Asmi d-uγeγ ğninaṛ



D letnin kkreγ-d tasebḥit
I tegmart qqneγ takkalict
Ad adreγ ar ssuq n texwlijt
Qqaren ersen-d ğninaṛat i lbiε !

Imi iṭij yeserγay dayen kan
Tagmart teddaray s sdaw zzan
Mi wḍeγ aziγ ifut lawan
Ğninaṛat akk nzan !

Agemmaḍ-in i ssuq di tqernit
Aziγ yeqqim-d yiwen, ufiγ-t !
Γas cciεat ulac γef tuyat-is
S cwiṭ n tterqiε ad iwqem cceγl-is

Bedleγ-t-id s uḍelaε n tbexsisin
Timsement d rebεa n tebyayin
S wancta wwiγ-d ğninaṛ
Ferḥeγ s ssuq-iw yeεmeṛ

Deg wexxam xdemn-iyi sseḥja
Nnan ssuq-im ur yewqim ara
"Ğninaṛ am wa ur yesw’ancta !"
Cceh dgi, tura dayen teḍṛa !

Ticelγumin-is d tizeggaγin
Xelεen warrac m’ara tettwalin
Mi s-negzem yiwet n tama
Aydi yesseglaf ur γ-yeği ara
Yeqqim d azgen ur iseṭel ara

Ur ixeddem kra nafaγ ad yames lqqec-is
Tikkwal akka yettekkes i lxedṛa icelman-is
Yettreqiε tikkersiyin
Yettekkes argal i tzuliγin
Maεna tajewaqt ur s yessin

Akka deg uḍan unebdu
Ğninaṛ ad yebrek γef lbuṭa n tuga
Alih ad yebdu a γ-d-yessefru
Γef ayen akk yesεedda


Lgirra n n unambiṛ
Asmi yella d lekwniniṛ

Nfaq n Muḥend Ameqqṛan
Asmi yella d lkmandan

D Ṭareq yezgger leṣban
Γur-s llegṛad d aqebṭan

D tama n Kahina
Yezgga-d d lyuṭna

D Yugurten yennuγ aṚuman
Yewweḍ s llegṛad d saṛğan

Di ṭayfa n Ḥennabaεl
Yedda d kapuraεl

Di lğis n Maṣinaṣ
Yewwi-tt-id duzyim klaṣ

Di lgirra-s tamezwarut
Yemma-s tezla-yas tafullust



Akka dγa alma yulli wass
D netta a γ-d-yemmal i iεeddan fell-as
Ar deqqal a t-yawi yiḍes γef tuga-nni
Ma d nekkni ad nettargu cciεat-nni

Yeqqim γur-neγ almi d lexṛif
D aṛaḥi yezga-d εla kif
At wexxam uγalen wehmen
Taklit tesεa-d akniwen !

Yiwet n tṣebḥit di dicambeṛ
Iga akka ikecm-iyi-d γer cambeṛ
Yedda-d yism-is deg ujiṛnan
Dayen ssulin-t d maṛican
"Aγ yeğğ, a tawaγit !"

Wwiγ-t f tkkalict, erriγ-t ansi d-yekka
Erriγ-d timsement, tibyayin d tebxsisin
Mebla awal mebla kra wala kra
Nemfaṛaq, d irgazen nettsemma di sin

Axxam yuγal akka am zik-is
Aḥbub ur yettwexxiṛ deg wemkan-is
Ğninaṛ di ttberna yefkka mayna
"Nekk bezreγ-d amur-iw γef tmurt-a"

Ar ssuq ur uγaleγ dayeni
Mi d-banen xemsa yetran deg igenni
Ulawen ini yečč-iten uḥebbeṛ
"Ad ken weṣṣiγ γurwat id tettaγem ğninaṛ !"




yerrat-id ar teqbaylit: Ğamal at Udiε

azul,
tikti telha a yucbiḥ maca ur γ d nniḍ ara n wanwat weḍris anasli ?? tasuqilt texser cwiṭ imi ugaren wawalen ijenṭaḍ wid nneγ, llan daγen kra n wawalen ur ten gziγ ara am: tebyayin , d timellalin ??? aru yaγ ed a gma L deg webdil n Y ma d keč akken ik yehwa senṭeq it ., nafaγ ? , lğis ? . s umata llan yefyar igerzen manci d kra am imezwura deg usefru ,llan weyyad i t sxesreḍ manci d kra am tefyirt a: nemfaraq awal mebla kra wala kra. ulac aγilif ad uγalen ad weqmen weyyad sya γer zdat.

azoul

Nnaγ a 'Said' a gma turiḍ-d yiwen wawal tzegleḍ-t!

azul fellawen,

aḍris anasli qqaren-as "Général à vendre" n Francis Blanche, iεejjebiyi aṭas mi s sliγ (ccnan-t "les frères Jacques), ihi nniγ-as ad εerḍeγ ad t-id erreγ ar tagi nneγ.
tura lixṣaṣ yella yella, dacu awah a ṛebbi lemmer ad yilli usenqqed ugar, akken yiwen ad d leddit wallen-is i wakka d assawen.

"bezzi butzimert" tenniḍ-d llan aṭas n wawalen ijenṭaḍ deg tarurt (awal tasuqilt ur tḥemleγ ara !!), d tidett, dacu awalen agi akk kecmen γer teqbaylit n seqdaciten, llegṛadat n leεskkeṛ tzemreḍ ad teγreḍ tamedyazt n lqern wis-19 neγ ad tesleḍ i temγarin nneγ m'ara heddṛe-t γef lgirra (54-62) ad taffeḍ qqaren-t (Ğninar, lekmanda, lyuṭna... ), llan kra n wawalen ur tfhimeḍ ara, hattaya:
tibyayin (neγ tigyayin mačči tiblalin) d lleft, neqqar tabwyayt n lleft (taleftett, yiwet).
nafaγ d awal n teqbaylit (aqbu) anamek-is "mulac".
lğis d lğic akka i qqaren-t temγarin γuṛneγ m'ara d ḥekkunt γef lgirra-nni (ğic teḥrir lwaṭani !).

sqedceγ awalen-agi akken asefru ad yilli s wudem n uskkeεrer (la dérision ?), yella wanda ixxuṣ (dacu ar zdat ad neḥṛec :-) ), awid kan ad yilli usenqed.

tanemmirt nwen

Azul a Mass At Udiε,

Tgerrez tririt dayen kan, ara lemmdeγ tizlitt n watmaten Jak s snitra mi fukkeγ a k-tt-id cnuγ di youtube s yimeslayen agi inek.

azul a Wejṭuṭi, a Wejṭuṭi azul

ccnu-tt a Wejṭuṭi, a Wejṭuṭi ccnu-tt
erraγ-tt-id deg "youtube" a Wejṭuṭi, a Wejṭuṭi erraγ-tt-id deg "youtube".

tanemmirt a Wejṭuṭi,
afud iggerzen

azul,
azul a Ğamal !
tanemmirt γef tririt i wseqsi inu a Mass Ğamal, twalaḍ ḥefḍeγ ayen din d awal s γur k a gma,awalen agi iyi d tenniḍ werğğin is nesliγ labaεda awalen agi n tmennaṭ agi n weqbu ulac iten la deg umawal la deg wayen niden , maca ayen id tenniḍ γef wawal nni n tsuqilt ur zriγ acuγer ur ttḥemleḍ ara ? imi awal yuzlen deg tira n tmaziγt iwakken ad nini la traduction d tasuqilt neγ ala ? ur ttḥemleḍ ara kan akka ,neγ ur yebna γef wudem iseḥḥan ?

azul a ğamal,

Tgerrez tarurt ik, d ixeddim yelhan atas. Ladγa kemmel akka.
Γef awalen nessexdam deg Aqbu, yella "lafeγ" mači "nafeγ", nek xersumin akka is sellegh. nezmer dighen a nessexdem deg mkan is "neγ", "mayli", "muli/c".
lleft neqqar as tagyayt, asget is tigyayin. nezmer as nini; bγiγ add aγeγ cwiṭ n tegyayat neγ cwit n tegyayin.

Gedha