 | | |  |
 |  |  | |
|
|
|
Kra si ccreε n (Daεi, aselway n Numidya) wass n Warim/Letnayen.Kra si ccreε n (Daεi, aselway n Numidya) wass n Warim/Letnayen.
Tamert (ssaεa) qrib d 8 d wezgen n tnezzayt (tanezzayt neγ tanezzagt=ṣṣbeḥ) imdanen akken bdan keccmen γer teγremt ( d tidet d tiγremt, imi tennerna di thuski, d tin tebna Fransa, mazal ar tura izamulen-nni yettgensisen azref n tmurt n Fransa !) n teγdemt. Di ccaw, ulac kra n wugur, imdanen ttalin γer tzeqqiwin anda ara yili ccreε, alammi d d-iban Belεid Abrika d wamek cqarrwen am wuccanen yemḍifen akk d yemsulta yellan γef yimawen n tewwura akk d tezwara n isukfal (tiseddarin) yessalayen γer wunnig amezwaru.. Kra seg imeddukal-nneγ ulin yakan, gar-asen Ferruǧa Musawi (tamlawit uselway n Agraw amaḍalan amaziγ, d taselwayt n Amazday n tlawin n Tefsut taberkant), Smaεil Mabad ( d amaṣalad neγ d aεeggal n wegraw afidiral n CMA , d aselway n tiddukla Aγbalu n Tegzirt—Tizi-Wezzu), akken ulin iṣubb-d Daεi (d netta ara yezrin di ccreε), yeffeγ-d si teγremt n teγdemt, yerra-d srid γer Ǧamal i yellan yettraǧu ma yella kra n win ara d-yawḍen…dγa yeεreḍ amek ara t-yessebγes, a s-yekkes cwiṭ si lḥerṣ-nni (γas ma Daεi yennum s tigi, yernu mačči d win yettagaden γef yiman-is) : Amek akken ? I tezmert-nni ? Yak ur tefcileḍ ara kan ?!… Atan yeffeγ-d isali deg wesmel imyura.net..Daεi : --Nnan-iyi-d, yernu ddeqs i yi-d-yessawlen, akka am ubagaṭu Ṣaleḥ Ḥanun….
I Bensadeq (abugaṭu) yewweḍ-d ?
- Tura dγa a s-ssiwleγ. Din din yessawel-as, “aql-i zdat wexxam n ccreε” I s-d-yerra Bensadeq. Yiwen umeddakel (Ḥafiḍ si tesmilt n Lḥasi) la yesteqsay lemmer ur γ-ttaǧǧan ara ad nekcem?! Atan yewweḍ-d Bensadeq, nedda yid-s nuli ( dγa ifureṣ tagnit uneggaru-ya yefka-yas awellih aneggaru i Daεi: Atan wayen ara d-tiniḍ:“ Snubegteγ-ten-id γer wermud i niqal ara yilin deg Wehran, dagi i yekfa ccγel-iw, ayen-nniḍen yexḍa-yi!), yiwen ur γ-d-yesbedd, srid γer tzeqqa uṭṭun wis-sin, yellan deg wunnig amenzu… Tazeqqa qrib teččur, irgazen sγamen-ten di tama tayeffust, tulawin di tẓelmaṭ.. Akken d-isuγ nnaqus yekcem-d unezzarfu, aprukirur d yemlawiyen-nsen..atan yewweḍ-d dda Εebdella, nga-yas-d adeg zda-tneγ. Bdant-d tlufa, si 9 n ṣṣbeḥ tedduḍ: Ldrug, lemwas, timenγiwt, tukerḍiwin… Lḥaṣun mačči d yiwet ..! Alammi d 12 d 20 ddqayeq i d-tewweḍ nnuba n Daεi (tikkelt-a ḥercen, ssegran-t mačči am tikkelt tamenzut ideg tekker dinna deg wexxam n ccreε, akk imdanen ffγen-d ssyen, yuqeε-itt wah d ruḥu!..)
Anzarfu*: Taluft uṭṭun… Mass Ẓamuc Sseεd! Yezri yeṭṭef adeg ibedd zdat-s, yerna γer yidis-is ubugaṭu-ines Bensadeq. “D kečč i d Ẓamuc Sseεd, i ilulen ass n 29 Cṭamber 1963 ( lulen-d deg yiwen wass netta d FFS!!!!), d mmi-s… akk d mmi-s…?
-Ẓamuc : D nekk.
Anzarfu: tettwatehmeḍ s waya: “ Asgergeḍ neγ lexdeε, askerkes d useqdec n ẓẓur ( Escroquerie, faux et usage de faux). Ass n waya d waya tesnubegteḍ-d iberraniyen si tmurt n Belǧik, gar-asen asinatur… ur d-usin ara γer Wehran ruḥen γer temnaṭ n Leqbayel… D acu ara tiniḍ deg waya?
-Ẓamuc: Ur xdiεeγ ula yiwen, imi ulac kra n yiwen i d-yeccetkan fell-i! Ur skeddbeγ ara acku d nekk i d aselway n tiddukla Numidya i d-yesnubegten inebgawen-agi! Ur γurreγ ula yiwen, acku d nekk i d Ẓamuc Sseεd i uznen tinubgiwin s yisem n tiddukla Numidya i iqeddcen s wudem unṣib, tettunefk-as-d tideggi sγur Lwilaya n Wehran…! Bensadeq: Ma tessurfeḍ-iyi a mass aselway a d-zwireγ s tamawt-agi yellan deg ukaram: Yesteεref s yiman-is yesselwi tiddukla (yeεtaref bi annahu yataraas el ǧemεiya)! N wacu tiddukla-yagi?! D tiddukla imakuren?! Acku imi ur d-yelli ara n wacu-tt tiddukla-yagi yezmer ad tettwigzu d tiddukla n imakuren ( mejmuεet acrar/ association de malfaiteurs)!!yessefk a d-yeddu yisem n tiddukla-yagi « NUMIDYA » yeγra-d kra n tefyirin si tsuret n « Lbaqara » akken ad yefk tazmert i tamawt-ines. Ssyen anzarfu yesteqsay, tikkelt d Ẓamuc tayeḍ d Bensadeq i s-d-yettarran… s uamata : ayen d-tesnubegteḍ iberraniyen-agi ? Γer wacu timlilit-agi iγer d-ttwanubegten ? Acimi ur d-usin ara γer Wehran, ruḥen γer temnaṭ n Leqbayel ? Anwa i yeddan yid-sen γer temnaṭ n Leqbayel ?! Acuγer ur teqqareḍ ara i udabu?!... D acu i d iswan n tiddukla-yagi-nwen?.. Di taggara yefka awal i weprukirur akken a d-yefk taγtast-ines, atan wayen d-yenna: A s-nessuter aseggas n lḥebs (ferme) ! Ma d aselwaw n teγdemt (lǧuǧ) yenna: Taγtast n ccreε (verdict) ar imalas (ass yecban ass-a/ warim/letnayen) d-iteddun!...
Neffeγ-d ssyen ur neḍsi, ur nettru ! nemlal-d akk deg wegnir n wunnig amenzu, yal wa d acu i iwala, yal wa d acu n tifrat i yefka i temseεreqt-a!... Bensadeq yenna: Aql-i yid-wen ay atmaten. Is fell-aγ nga-t, ma d taγtast n ccreε yezmer ad yili deg-s kullec?! Belεid Abrika yenna: Wagi d ccreε aserti, taγtast ad tettwiṭṭef anda-nniḍen!...
Di berra ( agni/place maître Thuveny)-nni nufa-d dda Εmer Bensidhum yettraǧu; dγa d netta akk d Daεi i yesnubegten akk inebgawen γer imekli; Ǧeεfer Benṣaleḥ (aneγmas n Lxaber) yugi, yenna-yasen ma ddiγ ur d-iteffeγ ara isali-ya azekka. Ǧamal yenna-yasen nekk ad ruḥeγ ad azneγ isali i wesmel imyura. Bu ccfaya yessetḥa, yugi ad yeddu. Ma d nekkni ( Awetniri d Awlawal) mazal-aγ meẓẓiyit γef tigi..
Mazal lxir ar zdat….
(*”Anzarfu” neγ “anzarfu” yal wa amek t-yettaru, sεerqen-aγ-tent)
Tanemmirt
Seg Wehran: Awetniri Awlawal. Asabter yellan deffir wa | Asabter n zdat
Mister Birbir
- Tinin-is...Azul fell-awen
D acu n lxir i mazal ad neggani di tmurt n Zerhuni d Butefliqa?!!!
- Tinin-is...A medackel ennepee, i medâckêl ennepee,
Segge asmi aye app iddee eye âoew u xevipr ennee acu ei ewprê enne edtee u medackel ennepee Sie Zamuce Said, aqele ap en ganne ue en edttekkar 'ddee essee tî aoléeen !
Assae, en evpê ae'pp iddee xebbepr em, andtae ete âoew t alufedtt aggi ennee 'creê' edtee u medackel aggi ennepee en edtt erry.
Dtegge u prajiy ennepee, ta gjemattt ennepee yidte eckken !
Bahbouh Lehsene
Asmel n imyura:
...
Ass-a nebγa a γ-id-xebbrem anda tewweḍ taluft-agi n "ccṛeε" d umdakkel-agi-nneγ..
...
- Tinin-is...Leḥsen Baḥbuḥ yeẓra dacu i wumi zemren imcumen n at "ccreε" n Lezzayer. Xebbretett kan ma yella kra isali amaynut ay at Numidia.
Ad εerḍeγ a d-γreγ ayen i d-yura:
Amdakkel-nneγ, imdukkal-nneγ,
Seg asmi i aγ-id-yewweḍ wexbiṛ-nni acu yeḍran d umdakkel-nneγ Mas Zamuc Saεid, ............. .............................!
Ass-a, nebγa a γ-id-xebbṛem anda tewweḍ taluft-agi n "ccṛeε" d umdakkel-agi-nneγ n...........................
.......................................tagmatt-nneγ yid-wen !
Baḥbuḥ Leḥsen
- Tinin-is...azul ffell-awen
azul a Mass Baḥbuḥ Leḥsen? ccreε-agi n gma-tneγ Ẓamuc, am winna-nwen n zik, yuγal d ccreε aserti, anaγ ayen d-nnan fell-ak d yemdukal-ik d tidet?, kečč, Massin Harrun, Smaεil Meğber, akk d imeγnasen n tmaziγt di talit-nni n bumedyen, mi kan i ken-ṭṭfen srid ar udagaẓ="torture" sakkin teṛwam leḥbas, berwagiya d lumbes (taẓult) ihi tjerbeḍ akk annect-agi, u teẓriḍ daγen d acu yenwa udabu n Ledzayer;
tadyant n Mass Ẓamuc γef akken i d-yenna deg isali i d-yuzen Dda Ğamal: imalas-agi yezrin ulac i d-ssufγen di ccreγ-is, alama d imalas i d-itteddun ara d-rren s taγtast ṭṭfen widak yellan ikusawen;
muḥend
- Tinin-is...Azul fell-awen/t akk,
Tanemmirt i kra n tin d win d-yesteqsan, i kra n tin d win tt-yeṭṭfen di ẓẓmek ilmend n taluft-a n war taɣdemt i d-yeɣlin ɣef uɛerḍi-yagi yecban Sseɛd (Daɛi) Ẓamuc.
Yelha ma nules-d i wayen d-nenna yakan: taɣtast n ccreɛ (délibération) a d-teffeɣ ass n warim/letnayen, maca yiwen ur yeḥṣi ɣef wacḥal! yezmer lḥal ɣef 22 neɣ ɣef 23 n yiḍ, neɣ ɣef 2 n tnezzagt n wass n tlata?!!!! Yiwen ur yeḥṣi amek ara teffeɣ daɣen, ula d abugaṭu ur yeḥṣi ara?!
I wesmekti kan: Yuɣal lḥal icureɛ yakan snat tikkal. Tikkelt-a d ccreɛ unnig
( cour suprême ) taɣtast ara d-yeffɣen seg-s d taneggarut, ulac taruẓi-ines.
Tikkelt yezrin ṭṭfen fell-as : aseggas n lḥebs n leɛḍil/ avec sursis (meḥsub ur t-id-yessezray ara, neɣ a t-id-yessezri di berra, maca ma iga kra deg useggas-nni a tt-id-yawi deg isekraf) d 20 000 idinaren (sin imelyunen) d lexṭiyya.
Llan wid d-yennan lemmer yeqbil s waya, ixelleṣ sin imelyunen yili tefra. D tidet, i netta akka i t-twulem, maca, netta ur ixemmem ara kan ɣef yiman-is, ixemmem i ssya d afella, ur ira a sen-yesnam yal tikkelt ad ẓuɣuren imdanen ɣer ccreɛ, acku ula d lḥebs n leɛḍil (sursis) d taẓirt (condamnation) tamenwalit (arbitraire) !
Tamawt : Fiḥel a d-asen yemdanen ɣer teɣremt n teɣdemt, acku d abugaṭu kan i izemren ad yeḥḍer ; yernu ur iban ɣef wacḥal ssaɛa.
Azul d tnemmirt i gma-tneɣ Leḥsen Beḥbuḥ ilmend ibeddi-yagi-ines n tegmat, ɣas ma annect-a ur yelli d awerdani ɣef umeddakel-nneɣ Leḥsen, imi nessen-it d bab n tirrugza.
Ǧamal Benɛuf
- Tinin-is...Azul
Riɣ kan a d-iniɣ ayagi ma yessulef :
Ur ḥṣiɣ ara zemren ad sskerfen lebɣi n gma-tneɛ Daɛi, acku yehwa-yasen kan ! Akken i d-yuɣal si Agadir (Merruk), yiwen imalas kan yewwi-tt-id deg Tizi-Wezzu, ssyen ɣer ccreɛ ; werɛad daɣen yemmid ula d yiwen imalas-nniḍen yewwi-tt-id deg Dzayer ilmend umuger i tga HCA ( ɣef tullin neɣ uttekki n tɣerma tamaziɣt di tɣermiwin-nniḍen umaḍal) .
Tanemmirt-ik a dda Ḥemmu (ssuref-iyi kan imi n-seddaγ "dda" acku kečč ur t-tḥemmleḍ ara, nekk ur zmireγ ad ak-t-in-iniγ akken d aḥerfi kan!).
Awetniri
- Tinin-is...Azul
Cukkeɣ anagar « Lu grun rrivulisyunir-nni d-yettarun akken da i sen-izemren i wigi ! D acu tenniḍ ay Awetniri, ay amcum?
Awlawal
- Tinin-is...Azul fell-awen/t
Attan teɣtast (délibération) i d- yeffɣen si ccreɛ unnig ( Aseqqamu aneɣdam n temdint n Wehran), ass n Warim/Letnayen 17 /11/2008 ɣef lewhi n 18 (t/h) n tmeddit, mgal Sseɛd (Daɛi) Ẓamuc : « Relaxe » Aserreḥ, war aḍfar, war lḥebs, war lexṭiyya neɣ leɣrama.
Yegra-d kan a d-nini : Ad nesnemmer, u ad nerr tajmilt i yakk imdanen i d-ibedden ɣer tama, i yellan mgal meḥyaf, ẓẓur akk d lbaṭel-agi i d-yeɣlin ɣef gma-tneɣ Ẓamuc imi mačči kan d ameɣnas n tmaziɣt, maca, d aselway n tiddukla Numidya i ibedden ugar n 28 iseggasen aya i yidra n tudert n tmaziɣt d warraw-is. Tanemmirt i wesmel-agi « imyura » ur nessusem ara akken ssusmen wiyaḍ ! Neḥṣa nezger i yiwen wugur, mazal wiyaḍ ar zdat, maca, ay akken yebɣu webrid yessawen, ad naweḍ i nessarem.
Ǧamal Benɛuf seg Wehran
- Tinin-is...azul fell-awen
nefreḥ s isali-yagi i γ-d-tefkiḍ a Dda Ğamal tanemmirt-ik, ma neddukel ur nettağğa ara lbaṭṭel ad izeri kan, ad nesnemmer wid yellan ar yidis n Mass Ẓamuc armi i d-yeffeγ wezref-agi n tidet
muḥend
- Tinin-is...Azul fell-awen
Mačči akka axir ! Daεi yuγal s axxam-is ur t-teqqis ur t-tellis !
mačči ala netta i ithennan. Nerbeḥ ṭṭrad, mazal-aγ tagrawla ; abrid γas γezzif ad t-neḍfer s tdukli n tegmat. Ur nessusum, ur nγeffel. Ncallah kan ad nili d at tebγest am Daεi ! s terni-s.
bu ugernin
- Tinin-is...Ayyuz nnwen i Kečč a Ssaεid Zamuc d widak awk i ibedden ar idisan-is deg wexxam anzezraraf n wihran.
Arraw n baxta, ran a sen-medlen iqemmac i leqbayel s ccruεat nnsen, arraw n Malḥa rran-asen nnan: UHU!
Aql-iyi ferḥeγ-as i mass Zamuc imi teffeγ temsalt-is ar tafat.
Mazal ad ilin ccruεat nniḍen, mazal ad εerḍen amek a sen-gezmen awal/tiyersi i leqbayel, maca werğin nekni-yasen, werğin a sen-neknu.
Tanemmirt i Ğamel Benεuf i γ-d-yettawin isallen. Tettakeḍ-aγ abeḥri i turett a gmat-neγ ilelli!
- Tinin-is...Azul fell-awen,
ALƔU !
« Aprukirur » amatu n wexxam n teɣdemt (ccreɛ) n Wehran ur yeqbil neɣ yugi (ur yemtawi ,ur d as-d-tezgi ɣef wul) taɣtast i yeṭṭef unezzarfu i userreḥ n gma-tneɣ Sseɛd Ẓamuc (Daɛi) aselway n tiddukla Numidya n Wehran, s war leɣrama neɣ lexṭiya d leḥbes. Imi yessuter (weprukirur) taruẓi n ccreɛ ɣer ccreɛ unnig n Dzayer tamaneɣt, mgal Daɛi. Annect-a d ayen swayes d-tegla tebrat i s-d-uznen iḍelli n Letnayen 16 Furar 2009. Taluft tettkemmil!...
Awetniri
- Tinin-is...
Azul,
Amek tura keččini, ay Awetniri?! Imdanen-nniḍen ttawin-d γef ucebbeḥ n teqbaylit s "v" akken ad teεğeb i iberraniyen... kečč tettawiḍ-aγ-d ala yir isalan; anagar γef nnger i tettmeslayeḍ!
Riγ kan a d-rnuγ ayen d-yenna ubugaṭu Ben Sadeq (γef taluft-a n gma-tneγ Ẓamuc): Taluft attan deg ufus n ccreε unnig n Dzayer, yezmer a tt-yeqbel, akken yezmer daγen ad yagi taruẓi n ccreε i d-yessuter weprukirur. Imiren ad ẓren amek yella waddad n tsertit, s waya ara sen-d-iban. Ma d tura xerṣum a γ-ssedhun akken ur nettxemmim ara γef wayen yessefken i tefrent i d-iteddun!..
Awlawal
| |  |  |  | |
|