azul,
tanemmirt ik i keč d wid iγef d turiḍ, wissen ma llan yedlisen agi n Ğamel di suq ? imi nek ur ten walaγ ara la di fransa la di tmurt anda akka i ttnuzun ? tanemmirt i wid yettarun s teqbaylit ama d keč ama d nutni imi yiwen n wass ad binen as nefken yemdanen azal , ayen uran ad yeqqim lebda yiwen ur t iseffeḍ ,a ten id tafen tsutwin id itteddun.

A " el husin n yiqubab", twalaḍ dagi?:

http://www.editions-harmattan.fr/index.asp?navig=catalogue&obj=result&ntable=0&andor=OR&artiste=djamal%20benaouf&motExact=0&orderby=titre&ordermode=ASC

Tanemmirt!
Sεid

Tanemmirt ay amedyaz, γas cukteγ gziγ asenṭel usefru, anamek n wezwel yesseεreq-iyi-tent cwiṭ, ihi nekni s ibujaden agi n tmedyazt yessefk-aγ a nesqerdec cwiṭ γef usefru akken a nefhem izen neγ iznan-is...(am tezlatin n Lewnis yal wa amek tent-yessefray!) Ihi nek hata wayen gziγ:
Amyaru ur yectaγel ara deg yiman-is, ur yettnadi ara tunṭicin, ad ttmeslayen yemdanen fell-as neγ ad ḥemmlen taqadumt-is.. maca yettnadi kan ad γren yemdanen, ad gzun u ad ssneqden tasekla-yis, d wa i d "arzaz" i yekkat a d-yawi? Ssarameγ ad ilin wiyaḍ a d-yinin dacu unamek i gzan..

A Mass Lhusin, idlisen agi mači d ttiẓrigin n at uqiḍun i ten-id-yessufγen a gma d L'Harmattan! Ula di Faffa mači i menwala i wumi d-ssufuγen..ihi yezmer a ten-yaf wemdan di Amazon, di la Fnac di yal amḍiq awid kan a nγer!

Tanemmirt-ik a Wejṭuṭi.

Asefru-agi mačči d kra n twuri tameqqrant, ula d inumak yellan
( ma llan??? ) deg-s, annect-ik kečč ay agrud amecṭuḥ yetteddun kan gar-asen:
1)- Yessawel-as i tyessawt s temrart akken a d-tuγal.
2)- Yessutur di widak-agi yeksan war tamrart, yeqqar-asen:
" Waaaaaaaa erret-as ayla-s i SIZAR"!
3)- Yettaṭaf afus i uderγal, yessakan-as lewhi n tafat.
--------------------------------
" Anwa i k-m-icekkren a tislit?
D yemma, teḥder xalti" ( Ha..., ha..., ha...).

Tella daγen tagi yessefk ur tt-tettuγ ara:

Iḍelli ssakdeγ drus brtv, walaγ yiwet terbaεt la ttḍekkiren.
Yemmeslay-d tazwara yiwen, yenna-k d netta i d ccaf-nsen, nutni si Lembira ( Tubiret ).
Yiwen-nniḍen yekkat-asen dderbuka.
Ccaf-nni iserreḥ i ugerjum-is, mi d-yenna kra imeslayen, a d-alsen imeddukal-is ayen d-yenna.
Yekkert-itt hetwir sakin, cennun akka:
Llah, llah, lahh yenna waḍu, yenna wagu...atg.
Uγalen cennun γef umerkanti. Skecmen-as yiwen rrebrab s ul-is,yella wayen yessewhamen.
Iban-iyi-d iban d tismin imi nutni ur sεin ara idrimen yerna am akken daγen d asuter s udebbuz ( awi-d idrimen-ik a mmi-s n ....neγ a k-yexdem, ad ak-yerr"!
Nekk uγaleγ ttṣṣaḍṣaγ, ttruγ.
Amek i tt-friγ nekk d yiman-iw?
Uriγ imeslayen-agi s uẓawan-nni swayes llan cennun:

Llah, llah, llah, nugi-kem a taqbaylit,
llah, llah, llah, γef yimi rẓageḍ am qedṛan.
Llah, llah, llah nḥemmel taεrabt d trumit,
llah, llah, llah, d tutlayin n leqran.
Llah, llah, llah, nerfed-ikem a tawaγit,
llah, llah, llah, nettγil yuli-yaγ ccan.
Llah, llah, llah, lemmer yessin Butef taqbaylit,
llah, llah, llah, am tagi ad aγ-yexdem sebεa les les chaînes.

azul fell-awen
tanemmirt a gma, tidet attan di tmurt, anda yettwaḥqer yedles-nneγ, amezruy zelgen-t, imedyazen akk d iccenayen γummen-ten, in-asen kan, i wat tiliẓri n Ldzayer ma d-sεeddin Zeddek Lmulud, a k-inin d awezγi! neγ m'ulac ad yessexser ayen akk bnan. Ma mačči d wagi i d maḥyaf, acimi 46 iseggasen aya ulac tiliẓri di Dzayer s Tmaziγt? d (B.R.t.v) di Paris tamurt n medden ahat daγen tleḥu s usaḍuf 1901 ulac tasertit, ulac asγan, (ddin)
ula d idles azuḥ kan.

cwi kan nesεa imedyazen am kečč i γ-id-yettakken afud imi ara neddu ad neγli; tanemmirt a Sεid;

muḥend

Azul a Muḥabdiki,

Tanemmirt ilmend n wayen akk d-tenniḍ!
Teṭṭfeḍ amayel-iw?
Ar tayeḍ,
Sεid

azul a Sεid
ṭṭfeγ-t a gma, am akken teẓriḍ lliγ di tmurt kraḍ wagguren, ulac ttawil i wakken ad ẓreγ isalen yellan deg wesmel, imi d-uγaleγ, nemseqsa γef amek illan imeddukal-nneγ, ma ulac d acu i ten-yuγen, tenniḍ-iyi-d
yemma-s n Wansen, tewwi-tt tmettant!

acu ara s-iniγ i gma-tneγ Winna, aqlaγ yid-s, deg tegnit am ta, neẓra yakk tiyemmatin s tasa i nettwaqqen ar γur-sent, mačči d ayen ara yettu wemdan, maca akken tella tudert i tella lmut, a sen-id-yazen tabγest i netta akk d twacult-is, ma d yemma-s a s-nessawaḍ tamella, ad tessgunfu deg talwit n bab igenwan.