; ma twalaḍ daγen yessefk ad nettemyaru ini-d kan, a d-sserseγ dagi tansa-w.
Tanemmirt-inem a Tafat.
Tanemmirt-nwen akk ay atmaten.
Azul n tegmat d tayri, leqder d tmaziγt.
Tudert i tmaziγt akk d imaziγen, tudert i Tmazγa d warraw-is. Am wass-a a γ-d-uγalen izerfan-nneγ.
Ğğiγ-ken di talwit ay atmaten.
Mmi-s n Wemsed



Jestem

I Tfat
Azul a Tafat n tafat-nneγ. Ssuref-iyi ma ulac aγilif imi γelḍeγ deg tira n yisem-im, ideg yessefk ad aruγ " Tafat n Jestem" uriγ-n "Tafat n Jutam"! Maca, d ul i yezwaren afus γer tira, wama ur nnumeγ ara zegleγ akka ismawen! Ssarameγ aya ur kem-yesserfi ara. Tanemmirt a Tafat. Acḥal yecbeḥ yisem-agi n "Tfat" a Tfat!
Yiwen ulugen kan n tira:
Yessefk ad taruḍ akka : "ḥemmleγ-k", mačč : hemmleγk! Nekk s tagi i bdiγ asmi lemmdeγ: "ḤEMMLEΓ-KEM".
Tanemmirt-inek a gma-tneγ Winna ameεzuz ilmend n weḍris-agi acebḥan , ur ttagad ad yeffeγ leεtab ar tafat . Tebra ar k-ḥemmleγ a gma-tneγ Winna, acku kečč d udem n lxir.
Qqimet di lehna ay atmaten.
Aql-i ttrajuγ deg yizen-inem a Tafat n tafat-nneγ.

Mmi-s n Wemsed


Tafat , a jutam

Azul i tikkelt-nniḍen a Tafat, a s-tiniḍ irad-iyi akken ur kem-ttfaraqeγ akk seg wass amenzu! Aql-i uγaleγ-d tikkelt-a akken a m-n-iniγ : awal-nni d-yeddan di tinin-nni-inu tis-snat, seddaw yisem-iw " tafat jutam" wissen amek n-yedda, s yixef-im εzizen fell-i ma ẓriγ amek n-yedda, almi t-id-ufiγ kan deg weḍris. Ahat ula d lmektub s wayes ur ttamneγ ( ma terra tmara γef dra-m ad amneγ s yes-s) i yeggullen akken a n-yeddu!
A Tafat n ddunit-iw, wali win teğğiḍ yuḍen".

Awal am wa ur yessefk a d-yas yezdi: "Ḥemmleγ-kem γas kemm cennef"! "Ḥemmleγkγaskeččcennef", maca γas turiḍ-t akken i m-yehwa yettwafham γur-i.
Ur ttεeṭṭil ara fell-i s tririt, aql-i di lkanun.
Tnemmirt a Tafat, ar azekka.
A k-yall yakuc deg umahil-inek yufraren a gma-tneγ Winna. Yella kra i teḥwajeḍ ad ak-d-gluγ s yes-s? Γas ini-d ur ttsetḥi ara , aql-aγ d atmaten akk: ddexxan, ccemma, tibyirin, idrimen...

Mmi-s n Wemsed

Azul daγen
Tikkelt-a riγ kan a kem-id-stwillheγ γef waya: Ahat tegreḍ tamawt imi ur am-d-nniγ ula d yiwet tikkelt a "WELTMA"! acku ulamek ara m-d-iniγ akka, imi mačči d tayri n tegmat i kem-ḥemmleγ, ahat tegziḍ tura.
Tanemmirt i tikkelt-nniḍen.
Ssuref-iyi a gma-tneγ Winna, imi k-rẓiγ.
Mmi-s n Wemsed

azul fell-awen ,
riγ a s-d-aruγ srid i mmis n wemsed , a s-d-inniγ ad yanef i teqcicin n medden , a tent-yeğğ deg imeḍqan-nsent d tizedyanin,wi ibγan ad yini i tayeḍ ḥemleγ-kem a t-yinni i nana-s kan, wama tafat ur tecliε deg-k. aqlaγ nettaru-d d ttawacult ihi xḍu-k i tmussa ma yehda-k uxellaq, tura-d i muḥend imi tessen-it ,d mmis n tadart-nneγ, yeḍḥa-d d akken mančči d muḥend nni i wmi tra a s-taru , ihi wwet awal γer lqaε a mmis n wemsed lethi kan d wayen i k-yeεnan, labeεda ur yi-d-qqar ara cqecmiεeγ kan , imi cqecmaε kan d tin tesneḍ ,wama tafat texda-k ur d hbi taxamt-ik ihi aru ayen zeddigen ayen yellan d abaγur ad nefεen degs wat wesmel , surefet-iyi ma cḍeγ.

Llan kra mači d tineslesmt kan i sen ilaqen umaεna d Hitler Stalin waḥi d tneslemt s ufella. D wiyi ittuγalen d inselmen iqessḥanen. Bla tineslemt ttuγalen d ibekkan. Ineslem ma yeffeγ i webrid n ttneslemt iteqqel d abelεeṛṛiw d ccmata ur ittqaḍar ḥedd wala kra. Asma d-ifiq imerrg-itt ad inwu laxaṭer ur ittbiε ara ayen i d inna rebbi d nbi. netta bla nbi ayi nwen tzemred ad tiliḍ d azeddgan a bunadem.

Azul

Tanemmirt-ik a Dda Muḥend ! ayen ilaqen ad t-nexdem bla lemziyya ! aql-aγ nqeddec i Tmaziγt, ulac win tesεa ma teğğa-tt tarwa-s. Ulac win issnen kullec, ulac win ur nessin kullec, teḍḥa-d am ddabex ad t-nettemḍeggar.

bu ugernin

azul
d tidet a Bu gernin, tamaziγt am tyemmat ma ur tt-ḥemmel ara nekkni s warraw-is, mačči d wid iran a tt-ssnegren, ara tt-iḥemmlen, εadi agaεmir-nni yeggulen deg-s ur tettuγal d tunsibt alama yemmut neγ yeṭṭaxer, maca atan feṣṣelen-as tamendawt ad yeqqim, εni ur yuggad ara imaziγen!

muḥend

Azul fell-akwent/awen

Xuḍi nniγ zri-d γur-i γer ubiru-inu, neγ ur tegziḍ ara taqbaylit ?! Wa nnnnnniiiiγ-aaaak « aql-ik limuji seg wesmel » ! Amek, acimi ? – A tebγiḍ ɛni a d-asen γer dagi γur-neγ a γ-bbumbardin ! Ad treggmeḍ deg izamulen n tmurt a d-treggleḍ ad tteffreḍ dagi, d lɛli ssuq! Yerna kečč tettxemmimeḍ ala γef yiman-ik, a ssalupri. Awi-d γer dagi « taqelqultatris » (« tamacint n leḥsab ») acku ẓriγ-k ur tessineḍ ara lu kabil). Bun rregmat deg uqerqur (keskiz mwa) aqerruy n tmurt= 10 iseggasen n lḥebs. + turiḍ-tt-id s lu kabil, γur-k fell-as 5 iseggasen. Tettiḍ (tqelbeḍ “takerḍa n jjugrafik” γur-k fell-as 10 iseggasen. Tsedda-d aserγit n “Aγurru” γur-k fell-as 10. Ugar γef yal win ara d-iregmen da γur-k 10 iseggasen i yal d aqerruy, 10 yemdanen γef 10 iseggasen i yal yiwen seg-sen= 100 iseggasen. Aγrud amatu (ṭṭuṭal): “parpat” mačči d taparpant, anamek-is s teγzi n tudert-inek a lbiṭ. Γur-k bjiksu?! Ihi a s-nessali leḥsab-is s tmacint 10+10+5+10X10=125 iseggasen+5 sγur-i nekkini acḥal akken tura a lbiṭ?! Ini-as tura i deγwa d ẓum Junav, neγ Lahay a k-d-sellken a ssalupγi! Ttekleḍ γef AMNISTI nter-nacyunal, d himan wačč! Ha!...Ha!... Ha!...
ANEMHAL

Kumiti d sutyan
Timidamin nekkenti yellan seddaw wecmel-agikana, a d-nbeggen tisutyanin-nneγ ɛinani mačči s tufra, u duvan (zdat) pinyu nter-nacyunal. γef wayagikana, la nessutur:
Libiγasyu ankundi-cyunal du nuṭeγ cciγi-tenteγ “Winna”. Wirirririyyyyyy!
Madam Nuγmun Yiγ nittat, Ǧuǧu, Tapaliṭ, Wa lalla yemma wah wah.

Kunṭer pitisyu:
La nessutur seg lqiyyada lɛulya li lbilad an te’xuda ijraat ṣṣarima ḍedd rrejɛiyya, ddaxilaiyya-xarijiyya, wa teḍribu bi yeddin min ḥadid kullu lladi tusewwilu lahu nefsuhu lmasas bi lmuqeddasati lbilad.
Tteḥyiyya axawiyya, ccukran.
Kkesplik lwi birbir: Ad awen-qqaren : La nessutur seg iqewwaden-agi imeqqranen n tmurt akken a d-fken tijeḥniḍin (keskiz mwa “tijerniḍin”) s wayes ara d-naγ ṣṣrimat i yimawen, daγen ad wwten s ufus akk d wuzzal kra n win ad yeknu ssyagi alamma d Lquds lmeqdes.
S uteḥḥi n lexwan s wayes ara teččarem icekkarn.
Lu grun rrivulisyunir, lu grun pewwiṭ, Amcum-nni, dda Qiqi, Ẓiguṭ, Amucar, Lmuluduvič, Bu teγyult, Ssi Lwi, Sipa Lwi….

Jjmiɛ liman a lemmer ur d as-teṭṭixxirem ara i xuya-tneγ Winna, ar d a d-yeḥmel wasif uberriḍ dagi! Jjimiɛ liman fi jjmiɛ liman ar geγ deg-wen ayen giγ deg Inuγmunen!
Aql-i yid-k a Winna a xuya.
Lu grundus rrivulṣyunarus

Azul fell-awen
(Diklarasyu nimiru-1 )
I wacu akka, d acu i k-giγ εni a gma-tneγ Qasi?! I wacu akka i triḍ i yi-tesderγleḍ, a yi-tekkseḍ tafat?! Yak ur d-nniγ lεib, ur messlayeγ s trumi! I teǧǧeḍ-tt kan nettat a yi-tergem, a yi-d-teččar udem-iw d tisusaf neγ εni tγulleḍ-iyi ula s waya?!
Γur-i dagi kra n yesteqsiyen a gma-inu-gma, γas err-iyi-d fell-asen:
- Ha mazal deg-wen tiyersi-nni-nwen n zik “At la grund” ur tettaken ara yessi-tsen i Leqbayel-nniḍen, acku ala kunwi i d li kabil (acku tessnem ad temmeslayem lu kabil “llers (lɛers), azitun,nnhar akuskus, ambbwa wa…!) !!!!!!!!!
- Ha tayri γer γur-wen d ihwah, yerna d irgazen ara yemmeslayen deg wadeg n tmeṭṭut acku tameṭṭut γer γur-wen d azgen n wemdan, ur tezmir ad teṭṭef “disizyu” iman-is nettat ( kunwi tessnem dimukratik, galiti, libirṭi d fam!)!!!!!
- Ha kečč tettasmeḍ, tettagiḍ wid iḥemmlen, acku keččini “ttigrist”!!!!
- D acu n lγib i d-nniγ?! Awal n leḥmala d lɛib γer γur-wen?! Yella kra n yir awal i s-d-nniγ i teqcict-a?!
- Tenniḍ-d “aql-aγ da d tawacult” n wacu tawacult-a?! D tawacult n “Kamura”?! D tawacult n yemrabḍen?!... Wa nniγ-aaaaaak: “Lmural-izem”-agi-nwen d netta i γ-yeǧǧan seddaw uḍar d uzaglu n temhersa (listiɛmar): Aɛrab-ineslem, Arumi-amasiḥ…
Lḥaṣul ulayγer tifuḥent uqemmuḥ, aql-i qudreγ-k imi gma-tneγ Winna ameεzuz atan deg umihi, yebγa a t-yesṭixxer diriktur-ines; ilaq-iyi ad beddeγ yid-s di tegnit-agi n ṭṭiq. Ma tebγiḍ a yi-tezluḍ γas zlu-yi, ma tebγiḍ a yi-tenγeḍ γas neγ-iyi, la ilah, la Ḥmiduc rrasul llah, ad mmteγ d argaz bla cchada n ẓẓur! Qebleγ ad mmteγ γef ddra n Tafat, ad fkeγ tarwiḥt-iw d asfel γef ddra n tayri; ad as-qqaren medden: “ Fis du pyar byan ṭayi, sitan grun martir du lamur”. Seplik lwi: Ad ak-yeqqar: A s-qqaren “Mmi-s n Wemsed d ameγras ameqqran i yefkan iman-is d asfel i tayri”.
Tamawt: Yemma seg “Σazifun” ( aẓeffun) sγur-wen ma tebγiḍ a tt-taγeḍ jjmanfu, attan d taǧǧalt a xuya-tneγ Qasi u Qesqus, a taqerruyt ufeqqus.
A yi-yekkes bun dyu ar nekkini d “ajanṭi” ( d uḥdiq), ma ur yi-tumineḍ ara steqsi xuya-tneγ Σemmur Rkis, aql-aγ akken i nettili akken di “Kap Kanaviral” Marikan ufella.
“Nekk yellan a medden d ukyis
Semman-iyi Mmi-s n Wemsed
Tura mi qqleγ d rrxis
Menwala deg-i yekkat-d”
Mmi-s n Wemsed

(Diklarasyu nimiru-2)

Azul fell-am a Tafat
Aluγ!.. Mi ara yi-d-yali “ṣṣuṣ ṭumaṭ γer uqerru („y“ a tt-kkseγ imi kemmini si Tizi-Wezzu, ula d nekk ad rrundiγ ad qqleγ seg At Σli Userdun, paγdun seg At Σli Uḥerzun) ttuγaleγ ttmeslayeγ tarumit, acku yesnarvi-yi-d mmi-s-agi n taddart-im. Qebleγ a yi-d-tlaεiḍ kemmini, γas a yi-d-tiniḍ „mmird“, ulac fell-as! Nekk xḍiγ i sseṭṭac sbeεṭac, ulac γer γur-i tikellax, kkateγ ddirriket s udem. Aluγ! Tεejbeḍ-iyi imi d tamaziγt i telliḍ (ssneγ-kem γur-m 17 iseggasen di leεmer-im, tzedγeḍ di “Luẓan” mačči d Junav akken i smeεriqeγ tikkelt-nni), bγiγ a kem-sslemdeγ taqbaylit, ma tqebleḍ ini-d, ma tugiḍ ini-yi-d!
Cwiṭ si CV-inu

Num/Pγinum (azarisem d yisem): Mmi-s n Wemsed (dit ssalupri).
Naṣyunalit: Ṣit-wayan di mund.
Luleγ-d: 12 janevyi 950 qbel sidi-tsen Σisa.
Lyu d niṣṣans (adeg n tlalit): Tura isem-is „lanjiri“ qbel 1930 ṣa nigzizt pa yisem-agi, akka t-id-yenna Ferḥat Imaziγen Imula i wid d-yeqqaren „ Lanjiri, lanjiri“.
Tansa : agudi (kunwi s la grund teqqarem „agudu“) n Lḥasi.Nimiru nigzizt pa. Tilifun ugadeγ sikiriti militir a yi-yeṭṭfen.
Tansa i tira (kuri-spandas): Le ṣiṭ kriviṭ (imyura.niṭ) gẓaktemma: dagi seddaw umagrad-agi n gma-tneγ ameεzuz WINNA a t-id yemmekti Jjiyuva s lxir („a ti sewwi“ gma-tneγ Winna)!
Prufisyu (tawuri): Xeddmeγ lpulitik (tasertit), tamaziγt lung ufisyal di nurd afrika-rijya.
Kaliti (taγara) : Ssiryu.
Sitiyasyu familyal: ambur (g leεmer i ddiγ d isli).
Rilijya (asγan ) : “Ati“ (tikkwal ttamneγ s cciṭan)
Muvi ssufunnir: War isem murdi paγ an ssarpa (yeqqes-it wezrem di Frankfurt Jermani)
Bun ssufunnir: Llan sin: asmi d-uγalen wudayen γer lquds, d wasmi texla lbursa-nni n wayt setrid-nni neγ isem-is akken (steqsi gerninuc at Wewdiε i iweddεen izgaren-is dinna, d netta i tt-yessnen)
KṢIṬIRA….
Rripans (tiririt) bligaṭwar:
Fren ger snat-agi:
Tεejbeḍ-iy a Mmi-s n Wemsed/ Ur yi-teεjibeḍ ara.
ḥemmleγ-k/ kerheγ-k
Azul/adyu
Mmi-c n Wemceḍ

I YIR NETTAT yeγli lmizan,
yerreẓ i Tnuγmunt lfuci.
Eğğ Wehran d Yiγil Izan,
d TAFAT i k-yuran kečči!
Ur tzedγem di Lausanne,
γas meqqer UCHÂTEAU D'OUCHY.
Gulleγ di zizi Lḥusin bu yiẓẓan,
seksu-nwen ur t-yečči.

Ad as-d-zgem i Lausanne seg ugemmaḍ,
ur tettağğam Le Canton de Vaud.
Mi tessakdem s azelmaḍ,
a k-n-id-yemmager Montreux.
Γas adrar n Vevey d asemmaḍ,
ad tzedγem Achâteau de Chillon.
Tayri lebγi-s ad taweḍ,
Lḥusin Iqubab ad yettru.

Lḥusin Iqubab yusem,
d netta i d Qasi, anef ad yettru!
Iḍegger-d timedlin WAR ISEM,
Ata yezger-aγ-d asefru.
Ur yezmir ara ad yessusem,
ur yezmir ara ad yaṛğu.
Ur telliḍ d lbiṭ a lhemm,
ttu taqsiṭ n Ğuğu!

Ma tγileḍ d le coup d'état ax wali-t
webrid bu tafat uzal:
Yak ur tessin ara taqbaylit,
εni ceṭḥeγ i uderγal?
Awer d aγ-tγur ddunit,
awer d aγ-iṣubb wazal!
Ihi tura axṣim wali-t,
kker, ẓwer, wwet uzzal!!!

azul fell-awen
amek akka i tεeqleḍ ay Alaxert d-yeẓẓlen afus-is, d Kaci i d Lḥusin iqubab? ma d Dda Lḥusin, i d Kaci-nni i yettḥuddun taqbaylit deg wesmel n Kabyle.com, am akken i d-yeqqar Dda Lḥusin yal tikkelt ur yettağğa-yara adeg-is deg wesmel-agi, ihi ad namen s wawal-is ad yeddukel d wid iran ad ssnernin tutlayt tmaziγt, aql-aγ nettraju tuγalin-is a ma s yisem n Lḥusin neγ Kaci

muḥend

Ya ( akka i k-yeqqar ) Muḥend,
anwa i yeqqaren " mančči " deg wadeg n mačči?

LUZA<Azul
Alamma rgagint tgecrar-iw seg ulaxert-agi!..Wa lalla yemma wah waha, seg tayri γer laxert! A War isem yemmuten amzun yedder! Tebra ar ẓriγ anwa i d Qasi-nni, maca rriγ iman-iw d lbiṭ, win yettwatellγen kemmel-as, ssu-yas-d a tt-yewwet d xuxxuc. ḤṣIγ kraḍ yemdanen dagi i d-yeqqaren "manči" εeqleγ-ten i kraḍ. Jjmiε liman lemmer mačči stmara i ṭṭfeγ Ẓikuṭ yili ad yeg deg-s kra! Ladγa tessneḍ-iyi i yidra n tegmat ma terra tmara ad nuγal d lqaεa, ulac fell-as. Tegra-d deg wayen i yi-yessewhamen nezzeh nezzeh d aya: Win kan yekkren a d-yini: arut-d ayen ideg tella lfayda, abaγur, nnfeε, tussna!.. D acu-t tura uqenniḍ-ayi?!! Win kan yekkren ad yamer wiyaḍ "get aya d wa"!. Anwi isen-yeṭṭfen ifassen-nsen akken ur ttarun ara ayen ran?! Ma sebken wallaγen-nsen, neγ ur zmiren ara i ba mačči d lafuṭ-iw nekkini!
Qebleγ yiwen a yi-d-iger aḍad wala ma yemmeslay-yi-d γef leεwayed (ansayen)-nni ...
"A wid izerεen tugdi
Γer γur-i ruḥet ad tẓemmrem
S nnif-nwen yettiqqin
Dlḥerma-nwen m ijerbuben" i yenna Uleḥlu.
Ssya ad ak-qqaren tatrarit, tugdut, tilelli n tmeṭṭut , ssya win ara d-ineṭqen a s-inin d lεib! "Lḥerma" , "ddiniti", "nnif" ruḥan asmi iğadarmiyen kksen εeryan i tlawin di tlemmast ubulvar (aγlad" Σebban Remḍan, di Tizi wezzu.
Tegra-a di massa "madam Anuγmun Yir nettat" asmi tella am tεelğet, tecbeḥ, lbagaj-is iṣeḥḥa truḥ γer Unuγmun, ma d tura imi εlullqent tebbucin-ines (wa lalla yemma wah, wah!), tetterter akk d acu ara geγ s yes-s nekk, nekk d axxam n yemγaren?! Muqel kan ma ur tessin ara leṣlaḥ-is: Akken tesla ruḥen-as yedrimen-is i Unuγmun di kridi Leyyuni, teğğa-t!
Aql-aγ yid-k a gma-tneγ Winna di lmeḥna-yagi, γas dder d argaz ttif a k-yesṭixxer seg uxeddim wala ad teknuḍ.
Mmi-s n WEMSED

Aru i k-yehwan ay amcum kečč tzewreḍ!
Uḥeqq jeddi-k amsed d kra yessefsed ala alaxert d-yeẓẓlen afus-is i yesεan azref ad ak-yini wa yelha, wayeḍ diri-t.
Ihi ṭṭef tiyita tamezwarut d taḥmayant:
Ijirmḍen yetteddun di tlemmast uqerruy-ik n texsayt ugaren widak yellan deg uqerru n Albert Einstein asmi yedder, maca, tikkwal yekkat-ik wugur.
Annect-a yessewhem-iyi.
Amedya: Mi tenniḍ ayagi
" Sitiyasyu familyal: ambur (g leεmer i ddiγ d isli)".
Ẓriγ aṭas ara yeḍṣen s lehdur-ik, maca, acuγer γer zdat wanzaren-ik kan i tessakadeḍ dagi?
Nekk ur ḥemmleγ tamuγli s wallen Fellag, acku tinna d tirrugza taεrabt.
Yak tegziḍ-iyi ay ababaḥ?

Salut salut
Votre site est infesté d'anciens arabisants convertis qui croient que la qualité est dans la longueur. C'est ce qui tuera ce site, inutile du reste. Tamazight c'est juste un autre boulet pour rendre encore plus arriérée notre chère Kabylie. Vous transformez par votre fantasme d'éminents cerveaux en analphabètes dans leur propre pays. Notre salut est dans la francophonie.
Vive la Kabylie francophone préservant son patrimoine culturel dans un esprit réaliste. Vive le MAK dont le leader a su repérer le piège.
Bon vent

azul a Lilia
ma yella win yenwan ad nurar kan yid-s s taεrabt neγ tafransis, iwakken ad nanef i webrid yessidiren tamaziγt, ma nettezzi kan din yeεreq yeswi γef i nettnadi, winna iban d aγuru, (s nnig ubrid s ddaw webrid leqrar-is d tamaziγt)
muḥend

Azul fell-am a Lilia, imeslayen-agi-inem rennun-iyi-d tabγest d lebγi iwakken ad kemmleγ almad n tmeslayt-nneγ !

Azul i Ferḥat d wid akk iqeddcen deg umussu i tedsimant n Tmurt n Yeqbayliyen, yiwwas ma tewwi tmurt-nneγ tadsimant-ines, ssarameγ ur aγ-tekksen ara ad nemmeslay s teqbaylit !!!

Tanemmirt a Lilia !

Azul a Lilia,

nekk d Liali neγ Lyali ( uḍan ), uḍan d taqbaylit akken tettwaliḍ.
Kemm tqelbeḍ isem-im, tuγaleḍ d Lilia deg wadeg n Liali, telliḍ d uḍan, segmi tfaqeḍ, tuγaleγ d ussan.
Ussan d tarumit akken tettwaliḍ.
Ihi kemm d tafat nekk d ṭṭlam.
Azul a TAFAT ( ssuref-iyi a mmi-s n Wemsed, tagi mačči d TAFAT n ddunit-ik)!
Ḥemmleγ-kem s yiwet n tγawsa, s tiḥḥerci-m.
Tewwteḍ-aγ, tregmeḍ-aγ yemma-tneγ ( taqbaylit ) terniḍ triḍ ad neddu yakk yid-m akken ad as-tefkeḍ tiγrit i Ferḥat s ifassen-nneγ, umadra yemma-m d-yurwen tuḥrict am kemm!
Amzun Ferḥat yugi taqbaylit.
Amzun kemm triḍ tadsimant neγ timanit i tmurt n Yeqbayliyen.
Tayeḍ, anwa i d am-yennan a yelli ur telhi ara tefransisit?
"Tarumit d tutlayt igerrzen, azal-is am tkerdit.
Γer Inuγmunen ulac i tt-yifen, γur-neγ tif-itt teqbaylit".
Am wakken teẓriḍ nekk d abeεti yekkunvirtin i yelliγ, ihi ata wayen d-lemdeγ si tbeεtit: Kul xentus, εend yemma-h γzal".
-----------
YA Muḥend, i wagi MANČČI d axessar?
______
Ssiwel kan tidets ( tidet ) a LILIA!
TANMIRT ( tanemmirt )!

Ma yella d Lilia i d Tafat, ? Tetti am tata deg kra n wussan, naqqal tra ad telmed tira, tura a γ-teqqar "taqbaylit-agi ula wumi-tt" !

mačči kan d axessar a Dda Lḥusin, d sin ixessaren, ula d nekkni daγen nettamen s tkerkas am tigi n Lilia, amacki d netta i d tamawayt n wawal umussu n tedsimant n yeqbayliyen, truḥ-aγ kan yiwen tikkelt di 63 nni, ammer nerfid senğaq n tutlayt-nneγ, tili attan tura tettrefrif di yal tama, Ferḥat seg zik yefka temẓi-is γef ddra n tmaziγt, mačči ar taggara-s ara ibeddel tikli, tikkelt-a ma neddukel a tt-id-nawi;
muḥend

ssureft-iyi riγ a d-inniγ "d nettat" neγ ahat d netta, imi tura yeεreq uquḍiḍ ger iquḍiḍen, akken i s-yenna weγrim, terẓa-yaγ tugdi armi ntteffer ula d isemawen-nneγ, anaγ d Ferḥat i d-yennan di tezlit-is "ma bγan a yi-nγen, nγen-i"

A mmi-s n Wemsed,

melmi ara d-tserseḍ tura kra n tullist tamaynut turiḍ dagi deg wesmel?

Ugur anwa ur t-nessen, γer lḥiḍ anwa ur isenned?
Deg ubeddel n wudem yessen, deg yiman-is yakk yessefsed.
Imdanen akk fell-as dessen, mi yeslen yumen, icehhed.
Ẓẓal a Maykel Ğaksen, ḥzen a mmi-s n Wemsed!

Vutṛ site la, il i nul, vu ẓit di ziru, lu kabil sé ziṛu, le frunsi sé myu !

Azul fell-awen
D tagi i wumi qqaren akken " yerfed taγaṭ yerḍ-d, yenna-yas rnu-d yelli-s"! Seg taεrabt ar trumit!..
Uγaleγ ur beqquγ ara ad sṭuqqteγ di tira; deg tririt d tiwin, acku ur bγiγ ad liγ d ssebba (neγ a tt-id-afen d ssebba ) uṭixxer n kra ssya seg wesmel, maca, tikkwal terra-yi tmara akken a d-rreγ, a d-iniγ lεib..
Ay aqunniḍ, ay acεir ma d tarumit ay d tifrat i taluft-nneγ! Acḥal tura d nekkni neṭṭef deg yebbac irumyen, deg yecεiren n trumyen, d acu i γ-d-yewwi waya?! Nekk sγur d Tafat, d Ferḥat, d MAK, neγ d wayeḍ, yal wa aqerruy-is di tcacit-is, win i wumi teεjeb trumit attan γur-s, yiwen ur s-tt-yekkis, d acu kan ur d-yeggar ara kan tamaziγt di tlemmast, ma ulac a d-ibedd webbuc-iw d asawen am winna akken n dda Qiqi asmi i yuγal d lweḥc! Dγa ad tgerrez ma nekfa-tt s yiwet tmacahut yeḍran deg yiwet taddart n Ibudraren:
Yiwen wemγar yefka tayuga i mmi-s akken ad yekrez i tikkelt tamenzut, yenna-yas: yessefk tura a mmi, ad ttekleγ fell-ak, tura nekk dayen meqqreγ... Yeffeγ mmi-s-nni s tyuga, mi yewweḍ γer tferka anda ara yekrez, yeqqen tayuga-nni; dγa werεad yebdi di tyerza yesla seddaw wanda yella i tlawin εemrent tibuγarin, aslilew d uḥiḥa.. Argaz n twaγit yewwet-itt belγendis, yesred di lqaεa yettḥessis, yettağğa tayuga akken teqqen. Tallit kan ata yejba-d baba-s akken ad yesked s anda yessaweḍ mmi-s. Akken t-id-yufa akken yeẓẓel isell i tbuγarin n tlawin-nni, u yettwali seg-sent akken fesrent iqunniḍen-nsent akken (wa lalla yemma wah, wah, i yeḍran yid-i!!!), yenna i mmi-s: "Di ccetwa sell i tbuγarin n tlawin; deg unebdu ad tmegreḍ acεir!
Dγa ula d wigi i yeṭṭfen deg trumit, taggara-nsen a d-megren acεir.
Ssurfet-iyi aql-i tedduγ γer lḥiğ (lburdil) seg wacḥal aya ur ruḥ γer lḥağğa n "Siti Liskur" acku ussan-nni iεeddan i d-iḍegger yiwen iman-is si 12 iṭaj (dinna anda yella lmerkez), uγaleγ ttagadeγ a yi-yeṭṭfen acku teṭṭuqqet din tεessast. Ikemmel-aγ ddin Ulaxert-agi yesmekti-yi-d s lmut, terwi!
"Mi sulidariti" a gma-tneγ Winna ameεzuz, aql-i "tujuṛ" yid-k di lmeḥna-yagi i d-yersen fell-ak. Mmet d argaz, rreẓ, ur kennu zdat unemhal-agi-inek!
Mm-is n Wemsed

azul fell-wen
γur-k azref ad terfuḍ a Mmi-s n Wemsed, amek ara tessusmeḍ γef wigi ikerhen tamaziγt, ḥemmlen kan taεrabt d tefransist, εni ur ẓran ara acu ara γelten azekka, (ala acεir), am tmacahut-nni wemγar d mmi-s, n taddart ibudraren, ihi win iran ad yaru tamaziγt yaru-tt, akken i sen-yenna Dda Sεid "ssawal i lmuxx-ik allaγ, amen yis-k yis-neγ, tutlayt-ik yis-s ttmeslay" tura tamacint teqleε, ula d ben-ali crif ur yettizmir ara a tt-yesseḥbes;
ay yettγiḍen d Winna, yernu ur yesεi-yara takerdiwt n l U.G.T.A ara tiḥudden, maca aql-aγ ar yidis-ik a gma, iwakken ur k-yessṭixir ara unemhal-ik, ad nebdu assuγu si tura, nγes tilelli n wawal
muḥend

Ibudraren d taγiwant, daγen d lεerc a dda Muḥ.
Tuddar n lεerc neγ n tγiwant-agi:

Iγil bbammas: Taddart n Mbarek d Lewnis At Mengellat
At Rbaḥ: Taddart n Muḥya
Buεednan: (I d iyi-γaḍen d Buεednan d yergazen at ....)
Tasaft: (Imi d-nebda macahu ...)
Tala n Tazart: Taddart n Σemmar Sγir
At Σli Uḥerzun ( yessen-iten mmi-s n Wemsed ).

Darna yakk tzaγart ur cfiγ ara ma ddan d Ibudraren neγ d Iεeṭṭafen ( 1- At Dawed: Taddart n dda Σebdella d Ḥemmadi,
2- At Sεada: Taddart iγer yettawi " WEBRID TTUN MEDDEN" iγef yecna Lewnis.
Tiγiwanin-agi di snat( Ibudraren d Iεeṭṭafen ) yakk d weqbil ( At Wεban, At Meslayen, At Leεziz, At Ṣellan, At Ḥemṣi, Aqawej, Awrir Uzemmer d Meḥmud ) llant nutenti i d taγiwant TASAFT ngum " TTEQIM EL IDARI"-nni n tallit n Cεedli.
Annect-a yakk war anamek, maca, ahat llan widak iḥemmlen ayen ideg ulac inumak.

Tteqsim

Azul, ayen deg ara γ-d-ssebγasen wid i nγil necrek yid-sen aẓar, la sirxisen azal n teqbaylit, ma drus i tbubb seg iγilifen ? Yiwen wass i nesεa adeg i tt-id-iṣaḥḥen, a k-qqaren "ula wumi-t" ! I nutni d acu gan s tefransist iwakken ad sεeddin tiktiwin-nsen ? Ma yella ? Dγa ad aγ-d-mlen anida-t ! Ma nniγ-d aya, ur ilaq ara ad fehmen, nniγ-d "nif-iten", maca weqbel ad wwten di kra n tγawsa, yessefk a d-sseknen ayen i d-snulfan, abrid-agi fernen kra, ad as-yesruḥ idles-is i Tmurt n Leqbayel iγef zun akken ttnaγen, azekka amek ara ḥerzen tamagit d yedles ma ur ḥerzen ara tameslayt-nneγ ?

ssuref-iyi riγ a d-iniγ deg yiwet n taddart ibudraren, imi ibudraren aṭas n tuddar i yellan deg-s, daγen aṭas yergazen i d-yefka, am idurar akk tmurt n leqbayel, yal yiwen s wazal-is, d widak-nni gan amezruy ara yeccfun fell-asen, akken iqqaren zik"refden adrar, irfed-iten" ma d tura ğğan-t, ikcem-it zzhir, d ssus s wacciwen-is ad yessni idurar, a wi ttrun idammen imi d wagi i d zzher-nneγ amcum,

di tmurt-nneγ, γas llan ahat iγerbazen anda yezmer wegrud ad yelmed tamaziγt, imi adabu iga-d isuḍaf ala wid yebγan ara tt-yeγren, dγa uffan-d sebba iwakken ur ttazenen ara arraw-nsen a tt-γren,
muḥend

Γas ini-d war akukru " tifeḍ-ten" a Meẓyan!
Wigi teḍra-yasen am at tirrugza-nni n tawaγit yetteddun d iqeffafen di temγriwin ibabaten-nsen mi ara d-rnun takniwin γef tyemmatin-nsen.

azul
ansuf a Sεid
wigi iḥeqren tutlayt-nsen, ttseḍḥin yes-s, zzgan ssnernayen taεrabt d tfransisit, wigi neẓra akk aneḍfur-nsen a γ-yeğğ kan deg weγmar-nni n Σuqba d Napoleon 3, nekkni nra "nebγa" asres γef laṣel n tmurt, mačči γef ṭikkuk,
m

Azul a dda Muḥ!
Ma yella ur numin ara s yiman-nneγ, amek ara zemren wiyaḍ ad amnen yes-neγ? Ibsikulujiyin akk imeqqranen n ddunit msefhamen, nnan win ur numin ara s yiman-is ( tutlayt-is, tamagit-is...atg.) d amuḍin i yella, ixuṣṣ-it kra.
Wigi tura ran ad sseddun ddunit s tizzelgi, am akken ad truḥeḍ γer kra n sbitar, ad tafeḍ imejjayen uḍnen, imuḍan uγalen d imejjayen-nsen.

Tin i ten-t-yugaren akk, awal atan yezwar-d yes-s Meẓyan usawen, d widak yesbirbiren fell-aγ segmi a d-kkren, widak yeqqaren nekkni d imaziγen, tamaziγt d yenna waḍu, yenna wagu i d icenga n tutlat-nneγ ass-a.

Nezga nmeddel allen-nneγ, neqqar-asen "ay izmawen", acku nessaram ad uγalen d imdanen ( akken ur d-qqareγ d irgazen, ma ulac ad iyi-γilen medden d amačču), a ziγ tettkellix fell-aγ targit-nneγ.

Ma tkemmel akka ad asen-d-neffeγ akk seg uγerbaz n mmi-s n Wemsed, ad slen ayen werğin slan di ddunit-nsen.
Seḍḥaγ deg wemḍiq-nsen!

azul fell-awen
tanemmirt a Sεid atan yal tikkelt d kečč i γ-tent-id-iferrun, ihi ad nerju kan ahat ad yili yiwen usafar ara yesseḥlun allaγen-agi yuḍnen, ahat daγen deg tedsimant n tmurt, tutlayt-nneγ ad tuγal d tunsibt, akken ad ilin isuḍaf ara tt-iḥudden seg ixemmimen n yemcumen-agi-ines, issya ar imir-nni, ad nelkem kan akka, s wayen i γ-d-tettawiḍ s tira-k ar wesmel-a, d wayen daγen i d-ttawin, i d-ttarun yemeddukal, yal tanezayt am iẓenẓaren n yiṭij i γ-id-yettakken tafat ad nwali, daya i d abaγur-nneγ, deg-s ad nelmed, s yes-s ad nessnerni di tmaziγt, nekk ar γur-i ulac nnig waya, akken i s-yenna Dda Ğamal: (nnig webrid d taqbaylit, s ddaw webrid d taqbaylit, leqrar-is d taqbaylit),
muḥend

ssureft-iyi riγ a d-iniγ (s nnig teqbaylit, s ddaw teqbaylit, leqrar-is d taqbaylit) mačči nnig webrid d taqbaylit...

Ata wayen yenna Muḥya deg usefru-s " Yerna dessen" a dda Muḥ:

"Niqal ad xemmen ciṭuḥ, ad msefhamen gar-asen.
Ammar ad beddlen leryuḥ, zemren ma yehwa-yasen.
Nniγ-asen, fell-i dessen, uγaleγ d aεdaw-nsen".

azul a Sεid
nerja am win yettrajun Ṛebbi, akken i s-yenna Muḥya.
ad tili temlilit ger watmaten, ma tessdukliten tmeslayt tyemmat, yernu tilaq ad tili tmuγli-nsen γef ayen yeεnan idles, amezruy, tutlayt, ad tbin am yiṭij, d tidet yal aγref γur-s idles d umezruy d tutlayt, ihi akken ula d nekkni, mačči win d-yusan a γ-yessedhu, iwakken ad neḍfer ayla-s, ad neğğ ayla-nneγ, nekkni s leqbayel mazal-aγ ar tura ngen neγ nettseḍḥi, ur nezmir ara a d-ninni tidet γef tneslemt ma nekkni nenwa d ddin, maca ar waεraben d ayen nniḍen, rran-tt d amezruy, d idles-nsen, mgal idelsan d umezruy n wiyaḍ;
muḥend