Ǧamal Benɛuf

I yiman n dda Lmulud At Mɛemmer

  Si timawit ɣer tira.

Tugna-yagi tettwaṭṭef-d deg Belɛeggal ass n 31 Γuct 1999. La s-nessawaḍ tamella i temɣart-agi (B.Zehwa) i yewwḍen tura sanda ara naweḍ akk.

Aḥric amenzu : Inzan (lemtul)

Awal i d-yewwin awal ɣef wawal*  

i les carrés nni d acu-ten,d isekkilen daγen? D tamazight

A Σli-Lgaṭu,

winna d-yesersen ayagi deg wesmel ur igir ara tamawt i wannect-a daya. Yifit lemmer ad t-yesnemme wemdan tazwara, sakin ad t-iwehhi s annect-a, tefra.
D acu k-yesserfan akka, yak ur d ak-fukent ara tεeqqqcin-ik?

" Zik wa ihedder-itt i wayeḍ, ass-a di lkaγeḍ,
a tt-id-afen ineggura" ( L.A.M.).
Tanemmirt a dda Ğamal!
Amcum-nni

Ad t-yesnemmer

azul,
ayen id turiḍ d ayen iγ d irennun tamusni , bγiγ kan ad gzuγ anamek n wawal nni id seddaḍ deg yinzi uṭṭun 73 " abγer" imi ur t sinneγ ara ,tanemmirt tayeḍ γef leqdic ik sumata .

azul fell-awen
A k-ssnemmreγ aṭas a gma Ğamal, i γ-id yerran inzan-agi γer tira, (akka id leqdic iga Dda Lmulud Mεamri) tanemmirt, ad as-nessawaḍ daγen tamella(ṛeḥma) i Nna Zehwa yecfan fell-asen, ammer akk Imaziγen n tura, gren γer tqerruyin-nsen azal n timaḍ (meyya) yenzan, ahat ur smuzguten, ur ten-ttbeddilen, widak-agi yellan stuwtiwen di yal amḍiq ttruẓun deg yedles Imaziγen d tutlayt-nsen.

Asegri s usefru-yagi i γ-id-yessaweḍ s tira-s zeddigen
Dda Sεid Nat Mεemmer: Ssawal i lmuxx-ik allaγ!
amen yes-k yes-nneγ, tutlayt-ik yes-s ttmeslay!
amaynut sγur-k mi a d-yeffeγ, s tira-s kan ttnaγ!
daγen s tmusni-k deg-s ssalay!
nekk d wa i d abrid ssneγ, muqqel ma γelṭeγ, leγrur γef yimi-w ẓẓay!
muḥend

azul a gma L ḥusin inzi-yagi wis 73 akken tegziγ nekk, d (rrbeḥ) maca a neğğ Ğamal d netta a γ-t-id-yessegzun akken iwata.

tamawt: acimi tekkseḍ ijeriḍen n tuqna deg tira-k a L ḥusin? ma yella d imusnawen n tutlayt i d-yefkan iwelihen-agi, nekk daγen a ten-kseγ, tira-k telha war ijeriḍen n tuqna tettwagzan daγen;

muḥend

Azul fellawen,

Tannemirt af inzan-a...wiḍak ayi ḍayen islliγ s-umata sγur tayemmaṭṭ inu, u εarṭeγ ya kan ad leq-ṭeγ kra zegsen ( ay tesurfem ma yela aniḍa ig xuṣ a y-imyura...)



_Yenayas w'azro: Ugadegh a-d'fsigh.
Islayazd u-kkura, yenayas: mi d-kkecc attefsidh, nek ul ar'dinigh.

_Nnan-as i w'agg'ttidh (afrox): Tura vav-akk yemut, w'ar aggedyawin lqut.
Yennayasen: Mi d Rebbi yella, yiwen ur t'idyexliq yettut.

_Steqsan afekrun(ifker); nnanas: Anw-idezman-ikk ay-ifker.
Innayasen: akka seg asm-id'neker.

_Ufan tayazzitt, tettru af yiwen g'fraxis m'iggruh.
Nnanas iwacu imettawen, iruh'am yiwen mazal mraw,
Tennayasen: Win urenjjerev tasa; a d-ines anda nensa.

_Nnanas iwezger: Anw-i d'ggmakk a y'azger,
Yennayasen d win ijjeb'den yidi azagglu.

_D cetwa isyennan: Ggulegh m'urewitegh s y'ixef a d'wtegh s'udhar.

_Yevrir yennayas: ma hadhregh w'ivghun ighav, ma ghavegh w'ivghun yehdher.

_Yennayas y'ighes i w'aydi: qquregh,
Yennayas w'aydi; ma yella kkecc tequrett, nek s tufagh.
_ Uheq, sidi Ali; g'uhhen tt'hukett uhhen'tt'ghezzitt.

_Aâebudh yerwan, ur yett'xemim f win yelluzen.

_ledj'reh iqerreh, vavis.

_Igezz'rran d win yewten; d win yett'wawten.

_Win yevghan ad icc ad irr'wu ad iker deg usu.

_Macci Win yeccan yerr'wa ad yettu ans id yeka.

_Win yettsen g t'rrakkna, idel ihma, yeqqaras: cetwa telhha.

_Ay telhhitt a nniya; lukan ut ttettedh ara ayetmaten.

_Ma yella tayerza d dwam; ssava d leâwam.

_Win ik'yenan hamlegh'k(rrigh'k); jarr'vit g teswiât n diq.

_Crureqt ay aman mi t-tazart ulacitt.

_Ghas ma kkerhhegh ggma; kkarhhegh w'artiwten.

_Igger ma werragh yettem'gar.

_Taserduntt ttazaêvatt, rnanas idhebalen.

_Ivki ihemmel win it-ixenqen.

_G ggematt ar uggematt, yyad m-anemickatt.

_ Ur ttagad asif ma yehmel, agadit ma yesusem.

_D'acu ik'yewin ar levher a win ur nesin i lâum.

_Qsentt w'arzzazen yera ttar g'vzzizen.

_Amaêmac g tmurt iderghalen d'azerqaq.

_Am wid idhemâân tamentt g'arzzazen.

_ Yennayas; a vava wetnagh
_Yennayas; a memmi âaqelnagh.

_Tighirdemtt, attefegh atteqes w'attughal gh lgharis.

_Yennayas w'ucen; semmumit t'zzurrin n laêddari.

_ Am dihhin am dda nigh dihhen axir n dda.

_ Idd'rimen iddrimen iddrimen,
win itnisâan mechhur
win ut'nesâi mehqur.

_ Ulac win izegren i w'asif ur yevzigg.

_Tizizwit d'iittaken tamentt;
win teqes attemet.

_ Meden rnan iyyi nek rnigh tamghart y'imma.

_Wayyi d yiwen meskin, isâa yiwet n tteqwirt zat w'xxamis, d'nettat i d kulec ghures, ixedem zgges tavhirt, izza tjjur n lfakkiya, izervitt aken ur kkecc'mentt t'yuzzatt, ur kkecc'mentt t ghetten, yiwen w'as ifghed g xxam iwala alghem ( d nuva tamezwarut iwala alghem), isâanqeq nigg n zerr'v ni, ivda aqrratt g yiwet n tt'mecmact yecaêcên; ur yufi d'acu ar adyini; innayas: a rebbi d kkecc i tt'idyefkan d kkecc i tt'yeccan.

_ Win yeccan yecca, win yegran tarr'vuyt tekes.

_ Win yev'ghan taghrrutt izlu taghatt, win yev'ghan Aâli yarwitid, win yev'ghan lesfendj ad ifek nannas.

_ kkra i telwiht kkra i terr'wiht.

_ Innayas yiwen: Tivkitt negh tettezz'gged l ggelva.
yerayazd w'ayett: Itt'van f'udmis.

_ Ad yeker ldjil d'aquttitt ad yecc naâma ur tewitt.

_ Ur ttizzidh ak s'velâen, ur tt'irzzigg agdesusfen.

_ Tamentt tennayas: Azzar n hegu at ideh'yugh ma d'azzar n lmut as kemlegh.

_ Tajenwitt n djeha t'neq t'heyyu.

_ Ayen yellan g lqaê n ttecuyt, isalayitid ughemdja.

_ Win itetten g ghemja tt'rruhnas izevrelihen.

_ Ulac xali g t'sirt.

_ Ulac aêeleq uvalttun.

_ Aêli d'irit ajelavis d lâalit.

_ Tif ilellac wala ulac.

_ Ivda llif ivda ttess'rrif ivda tidjaw g lex'rrif.

_ Widakk ihef'dhen rruhen qimend iqez'laluhen.

_ Haynun zaynun, urett'wexirren i lkanun.

_ Afegh a tt'imghurett.

_ Awal am lujehh, ma yefegh ur d'ittughal.

_ Tarr'sast ineqen ur t'hheder.

_ Afrox ur iselqatt vavas.

_ Innayas w'rgaz i t'mettuyt:

Usan ayyi wezilit.
tennayas: D'usan n tt'veruyt d ttverit.
inayas: anida aka?
tennayas: g xxam n tt'meghra idjigh acettitt.
inayas: qim anida ikemttugh.
tennayas: a tamacwart, dayen igh'defka tesghart.
yak tura l'istiâmar yefegh?
inayas: nettru f lfil y'ilindi asegwasa yernad gg'mas.

_ Attemmaê, iccat ukedav.

_ Nezzadh aman.

_ N'ttefezz awal.

_ Yewett y'igig tavllatt.

_ Yefegh urekk'ti tarr'vuyt.

_ Qrriv, attawett taluft irgazen.

_ Yuggar uxxam y'irgazen, win g'zgaren.

_ Tif tamettuyt iherzen, tayugga ikkerzen.

_ Itt'meê uyedidd g dd'law.

_ Uret'ttefegh ara tunttit alma rr'wantt it w'xxam.

_ TTseqin ar verra.

_ Levher(ill), itt'hibbi inernan.

_ Xedmegh i meden ayen iv'ghan i y'imaniw urevghigh.

_ Agguttif g rrumi mahla.

_ Igg'la uqurran s'uzegzaw.

_ Ivgha ad idu tikkli n ttsekurt, tâarqas tin n tt'yazzitt.

_ Ans'aken ittes'kkuc'ttadh i d'zedd'megh.

_ Akkecatt t'heqrett, izmer ak'isderghel.

_ V'dhanagh ttuna am uqettun n ttugga.

_ Ferqen am ivawen f lluh.

_ Awal ma yewett sin iwett mittin.

_ DDunit t dewir am tteh'vultt w'ghrrum

_ Ay culagh d w'ay'nuddagh kighed icuddagh imudagh.

_ TT'warin meden bu temmzzin.

_ Wariyi ak warigh macci d Rebbi ak aggadegh.

_ Aken id yusa w'ass at ikkes umekksa.

_ Ma icav ar tett it ttuya.

_ Nennas i w'ucen: Assa d nuvakk attett'witt ajemaê.
Igga aka yett'ru.
nennas iwacu imettawen a y'ucen.
Innayasen: Ugadegh teskidivem.

_ SSuq ssveh.

_ Tamedit ideqaren lâaslama.

_ Am win ig'rruhen ad yer vavas amjah, igga aka ijah ula d netta.

_ Uqvel akezz'rregh jahegh, ma ttura rr'tahegh.

_ A bu snat yiwet texttak.

_ Ulac ticrratt ur dnefki iddamen.

_ Ulac tedj'rra ur ihhuz w'adhu.

_ D yiwen uhedadd itnisse'vtten.

_ Ma tenxerr wexerr.

_ Ar'ras allutt ay ahedad.

_ K'sas g camaris t vexer'ttas.

_ Yuâer umegh'vun ma yerveh, yuâer w'mvur ma yezwej.

_ Rruh kecc âalaz'd vavas i win ur'tnesâi.

_ Kulec ihal g ggujil hala tiwlilist n lexla.

_ Ad'ggal am gguddi n ric, win iâedan isemmar ghures.

_ Lâaslamakk a llaz; ans'aka ittekitt?
Kigh'd g lexla d'ighezz'rrawen.

_ A y'aâeqa y'irdden, lheman iydiwtten agg'dyawett.

_ W'izemren asyini y'izem iffuh y'imikk.

_ Agg d'ifek Rebbi lhhem id gg'artenttudh i w'aken agh'tettudh.

_ A syefk Rebbi lhhem i win is izemren.

_ Azemur izmer i y'imanis!

_ Ilhha nnif ula g lmut.

Aqli am imiṛeγ llebḥaṛ
iεecqen lubabaṛ
la ttunageγ bγiṛ aεwin
yerra-yi zman d aεeṭṭaṛ
lebda d anemḍaṛ
kkiγ-d meṛa timdinin
lwaḥc n tmeddit yuεaṛ
ula'ukud nqeṣṣaṛ
seg asmi ğğiγ tiqbayliyin

Tamγart-nni attan tura tesgufuy di talwit. Acḥal refdent tuyat!
D tajjmilt imi i tt-yudder Ğamel!

Tanmirt-ik a Ğamel; limmer ulac-ik; a k-id-nesnulfu!

azul,
i keč a muhabdiki id yesutren dgi acuγer kseγ ijerriḍen n tuqna di tira w ? ak inniγ kan tidett a gma , kkseγ ten imi ur zriγ , ur sineγ alugen n tira akken iwata , ula d yiwen ur yi d yemmil iwellihen agi ,maca imi k nniγ ur zriγ anda wulmen anda ur wulmen ,dγa ur d seddayeγ ara akw, tura keč imi i k id yebwi Rebbi ma testufaḍ kra n weswiε a yi d mleḍ xerṣum s umata anda ten yeγ anda ur ten yeγ ula, acekku lan wid id yeqqaren d akken , amedya:
axxam nwen ulac degs tugna , llan wid id yeqqren imi yella ujeṛṛiḍ n tuqna deg : axxam-ik ad yilli ula deg wexxam-nwen , amek i tettwaliḍ timsal a muḥend a gma !!! nek d aya iyi ğğan ur ten id seddayeγ ara imi ur zriγ anda laqen , anda ur laqen .ttrajuγ tiririt s γurk neγ imeγriyen ,neγ a t qneγ amuḥend ? ad aruγ s γur-ek ?

azul a L ḥusin γur-k azref a gma imi ur nesεi-yara takaddimit n tutlayt, ihi ur zmireγ ara a k-id-iniγ akka neγ mačči akka, nekk s timad-iw ttedduγ d iwelihen n Kamal Nat Zerrad, yernu tikkelt ar tikkelt tteffaγeγ i webrid, acku inagmayen ssnulfuyen-d, ma ulac maḍi d nekkni yakk ara yessγervlen, i tinna n (v)? amek?

muḥend

azul,
awah a muhend "v" agi d awezγi ad yili imi werjjin uran yes yemdanen yesnen ad arun, nek ma uriγ t id dγa d ttucḍa kan id yellan a gma ,tura yezmer ad yili ma yella d i" venise" d tterbaεt is imi ur nezmir as nbeddel tira a naru daγen akka "beniz" ?? wama i wawalen d teqbaylit atan iban yella" b" i yzenzaγen d wagaγen.

azul i watmaten nnegh;
tanemmirt ik a muhabdiki γef usegzi nni n wawal "abγer" id yesedda Ğamal di yenzi ines wis 73 ? maca tura rriγ ad zṛeγ ma sexdamen t wawal agi n "abγer" di tmanaḍin agi id yudder netta ansa id yelqeḍ inzan agi, neγ d netta kan i yeksen awal nni taεrabt n "rrbeḥ" iwseggem n tutlayt?

azul a L ḥusin asekkil (v) aṭas i yellan irit-is, aṭas daγen i yellan mgal-is, imesduklen n tutlayt n Tmaziγt d (b) isertiyen d (v) ammer yiwen wass a nesεu tasdimant i tmurt Leqbayel, ad tettwaru Vgayet, mačči Bgayet neγ Bedjaya, acku B neγ B kifkif, asekkil V d usekkil B mačči kifkif, llan ihi wid yettmeyizen akka.ar tura mazal Lawliya n Guraya u yuran ara Bgayet neγ Vgayet? ala Bedjaya kan i yellan!
Ma d tamnaṭ agi nat Σebbas ur ẓriγ ara ma akka i t-id-iḥawec Mass Ğamal wawal-agi abγer, neγ uhu, neγ ahat ira daγen ad yezizdeg Tamaziγt, d netta kan i yeẓran. nekk mačči ṭemnaṭ-nni. mazal daγ ssewhament tira-inek a L Ḥusin, (werjjin) acimi mačči (werğin)? aql-i ttakkeγ azul i watmaten i d-yettarun γer wesmel yal yiwen s yisem-is, war ma ttuγ Ayirat, Yiwen, allet-aγ-id s tegzi-nwen ay imeddukal?

muḥend

ya muḥend dagi d ttucḍa kan, yif it ma nura" werğin ", yella wanda i twalaγ akka s talγa agi" werjjin",maca, d tayi i ywulmen ahat " werğin", tanemmirt ik imi tettarad lbal ik γer tira ,wama yiwen dina deg yimdukkal ik ḥuffeγ ad fehmeγ kra n tγawsiwin yečča yi iseblaε iyi, ma d keč ak yeḥrez yellu .
Ya muḥend a mmi tameṭṭut ik sarmeγ d tamelalt,manci d taberkant akken ig cennu ucennay nni, txil ek ma tegziḍ anamek n wawal id yessedda lwenas maεtub deg taγect is netta d newara deg tzelitt nni iwmi yules "a yemma εemed ur ttru"deg cewwiq nni n newwara anda is teqqar: mi walaγ iziker aneggaḍ yelsa d icifeḍ ḥemleγ wi itteddun ḥafi" d acu i d anamek n "aneggaḍ " ??

tanemmirt i vuvker id yuran ula d netta attas n yenzan seεben attas i tγuri imi ur uran ara akken iwata , rriγ lwelha w d akken llan kra n yimeslayen ur tnefhimeγ ara am : aluḍ aḥeddad , yewet yigig tablaḍt d acu i d anamek n yinzi agi , akw tiwlilist n lexla d acu tt ? .

Azulen

Azwel umahil-a d wa : « “Innan n yal ass si kraḍ tudrin n At Ɛebbas” « innan » seg : tmenna, ini.. mačči «inzan» ma ulac acimi i s-d-nerna aya: aḥric amenzu „inzan/lemtul“. Acku d amahil yerzan alqaḍ si timawit, yettwabḍa d iḥricen :
-Aḥric amenzu: Inzan.
-Aḥric wis-sin: timseɛraq.
….
Ay akken iri (amyag “ri” deg wurmir: bɣu)/yebɣu yili yuklal tinemmirin gma-tneɣ-agi aqeddac i d-yessersen aḍris-a deg wesmel, acku di tedmi-ines yenwa d azgal i zegleɣ, rriɣ “n” deg wadeg n “z”.

Tamawt: anzi wis-86 ɛerqeɣ di tira-s, yessefk ad yili akka:
Yenna-yas a baba wwten-aɣ, yenna-yas a mmi ɛeqlen-aɣ.
Deg wadeg n wa:
Yenna-yas a baba wwten-aɣ, yennas a baba ɛeqlen-aɣ.
Aql-i bubbeɣ-ken/t.
Awal “ abɣer”= rrbeḥ, akken t-id-yessegza dda Muḥabdiki deg wawal-is. Ar ass-a n wussan mazal-it sseqdacen-t kan deg yenzan, wamag yettwattu ula γer yemɣaren d temɣarin n tama-yagi n At Ɛebbas. Yella akka “ abaɣur= profit/avantage deg umawal n tmaziɣt tatrart .
S umata d wagi (asemneɛ xerṣum n kra n wawalen si nnger i ten-yeggunin) ay d iswi wis-sin umahil-agi, deffir usemneɛ n yenzan s yimmad-nsen d wayen akk yellan di timawit.
Tanemmirt i yal yiwen deg-wen ilmend usebɣes akk d wawal aẓidan. A d-nuɣal s awal akken yal wa a sen-d-nerr ɣef yesteqsiyen-ines.
Ǧamal.B

acimi ara rfuγ, neγ ad terfuḍ, neγ ad yerfu, nekkni akk d atmaten kra n win yettarun s Tmaziγt d gemu n tutlayt, yelha leqder waygar-nneγ, γas yella win yeccḍen, daγen assuref yelhan. Ma γef tezlit n Lunnas Maεṭub tamella d ussuref n Yakuc fell-as, deg uccewiq n Newara imi ara nessawaḍ azul d ameqran, awal-agi (aneggaḍ) waqila yesεa sin inumak, amezwaru: (aqesḥan) wis sin d taberkant-nni, i d-yennan di tuččit qqaren aseqi-yagi (neggeḍ) Ihi aneggaḍ: igezzem iẓuran deg yedles, igezzem ijjeγdan deg tuččit.

tamawt: ma tessneḍ yiwet tezlit n Maεṭub anda i d-yudder Dda L Ḥusin nat Yiraten, cclaγem-is annect ilaten, Ayiwen ur k-yaεqqil ara ma d Ayirat neγ d Abgayti: manci, εeqleγ-t d mačči, neγ uhu, a Dda L Ḥusin ar tayeḍ muḥend

tanemmirt ik a muḥend a gma γef usefhem n wawal nni " aneggaḍ" , teniḍ ed yesεa sin inumak maca keč anagar yiwen id tefkid "aqesḥan" anda t unamek niḍen ? d acu i d anamek n aqesḥan deg usefru n lwennas? iziker aqesḥan , d win i yettun lasel is ? neγ amek ? neγ d win yettḥaraben γef taεrabt ? d acu i yebγa ad yini lwennas deg usefru ines, Lwennas yecna Da ḥemmu n at iraten manci l ḥusin n at iraten !!!!
ak d rnuγ a muḥend a gma kra n imeslayen n lwennas imi ur ten fhimeγ ara ,am win anda is yeqqar di tesfift nni ines taneggarut: "win iwmi yecceḍ lasel sekrasen absis di tili" awal "absis" ? nekwni neqqar tabsist i weḍemmin nni n uxeṛṛub , axeṛṛub m'ara t tezḍeṭ as teyyeḍ ciṭṭ n zzit uzemmur neswal as tabsist, zik settent.Ihi γer lwennas d acu i d absis ?

a L Ḥusin teniḍ-d ur tegziḍ ara anamek wis sin, nekk nniγ-ak-t-id yakan (aseqi yeččuren d lidam, ayefki yeččuren d udi) d ayagi imi neqqar di temnaṭ-nneγ aneggaḍ. Imi kečč ar γur-wen teqqarem tabsist d aḍemin, ihi tabsist d unti, absis d amalay.
ihawul ammer ssineγ awalen akk teqbaylit, am akken iqqaren:
Am kečč am nekk a lğamaε, neγ tifeḍ-iyi εad s tgertilt!

muḥend

tenγiḍ iyi s taḍsa a muḥend taḍsaγ imi iyi d tenniḍ tenwiḍ nekki sneγ kulec ???!!! tanemmirt ik a muḥend γef usefhem n wawal agi "aneggaḍ", ttekleγ fell ak!! win ik yesεan deg wedrar ur yettagad deg uzaγar !!!! d awal ik, weεren imeslayen id yesseday lwennas , ihi anida ten wid ik yeqqaren nḥemmel tuγac n lwennas!!! ma deg lbal nsen aγ d segzun awal agi n " absis" nek akken ik t id nniγ manci d win i yebγa ad yinni ,imi ur yesεi anamek nni i sneγ nek deg usefru ines " yeqqar ak "sekrasen absis di tili" manci d aḍemin a muḥend ur nezri d acu t la keč la nek !!! ahat ma yella kra d Ğamal neγ Said nni id yettarun isefra , imi nutni tedda ciṭṭ tmusni nsen γer zdat,neγ m'ulac a nerju walbaεḍ n tewrirt musa weεmer ahat seqdacent dina wawal agi n websis, nek γileγ tjemmel tt id akw a muḥend ? yenna yas Ccix muḥend " a wi ddan d wi i t yifen ad yettεanad ad t yaweḍ wama d wid nemsawa ula wi ilemden γer wayeḍ" ihi tura d tayi , nniγ ak tteddu akw d Ğamal ad ttlemded tilufa; ya muḥend m'ara ak id steqsiγ γef wawal ur t tesineḍ ara, ffeγ γer wezniq tesseqsiḍ wiyad,yak ugten leqbayel !!! d widak akw !!!nek a muḥend steqsaγ yiwen yures magister n tmaziγt yenna -yi-d :d takurt nni n wedfel swacu i tturaren yilemziyen " boule de neige" ur zriγ ma tseḥḥa tririt agi a muḥend neγ uhu , sekrasen takurt agi n wedfel deg tili , d acu i d namek is a muḥend ??? ya muḥend ak d rnuγ awalen ur sineγ ara anamek nsen neγ icaṭṭ ak ?????

Imi testeqsaḍ yakan yiwen yesεan magister n tmaziγt yenna-yak d takurt n wedfel, acimi? ur yi-t-id-teslemdeḍ ara wawal-agi akken iwata? neγ triḍ ad tetihineḍ fell-i i wakken ad teṛwuḍ taḍsa! Σuddeγ s nniya a gma, ziγen d timsaεreqt i y-id-tefkiḍ, mačči d asteqsi: tenniḍ-d d acu iwumi iqqaren: (absis) imi tabsist teqqareḍ d taṭemint ar γur-wen, ihi absis d aḍemin, acku tabsist d unti n umalay absis. dayas i k-in-nniγ ur ssineγ ara anamek n yal awal yellan di temnaḍin nniḍen, deg wayagi a Dda L Ḥusin iban tiffeḍ-iyi, imi kečč meqqar tzemreḍ ad testeqsiḍ yiwen yesεan magister s tmaziγt;

muḥend

azul a muḥend!
awah a muḥend manci d timesεraq ik-d-fkiγ, nniγ-ak ur yi-teččur ara tiṭ-iw tiririt agi iyi-d-yerra" umegister-agi n tmaziγt" imi deg usefru nni alamek yesεu anamek n takurt n wedfel am tririrt -nni-inu ik-nniγ d aḍemmin ulamek yeseu anamek-nni daγen ,imi ahat di yal tamennaḍt amek seqdacen awal .
Lemmer llan wid ara d yerren si tmen-aḍt n at duwala ahat d ayen niḍen ara tesled a muḥend, γef waneccta i riγ ad waliγ d acu i d absis di tmennaḍ -nwen d aya manci d tadsa i bγiγ ad ḍseγ a muḥend a gma , manca is -sḍes-iyi-d wawal -nni iyi-d tenniḍ awah tenwiḍ nek sneγ kulec d aya amzun tenniḍ iyi d :" aweh tenwiḍ nek ay d Salem Caker ??? ur taḍsaγ ara fell ak imi nek daγen am keč ur sineγ ara a muḥend !!! s tegmatt kan , ger tamawt tikelt-a qneγ akw aḍris inu , yelha akka a muḥend? ma yella wanda ur ilaq ara inni-iyi-d , welleh-iyi-d imi wellah ma zriγ anda yelha neγ anda ur yelhi, xersum anda tesneḍ kan d aya.

" Tedda tmusni-w γer zdat" ma tkemmel akka aseggas-a ad srifgeγ neγ ahat ad grirbeγ seg ucuffu uqendur.
Argaz-agi yedda-d di leεqab-is, ABBUH A DDA MUḤABRIKI!!!
Anda-nniḍen yerra-yi d izem d wahin d tahin...
A Lḥusin a gma, ata wayen ssneγ kan ihi:
Lwennas d amedyaz i yella, d asefru i yerra d tizlit yecna, tagi iγef tettmeslayeḍ. Ihi dagi aql-aγ nessawḍ-d sanida yenna Lewnis: " AWAL YEḤWAĞ ASEFRU", anamek-is frutt d yiman-ik tazwara ma d anamek n tidet n websis i tettnadiḍ neγ d anamek-is deg usefru!
Tadayazt ( tamedyazt ) d amezgun n ssḥur, yezmer umedyaz a d-yini aγyul, anamek-is d Butef.
Nekk tizlit-agi ur tt-ssineγ ara, tzemreḍ ahat ad tt-id-tserseḍ dagi deg wesmel akken ad εerḍeγ xerṣum ad ak-fruγ tindict n wawal deg usefru?

Maca, γas ulamma ur ssineγ ara tizlit-agi, aql-i ad wwteγ deg waccaren-iw, ad gezneγ d acu i d anamek-is deg usefru, acku ssneγ neγ ttarraγ iman-iw ssneγacemma tamuγli n Lwennas.
Ihi macahu:
Awal-a " ABSIS" yettak anzi s " ASEBSI", ihi yezmer ad yili d igirru n lkif di tili, am win ad ak-yinin " Rwan rray-nsen".
Ihi aql-i ttrağuγ-k a d-taruḍ tizlit-a a Lḥusin akken ad nwali ul n tdellaεt.
Tanemmirt!
Sεid

azul,
mi ik nniγ keč a said tamuγlik tedda γer zdat manci d tikerkas, imi nek ur sεiγ ara tamuγli nni hrawen iwakken ad xemmem eγ ad meyzeγ s telqey asefru , qimeγ kan din deg wawal nni d unamek is, atan turiḍ ed tikelt, ldint ed wallen iw walaγ d tidett yezmer ad yetti umeslay yezmer ad yili manci d anmek is n tidett ara yesεu deg usefru, nek tidak agi ur s tezmireγ ara ;manci d cuffu uqendur manci d ayen niḍen a gma, d tidett kan ay d qareγ d wayen zerreγ d wayen sneγ , tεejeb iyi tayi :ad yini aγyul anamek is d butef , d tidett acḥal n tikkal akka , yenna d aciban γef cadli , yenna d buyleddiyen γef bumeddiyen ..... ihi tanemmirt ik γef tikti iyi d tefkiḍ ahat yessetti ameslay yebγa ad yini" asebsi" d γa ṛwan ṛṛay nsen deg ddunit agi, maca sya γer da ad εerḍeγ ad aruγ taγect nni a tt id sedduγ da , ma d muhabdiki ğğit a said ur sessexrab ara nniya s imi ula d nek s nniya w yal m'ara sutreγ degs awalen yesefham iyi d xersum ayen yessen ,as inniγ tanemmirt is s tusda .

tanemmirt a Sεid atan tuffiḍ-as-id abrid s wacu ara tefru taluft-agi n websis: ihi aru-tt-id tezlit-agi a Lḥusin, i wakken ad ibin ma: d awal-nni n uṭṭemin i tegziḍ kečč, neγ d takurt wedfel i k-id-yenna u magister n tmaziγt, neγ ahat d asebsi n lkif i d-yenna Sεid war ma yesla i tezlit, nekk sliγ-as i tezlit-agi, maca ur cfiγ ara fell-as, tura kan ad kkreγ a tt-id-nnadiγ a s-sleγ, axxam yeččur d tisfifin n Maεṭub, im'ara tmeyzeḍ ar iγimi di tili, ad tafeḍ d tisit ugiru, neγ d tuččit uṭṭemin! takurt wedfel xas rri-tt akkin. ẓer kan deg wanda i s-yeqqar Lunis at Mangellat (in-asen isendyaq n lkif i γ-id-tceyεem neṭṭef-iten) d agi daγen yal yiwen amek ara iwehi anamek-is, asefru am lqur'an yal yiwen amek ara t-ifeser! di tmurt kra akken, siwa γef wannect-agi kan i ttmeslayen, mačči γef tezlatin neγ γef isefra teqbaylit, ḥedreγ i sin εerḍen akken a d-fesren yiwet tṣuret di lqur'an imi daγen yal yiwen anamek i s-ifka yernu banen γran i sin taεrabt, acku ssqelwicen i sin, wa yenna-yas:(itamuden ansay-nsen ttheggin-d talγemt zzelun-tt d timecreṭ dγa ur msefhamen ara γaf tisi-is wid yeqqaren a tt-nawi ar tala ad tesew d wid yeqqaren a s-id nagem γer da, γef ay-agi innuγen; wayeḍ yenna-yas awah! d yiwen n ṛaṣul i d-yusan ar itamuden ur uminen ara yis-s, nnan-as alama tesufγeḍ-aγ-id talγemt deg wecruf-inn-a ara namen yis-k dγa yesufeγ-itt-id maca yenna-yasen a s tettakkem ad tesew aman, ayen ara s-tefkem ass-a, azekka ad a t-id-terr d ayefki! taṣuṛet tettfaka: imi ttnaγen yuγal yessnegrin Ṛebbi!

Azul a Muḥabdiki,

Isendyaq n lkif iγef yecna Lewnis di tezlit " Eṭṭes, eṭṭes mazal lḥal" ad iniγ d iγyal-nni n Maṣer d-wwin neγ d-yusan am wejraḍ
γer Lanjiri, uγalen d iselmaden-nneγ deg uγerbaz.
Lewnis ira a d-yini widak am ladrug, ihi tura aql-aγ neddenden,
tamurt n yeqbayliyen ara t-agadem tcumm cemma n Bu Seεdiyya-nwen, ihi kkes anezgum a Maṣer, a Ğamal Σebdnnaṣer!
Ma yella kra usegzi-nniḍen d-leqdeḍ sya neγ syahin ilmend n waya, aql-i ḥareγ ad teẓreγ d acu-t.
Tanemmirt a Muḥabduki!
Sεid

Almi d tura i yegreγ tamawt, a ziγ uriγ usawen Muḥabriki deg wadeg n Muḥabdiki. Ssure-iyi ttxil-k!!!
D ugur kan i d iyi-yewwten, mačči d anadi γef lhemm.
------------------
A Lḥusin,

tanemmirt ilmend n tizeṭ n wul-ik!

Sεid

Ttuγ ayagi:

A Lḥusin a gma, Sεid i d azarisem-iw mačči Saεid neγ Said akken d-tettaruḍ.
Tanemmirt!
Sεid

nekk akka daγen i gziγ asefru-yagi n Luwnis, a Sεid, d tidet deg ugmuḍ i γ-id-yekka waṭṭan! ceyεen-ten-id a Ldzayer seγren tasnakta-nsen, armi tewweḍ tmurt ar wanda akka tewweḍ, atan ḥuffeγ uffiγ tasfift akk d yedles n tezlit-nni n Maεṭub, anda i d-yettadder (absis) ihi d nekk ar a tt-in-yarun, a Dda Lḥusin, yesya ar imir-nni ẓer anamek n isendyaq n lkif, akk d telγemt-nni itamuden?

muḥend

azul,
suref iyi a sεid ma cḍeγ deg yisem ik, γileγ saεid id isem ik dγa ttaruγ t id srid qbala s tefransist akka: said, ihi suref iyi a gma, twalad a sεid amek ur segzayeγ ara timsal akken iwata, nek γileγ di taγec nni n menguellet id yuder muhabdiki "isendiyaq n lkif neṭṭef iten" d lbwaber n lkif, ur iṛuḥ akw dehn iw γer iselmaden n taεrabt.tanemmirt ik a muhabdiki imi ad taruḍ taγect nni n lwennas anda id yudder" absis".

Yehwa-yam

ssefruruyen tsffesdeḍ
teḍsiḍ i wiyaḍ qebl-iw
ulac anda ur teglalzeḍ
qbel a kem-inadi wul-iw
εemmedγ-am
semmeḥγ-am
tewwiḍ-d iṭij i tmeγr-iw
yehwa-am
terẓiḍ ifadden i leεwam
ayen nniḍen d cceγl-iw

taqcict iffγen tettweεzel
xas tqeddec di tmusni
widen mu yecceḍ laṣel
ssekrasen absis di tili
i ilaqen
d tin yessnen
amek ara terr aqbab a d-tεebbi
i iwulmen
d tin um'ara sbibben ad sefḍen
ayen akk keṛhen nitni

ur lliγ seg w'inekṛen
leεwayed tiẓeṭ n lejdud
tamusni d w'ittqelliben
ad isnefsi yir leqyud
ulayγer
a d-yehder
w'ur njeṛṛeb asiger ufud
ulayγer
yir bnadem ad inecceṛ
deg wid tt-ibnan s lmeqsud

anwa i iweznen leḥmala
iγeblan qebl a ten-iḥfeḍ
deg genni ma yenger usigna
akal ur t-tettγelliteḍ
zemm imi-m
lli iẓri-m
i kem-inefεen d asiweḍ
d tamusni-m
ay d lfayda warraw-im
tesεiḍ d acu ara sen-temleḍ.

Azul,
Tanemmirt ay aqeddac n wesmel, gedha s yes-k.
Anṣuf s yes-k a dda Muḥabdiki, tuɣalin-inek d ayen i s-d-yernan afud i wesmel d wecrah i wulawen-nneɣ. Nessaram tessezriḍ-d ussan yelhan di tmurt; amarezg-ik, tuklaleḍ. Ssemḥissifeγ nezzeh nezzeh imi ur d-tufiḍ ara ameddakel-ik Ayirat, i iban ( i iγaben) seg wesmel; dγa ad nfareṣ tagnit i wakken a s-nissiwel s taγect εlayen: Uγal-d! uγal-d!....
Awal “abɣer” ar ass-a n wussan mazal-it yedder kan di kra n yenzan d kra n tmenna-nniḍen, wamag tura yiwen ur t-yeqqar, ula d timɣarin d yemɣaren n tama-yagi n At Ɛebbas ttun-t. “Abɣer” akka i yella deg yenzi-nni, ur yelli i bedleɣ, ur yelli i ssazedgeɣ, anagar kan ilugan n tira i qudreɣ, amedya kkseɣ tamsertit (assimilation): “ Tayerza g-gelɣem”= Tayerza n welɣem”. “ Ay acek uqeḍmir lemmer i geɛmir”= Ay acek uqeḍmir lemmer i yeɛmir”…
Dɣa iswi wis-sin umahil-a d wa: asemneɛ n wawalen neɣ xerṣum kra seg-sen si nnger, deffir usemneɛ n yenzan s yimmad-nsen. Aẓi neɣ tama n At Ɛebbas meqqret nezzeh, nezmer a d-nini tettwabḍa ɣef sin yeḥricen: imessuḥal d ssaḥel d ayen d-yezgan ɣef yiri n wasif Aɛebbas; imesdurar d ayen d-yezgan deg wedrar neɣ yudfen (iqerben) ɣer wedrar n Buni. Nekkni d tilist ger wakal n Bgayet d Lberǧ n Buɛrariǧ.
Ar tayeḍ.
Ǧ.B

Azul,
I Amnay
Ula d kečč tbaḍ (tɣabeḍ) seg wesmel, d tallit ɣezzifen aya?!
Ur d-nɣiɣ izem, ur t-id-ṭṭifeɣ seg umeẓẓuɣ! Izem-nni iɣef d-wwiɣ awal yiwwas d ɛemmi-s n temɣart-a i t-yenɣen, akka i yi-d-tenna. Dɣa teẓra-t am netta am tsuta-ines, tella meẓẓiyet imiren, lewhi n 6 neɣ 7 iseggasen i tesɛ deg usemmud-ines. Tenna yezmer lḥal ad yili d aɣilas mačči d izem?! Tenna Ḥmed Umuna yenɣa-t deg yiḍ sufella uẓekka n yiwen i meṭlen ass-nni, dɣa azekka-nni wwin-t-id ɣer Tizi (Tizi d isem n wadeg ideg tella tejmeɛt neɣ agraw n taddart Tiniri), sbedden-t ɣef tgejda, usan-d irumyen, gar-asen ssu-prifi n Weqbu, ṣewwren izem-nni, rnan fkan-as-d tamekḥelt d tunṭict (dinna qqaren “tumṭit” si tsemṭit n lexrif, mačči “tunṭict”) i win i yenɣan izem. Aql-i wwiɣ-ak-d tamachut (tamɛayt)-agi n yizem ilmend n wawalen-nni d-tenniḍ a k-id-nesnulfu! Tagi d “tapsikulujit “ akka i sen-qqaren i Ijapunen di ṭṭrad umaḍal wis-sin-nni n 1939/1945. Tanemmirt ay ameddakel.
B.Ǧ

Azul
Qqaren : “Tesmektaḍ-d agujil ɣef imeṭṭawen”. Aql-aɣ deg-s!
Tugna neɣ tteṣwira (tafuṭut” akken yeqqar dda Akli Qbayli)-yagi n temγart tesmekta-d dda Lḥusin Ukerdis s teqbayliyin akk d tmurt.
Tujjma imawlan d imeddukal am tujjma n wakal ideg d-ldint wallen n wemdan, di temɣer (tewser) i tettnerni. Yenna dɣa ucennay afelsaf Lewnis At Mangellat:
Anti tameslayt ur tenṭiqem ara
Akal di ddunit ur teɛfisem ara
Asmi ara d-taweḍ tizi
Lɣerba am yiḍeṣ
Akal-nni a d-yesteqsi
Ad tezzim ɣur-s
…..
S tidet kan, asefru-inek yesmekti-yi-d s usefru n tezlit-nni n Zerruq Ɛellawa:
Sidi Ɛic rrif n wasif
Kkes fell-aɣ lḥif
zzhu n weqbayli di ddunit
mi ara t-id-teḍfer-it (teḍfer)
tameddit lewhi n lexrif
mačči am ẓẓher-iw ucmit
…..
Tamawt: Yessefk a d-tteffɣeḍ akka si tegnit ɣer tayeḍ, ur ttɣimi ara kan di teɣmert-nni n tmedyazt (yenna-yak-t-in dɣa wemcum-nni n Mmis n Wemsed, yiwwas), yal mi ara testifeḍ cwiṭ ɛreḍ amek ara d-teggareḍ kra n wawalen i lbaraka xerṣum.
Awer tennuɣniḍ a dda Lḥusin! ("War ṭyar" akken t-yenna yiwwas Ṭṭir arqman)
Ǧamal

Ass ameggaz,
Alammi d tura d wamek i k-ɛeqleɣ anwa-k ay Amcum!
Tanemmirt ay Amcum.
Ǧ.B

Tanemmirt a Ğamal atan d leqdic-ik akk d win n Sεid i d-yettawin imeddukal ar wesmel-agi, a d-alseγ kan awal d-teniḍ: tujjma n imeddukal am akal ideg i d-ldint wallen, nniqalt a nemyigger di tmurt, nekk ttrağuγ di sidi Menṣur, kečč ziγen tettwaṭfeḍ di sidi Lḥewari, ar tayeḍ mazal lxir ar zda

tamawt: isefra yehwa-yam, ttuγ ur d-nniγ ara d tizlit n Lunnas Maεṭub, anda yella wawal (absis) γef yettnadi Dda Lḥusin anamek-is;

muḥend

azul
d acu i d " imiṛeγ " ? d awal id seddaḍ a lhusin ukerdis deg usefru inek ? TANEMMIRT

azul,
ttrajuγ tt s lḥir meqqren a gma muḥend melmi ara ad sedduḍ tizellitt agi n lwennas !!! anwali akk d watmaten nneγ yal yiwen amek ara ad yefk ṛṛay is γef wawal" absis " !

Ad snemmreγ Ğamal Benεuf i d-ileqḍen inzan-agi, d lxir ameqran i γ-iga, tawuri-agi γur-s aṭas n lmeεna, teskanen-d amek ttxemmimen at zik, di tallit-agi ideg lecγal ttazzalen, ddunit tbeddel yerna mazal a tettbeddil aṭas, tallit-agi tatrart tessettu-yas i wemdan iẓuran-is, tessebεad-it γef tedmiwin tiqdimin, amzun ayen yellan d aqdim yessefk ad t-nettu yerna ur yuklal leqder, nekk ur lliγ seg wid yettxemmimen akka ! Mi ara γreγ inzan tettban-iyi-d tiḥerci d leεqel d wayen yakk i γ-iruḥen, i wwin yid-sen yemγanen d temγarin i γ-yeğğan.

Yella yiwen lemtel ma ur skadbeγ.
"Ur d-ğğin imezwura ayen ara d-nebder nekni", init-iyi-d ma yella zegleγ !

ẓer ikesawen nnig Ğ.B azwel (yehwa-yam) d tinna i d tzlit n Maεṭub a Lḥusin

azul,
tanemmirt s tusda a muḥend a gma imi id turiḍ taγect agi n lwennas iwmi tefkiḍ azal ,abrid amezwaru ur ttwalaγ ara a gma; attan din tura wali a muḥend , ccukeγ ysεa azref gmatneγ sεid ik yennan d "asebsi "n lkif,imi rniγ steqsaγ yiwen niḍen γef wawal agi n " absis" yenna yi d m'ur i yeğğa Rebbi ad skidbeγ "absis = millet" tin akken iwmi nessawal nekwni s tmeslayet nneγ " taberraqt" ttaken-tt i lmeqnin (afrux nni areqman ttrebbin deg lqus) ad tt yecc, ihi ahat lwennas yebγa ad yinni stufan yemdanen ttḍegiren lweqt nsen deg usefruri n tberraqt i tili seddaw useklu , neγ icuba taberraqt γer zeṭṭla imi ilaq as asefruri i wakken a tt id ihewwi wemdan. wis ?? a wi zran, maca tanemmirt ik a muḥend ;yerna tura imi tettwaru gziγ tt ugar ,a tt id imprimiγ !!!( amek ara d nini am uḥend s tmaziγt a tt id sufγeγ γer tferkiwt ?? keč a muḥend am win is yennan: "wwet it kan din din a ttcuf tiṭṭ is" bγiγ ad inniγ tferruḍ tent imiren yakan ulac azuγer !! tanemmirt ik i tikelt niḍen tuklaleḍ ak ner deg lxir .

azul
ihi attan tefra tfuk a el ḥusin, d tidet tizlit agi n Lwennas, tesεa anamek meqqer, yeẓra tamurt-nneγ deg-s tameṭṭut tettwaḥqer, ssefruruyen ma ara wallin teffeγ ar ccγel-is ad tγer, ad texdem, neγ a d-teqḍu ar wexxam-is, dayas i yeqqar Lwennas: "taqcict iffγen tettweεzel, xas tqeddec di tmusni, widen mu yecceḍ laṣel, ssekrasen absis di tili" atan kečč teqqareḍ ssekrasen absis di tili, seddaw useklu, maca ahat llan widak ara k-yinin, ssekrasen absis di tili, daxel lğamaε, imi tura serγen akk imudaγ ur teqqim tneqlet ur teqqim tzemmurt, yernu teffeγ-d akken yiwet tugdi imdanen ur ttγewiren ara di lexla, acku llan wuccayen i tetten iqjan, iγyal, uwla d imdanen, dayas i ttγiman kan tura medden ala di lğamaε! awal imprimé akken i t-ufiγ deg yiwen umawal = "uggiz" ar tayeḍ.
muḥend

Azul a dda Muḥabdiki,
Imi d-tenniḍ terğiḍ-iyi di tmurt; ihi d kečč i d-yesteqsan fell-i wat terbaεt-nni-nneγ i n-yusan γer At Jennad (tafaska n Yusef Uqasi), acku nnan-iyi-d yesteqsa-d fell-ak yiwen isem-is Lḥusin amedyaz seg Uẓeffun? Maca, ur cfiγ ara γef yisem-a n Lḥusin seg Uẓeffun, ma d kečč ḥṣiγ-k d Muḥend mačči d Lḥusin! Tanemmirt γef ucekker-agi akk a dda Muḥabdiki, aql-i qqleγ d azuxzux seg wakken uffeγ (cuffeγ)!!

Absis yellan di tezlit n Lwennas iγef d-testeqsam, nekkni ur t-neqqar ara, yernu ttγileγ "amsis*" i yeqqar acku seg wacḥal aya ur s-sliγ. "ABSIS" deg At Dwala anamek-is d kra n tεeqqayin i ttaken i yefrax, sselqaḍen yes-s ifrax; ma deg Ibudraren yecban Buεednan d Tasaft Ugemmun d yiwen yemγi i d-yettaken tiεeqqayin timecṭuḥin (tiεeqqacin) tetten-tent ula d imdanen ladγa igerdan. Anamek-is deg usefru, ahat ira d-yini aya: Tameṭṭut sselqaḍen-tt am wefrux, ḥemmlen-tt kan i ccbaḥa, zehhun s lmertat-ines akken i s-tgen i wefrux; tekksen-as tilelli-ines i wakken ad zhun s yes-s mi ara t-gren di lqefs, ula d tmeṭṭut akken daγen, mi ara s-kksen tilelli-ines, a tt-id-ḥerren ger kuẓ yeγraben (leḥyuḍ) ad rnun a s-qqaren "nxeddem fell-am"!!!! Ayagi merra nniγ-t-id s lewhi kan acku... γas ma tamsalt-a yecban tilelli n tmeṭṭut d tlelli n wawal.. yella wayen ara d-nini fell-as.. maca, s tewzel kan yessefk d nettat ara yezwiren γer umennuγ, ssyen imiren ...
Tegra-d deg wawal-nni "aneggaḍ" ula d wagi ur t-neqqar ara , maca, qqaren-t deg At Dwala ( " BNI DWALA" i qqaren akk dinna), atan unamek-ines s tewzel daγen: "pur/naturel....: ayen yeqquren, iεetqen, amedya : timqwa timenza ara d-teẓẓmeḍ (tεeṣreḍ) si kra n yiẓem a d-asent "dduẓint" neγ qessiḥit. Wissen dγa ma ur iyi-yewwit ara wugur daγen?!
*Absis" d aceqqiq neγ d iγisi yekkaten di llsas n wexxam.
Ğ.B

Ass ameggaz a Gma-tneγ Lḥusin n Iqubab,
Ayen yerzan acuddu neγ acerriḍ n tuqqna neγ akken i ran semman-as (ur d-cliεeγ ara deg yesmawen)... d ayen yettcuddun ger wawalen ara yilin d yiwen uferdis... γur-s ilugan-ines mačči anda ira wemdan a t-yerr! Ssya d afella ad εerḍeγ a d-sserseγ ayen t-iwulmen da .
Tanemmirt
B.Ğ

Dda Ğamal, dda Muḥ d Lḥusin,

Atah wakken gziγ nekk anamek n imeslayen-agi n Lwennas:

" widen mu yecceḍ laṣel,
ssekrasen absis di tili"
widen mu yecceḍ laṣel: Ibergazen Imaziγen yellan d ilelliyen, uγalen ğğan laṣen-nsen, qlen d aεraben-inselmen.
Acku d tineslemt i ten-yerran rekḍen tameṭṭut, annect-a mačči ansi-nniḍen i d-yekka.
Ssekrasen absis di tili: am win ara k-yinin ttruccun aman n tasa deg waḍu, kra yewwten s udemawen-nsen, qellin fell-aneγ lḥut s yejneε, yefneε-nsen rnan akken yenna" d tin iwumi ara sbibben ad sefḍen ayen akk keṛhen nutni" am akka d-yura Muḥabdiki s tudert-is, dagi teḍra-yasen am wakken yenna yiwen umeqqran imeqqranen n ddunit
" Ncuf mi nwala wiyaḍ, xeddmen rredmat-nneγ".

Ayagi yakk d tamuγli-w kan, ma ccḍeγ ula d nekk d amdan kan ay lliγ, maca, ur cciḍeγ ara deg laṣel.
Sεid

azul
tuklaleḍ asnemmer agi a Dda Ğamal, mačči d uffu neγ d acuffu, d ayen illan, "akken iqqar Mğahed ḥamid: ayen ilhan yelhan" Ihi mačči ala nekk kan i yettmaqalen fell-ak a k-ẓreγ, llan wiyaḍ, acku Dda Lḥusin agi amedyaz deg Ẓeffun, mačči d nekkini, ssḥasfeγ aṭas imi cceγleγ d wayen nniḍen ur sliγ ara s tfaska n Yusef Uqasi, armi d ass-nni aneggaru, ttedduγ ttazaleγ ufiγ tafaska tfuk tanezayt-nni kan, tarbaεt-nwen tewwi-tt lkar ar Tizi-wezu, seqsaγ iεegalen n tiddukla n din, nnan-d ulac-it, sawleγ-n uwla ar numidya ma yella uwlac acu i k-yuγen; (ammer d-tusiḍ ẓriγ a d-teseqsiḍ ar taddart-nneγ?

azul a mass Ṭaglal, aql-i uwla d nekk ttrağuγ awehi-inek γef ucerriḍ neγ ajerriḍ agi yekkes Dda Lḥusin iqubab, wissen daγen ma llan yedlisen i d-yeffγen deg illindi ar da?

muḥend

tanemmirt i kra n win id-yefkan tikti-s γef usefru n lwennas , tura atan γurneγ tikti s umata sya γer zdat ahat a nwali deg walbaεd n yedlisen tikti isḥḥan akken i yebγa a tt-id-yini lwennas stimad-is . ma d ayen yeεnan tuqqna n wawalen, nek ur ten-teqqneγ ara manci iwakken ad fkkeγ alugen neγ ad sεeddiγ ṛṛay iw, maca akken is- ed- nniγ yakkan i gmatneγ muḥend wellah ar εerqent- iyi, ma zriγ anda igwulem a ten-qqneγ ,anda ur ilaq ara a ten-qqneγ, ihi γef ddra n wanecta berruγ-asen akw, tefra. acekku amedya am m'ara naru : axxam-iw , axxam-nsen . llan wid id yeqqaren d akken γas ma iwwi-d ad qnen i sin γer yisem, maca axxam-iw ad yeqqen, wama axxam nsen ur itteqqen ara imi γezzif, ahat ma yella wawal yugaren tlata isekkilen ur icbbiḥ ara a t -neqqen am : nsen , nneγ, nwen , nsent .... wama : iw, is , w, s, k , ik , widak agi ad qnen ;nek bγiγ ma yella walbaεd ara γ ed yefken ilugan n tira iywulmen a neḍfer( gret tamawt εerdeγ a ten qneγ tikelt-a) sarmeγ kan ur ciḍeγ ara .

riγ a d-iniγ idlisen i d-yeffγen deg illindi ar ass-a i yettwelihen ar tesnilsit? amek ara naru, ma a nekkes ajerriḍ agi n tuqna neγ uhu,

azul a Sεid attan teniḍ-d a gma tidet qeriḥen, maca aṭas i yessusmen γef wannect-a, acku ugaden Ṛebbi, degmi Aεraben qqaren ayen i d-newwi d ayla Ṛebbi, dγa sskecmen s aqerruy Imaziγen, tasnakta-nsen s tineslemt armi ttuwkelxen s laman Ṛebbi, nutni ziγen tteẓun tutlayt-nsen, d yedles-nsen, d wansayen i ssexdamen di tmurt n Saεudi-taεrabt, armi xas Imaziγen ttwalin deg wayla-nsen yettmettat, maca awal ur ten-id-yettali, ihi ahat awal-agi n Lwenas: "ssekrasen absis di tili" d wigi yessefruruyen mgal laṣel, tameṭṭut, tutlayt, akk d yedles amaziγ, uwla d Kateb Yasin yesseken-aγ-id aṭṭan-agi i melken Imaziγen.

muḥend

γef yedlisen yeεnan ijeṛṛiḍen n tuqna ur zriγ ara a muḥend ma yella kra n umaynut.
bγiγ ad uγaleγ γer yenzan-agi iγ-d-yewwi Ğamal, imi llan kra degsen ur gziγ ara maḍi anamek-nsen am wi icban wigi:
wi yebγan ad yidir yemmet .
laεlam icudd,wi yeqqimen yernu d.
Tiniri yezgel usaku.
win igfehmen lmaεni-nsen awwi-d ukkan ay t-id-yinni xersum s umata.
tanemmirt-nwen tezwar

Azul
« absis » qqaren-t ula di tudrin n leqbayel n Lberǧ n Buɛrariǧ, s unamek-nni d-yettwabedren yakan; amedya : Eǧǧ lmerqa ad tengeḍ. Akken ad tres, ad tuzur…
Riɣ a d-iniɣ « amsis » mačči absis * i d aceqqiq neɣ iγisi yekkaten di llsas, alamma tkeccem-d nnda neɣ lmiditi ɣer wexxam.
Ibubb-iken.

Azul fell-awen,
Llan kra n yedlisen ideg ddant deqs n tezlatin ( tikkal s tsuqelt-nsent) akk d tmeddurt n Lwennas Matub. Ger yemyura-yagi yella Racid Mexṭari, Yusef Merraḥi.. Yal yiwen seg wid d-yessufγen adlis yeεreḍ amek ara d-yefk tamuγl-ines d wamek yegza iznan n Lwennas Matub... Ssemḥissifeγ nezzh imi alammi i iruḥ d asfel d wamek kkren yemdanen ad cewwqen fell-as! Akka ay d tannumi i nesεa. Ur yessefk ara ad yettwigzu waya d aya: aql-i mgal asiẓreg n yedlisen γef Lwennas akk d wid yettwanγan; maca, ḥṣiγ yella yessugum akken ara d-yeffeγ kra n wedlis ideg ara d-ddunt tezlatin-ines, akken tga Taseεdit Yasin i Lewnis (ayagi d win i wumi t-yenna Lwennas i yi-t-id-yennan).
Ayen yerzan tameslayt d wawal n teqbaylit γur Lwennas Matub. Akk wid yeggaren tamawt, ḥṣan aya:
Lwennas Mačči d win yeqqimen kan deg Wat Dwala, yedda anda tedda teqbaylit, amek?! Ger tezlatin timenza d tneggura yella wemgirred meqqren di tmeslayt. Ma nekkes kan tizlit-nni yellan ger tmenza ideg yeqqar:
Ers-d s rrubba dewwer
am timmi d kemm i nerğa
....
ideg yesseqdec aṭas n wawalen seg umawal, tiyaḍ akk d awal aḥerfi kan, amedya :
"Ṣṣebyan di dduḥ yemzel", maca di tneggura "Ṣṣebyan"-nni yeqqel d agrud...
Ma d idlisen yerzan ilugan n tira neγ tajerrumt (mačči d tasnilsit i d-yettawin γef tira a dda Muḥabdiki!) ffγen-d kra, maca, ur tufiḍ!Llan wid i iteddun d timendeffirt, ran ad kersen tid yefran yakan, wamag tid i ikersen ass-a, akken i qqiment!

Azul,
Atan kra seg wayen d-tessutreḍ a gma-tneɣ Lḥusin n Iqubab.
Anda ara neg acuddu neɣ acerriḍ n tuqqna:

Amqim udmawan usrid :
--Deg yezri--
Iḥemmel-iyi, iḥemmel-ik,iḥemmel-ikem, iḥemmel-it, iḥemmel-itt, iḥemmel-aɣ, iḥemmel-iken, iḥemmel-ikent, iḥemmel-iten, iḥemmel-itent. (« yi, k, kem, ten, tent, yaɣ, ken, kent,ten, tent » i ufeggag n wemyag yettfakan s teɣra: yenɣa-k)
--Deg yimal/yimmal— talɣa tamenzut :
A yi-iḥemmel, a k-iḥemmel, a kem-iḥemmel, a t-iḥemmel, a tt-iḥemmel, a ɣ-iḥemmel, a ken-iḥemmel, a kent-iḥemmel, a ten-iḥemmel, a tent-iḥemmel.
Talɣa tis-snat:
Ad iyi-iḥemmel, ad ak-iḥemmel, ad akem-iḥemmel, ad at-iḥemmel, ad att-iḥemmel, ad aɣ-iḥemmel, ad aken-iḥemmel, ad akent-iḥemmel, ad aten-iḥemmel, ad atent-iḥemmel.

Amqim udmawan arusrid :
--Deg yezri--
Yenna-yi, yenna-yak, yenna-yam, yenna-yas, yenna-yaɣ, yenna-yawen, yenna-yawent/yakent, yenna-yasen, yenna-yasent. « iyi, ak, am, as, aɣ, awen, awent/akent, asen, asent» i ufeggag n wemyag yettfakan s tergalt : yesserem-ak.)
--Deg yimal/yimmal— talɣa tamenzut :
A yi-yini, a k-yini, a m-yini, a s-yini, a ɣ-yini, a wen-yini, a went/ kent-yini, a sen-yini, a sent-yini.
Talɣa tis-snat:
Ad iyi-yini, ad ak-yini, ad am-yini, ad as-yini, ad aɣ-yini, ad awen-yini, ad awent/ akent-yini, ad asen-yini, ad asent-yini.

Amqim udmawan s tenzeɣt :
Deg-i, deg-k, deg-m, deg-s, deg-neɣ, deg-wen, deg-went/kent, deg-sen, deg-sent.
Fell-i, fell-ak, fell-am, fell-as, fell-aneɣ, fell-awen, fell-awent/akent, fell-asen, fell-asent.
Amatar neɣ awṣil n wayla :
Tira-w/inu, tira-k/inek, tira-m/inem, tira-s/ines, tira-nneɣ, tira-nwen, tira-nwent/nkent, tira-isen, tira-nsent.

Amatar neɣ awṣil n wayla s tenzeɣt neɣ umernu:
Ddaw-i/aw/inu, ddaw-ak/inek, ddaw-am/inem, ddaw-as/ines, ddaw-atneɣ, ddaw-atwen, ddaw-atwent/atkent, ddaw-atsen, ddaw-atsent.

Amatar neɣ awṣil n wayla n yisem n timarewt :
Baba-k, baba-m, baba-s, baba-tneɣ, baba-twen, baba-twent/tkent, baba-tsen, baba-tsent.
Arbib ameskan:
Argaz-a/agi/… argaz-ihin/ihinna, argaz-nni.
Amedya: Aqcic-a/agi yeḥrec. Taqcict-a/agi tecbeḥ… Aggur-ihin yettfeǧǧiǧ. Yir nettat-nni tɣab.
Arbib ameskan d umatar neɣ d wewṣil n wayla :
Tameslayt-nni-inu, tameslayt-nni-inek, tameslayt-inem, tameslayt-nni-ines, tameslayt-nni-nneɣ, tameslayt-nni-nwent/nkent, tameslayt-nni-nsen, tameslayt-nni-nsent.
Tirga-nni-inu, awal-agi-inek, amezruy-ihin-ines.

Prés-nombre neɣ ahat tanzeɣt n wemḍan :
Wis-sin, wis-kraḍ, wis-kuẓ….wis-mraw…
Wis-2, wis-3, wis-4…wis-10….
Tamawin:
1) Amqim udmawan yesseḍfar-it wemyag: yečča-k. Awṣil n wayla yesseḍfar-it yisem: tamziɣt-nneɣ.
2) amqim udmawan ilelli neɣ imzureg ur s-nteg ara acuddu neɣ acerriḍ n tuqqna, amedya:
Nekk/nekkini, kečč/keččini, kemm/kemmini, nekkni, nekkenti, kunwi, kunemti, nutni, nutenti: Nekk ufiɣ, ufiɣ nekkni (mačči nekk-ufiɣ, neɣ ufiɣ-nekkini).
3) Amqim ameskan mačči am werbib ameskan, acku mačči d yiwen.
Ameskan ulac deg-s acuddu neɣ acerriḍ n tuqqna:
Wa/wagi/wagini… , wihin/wahin/wahinna/wihinna…
Ta/tagi/tagini…tihin/tahin/tihinna/tahinna….
Win, winna…
Tin, tinna
Wi/wigi/wigini…
Ti/tigi/tigini…
Wid…
Tid…
Amedya : Wagi d asmel, asmel d wa. Tagi d tidet, tidet d ta. Wagi yenna, winna yerwel ( dagi merra ulac acuddu)
Ssarameɣ ur zgileɣ ara kra !
Annar akka i yettwarwat, ma d tamaziɣt akken i k-yehwa aru-tt !

Ṭaglal

Ssurfet-iyi zegleγ di tira n waya:
"ideg ddant deqs n tezlatin" ata wamek ara yili: "ideg d-ddant ddeqs n tezlatin" .
Ttuγ ur n-seddaγ ara acuddu neγ acerriḍ n tuqqna yellan ger wemyag d tzelγa n tnila: yedda-d/ a d-yeddu, yusa-n/ a n-yas. Daγen ger wemqim udmawan d tzelγa n tnila: yura-tt-id/ a tt-id-yaru, yufa-ten-id/ a ten-in-yaf....
Ma terra tmara a d-nuγal γur-s, acku ahat ttuγ kra.
Ṭaglal yewwet ṭaglal

azul fell-awen
tanemmirt a Dda Lḥusin, atan tettakkeḍ-aγ-id inzan deg usaku ma a d-naf anamek-nsen, neγ a nedhu, xersum a nestuti cwiṭ, "teẓriḍ awal-agi astuti, d Sεid i γ-t-islemden, " anamek-is d elmefti, winna ifetun di tmezgida yal ass n semass;

anamek n yenzan: uṭṭun 63 tiniri yezgel usaku: d win yeddan ar seḥra ur yewwi-yara yid-s aεwin, acku asaku= am usegres neγ aḍelaε, ttawin deg-s lqut,
" waqila tella daγen taddart n tiniri di tmurt n at Σebbas n din yettaru-d isem-is Awetniri!

inzi wis 71 wi yebγan ad yidir yemmet: am yenzi-nni "kker ad twaliḍ, eddu a d-tawiḍ, qqim uwlac"
neγ daγen, am awal-nni n Ṭaher Ğawet "win yesusmen ad yemm-t, win ara d-yemeslayen ad yemm-t, ihi win yebγan ad yidir, yini tidet xas s lmut;

inzi wis 97 leεlam icudden, wi yeqqimen yernu-d: d agi ahat γef wasmi i d-yesers aḍar-is Urumi 1830 ar Bu-Wefruc "Sidi Ferruch" di tmurt Imaziγen, yal m'ara ṭṭfen tamnaṭ, ttḥufun wid ara sen-ifken tallelt i wakken ad kecmen ar temnaḍin nniḍen; atan amek i γ-id-yesawweḍ asefru-yagi Mass Boualem Rabia:

ataya urumi ataya
d aεraben i yezwaren i lqum
a tadyant ay inselmen
af serdun ammer af ujedεun
ur din agerruj iγennun
fkan-as afujjim weγrum.

azul fell-wan s umata.
Tanemmirt-ik imi i tefkiḍ lweqt-ik i tira n ilugan-agi, sya d afella ad teεraḍeγ amek ara ten-tcudduγ iwsilen-agi akw, tanemmirt-iki tikelt nniḍen a ṭaglal ur isṭteylel yellu, ay isṭeylel d nekki !!!!
aseteqsi niḍen i ymeyyura n wesmel agi ,amek ara naru ameyyag" ncew, dder, ssen" γer wanaḍ ? inciw neγ ncew ? dder neγ iddir ? ssen neγ issin ?.

Tanemmirt a Ṭaglal, igerrez imi γ-temliḍ anda ara nerr acerriḍ n tuqqna, tamsirt-agi tetεedda !

Azul fell-awen akken tellam da, ad ssutreγ deg wid yettarun deg wesmel-agi, ma yella win γur yella weḍris n tezlit "a ken-yexdeε rebbi" n Lewnis At Mangellat, tanemmirt !

Ma yella wi t-yesεan ma ulac aγilif ad t-id-yessers deg teγmert-agi n tidmiwin, tanemmirt !

tanemmirt a gma γef temsirt-agi i γ-id-tewiḍ d ayen igerrzen, widak-agi i d-yettarun deg wesmel, menttif a d-arun akken yessen wemdan, wala ma uwlac maḍi, ma d wid yettarun idlisen ilaq fell-asen ad arun akken iwata, xersum ad qaddren wid ara ten-yaγen, i wakken nutni daγen ad lemden tira,

muḥend

azul ay Acerriḍ n tuqqna, tesutreḍ-d, tizlit n Luwnis at Mangellat, a win i tt-yesεan a tt-id-yessers deg teγmert-agi n tedmiwin, ahat i wakken a tt-teslemdeḍ i warraw-ik, neγ deg tdukliwin tidelsanin, neγ...? d tidet a gma yesεa akk anamek n wayen i d-yeqqar Luwnis at Mangellat, ilaq-aγ a t-nessγer deg iγerbazen n Ldzayer; ssurfet-iyi ma ccḍeγ di tira n tezlit-agi "a ken-ixdaε Ṛebbi"

yessawel-asen i wid iεeddan
i wid yemmuten f lḥerma-s
γas teččetki ur d as-d-sslan
yak widak akk γaben yiwwas
ay atma wid a wen-imlan
tamurt aεzizen i ken-irḥan
a wen-yemmel akk amek i tt-rran
runt uwla d ttjur fell-as
yerẓa-tt lfil iεeddan
yečča-tt gma-s i s-d-rrnan
a tt-yenṭel win i tt-yerğan
yiwen ur d asen-iga tillas

i mkul lεib la d-yettnulfu
γas seg-wen i d-yewi imγi
m'i d asen-ini ad tefru
ziγ ass-agi iγelb iḍelli
tamurt i terẓam tettru
ur tjebber ur tḥellu
ahat tesεa daεwessu
fell-awen ara d-testqsi
yiwwas ma ihuz-n waḍu
neḍmaε yis-wen ad yeglu
a ken-iferḍ a d ad tessfu
a naγ a ken-ixdaε ṛebbi

asmi akken imi tebda
kra wergaz mi yedda
yenwa f tleli
ziγen γur-wen thegga
lmeqsud d leqyadda
mačči d arumi
asmi tt-tḥuzam d ayla
nekkni uwlac kunwi yella
tgam-as isem turra
a ken-ixdaε ṛebbi

d ağağiḥ asmi iεedda
yeğğa-d tigujelt tuğla
leğraḥ d imeṭṭi
win iruḥen s nniya
yeğğa-d axxam-is yexla
tegram-d akk kunwi
terram i ccaεb ṣrima
ddu neγ fekk-d nekkwa
tgam-as isem lḥuriya
a ken-ixdaε ṛebbi

tamurt tuγal-awen d ayla
teččam-tt akken i wen-yehwa
gar-awen i d-teγli
γur-wen ayen yebγun yella
yiwen ur yezmir a d-yini ala
ccaεb ittwali
tewim tamurt d ttrika
wi inṭeqn a s-t-inim akka
teqqarem-aγ d cctirakiya
a ken ixdaε ṛebbi

i wakken a tt-teṭṭfem lebda
tferqem tamurt tewḍa
aγerbi accerqi
taεdawt-nneγ tennerna
la tesmendagem isufa
tezgam-d i tili
gar-aneγ nettemεasa
terram-aγ wa yekkat wa
tennam-aγ tadukli akka
a ken-ixdaε ṛebbi

ass-a γas tuḍen aqerru-s
akken γas mazal nxus
nerbeḥ-d iḍelli
γas times-nni n zik tettnus
yuγal-aγ a lğerḥ lmus
mi tellam kunwi
nekkni s ccaεb amekḥus
kra yeḍrun yid-nneγ drus
mazal nekkat-awen afus
a γ-ixdaε ṛebbi

Azul a Muhabdiki, ad k-snemmreγ aṭas aṭas γef weḍris n tezlit n Lewnis At Mangellat, γas ad yili wanda a ilint tuccḍiwin deg tira ur yelli d ugur meqqren, ad afeγ wid a t-yesseγtin.
Tanemmirt.

azul ay Acerriḍ n tuqqna ilaq war aγulu, s kra n win izemren i tγawsa a tt--id-yawi i wakken ad tennerni tmaziγt, yernu daγen d tallalt i nekkni yettnadin fell-as;

muḥend

azul fell-awen
ssureft-iyi deg tira n tezlit-nni n Luwnis at Mangellat, waqila! ay Acerriḍ n tuqqna, yewwt-iyi wugur meqqer, ammer deg tira a s-iniγ d ayen kan i ssneγ, maca dagi deg ubeddel n wawal, anda i d-uriγ: "nerbeḥ-d iḍelli" nekk εuddeγ akka i iqqar, ziγen Luwnis deg tezlit-agi-ines waqila yeqqar: "nerbeḥ-d aḍilli" ma yella win i tt-isεan seg-wen ay imeddukal n wesmel a s-isel, a γ-id-yefk tiririt, amek ma "iḍelli" neγ "aḍilli" acku anamek-sen yemgarad aṭas; ihi anida-k a Dda Lḥusin? a Ṭaglal, Wejṭuṭi, Sεid, Ğ.B, Awetniri, war ma nettu, Ayirat, d Ayiwen, aql-i ttrağuγ, tifrat n wawal-a ar γur-wen;

muḥend

Azul ay at leɛraḍ,
“Inzan” mačči d awalen n menwala kan, acku lemmer akken, yili ur ttidiren, ur d-zeggren tillay alamma d ass-a. Yal yiwen seg-sen (yenzan) yemmal-d tadyant, neɣ aneḍruy… s talɣa wezzilen. Dayagi i yessefken ad yili deg tezwart (n leɛḍil) neɣ deg wawal-nni i d-yezwaren inzan-a. Ayagi ur yedrig fell-i, maca, tagnit-nni (Yebrir 1990) ideg uriɣ awal-nni temgerrad d tegnit n wass-a, imiren d inaw aserti i yessefken kan ad yili (imiren yessefk a d-nini, u ad naru) : Aql-aɣ nella! aql-aɣ nettwarkeḍ, nettwaḥqer! nezmer ad naru s tmeslayt-nneɣ! Ula deg Wehran nella s wid yessuturen tamaziɣt!... Ad ilin wid ara d-yinin “acimi ur tt-yebdil ara ihi?!”
-Tazwart-nni ǧǧiɣ-tt imi d taqburt (taqdimt), d lal n wugar n 18 iseggasen aya. Ad tili d tinigit n wassen.
I wesmekti kan: Tazwart-nni akk d 78 yenzan ddan-d deg yiwet tesɣunt tameẓyant i wumi nefka azwel “Anzi amaziɣ”, d Kamal N At Ẓerrad i tt-yuran s tmacint ( s ddaktilu i tt-yura imi anagar netta i yesɛan tamacint n tira, wamag aselkim ulac akk fell-as awal imiren)-ines, d netta daɣen i tt-id-yessufɣen (lewhi n 560 imedyaten seg-s) s yedrimrn-ines, nefreq-itt di tikli imegdayen d-yellan ass n 10 Mayyu 1990 di Dzayer tamaneɣt ( tettwafreq deg tmacint, tekfa ngum awwaḍ ɣer Dzayer), maca, ur d-yeddi deg-s yisem n win tt-id-yessufɣen, neɣ ansi d-ttwaleqḍen yenzan-a…Ayagi seg yiwet tama; si tama-nniḍen kra seg wayagi nniɣ-t-id
( Cṭamber 1990) deg wawal i yezwaren aḥric n temseɛraq i d-yeffɣen di tesɣunt Azul.
Ahat ad ilin wid ara s-yinin “ Yelqeḍ-d kra n yenzan, yessker fell-aɣ ahetwir”!!
- Inzan-a mačči seg yedlisen d tesɣunin i d-ttwakksen, seg yimawen n yemdanen i d-ttwaleqḍen, yernu d amahil ɣezzifen i d-yessuturen aṭas n wakud ( ḥṣiɣ ad iyi-yekfu ngum
--qbel-- ara t-kfuɣ) ; ar tura nessaweḍ nelqeḍ-d kra n yenzan, kra n temseɛraq, kra si “tmacahut n leḍyur” i wumi qqaren di tama-yagi “asemɛirreḍ”, kra n wawalen iqburen d kra seg umezruy imawi n tama-yagi…
A lemmer neḥric seg zik, a lemmer nuki ɣef zik lḥal! yili nekker-asent i temsal-a si zik, yili ɣas ur nessawaḍ ara ɣer wannect-a n yenzan acku neḥṣa llan yenzan d-yekkan ama si tezlatin uzamul n teqbaylit “Sliman Ɛazem”, neɣ ansi-nniḍen, s ttawilat n rradyu neɣ ttawilat n teywalt-nniḍen…maca, neḥṣa daɣen llan yenzan-nniḍen i yettwattun, neɣ i inegren…
Ǧamal

Ass ameggaz,

Akken d-yettwanna yakan, yal anzi yemmal-d kra n tedyant, amedya: “Uccen d-trabbaḍ a Welqaḍi i yiri-k” Attan tedyant-is:
Ameksa n Welqaḍi* yeffeɣ yiwwas ad yeks ulli, yufa uccen akken meẓẓiy, werɛad d-ldint wallen-is. Iɣaḍ-it, yewwi-t-id yid-s i umɛellem-is (Welqaḍi). Amɛellem yumer amksa-ines akken a t-yerr ɣer lkuri anda yettili wulli, acku yettɣil-it imi meẓẓiy ad yettu iman-is belli d uccen mi ara d-yekker ger wulli d yiḍan. Akken i yettimɣur wuccen-nni yebda yettemɛatnay/yettemɛebbar (iɛerreḍ iman-is ɣer wulli-nni) d wulli-nni; yiwwas deg wussan yessaweḍ ad yesmurḍes geddac n yixfawen n wulli. Asmi yesla Welqaḍi s waya, yuder- (iṣubb)-d s tmekḥelt ɣer lkuri, yenna i wuccen: Xuḍi newwi-k-id akken d aleqqaq, amek i teẓriḍ iman-ik d uccen?! Dɣa yewwet-it s lewjeh neɣ s sin, yenɣa-t. Seg yimir-nni ar ass-a, ar azekka tegra-d, u a d-tegri d lmeɛna “Uccen d-trebbaḍ a Welqaḍi i yir-ik”!

* “WELQAḌI” (“d isem-is i d awal-is”)-yagi d yiwen si twacult n At welqaḍi i yellan d inzurfa di tgelda n At ɛebbas (tagelda-ya tella zik di Bgayet, ssyen rewlen-d ɣer Lqelɛa n At ɛebbas, i rran d tamaneɣt-nsen deg useggas 1510 , acku ɛlayet; teṭṭef adeg asetratiji, yella dɣa deg wawal “ansa s-tekkiḍ i Lqelɛa d tasawent”) , i yefkan amxix/abaxix i Iṭerkiyen. Tagelda-yagi tella di tellit ideg tella tgelda n Kuku. Ula d Lmeqqrani di teddart-agi n Lqelɛa i yemṭel.
Azul d tnemmirt a dda Muḥabdiki.

Awetniri

Azul
Nekk seg widak-nni iɣef yeqqar ubandi-nni n Mmi-w n Wemsed “li ṭṭrumpi d ṣṣusiti”; kkreɣ ad nadiɣ tamaziɣt di Ččad akk d Burkin Faṣu, ǧǧiɣ taddart-iw “Iwlawalen” i lburr! Allag, allag!... ad yesdukel ugaggaz tutlayt n tmurt imaziɣen, u a s-isemmi TAMAZƔA! Mačči newweḍ-d ɣer tinna akken “ axxam-is ur d as-yezmir, i lǧameɛ yeṭṭef amezzir”. Jjmiɛ liman di jjmiɛ liman ar ssya d afella ala deg Tewlawalin d Yewlawalen ideg ara zwireɣ.
I kečč a Ṭaglal ansa-k?
Awlawal

ass amellay
teεreqḍ-aγ Awetniri, tamayt i yakuc imi d-tbaneḍ ass-a, yerna s wass ameggaz i d-tezwareḍ, wissen ma nezmer a nseqdec awal-agi ass amellay,

azul fell-awen
ugadeγ ahat ad yečeččeḥ fell-i umedyaz-nneγ nettqaddar, imi ur rriγ ara awal iwelmen deg tezlit-is (a ken ixdaε Ṛebbi, acku ideg ara d-aruγ " aḍilli" uriγ "iḍelli" war ma uḥtameγ, dγa sseqsaγ yiwen yessenen taqbaylit n temnaṭ-nni-ines, yenna-yi-d yeqqar (aḍilli) ira a d-yini yes-s, iḥaḥ-aγ-d kan a d nesken iman-nneγ s lexmata, nettwali-d s tuffra si teγmert, (ccuka) akken a d-nerfed neγ a d-nweleh iqerra-nneγ ar din, nuγal amzun d imakaren atg.., ma di temnaṭ-nneγ nekkni awal-agi yella daγen"aḍilli" neγ "aṭilli" neqqar-it mi ara yesefqed umeksa ar tγeṭen-is ad iḍill ma ulac tin ixuṣen, neγ ar win i d-yewten si tewwurt ngum a s-tt-id-ldiḍ ad tḍilleḍ seg utiṭuc n tewwurt. ar tufat

muḥend

Azul a dadda-tneγ Muḥabdiki,
Tura kan i d-uγaleγ sγur ba amγar, i d ak-n-yessawaḍen azulen-ines; maca, la d ak-n-yeqqar awal-a n "wass ameggaz" ur iwulem, la yağuz! "AMELLAY" anamek-is d wa " RRAḤIM" s taεrabt..
Ar tayeḍ ihi,
Awetniri

Azul a dda Muḥabdiki,

Tanemmirt imi tefkiḍ amerret i tezmert akken a ɣ-d-tawiḍ tizlit-agi n Lewnis. S tidet kan, tessafseḍ fell-aɣ taɛekkemt s waya, acku ur nestufa ara akken a s-neg lemrad-ines i gma-tneɣ i tt-id-yessutren.Tegra-d deg wawal-nni, atan wamek s-sliɣ nekk, yernu d wagi kan i d anamek i iwulmen da: "nerbeḥ-d aḍilli".
Luwnis= Lewnis. Lunas= Lwennas akka ara ten-tettaruḍ ssya d afella ma triḍ a dda Muḥabdiki.
Fiḥel ad as-tgeḍ anezgum i wawal-nni "nerbeḥ-d aḍilli") ideg tzegleḍ; a mačči d tukksa uqerruy!
Ǧ.B

Tanemmirt i gma-tneɣ Meẓyan ilmend n tedmi i d-yefka da. Tira-ines tgerrez, tebrez.
Ɣef wayen yerzan anzi-nni “ Ur d-ǧǧin imezwura ara d-nebder nekkni”, tagi d talɣa swayes i t-yecna Lwennas Matub; ma d talɣa swayes yella seg zik n zik, attan: “Ur d-ǧǧin imezwura ara d-inin ineggura.
A ɣ-yessuref kan imi ngellel (nɛeṭṭel) fell-as s tririt.
Tanemmirt.
B.Ǧ

Azul fell-awen,

Nan-as ay aḍar, zger asif! yenayasen setḥaγ... isetḥa adyini; ugadeγ ay-awi; aken tura iy iteḍṛa!

I dda Lḥusin, iy d-isteqsan d-acu i ttiwlilist n lexla: cukeγ, d-ayen ukw yezmer wemdan at-idyekes deg lexlla, ama d-imγan niγ d lfakya, widen id-ittemγayen war ma yeẓẓaten w-mdan.

Macci ttaṛuẓi n ttarga, γas aurdettaruγ ara aken iwata, adernuγ kra y-inzan, d-imeslayen n ttyematt, γer γuṛes isnesliγ -:)

_ Ma nesusem neqber ma nennad anenṭṭeṛ.

_ Wa d yiwen, yettmeslay i mmis, yettweṣit...a mmi atan amek ilaq att-iliḍ, amek illaq attxedmeṭṭ...mmis ni yesmuqul ar yiwen n lγaṛ ibeεac (tiweṭ-fin), ihetteb zegsentt...asmi yfuk bab-as awalis, netta yesuli lehsab-is...inayas kecmen laḥḍur-iw s-aqeṛṛuy-ik...yennayas:_ Meyya kečmentt meyya ttefγentt.

_ Xedmiten atnič w-akal, ğğiten atnič w-akal (ifaden).

_ Win urmesεi yemmas ulla d-aglim ineṣlas.

Melmi idemktaγ widak niṭṭen atnidaruγ. Ma yella d-awal "aḍilli", cukeγ d "ttamuγli", g temnaṭ n-at wartiran, ur neseqdac ara awal n "muqel" neqqaṛ "ṭṭil"...

Ssaked. ḍill, wali, muqel, ẓer s wallen-ik...atg.

Taqbaylit d tamerkanit ay aḥbib, γas kul yiwen taqbaylit-is.

Taqbaεrabt: Xzer, cuf a gma cuf...ḥetta ma la nihaya.
----------------
Maca ( walakin, lamaεna ), d acu ira a d-yini umeskar s " Uḍilii" mi ara nessaked tura imeslayen-agi:
" Ass-a γas tuḍen aqerru-s, γas akken mazal nxuṣ,
nerbeḥ-d aḍilli.
Γas timess-nni n zik tettnus, yuγal-aγ-d γer lğerḥ lmus,
mi tellam kunwi.
Nekkni s cceεb amekḥus, kra ara yeḍrun yid-neγ drus,
mazal nekkat-awen afus,
a γ-yexdeε Rebbi".

Dagi ira yessenγes-as deg wazal i uḍilli, yeğğa-d deg-s azgen kan, ihi tura yuγal d asṭuṭec kan si tγemmar ( ccukat ).

nuγal am widak yettewten γef wlim, ttun timẓin.
------------------------
Tagi d tadyant-nniḍen tura, d ameslayen-agi n temẓin i d iyi-d-yesmektin d waya yerna s umeslay γef yenzan i d-neṭerḍeq γer wanida akka d-nessaweḍ:

Mmektiγ-d d wenzi-yagi:
" Yuklal uzegzaw timẓin"

Anzi-agi γer γur-i d inigi n yir tamuγli yella yesεa umeskar-is di tudert-is, γas ulamma mačči d menwala i yellan widak-agi d-yeğğan agerruj-agi d-nufa akken yenna dda Ğamal usawen.

Ata wamek gziγ anamek-is:

Azegzaw: zzayla, aγyul, γlulu.
Acuγer d akka gziγ d aγyul i d azegzaw di teqsiṭ?
Acku ad yili yufa-d bab n yeγyal amdan-nniḍen yefka-yas ula i uzegzaw timẓin am netta am yeγyal-nniḍen deg udaynin,
ihi yenna-yas: " Yuklal uzegzaw timẓin".
Am win ad as-yinin " wagi yessefk ad yečč lbarud".
Wiyaḍ igerrez wafud-nsen, sdeḥdiḥen akken yessefk s izembyal yeččuren, ttbibbin γef teεrar-nsen, ma d winna d amerdiḍ, γlin imeẓẓuγen-is.
Asmi yella " Σla didanu" am wiyaḍ igerrez, segmi yekkabbeḥ, yella yekkat-it almi yuγal d azegzaw.

Annect-a yakk war anamek, riγ kan a d-iniγ kra ula d nekk.

Alim

A ken-yexdeε rebbi n Lewnis At Mangellat


nessawel-asen i wid iεeddan
i wid yemmuten f lḥerma-s
γas tettcetki ur d as-d-slan
yak widak akk γaben yiwwas

ay atma win d a wen-yemlan
tamurt aεzizen i ken-yerḥan
a wen-yemmel amek akk i tt-rran
ad runt ula d ṭṭjur fell-as

yerẓa-tt lfil iεeddan
yečča-tt gma-s i s-d-rnan
a tt-yenṭel win i tt-yerjan
a yiwen ur d asen-iga tillas

mkul lεib la d-yettnulfu
yak seg-wen i d-yewwi imγi
mi d as-nenna ar d a ttefru
ziγ ass-agi yeγleb iḍelli

tamurt i terẓam tettru
ur tjebber ur tḥellu
ahat tesεa daεwessu
a fell-awen ara d-testeqsi

yiwwas ma ihuzz-d waḍu
neḍmeε yis-wen a yeglu
a ken-iferḍ ar d a tteṣfu
a nnaγ a ken-yexdeε rebbi

asm’akken mi tebda s kra n wergaz mi yedda yenwa f tlelli
ziγen γur-wen thegga lmeqsud d leqyada mačči d arumi
asmi tt-tḥuzam d ayla nekkni ulac kunwi yella
tgam-as isem tuwṛa a ken-yexdeε rebbi

ajajiḥ asmi i iεedda yeğğa-d tigujelt, tujjla, lğerḥ d imeṭṭi
win iruḥen s nniya yeğğa-d axxam-is yexla tegram-d akk kunwi
terram i ccaεb ṣṣṛima ddu neγ efk-d nnekwa
tgam-as isem lḥurriya a ken-yexdeε rebbi

tamurt tuγal-awen d ayla teččam-tt akken i wen-yehwa ger-awen i d-teγli
γur-wen kra tebγam yella yiwen ur yezmir a d-yini ala ccaεb yettwali
tewwim tamurt d ttrika win ineṭqen a s-tinim ala
teqqarem-aγ d ctiṛakiya a ken-yexdeε rebbi

i wakken a tt-teṭṭfem lebda tferqem tamurt tebḍa aγerbi acerqi
taεdawt-nneγ tennerna la tesmendagem isufa tezgam di tili
ger-aneγ nettemεassa terram-aγ wa yekkat wa
tennam-aγ tadukli akka a ken-yexdeε rebbi
ass-a tuḍen aqerru-s xas akken mazal nxuṣṣ nerbeḥ-d aḍilli
γas timess-nni n zik tettnus yuγal-d lğerḥ lmus mi tellam kunwi

nekkni s ccaεb amekḥus kra ara yeḍrun yid-neγ drus mazal nekkat-awen afus a γ-yexdeε rebbi

azul fell-awen
γur-k rrezg Awetniri yessnen amγar am winna, ttakkeγ-as-in azul d ameqqran, nekk γileγ Awetniri " d amnahaγ" i " d ṛṛaḥim" deg umezruy i γ-id-yefka γef umγar Dda Ğamal, yenna-d di tallit-nni anda teẓmek γef imaziγen, (s yisem n yakuc amellay amnahaγ) i yesεdda iman-is ger ifasen n yemcumen-nni i ten-yettṣeyiden, ihi ay ameddakel, akken qqaren dinna iwehran" kul elγa yelγa belγah=yal yiwen s tmeslayt-is,
nekkni azul fell-awen
widak salamuεalikum wissen ma akka i ten-ttarun?
wiyaḍ calumaεalikum

azul a Ğamal tizlit n Lewnis tewweḍ ihi, tanemmirt, tettaraḍ-aγ-id a gma ar abrid, d ayen tura lemdeγ tira n yisem Lewnis, Ldzayer, mazal lxir ar zdat; ar tufat

muḥend

ssuref-iyi Awetniri ttuγ isem n"ṭṭir" di tinnan-nni n wehran:
(mkul ṭṭir yelγa belγah) (yal agḍiḍ yujaq s tujiqt-is)
zik akken i d-ttcahin, nella akk d imaziγen, yerna yenna-t-id uselway n Ldzayer d lislam kan i γ-isstaεerben, uwla d el'amir Abdelqader mačči si Cam i d-yusa, d tiwin kan i t-wwin ar Cam.

Azul a dda Muḥabdiki,
D tidet, anagar tidet ay d-tenniḍ a dda Muḥabdiki, ay uḥdiq. “Amellay” d rreḥman s taɛrabt; d “amnahaɣ” ay d “rraḥim”. Akka i llan, akka ara ilin, d nekk kan i yewwet wugur. Ɣas semmi-yi: “aqerruy n texsayt “ uklaleɣ.

Ihi, ɣas ssuref-iyi ttxilek, a dda Muḥabdiki!
Tamawt: D ba amɣar-nni amcum i yi-yerẓan amelɣiɣ-iw! Segmi yesla s Mass Ṭaglal-agi yeṭṭef adeg-ines, d netta yerwi.
Tamawt: Cukkeɣ tessneḍ Wehran, neɣ d Iwehraniyen kan i tessneḍ dinna di Faffa?! Ɣurk ansi tettɣileḍ d Wehran-nni n zik i tessneḍ (ma tessneḍ-tt), ay d tagi n tura (ttmeslayeɣ-d ɣef yemdanen mačči ɣef temdint)! Si rrebrab-nni ɣer da, kecmen-tt-id Bni Behdel (Lehǧares-nni n Ɣilizan d…), alammi i yuɣal wemdan aɣerman ur izemmer ad yidir deg-s!
Awetniri
Asemḥissef

azul
ulac aγilif Awetniri ayen triḍ a t-id-tinniḍ, ini-t-id, acu kan ur gezzem awal-ik fell-aγ,(ur γ-ttḥerim di ṣṣut-ik), bni behdel mazal ur d-kcimen ar wesmel, d Mass Ṭaglal i d-ikecmen s temsirin-ines, tura nezmer ad nelmed tira akken iwata, atan seg iḍelli ar ass-a, kkseγ "ara"ttgeγ kan "ur" i wakken ahat imaziγen temnaḍin nniḍen n tmazγa, a γ-id-ḍeffren ar ubrid-agi n tmaziγt; ssneγ at Wehran dagi di Faffa, daγen kkiγ-n γef Lmeruk s tkerust, imi d-uγaleγ, ṭṭfeγ-d lbabur di Wehran; ar tufat

muḥend