azul fell-awen
mačči d tamuḥeqranit tura tagi, a k-wwten, a k-nnγen yerna a k-inin ad tessusmeḍ, neẓra akk ur ḥemmlen ara idles-nneγ dγa ttafen-d timental iwakken ad sseγlin irgazen i qedcen γef yedles d wigi kan i ten-yettḍurun, nessaram-ak tabγest a Mass Ẓamuc deg webrid-agi n tidet, aql-aγ yid-k, ad nessuter daγen deg umussu Leεrac ma mazal-it yedder, a d-yini awal-is mgal ccraε-agi n tmara, i d-sseγlin γef gma-tneγ Daεi;
acimi ur ccurεen ara ihi widak-nni, yewten, yenγan, di tefsut taberkant;
muḥend

Azul fell-awen

Adabu n Lezzayer abeεti aqettal aḥeqqar, werğin ifka talwit i Leqbayel, yal tikkelt dacu ara γ-d-iheggi. Mi nessusem ad aγ-irkeḍ, mi d-nenṭeq zeεma nebγa ad nexreb neγ nebḍu tamurt ; Imir ad d-yaf tawtilt akken ad ineγ neγ ad iḥbes, akken ad nerr aḍar, ma d asduqqes fell-aγ izga.

Tikkelt-a, ifren DAΣI, irza s ixef n Numidya akken ad iwwet idles akken innum ikkat-it.

Ma ittwet Daεi nessusem, ad nessendi iεran-nneγ d nnuba.
Ma neğğa Tiddukla Numidya ; ad izzi γer tiyiḍ i mazal qeddcent : At Smaεil, Itri n Uqbu ...
Ma neğğa-t nessusem, ad yeğğ aselmed n Tmaziγt deg 3 n yigezda (lwilayat (zik illa 16).
Ma nessusem, ad immet yidles-nneγ ; imir ad nettleγiḍ s tεerbubt.
Ma nessusen nemmut nuγal d les Aztèques.

Ahat llan at nnif ! Aql-aγ yid-s, ayen ilaqen ad t-nexdem ur nessusum ara. Aḥbas-ines neγ aserreḥ-is yuγal γur-nneγ ma illa nbedd γer tama-s.

bu ugernin

Azul fell-awen,
Tanemmirt i watmaten-agi-nneγ “Bu ugernin d Muḥabdiki“. D tidet daγen wayen akk d-tennam. Ḥṣan anwa d-ggaren ger wallen-nsen! D tignit ideg d-berrun i wid izellun, wid yenγan timegraḍ d wid yexlan tamurt, begsen-d γer iɛerḍiyen, γer wid ibedden di tegnatin ideg sseknan Dzayer… Gma-tneγ Daɛi yettwassen s tirrugza-ines, mačči d win zemren a t-aγen neγ a t-ssigden acku d win ur nettɛuzzu iman-is am wakken i yettɛuzzu tamaziγt d temsalin n tlelli! Yella yezmer ad ixelleṣ leγrama neγ lexṭiyya i s-d-ssufγen “2OOOO idiniran” am wakken i s-d-nnan kra „ d nekkni ara tent-ixellṣen deg wadeg-inek, ssusem kan ad tefru temsalt), netta yugi, ibedd γas yenṭerr, maca, ur yekni, ur ikennu! Di snat tikkal i s-ḥekmen yakan, tikkelt-a d taneggarut: D aseqqamu n teγdemt tunnigt, yiwen ur yezmir ad yerẓ taγtast ara d-yeffγen sγur-s! Yessefk ad neḥṣu akk d akken yezmer a d-yili deg-s kra yellan, ula d ayen nkukra: A d-yessezri lḥebs, mačči kan d leγrama! Tikkelt tamenzut: zdat 4 ibugaṭuten „Farid Xmisti, Ben sadeq, Ṣaleḥ Ḥanun ( d abugaṭu n leɛrac) Ḥsen Buẓeṭṭin ( si Lpari) , ma d Ḥmed Adγirni (abugaṭu n tmurt n Merruk ur t-ǧǧin ara a d-yekcem) akken yakk terwi deg wexxam n ccreɛ, u lemmer mačči d abugaṭu Farid Xmisti yili ula d kra seg wid iḥeḍren assen ad ttwiṭṭfen γer lḥebs, akka am weltma-tneγ Kamira N At Qasi i d-isuγen deg wexxam n ccreɛ, imi tettɛudd meskint d axxam n ccreɛ n Tizi-Wezzu!
Fiḥel ad ssugteγ awal: Awer d-yeḍru wayen kukraγ! Awer yettwikref, d bab n tarwa i yella, γas netta yezwer-aγ γef tarwa-s, nekkni a s-nini yella leḥder!
Bu ccfaya.

azul fell-awen
a tamurt-iw anda-t leḥq-iw! ay yuγen irgazen ur ttrun, s yedrimen n lgaz d lpitrul, akk d ddin, adabu d yemddukal-is, ttruẓun deg idles-nneγ d yemdanen yettḥuddun fell-as, ur ṣeḍḥan ur uggaden, wissen kan ahat aselway-agi Marikan Barak Obama, ma a d-iger ciṭuḥ leεnaya fell-aγ, ahat a t-uggaden ad rren aḍar, tanemmirt a Bu ccfaya γef isalen-agi i γ-id-teffkiḍ s yinna di wehran, ziγen d tikkelt tis-kraḍ i d-rran ar Mass Ẓamuc a t-ssezerin di ccreε, nessaram ad tefsi tyerist-agi i cudden imesbaṭliyen, azekka 10 . 11. 2008 ad tifrir tagut fell-as; aql-aγ nettrağu isalen-ik a Bu ccfaya?
ar tayeḍ
muḥend

Amek teffeγ tadyant a dda Ğamal?
Ssarameγ ad ikukru wemcum!

Azul fell-awen/t
Ḥṣiγ lant, llan wid yeggunin isali n ccreε i yekfan tura kan! Acku mazal llan iεerḍiyen, mazal llan wat tegmat... Ccreε yebda γef 12 d 20 ddqayeq n wass-a, tura kan i yekfa. Lğuğ yesseḥres nezzeh γef yesteqsiyen-agi: Inebgawen-agi iberraniyen amek ruḥen γer tmurt n leqbayel? Anwa i ten-yewwin γer din? Aprukirur yessuter akken a d-yessezri (Ẓamuc) aseggas n leḥbs. Di taggara, lğuğ yeṭṭef taγtast akken alamma d ass n warim (letnayen) i d-iteddun ara d-mlen taγtast ( amek ara tt-frun)!
Belεid Abrika yenna: Taγtast mačči dagi ara tettwiṭṭef, anda-nniḍen ( meḥsub d ccerε aserti) !!!!!!!!! S umata kan : Tanemmirt i kra n tin d win i d-yefkan afus neγ xerṣum i tt-yeṭṭfen di ẓẓmek ilmend n taluft-agi. I tikkelt-nniḍen anda-ten ikabaren-nneγ?! anda-tent trebbuyeε izerfan n wemdan?! Anda-ten ineγmasen?! Anda-ten wid iγef nettnaγ?! Anda-ten?!....
A d-nuγal s awal γef temsalt-a.
Tanemmirt i wesmel imyura.
Tamawt: iban d taγtast i ṭṭfen snat tikkal yezrin iγer iteddu ccreε unnig n tikkelt-a.
Ğamal Benεuf

Azul a dda Ğamal,

tanemmirt ilmend isali-agi d-tewwiḍ!
Γas ulamma ssusmen akk wigi d-tuddreḍ yakan, annect-a mačči d amaynut, maca, ini-yas ttxil-k i mass Ẓamuc llan widak tḥuza teγrit!
Ihi aql-aγ nettrağu taγtast amek ara tili, ma d takurmut ( lḥebs ) yessefk ad ẓren yemcumen ur nessusum ara, a d-nsuγ alamma nessumel ula d iεeẓẓugen ( mačči d Azazga, tamurt n Saεid Saεdi ), maca, d at ukabar-is.
Ma d tadrimt " aman s asif i yetteddun" aql-aγ ur t-nettağğa ara iman-is gma-tneγ Ẓamuc.

Ssiweḍ-as ttxil-k azul sγur-neγ a dda Ğamal!
Sεid

azul fell-awen
tanemmirt a Ğamal imi γ-d-teffkiḍ isali-yagi γef tedyant n Mass Ẓamuc, ad ssnemmreγ akk widak yellan γer tama-s ass-agi, deg wexxam n teγdemt, atan tuddreḍ-d Mass Belεid Abrika, acu kan daγen ammer llan at ikubar isertiyen, a s-tinniḍ, mačči yiwen uεekkaz i γ-yewwten, tilufa am tigi ttarant ul deg unezgum, ar melmi akka, ara nerğu azref-nneγ,
azul d tebγest i Mass Ẓamuc,

muḥend

Kra si ccreɛ n (Daɛi, aselway n Numidya) wass n Warim/Letnayen.
Tamert (ssaɛa) qrib d 8 d wezgen n tnezzayt (tanezzayt neɣ tanezzagt=ṣṣbeḥ) imdanen akken bdan keccmen ɣer teɣremt ( d tidet d tiɣremt, imi tennerna di thuski, d tin tebna Fransa, mazal ar tura izamulen-nni yettgensisen azref n tmurt n Fransa !) n teɣdemt. Di ccaw, ulac kra n wugur, imdanen ttalin ɣer tzeqqiwin anda ara yili ccreɛ, alammi d d-iban Belɛid Abrika d wamek cqarrwen am wuccanen yemḍifen akk d yemsulta yellan ɣef yimawen n tewwura akk d tezwara n isukfal (tiseddarin) yessalayen ɣer wunnig amezwaru.. Kra seg imeddukal-nneɣ ulin yakan, gar-asen Ferruǧa Musawi (tamlawit uselway n Agraw amaḍalan amaziɣ, d taselwayt n Amazday n tlawin n Tefsut taberkant), Smaɛil Mabad ( d amaṣalad neɣ d aɛeggal n wegraw afidiral n CMA , d aselway n tiddukla Aɣbalu n Tegzirt—Tizi-Wezzu), akken ulin iṣubb-d Daɛi (d netta ara yezrin di ccreɛ), yeffeɣ-d si teɣremt n teɣdemt, yerra-d srid ɣer Ǧamal i yellan yettraǧu ma yella kra n win ara d-yawḍen…dɣa yeɛreḍ amek ara t-yessebɣes, a s-yekkes cwiṭ si lḥerṣ-nni (ɣas ma Daɛi yennum s tigi, yernu mačči d win yettagaden ɣef yiman-is) : Amek akken ? I tezmert-nni ? Yak ur tefcileḍ ara kan ?!… Atan yeffeɣ-d isali deg wesmel imyura.net..Daɛi : --Nnan-iyi-d, yernu ddeqs i yi-d-yessawlen, akka am ubagaṭu Ṣaleḥ Ḥanun….
I Bensadeq (abugaṭu) yewweḍ-d ?
- Tura dɣa a s-ssiwleɣ. Din din yessawel-as, “aql-i zdat wexxam n ccreɛ” I s-d-yerra Bensadeq. Yiwen umeddakel (Ḥafiḍ si tesmilt n Lḥasi) la yesteqsay lemmer ur ɣ-ttaǧǧan ara ad nekcem?! Atan yewweḍ-d Bensadeq, nedda yid-s nuli ( dɣa ifureṣ tagnit uneggaru-ya yefka-yas awellih aneggaru i Daɛi: Atan wayen ara d-tiniḍ:“ Snubegteɣ-ten-id ɣer wermud i niqal ara yilin deg Wehran, dagi i yekfa ccɣel-iw, ayen-nniḍen yexḍa-yi!), yiwen ur ɣ-d-yesbedd, srid ɣer tzeqqa uṭṭun wis-sin, yellan deg wunnig amenzu… Tazeqqa qrib teččur, irgazen sɣamen-ten di tama tayeffust, tulawin di tẓelmaṭ.. Akken d-isuɣ nnaqus yekcem-d unezzarfu, aprukirur d yemlawiyen-nsen..atan yewweḍ-d dda Ɛebdella, nga-yas-d adeg zda-tneɣ. Bdant-d tlufa, si 9 n ṣṣbeḥ tedduḍ: Ldrug, lemwas, timenɣiwt, tukerḍiwin… Lḥaṣun mačči d yiwet ..! Alammi d 12 d 20 ddqayeq i d-tewweḍ nnuba n Daɛi (tikkelt-a ḥercen, ssegran-t mačči am tikkelt tamenzut ideg tekker dinna deg wexxam n ccreɛ, akk imdanen ffɣen-d ssyen, yuqeɛ-itt wah d ruḥu!..)
Anzarfu*: Taluft uṭṭun… Mass Ẓamuc Sseɛd! Yezri yeṭṭef adeg ibedd zdat-s, yerna ɣer yidis-is ubugaṭu-ines Bensadeq. “D kečč i d Ẓamuc Sseɛd, i ilulen ass n 29 Cṭamber 1963 ( lulen-d deg yiwen wass netta d FFS!!!!), d mmi-s… akk d mmi-s…?
-Ẓamuc : D nekk.
Anzarfu: tettwatehmeḍ s waya: “ Asgergeḍ neɣ lexdeɛ, askerkes d useqdec n ẓẓur ( Escroquerie, faux et usage de faux). Ass n waya d waya tesnubegteḍ-d iberraniyen si tmurt n Belǧuk, gar-asen asinatur… ur d-usin ara ɣer Wehran ruḥen ɣer temnaṭ n Leqbayel… D acu ara tiniḍ deg waya?
-Ẓamuc: Ur xdiɛeɣ ula yiwen, imi ulac kra n yiwen i d-yeccetkan fell-i! Ur skeddbeɣ ara acku d nekk i d aselway n tiddukla Numidya i d-yesnubegten inebgawen-agi! Ur ɣurreɣ ula yiwen, acku d nekk i d Ẓamuc Sseɛd i uznen tinubgiwin s yisem n tiddukla Numidya i iqeddcen s wudem unṣib, tettunefk-as-d tideggi sɣur Lwilaya n Wehran…! Bensadeq: Ma tessurfeḍ-iyi a mass aselway a d-zwireɣ s tamawt-agi yellan deg ukaram: Yesteɛref s yiman-is yesselwi tiddukla (yeɛtaref bi annahu yataraas el ǧemɛiya)! N wacu tiddukla-yagi?! D tiddukla imakuren?! Acku imi ur d-yelli ara n wacu-tt tiddukla-yagi yezmer ad tettwigzu d tiddukla n imakuren ( mejmuɛet acrar/ association de malfaiteurs)!!yessefk a d-yeddu yisem n tiddukla-yagi « NUMIDYA » yeɣra-d kra n tefyirin si tsuret n « Lbaqara » akken ad yefk tazmert i tamawt-ines (usukur a madam Nuɣmun !...) Ssyen anzarfu yesteqsay, tikkelt d Ẓamuc tayeḍ d Bensadeq i s-d-yettarran… s uamata : ayen d-tesnubegteḍ iberraniyen-agi ? Ɣer wacu timlilit-agi iɣer d-ttwanubegten ? Acimi ur d-usin ara ɣer Wehran, ruḥen ɣer temnaṭ n Leqbayel ? Anwa i yeddan yid-sen ɣer temnaṭ n Leqbayel ?! Acuɣer ur teqqareḍ ara i udabu?!... D acu i d iswan n tiddukla-yagi-nwen?.. Di taggara yefka awal i weprukirur akken a d-yefk taɣtast-ines, atan wayen d-yenna: A s-nessuter aseggas n lḥebs (ferme) ! Ma d aselwaw n teɣdemt (lǧuǧ) yenna: Taɣtast n ccreɛ (verdict) ar imalas (ass yecban ass-a/ warim/letnayen) d-iteddun!...
Neffeɣ-d ssyen ur neḍsi, ur nettru ! nemlal-d akk deg wegnir n wunnig amenzu, yal wa d acu i iwala, yal wa d acu n tifrat i yefka i temseɛreqt-a!... Bensadeq yenna: Aql-i yid-wen ay atmaten. Is fell-aɣ nga-t, ma d taɣtast n ccreɛ yezmer ad yili deg-s kullec?! Belɛid Abrika yenna: Wagi d ccreɛ aserti, taɣtast ad tettwiṭṭef anda-nniḍen!...
Di berra ( agni/place maître Thuveny)-nni nufa-d dda Ɛmer Bensidhum yettraǧu; dɣa d netta akk d Daɛi i yesnubegten akk inebgawen ɣer imekli; Ǧeɛfer Benṣaleḥ (aneɣmas n Lxaber) yugi, yenna-yasen ma ddiɣ ur d-iteffeɣ ara isali-ya azekka. Ǧamal yenna-yasen nekk ad ruḥeɣ ad azneɣ isali i wesmel imyura. Bu ccfaya yessetḥa, yugi ad yeddu. Ma d nekkni ( Awetniri d Awlawal) mazal-aɣ meẓẓiyit ɣef tigi..
Mazal lxir ar zdat….
(*”Anzarfu” neɣ “anzarfu” yal wa amek t-yettaru, sɛerqen-aɣ-tent)
Tanemmirt
Seg Wehran: Awetniri, Awlawal.

Azul fell-awen
I tikkelt-nniḍen: taɣdemt n tmurt n Butefliqa ( i d-ssumren iqezzaben-ines akken ad yawi arraz n “Nubal/ Nobel” n talwit) texḍa i webrid usaḍuf d wezref, tewwi win n tsertit! Wid yenɣan timegraḍ, yukren imelyaren atnad ttawin ipunesyuten, ttḥewwisen di talwit, wid ibedden di tegnatin n ẓẓmek d lḥerṣ ɣer tama n tmurt akken ad tidir cennfen-asen tiwenziwin-nsen! Mɛuqqeɣ-d, ttif ma ssusmeɣ!
Bu ccfaya.

Γas ulamma d tarwa n tileft i yellan, udmawen-nsen tγunza-ten tezweγ. Seg wasmi d-necfa i yemma-s n ddunit yella nutni d aserwet, mačči kan d lekwaγeḍ i wumi beddlen udem, d tamurt s yimmad-is, maca, la ḥekkmen i yemdanen s ( faux et usage de faux), ayen iwumi qqaren s teglizit-nsen" ttezwir wa istiεmal lmuzawwer, lmadda 222 min qanun lεuqubat".
Ulac imeslayen iwulmen neγ iwaten dagi am widak-agi n Lewnis d-tuddreḍ tikkelt-yezrin a dda Ğamal:
"A win s-yennan ar k-wwteγ yerna ad ak-ggalleγ, ma tsuγeḍ-d ar d ccetkiγ".
Ssarameγ-awen nger ay ilfan!
Sεid

tamurt s timmad-is

Azul fell-awen

Tagi d tilawt d targit n bu ugernin

Tanemmirt i kra n win terza tyita i d-iγlin γef Numidya, tanemmirt-nwen mi γ-d-tessegzan ayen iḍran dinna deg uxxam n ddreε d zzkara mačči d axxam n teγdemt, tacihant (lmizan)-nni illan nnig teggurt n unekcum ilaq ad smilen taqedduḥt-is. Ilaq-aγ s Leqbayel - wid isεan nnif- ad neğğ akk taεerbubt-nsen d Ddin n ...-nsen d kra n wayen ara d-ikken sγur-sen. Nek s timmad-iw ammer zemreγ mačči d Ibiljikiyen ifehmen ittazzalen γef talwit d teγdemt ara d-awiγ γer tmurt ! ad asen-d-awiγ i nutni lğunun, lbumbat, les vampires ara isnegren sekka-nsen ... ammer deg ufus-iw i tella ad d-awiγ inbazen, ad ggumiγ ad xedmeγ deg-sen ayen ur ixdim Hitler deg Wudayen neγ Walker deg Seddam sya alamma d Lkaεba... Ruḥ tura amen anezzarfu iγran iggulen ad ixdem lḥeq ! ruḥ tura amen tarwa n leḥram ittarun ineqqisen (rapports) ideg sbabbayen i At nnif ayen ur xdimen ara ! Ruḥet a Lγaflin ddut d yikabaren n Leqmayel igganen iqellben idis amzun ur ten-teεni temsalt ! Ruḥet tura amnet les deputés-nni i tessulim teqqarem nesεa usawen-inna irgazen awal ur ten-id-yuli ziγen d bni wiwi d bni naεem ! Walit ziγen ma ad d-cehden d akken ddula testenya le protocole d'accords gar-as d umussu n Leεrac belli tsemmeḥ !
A-t-an ma ur as-d serrḥen ara i Sseεd, bγan arway n tmurt, nekkni ur nessusum ara.
A-t-an bγan ad aγ-d-ssekren γas ur nebγi. Yal mi ara d-yaẓ wass aγelnaw am umenzu n Wunbir neγ n 1u n Yennayer neγ 20 Yebrir ad nessuter Tamaziγt neγ Tiliẓri neεya deg tfuḥant-nsen ḥaca-twen neγ ad nettu Lεuda tis-3 akk d ṭṭul n leεmer, ad aγ-ssenquqlen neγ ad awin asfel, akken ad nedhu , tikkelt d aḥbas n Lewnis neγ adebbez n warraw-is, Lwennas neγ Dda Lmulud d wiyiḍ. Ddurt iεeddan d aselway n tγiwant n Tmezriti i kksen. Deg yimalas-a, d Daεi. Deg Yennayer d Yibrir d-iteddun wissen anwa !!! ??? cfut kan a wid itettun

SSEΣD ZAMUC, ilaq-as ssber ma illa kra i d-iqedder Rebbi-nsen ; Lḥebs d irgazen i t-ikeččmen mačči d At uceqqer n ufus. Lḥebs d At tebγest i t-ikeccmen mačči d iwtal.

At Uxxam-is, ilaq ad zdin lqedd-nsen ad zuxen d argaz i sεan mačči d menwala.

Nekni, nella d Sseεd deg talwit, ur t-nettağğa ara deg ẓẓmik

Win ittegranen γef udabu akk d leqmayel ur nelli d Leqbayel.

bu ugernin

azul fell-awen
deg tegnatin am tigi, twulem-aγ tdukli ay atmaten, acku wigi begsen-d ar γur-nneγ, di 62 ar ass-a, nutni la ttebbin deg-nneγ, kksen-aγ azref, rran-aγ, d imagaren di tmurt-nneγ, wid ara γ-iḥudden, wa nnγan-t, wa nnfan-t, wa ḥebsen-t, wiyaḍ uγen-ten, ur ğğan, ur yiwen a d-yenṭeq, ammer a d-yefk isali γef wayen i γ-yeεnan, ran kan s tkerkas-nsen a γ-uwḍun d widak-nneγ, imi, ara weεin ad ḥizen yiwen am yixef n lεid, iwakken a t-sseγlin, imdanen-nneγ n tsertit neγ n yedles, ma ulac-aγ deffir-sen, amek ara sεun tabγest ad lekmen ar zdat akken ad kksen tamara-yagi i d-yeγlin fell-aγ, tura ur d-yegri laman deg udabu n dzayer s ddin-nsen neγ s tsertit-nsen, kkaten kan iwakken a γ-ssnegren,
aql-aγ yid-k Mass Ẓamuc ass-a azekka
muḥend

Azul fell-awen/t
Attan teɣtast (délibération) i d- yeffɣen si ccreɛ unnig ( Aseqqamu aneɣdam n temdint n Wehran), ass n Warim/Letnayen 17 /11/2008 ɣef lewhi n 18 (t/h) n tmeddit, mgal Sseɛd (Daɛi) Ẓamuc : « Relaxe » Aserreḥ, war aḍfar, war lḥebs, war lexṭiyya neɣ leɣrama.
Yegra-d kan a d-nini : Ad nesnemmer, u ad nerr tajmilt i yakk imdanen i d-ibedden ɣer tama, i yellan mgal meḥyaf, ẓẓur akk d lbaṭel-agi i d-yeɣlin ɣef gma-tneɣ Ẓamuc imi mačči kan d ameɣnas n tmaziɣt, maca, d aselway n tiddukla Numidya i ibedden ugar n 28 iseggasen aya i yidra n tudert n tmaziɣt d warraw-is. Tanemmirt i wesmel-agi « imyura » ur nessusem ara akken ssusmen wiyaḍ ! Neḥṣa nezger i yiwen wugur, mazal wiyaḍ ar zdat, maca, ay akken yebɣu webrid yessawen, ad naweḍ i nessarem.
Ǧamal Benɛuf seg Wehran