Alday n webṛaḥ Sliman Σazem deg Leγwi
Timlilit ass n 20 ctembeṛ 2008 seg tsaεett 14 -"Parc des Récollets Longwy-bas"
Sliman Σazem d acennay, d amedyaz i yuγen abrid-nni n imedyazen n zik n tmurt n yeqbayliyen. Yura fell-as yakan deg wesmel n imyura.net Mas Racid Begnan yiwen umagrad yufraren. Ulayγer a d-uγaleγ γef tudert-is. Tzemrem ad teγrem amagrad n Racid Begnan dagi >>>. Dγa yenna Racid deg tezgart yurzen ar yinig n Sliman Azem, ayagi:
Sliman Σazem iffeγ taddart-is bezzaf d ameẓyan. Illa di laεmer-is 11 iseggasen asmi iruḥ ar Lezzayer tamanaγt i wakken ad yexdem si Rrumyen di tama n Sṭawali, af yiri n ill agrakal. Asmi yewwed 19 iseggasen izger ill aki ar Franṣa, ar tγiwant n Lleγwi (Longwy) anda yebda ixeddem deg yiwet n Luzin, uqbel ad isεeddi lεasker-is, u ad yettekki di trad nni umi qqaren 'Issoudun'. Deg 1940, iffeγ-ed si laasker, iruḥ ar 'Paris' anda ixdem daxel uderbuz 'Métro RATP' (akken yeqqar di yiwet ger tizlatin ines). Sin iseggwasen umbaεd, wint laasker n Lalman ar 'Rhénanie' di tama umalu n Lalman, alama d tilelli n Fransa deg 1945. Kra iseggwsen akkin, iṭṭef yiwet n lqahwa din di 'Paris', anda illa icennu iy iminigen.
Yewwḍ-d Sliman Σazem ar Leγwi deg useggas n 1937, yexdem deg luzin n wuzzal, i yellan imir-nni d tanga seg i d-tekka tbaγurt n tama-yagi n Leγwi akk d "La Lorraine" s umata seg useggas n 1880.
Ar deqqal iga yiwet n lqahwa deg teγremt-agi n Leγwi, deg wezrib umi qqaren "Gouraincourt". Lemmer skud yella, Sliman Σazem ad yaweḍ ass n 19 deg ctembeṛ 2008, 90 iseggasen. Aṭas n wid i d-yecfan ma γas d imγaren ass-agi, llan daγen wid yemmuten, wid yuγalen ar tmurt. Maca, akken yebγu yili, cfaya ğğan-tt-id i wiyaḍ, i warraw-nsen, i warraw n warraw-nsen, akk d yeqriben-nsen. Sliman Σazem d azamul n uttikki n yeqbayliyen deg tbaγurt n teγremt-agi n Leγwi. Dγa isem-agi n Leγwi yuγal d isem n teγremt-agi s teqbaylit. S talmanit "Langich", s tlukksemburgit "Lonkech", s tefransist "Longwy", ihi s teqbaylit "Leγwi".
Tiddukla n Imaziγen n Leγwi, CFBBL, tefka i yiman-is iswi kra iseggasen-aya tura, ad tessiweḍ ar lebγi iqbayliyen i yebγan a s-tuγal tejmilt i uzamul-agi deg tmurt i wumi fkan aṭas n yeqbayliyen tidi-nsen akk d tezmert-nsen. Ar ass-agi llan wid i yettmettaten sebba n wayen nεettaben akk d "L'amiante" akk d wayen nniḍen. Zgan tteffγen-d imγaren iqbayliyen, am iṭelyaniyen, am iyuguslaben, seg sbiṭar n Mnt Saint Martin deg isendyaq.
Tiddukla tewweḍ ar yiswi-s. Temwata akk d imḍebbren n tγiwant n Leγwi ilindi d akken ass n 19/09/2008 ad yettwifk isem n Sliman Σazem i tezniqt neγ abṛaḥ deg teγremt-agi.
Ihi taγiwant teṭṭef deg wawal-is. Fran-tt akk d iεeggalen n tddukla-yagi γef wemḍiq i wumi a d-yiṣiḥ isem n Sliman Σazem.
Tiddukla ad teg yiwet n tfaska s wazal-is deg ad ttekkin aṭas inaẓuren, gar-asen Ferḥat Imaziγen Imula, Taleb Rabeh...atg Ad tili daγen tinin isefra sγur imedyazen i ikelsen neγ ad yettwikelsen ar wuṭun n tilifun 06 24 56 37 40 / 06 72 10 64 56 neγ ar tansa n umayel cfbbl54@aol.com.
Ad tili daγen yiwet n tqeffaft(cortège) a d-yasen seg Paris a d-iqelεen seg wexxam n BRTV 1 ter, rue du Marais 93100 Montreuil. Wid yexsen ad ttikkin deg tqeffaft-agi ad arun neγ ad ssiwlen ar BRTV Uṭun : 0145802390.