 | | |  |
 |  |  | |
|
|
|
Tanemmirt a Muḥya! ( Sγur Akli Kebaili)  Asmi lliγ d anelmad di tseddawit n Tuebingen di tmurt n Lalman, lliγ selleγ aṭas i tkasiṭin n Muḥya. Dγa nniγ d yiman-iw, argaz-a yessefk a t-issineγ kra n wass. Ihi anebdu n useggas n 1981 neγ 1982 rezfeγ γer Paris. Dinna wwḍeγ γur-s. Tella yid-i ula d tameṭṭut-iw Edel. Nekcem γur-s, nufa-t iman-is, yella isel i tesfifin-ines. Nekk nniγ-as: a bonjour fell-ak a Muḥya, nekk isem-iw Akli Kebaili zedγeγ di tmurt n Lalman, ta d tamdakkelt-iw Edel, nettat d Talmant”. Netta yerra-yi-d s wawal d aẓidan, yenna: “a bonjour fell-awen, ih.. tamurt n Lalman d tamurt imusnawen; tamurt n Brecht d Thomas Mann d wid nniḍen..”. Dγa yessekcem-aγ γer yiwet n tqernit di tḥanut-is. Cfiγ ala yiwet n tkursit d tameẓẓyant i yellan dinna. Dγa yenna i Edel, qqim. Ma d nekk beddeγ am netta. Yefka yaγ-d lqahwa, dγa neqqim γur-s kra n wakud, nemmeslay γef Lalman d wayen nniḍen. Tikwal kečmen-d kra n yad yettaγen γur-s, dacu kan mačči aṭas. Cfiγ γef yiwet n temγart d tafransist, tekcem-d γur-s s unecreḥ, netta daγen yemmeslay-as s wawal d amelḥan d taḍsa. Dγa taḥanut-is tella tessed s waṭas n tγawsiwen. Cfiγ d tiγawsiwin n tuččit d tissit. Taḥanut-is tban-iyi-d am kra n yiwet n tḥuna di tmurtnneγ. Dγa yefka-yi-d yiwet n tesfift n Sinistri (ma yella cfiγ), yenna-yi: “attan tkasiṭ-nni n Sinistri, awi-tt yid-k γer Lalman, a s-tesleḍ dinna”. Muhya ufiγ-t d amcerḥan mačči d kra! Ul-is iban-iyi-d d azeddgan. Tacacit-is imi qqaren tacacit taglizit terna-yas sser d ccbaḥa. Ula d tameṭṭut-iw tennayi: “Argaz-a mačči am yergazen imaziγen-nniḍen i yesneγ yid-k. D wergaz-a tezmer tmeṭṭut ad temmeslay yid-s, ad tḥuss iman-is tettwaqaḍer. Argaz-a ur yesεi ara yir uxeẓẓur”. Dγa nuγ-d kra n tγawsiwen γur-s, nuγal-d γer Lalman. Seg wass-nni d nekni nettemsawal. Yal tikkelt mara ad sleγ awal-is, yeǧǧuǧǧug wuliw, lemmdeγ kra sγur-s. Ula d yiwet n temṭṭut n yiwen wemdakkel-iw Boualem Ait-Atmane teγra γur-s tamaziγt (di ACB?). Tameṭṭut-a isem-is Karin. Yal tikkelt mara a nmmeslay nekk d Muḥya, ad yini: “Ah, tameṭṭut-nni d tameṭṭut d wawal”. Ula d nettat ar assa tettmeslay fell-as ala s wayen yelhan. Asaru (der blaue Engel/l’Ange bleu) n Josef von Sternberg, Lalman 1929-1930 Yiwet n taluft teqqim tekres deg wallaγ-iw d adeddic: Yiwen wass Muḥya yenna-yi: Ẓer ay Akli ma tzemreḍ a yi-d-afeḍ dinna di Lalman asaru n „l’Ange bleu“. Nekk nniγ-as: “atan ad azleγ wakken a t-d-afeγ”. Dγa imaren-nni mačči dayen fessusen i wakken ad yaf yiwen isura almanen n zik-nni. Ihi yella γur-i yiwen wemddakel d Alman, isem-is Hans ixeddem di tseddawit n Tuebingen di tlufa n isura d wayen nniḍen. Nniγ-as γef taluft-a n isura. Ihi yefka-yi-d sin isura, gara-sen win n “L’Ange bleu”. Nekk fkiγ isura i Muhya. Kra kan n wussan yuγal Muhya yenna-yi-d: “Ẓer ma tzemreḍ ad tafeḍ kra n yiwen n wexxam dinna di Lalman anida i zemreγ ad rreγ asaru “L’Ange bleu” γer teqbaylit”. Uzleγ akka d wakka, dγa ufiγ kra n tkebbaniyin i ixeddmen isura. Yiwet di Muenchen, tayeḍ di Hamburg. Dacu kan γlay-it aṭas. Nniγ-as i Muḥya, netta yenna-yi: “Bon, anef-as i taluft-a, wissen ahat ad afeγ kra n yiwen “ustudiu” d ameẓẓyan da di Paris”. Ussan ddan, dγa yiwen wass ssawleγ-as, nniγ-as: “anida tewweḍ taluft-nni n usaru-nni?”. Netta yerra-yi-d: “Ah.. yeṭṭeḍ-it mmi-s, ulac iṣurdiyen. Xuṣṣen-iyi kra n 50 000 Franc”. Nekk nniγ-as: “Amek ulac kra umaziγ amedyaz neγ yiwen nniḍen izemren ad yefk annect-a, i wakken ad yeffeγ usaru s teqbaylit?” Netta yenna-yi: “Keččini mazal-ik d aεggun, ur tessineḍ ara arraw n tmurt-ik? Ala win ara k-yefken tiyiti γer deffir umeẓẓuγ.” Dγa nekk imaren-nni lliγ d nelmad, ur sεiγ ara iṣurdiyen. Nniγ kan deg wul-iw: “wissen ahat ad yaf tifrat, ad yeffeγ usaru s teqbaylit”. Ẓriγ Muḥya s wul-is d wallaγ-is i yebγa ad yessufeγ asaru. Tira s teqbaylit: Uriγ yiwen wedlis d ameẓẓyan s tezwawat semmaγ-as imaren-nni (1990): “Bab Idurar d weltma-s”. Aseggas n 1998 yeffeγ-d γer L’Harmattan s yisem: “Imeṭṭi n Bab Idurar”. Cfiγ fkiγ aḍris-iw i Muḥya, nniγ-as: “Ttxil-k, ẓer ma tzemreḍ ad teγreḍ ayen i sxrebceγ (i brikuliγ) akka, in-iyi-d dacu tenniḍ deg-s”. Ihi yeṭṭef-it. Kra n wagguren kan ssawleγ-as, nniγ-as: “Ah, dacu tenniḍ deg wayen uriγ akken? Ahat rwiγ-tt akk”. Netta yenna-yi: “Ih a Muḥuc, i waken ad γreγ akk ayen turiḍ, a k-iniγ dacu i walaγ deg-s, ilaq a t-rreγ d duktura. Ihi a k-iniγ amek i txeddmeḍ mara ad taruḍ kra, ama s teqbaylit, ama s wayen nniḍen. Aru-t, ger-it deg leqjer, eǧǧ-t din kra n sin wagguren. Ssin akin kkes-it-d, γer-it. Ayen i tufiḍ yelha eǧǧ-it, ayen i tufiḍ d iri-t. kkes-it. Dayen kan, ur t-ttak i wa neγ i wayeḍ”. Dγa nekk ḍsiγ. Nniγ d yiman-iw: “ahat yufa-t kan d iri-t, yugi a-yi-d yini tidett”. Uγaleγ nniγ d yiman-iw: “d tidett ayen i-yi-d yenna”. Dacu kan imaren-ni ttkukruγ ad aru s teqbaylit, acku ur ssineγ ara tira-s akken yessefk. Ihi ayen i-yi-d yenna Muhya yesγer-iyi, yefka-yi-d lkuraj i waken ad aruγ s tezwawat war akukru! Tanemmirt a Muḥya, ṭṭes di talwit, ayen i d-teǧǧiḍ ad yeqqim ad yefti. Ẓriγ, “rregmat-inek” deg-neγ nekni s Yezwawen yezmer ad yeldi allen-nneγ, a nẓer dacu i γ-icekklen tamusni d tikli γer zdat. S wakka kan i nezmer a nili d ilelliyen am nekni am iγerfan nniḍen. 
Tanemmirt a Muḥya! ṭṭes di talwit, nekni ur ntettu tawurit-inek! Ayen i d-teǧiḍ ad yeqqim ad yernu ad yefti. Akli Kebaili Frankfurt γef maggu 2006 Asabter yellan deffir wa | Asabter n zdat
celqf alqaf
- Tinin-is...Azul A Wiza semmeḥ-as a weltma. Tanemmirt-im imi i-yi-d turiḍ. Mači d kra i ferḥeγ ula d nekk mmi-n meslayeγ yidwen iḍelli. Ḥemleγ ad syeγ i taγwect-im neγ ad γreγ ayen i-yi-d tettaruḍ. Ḥulfaγ amzun unageγen ar din garawen. Mači d kra i ferḥey xas akken ur ṛwiγ ara ameslay yidwen akw. Aabwyeγ an siwleγ tikelt nniḍen iḍelli tagara bbw-ass maana ifuk-iyi u-kridi, ilaq ad ağeweγ kra i-lmendad.
Cedhaγ akw axxam d yeḥvav nnegh ttirni, maana kemmini terniḍ cwiṭ ugar acemma. Ḥemleγ-kwen akkw yal wa (neγ ta) s wazal-is d yektal-is.
Aqyi daggi am ufrux deg lqevṣ weḥleγ ggugeḍeγ (baadeγ) fellawen. Dayen iyi yeğğan ṭaqqa nnuγbneγ u sxenfreγ neγ feqaaγ. Uya d Bonnie asmi lliγ yides teqqar-iyi-d tikwal amek armi ur ttezmumugeγ ara, acukan ẓriγ teḥṣa acu i d sebba.Bonnie yaggi d ttamettut ayackitt, dayen kan grend wuguren gara-w d nettat. Ugur ameqqran tesaa "la boulimie", neγ tuččit mebla ceḥḥa; tebbeḍ annect ilatt. Ugar aya, mi ara n-ili nemyessefqaa faqeγ-ass tassawal i yiwen umeddakwel ines u ttemyarun. Yiwen n l' "email" nni yaγlid celqefeγ-t ger ifassen-iw, ifesered tadyant yeḍran zat wallen-iw, yelli-yid allaγ-iw. Aha! ... Nnuγebneγ u ttruγ u feqqaa azal n 3 wussan d wuḍan, γunzeγ-tt u γunfaγ-tt gummaγ ad-tt yaaiγ neγ ad-tt sikdeγ xas akken tesnaamey ur teẓri ara dacu i-yi-rḥan...γef aya (d kra wuguren nniden) i n-ṛuḥ neẓra amejjay n twacult "family therapist/couselor", anda nek nniγ-as ayen yellan af ulliw nettat si tama-s tennayid ayen yella af ul-ines.
I nettat cfiγ yenna-yas tesaaiḍ uguren n tilas (boundary issues); nekkini yenna-yid saaiγ uguren n yettkal (trust issues). Niγ-as deg ul-iw "ṛuḥ ad-tt-melḥeḍ a cmata".Mebla ma kecmeγ di ttfaṣil, nesseḥrured sin isseggassen neγ kraḍ (3) dγa nemssefraq s tezdeg bbw-ul d ttiẓeṭ bbw-awal.Aqla-γ tura d imeddukal n laayi naadel attas, nettemyaggar sya ar da netteg ayen nenwa at neg, acu mačči ttina n BF/GF anagar iggelan garaneγ. Tikwal sḥissifeγ imi akka id teggwra, tikwal qqareγ-as akka axiṛ imi aayiγ deg kwessar d usawen. Averhuc nni n "angus" yeggra-d ar Bonnie. Ẓeṛṛeγ-ten yal dduṛt neγ snat yedwaṛ.Dayaggi kan id smeḥtyeγ tikelt aggi. Γuṛe-m Qader yura-yi-d iḍelli. yennak iggere-z aṭas tura seg asmi yeğğa tamurt n legniz. Ula d netta yenak yaada fella-s umerḍil ameqṛan acu tura iḥella-d tassawent. Nunza-s i yillu. Ihi a weltma ur ssiγzifeγ ara ameslay fella-m. Ad ğğeγ cwiṭ i tikelt nniḍen.
Qim di telwit.
Ahuddu ahunnu fella-m.
Gma-m i-kem iḥemlem aṭas aṭas.
- Tinin-is...Suref-iyi a dda Akli Qebaili. Mačči d ttisusaf ar tmermiṭ γer d begseγ, ndah, nwiγ kan ad fkeγ afud deg temsalt n wesnerni d ufeggeḍ d usğuğeg n tagi nneγ. Ḍemaaγ ulac uγilif. Ẓriγ tḥerceḍ ad tt-fehmeḍ. Tanemmirt af ayen akw tettawiḍ d wayen akw t ttegeḍ.
- Tinin-is... Azul i kunwi,awal γef Muḥya, ur yezmir yiwen ad t- isali imi Muḥya d netta i d (AWAL), d awal i yefkan azal i wawal, d awal i yerran awal i wawal;yezraε,yemγi.Muḥya d tamacahut i yessefran timucuha,yekrah ddel ,yekrah asmundel,yekrah tikerkas ,yekrah timenqas,yezra d acu-t imi yerra azal i wayla-s,yesbedd tigejda n tissas akken ad tidir tsekla-s.
Ageswaḥ n tudert
Amaḥbus n tinzert
- Tinin-is...
Azul a dda Akli,
Tanemmirt af ayen akw teqedceḍ af wedles enaγ wayen akw txedmeḍ seg-gul a tmaziγt.
Ukerdis
http://iflisenumellil.net/forum/viewtopic.php?t=76&postdays=0&postorder=asc&start=15
- Tinin-is...I yimaziγen/Timaziγin n TIRA!
anwa yeẓran amek ara teffeγ targit-nneγ nekni s Imaziγen n tira? Dacu kan ayen yura yiwen (t) ad yeqqim i tarwa n uzekka. Akken yenna Wat-Mengellet "..γas ma d aserwet, ddemt aγerbal, siffet".
Ihi tura aqlaγ di tegnit n userwet..Ssarameγ ad agten yad (tid) ara d yessifen azekka.
Tanemmirt s tussda i yimazi&en/timazi&in n tira!
I yad/tid iqeddcen deg "Imyura" ssarameγ-awen (t), tazmert, talwit d teγzi n tmeddurt s unecraḥ n wulawen. γurwet i tberrum i "ṭbel deg waman"! Tamaziγt "tuḥwaj" tura Imaziγen/Timaziγin n TIRA, mačči Imaziγen/Timaziγin n "nnif n twaγit" d Imaziγen/Timaziγin n uqemmuc kan!!
Ar tayeḍ
Akli Kebaili
- Tinin-is...Azul a Malika nneγ, Tanemirt imi yid turiḍ.
Imeslayen agi inem ussan d am cna deg meẓẓuγ-iw deg ayen lhan. Fkan iyi-d tabγest (courage) imi d awalen yeččuren d yeḥnana.
Teẓriḍ ula d nekk cedhaγ ken akk d izumal, armi tassa t qeddeṛ tenzef tettqiddiṛ.
Ayen iyi tecedham nek cedhaγ ken 10 n-tikal ugar.
Kenwi meqqaṛ tellam dinna tettemwanasem tettemḥuddum wagarawen (ḍemaaγ), nekk ar tama-w teqquṛ ulac weḥdi daggi ttidireγ tudert n wemjaḥ, tudert n waken nufa mačči aken nebγa. M'ur di tumeneḍ ara tter (steqsi) Qaddeṛ nneγ am y-ini.
Imi t-id yebbwi wawal, meslayeγ nek yidess azal n 5 tsaεtin Iḍelli. Ibaned yeččur wul-is yeddunful, yemeslayed azal n 4 tikal ugar ayen i-d meslayeγ nek. Unefeγ-as kan yessefruriten-t-id akw ta deffir ta. Iban-iyi-d llint wallen-is yeḥrec u yecṛeh nezzeh.
Mi lliγ ttmeslayeγ d Qaddeṛ s "l'ordinateur", Xaled yessawel-iyi-d di tilifun, dgha nemeslay akw i 3 yidneγ ma ulac azgen n saεa neγ ugar.
Tuγ teswiεt yuεaγ-ken-id ciṭ ula d kunwi tazwara bbw-ass, daγen ssawleγ ar timergast.
Ma tebγiḍ ul d wallaγ inu hatenay mačči d kra id sfaydin, ufan iman nnsen. Ul yeḥya-d yufa i-iman-is, allaγ yeqqel d afessas yetrussu yettafeg am uferṭeṭṭu aken id s-yenna Aayi Ideflawen.
Ihi a wetma ḥṣu-kem-id aqyi cedhaγ-kem u ḥemlaγ kem ugar tudert, am aken cedhaγ akw at wexxam nneγ d yeḥbab meṛṛa.
Gma-m yidir ikem iḥemelen.
Kateb Yacine apropos des mosquées: "En Algérie, on construit des fusées qui ne décolleront jamais". Di Dzayer, s beddayen iggejduren (iyennaten) anager ad ddun (ad kren ad afegen...).
- Tinin-is...Tanemmirt i Mass Akli KEBAILI γef tejmilt-agi i Muḥya.
Muḥya d awezγi a t-nettu, d awezγi ad iεiwed a d-ilal yiwen am netta, ayen d-yeğğa d agerruj i lebda, d agerruj n umezgun d tsekla. s wayen iga tutlayt-nneγ ad tedder i lebda.
A d-iniγ a Mass KEBAILI, ass-a nuḥwağ wid yettarun tutlayt n tmaziγt s tidett , maca nuḥwağ diγen wid yettmeslayen, imi tagara-yagi ansi tebγuḍ tεeddiḍ-d di tama n Tizi Wezzu neγ di tubirett , di Bgayet di tamiwin nniḍen , nsell ala i taεrabt , yerna s lqaleb n teqbaylit, wigi d wid yesεan ugur n tnefsit , d wid yettsetḥin s iẓuran-nsen, a d-iniγ aḥlil!!!
Awal-iw Ukerdis , rziγ ar tansa nni n wesmel i d-tefkiḍ, tamedyazt yellan deg-s izad wazal-is , ayyuz i wid yessadaren tutlayt, i wid yessicbiḥen awal n teqbaylit.
Afud d tebγest
- Tinin-is...
Tanmirt inek s tusda i kečči daγen. Si septembre d asawen, tzemṛeḍ aγ-d sseleḍ deg umaṭṭaf yal lḥed si 8h00 ar 9h30 , akw 19h00 ar 21h00 di Radio Pays (heure de Paris). http://www.radiopays.org/
Daγen yal ssebt, di Radio tamazight n Montreal si 21h00 ar 24 h 00 (heure de Montreal) : http://www.cfmb.ca/program.asp?Key=2
Ar tufat
http://www.iflisenumellil.net/forum/viewtopic.php?t=76&postdays=0&postorder=asc&start=30
- Tinin-is...Azul fell-i
Seg wacḥal-aya d nekk am uṭarus, ttnadiγ rennuγ γef tansa n dda Akli Aqbayli/Azwawi lqerdac… yiwen ur yi-ttid-yefki seg libirbiruṭ, ɛni ugaden! Ussan-a, attaya tusa-d weḥd-s weḥd-s kan γer γur-i! Di tegnit i ttxemmimeγ amek ara s-d-qiseγ tarkasin sur mizur acku yerḥa-yi s wawalen “Azwawi, tazwawt”! akken deg uxemmem atan yerna-d umagrad-ines ɣef Muḥya. I tura amek ara k-xedmeγ a ddigurdi?! Ur ttɛawad ara a d-tiniḍ awalen-nni « tazwawt », qqar « taqbaylit », tesliḍ neɣ ur tesliḍ ara ?! Teḥḥrem tɛawdeḍ--as-d i wawal n « tezwawt » ar d-nawi nekk yid-k aparti (mačči bulitik, wagi d tiγrit ara k-fkeγ s leḥnak-iw γer lbunyat-ik !) !
Aluγ aql-i rriskiγ tayennat-inu ass-a ; kecmeγ-d γef ddra-k γer dagi (teḥḥrem n 30X30 ṭṭfen-iyi dagi kra n liz-ikribiṭ (imyura n Birbir) alamma ssulin-iyi-d aɛebbuḍ ! teḥḥrem ar d a yi-tt-ḍebɛen am tdellaɛt-nni taberqact, ar tt-awiγ ssya tettiqqi !... ) ! Riɣ a k-iniγ : Teḥḥrem ar mazal-ik d nniya, γas tesɛiḍ liṣanṣ n bulitik, a dda Akli, a lbiṭ! Cfiγ γef umagrad-ik aneggaru deg weγmis “γasin-IZURAN” mačči “Iẓuran” ( awer t-yerḥem, awer tt-iwesseɛ fell-as!) ussan-nni n lmundyal, tṣewwreḍ-d kečč d iγumyen s tedraput-nni n “IMAZIREN”, teqqareḍ-asen “ZIZU MEƐZUZU” sitan biɣbiɣ kum nu (kseplik lwi: Zidan ameɛzuz d amaziɣ am nekkni). Taggara, asmi d-yusa γer uqerḍal (leprizidan s tcawit, a ten-yecwu Reppi !) n tmurt yenna-yas : Nekk xḍiγ i lbulitik, tamaziɣt texḍa-yi (mačči Tamaziγt-agi taciγit-inu, teḥḥrem ar win ara s-yinin kra ur iɛawed a d-yessers tiqejjirin-ines di Tiji-Wejju!). Yexḍa i lbulitik ukebbun! Acuγer asmi i t-steqsan ma yettuẓum neɣ ala, yenna-yasen “nekk d ineslem, ttuẓumeγ γas uγeγ takrityant! Iruḥ yebna-yasen lakul di Lqahira i imeγban, amzun akken ulac di tmurt n leqbayel imeγban, a dda Bakli a nniya!
Bitan d mmird, qrib d-nniγ lεib!
Ssi lwi
- Tinin-is...Azul a SSi lwi...
Acḥal ḥemmleγ ad γreγ tira-k.Tettak-iyi-d yiwet n tezmert annect-ila-tt.Qqareγ ttezmumugeγ..Ttellmeḍ taqbaylit d tullma.Ṣaḥḥa g tεebbuḍt i deg d-teffγeḍ.
Bγiγ a d-rnuγ awal γef yiwen nniḍen i nekkṛen aẓar-is.Wagi d win akken d-ixedmen asaru nni iwumi qqaren"Bienvenue chez les ch'ta ch'ta.."...ad t-id-tas teqriḥt am netta am "iẓẓan ddin zidan"
- Tinin-is...azul,
"Ssi Lwi" tggerzeḍ,
tella yiwet n taluft kan, d tagi n "Laṣṣel", ar γuri d akkelex, cγel n tina akkeni "saint augustin" d amaziγ, Apulee, εmer Buzwar...
d idles-ik i d laṣṣel-ik mačči d aksum-ik.
tella tayeḍ, yenna-y-as winna "asm'ara tewteḍ a yadfel ad tcebḥeḍ ur twiteḍ ara..." asmi id yewwi ad nsemmi i yiman nneγ nxuxuc tura ihhhhhhhih izwawen, ibrebriyen, icerc...
nnan-as dacu txedmeḍ yenna-y-asen nekk d AMAZIΓ, upepepepep (tagi n imaziγen winn yebγan ad izeṛ dacutt iγeṛ Muḥya ifehmit).
s tegmatt
- Tinin-is...Azul fell-ak a "dda" SSi Lwi,
Awal "Azwaw":
γileγ awal-a d tamaziγt neγ mačči akka?
Awal "Aqbayli":
Aqbayli yeqbel, yeṛṛez yekna, yefka ul-is γer...Kemmel kecc'ini.
Ihi ar tayeḍ
Akli
- Tinin-is...Azulatun
Mačči d tidet d kemm aya, si pa berriḍ ! Wa aḥeqq ucbiḥ n rrsul d remṭan-agi ara nečč s tezmert d lehna (teḥḥrem ar ayen tetteɣ deg waggur n rebṭan ma tetteγ-t deg useggas akk! Ad ččeγ alamma ttruḍuγ-d γer lmeγreb, rennuγ-as γer ṣṣḥur alamma ttgurruɛeγ-d; ṣṣbeḥ lqahwa d uyefki, γef leṭnac d imekli, a d-taweḍ lmeγreb d nekk i d ameznu γer imensi, qbel ara d-yini « llah wekber » iniγ-as nekk « llah weqber » ! Aɛraben -ḥaca iɣyal, akk ass d iwraγen wudmawen-nsen, ffγen-ten idammen ; rregmat, urfan, tukerḍa.. γer lmeγreb « llahumma ini ṣaim » ! a ttγilen bundyu-yagi d aqcic a s-kellxen !) ma umneγ-kem d kemm i d Yir nettatatun paγsku (acku) d abitud (di tannumi) akken ar aẓreγ isem-im a d-tafeḍ kullec deg-i yettiqqi ( sufella, swadda, γer zdat, γer deffir) : imeṭṭi, axlul, ladyari, ẓẓel…
I wakken a kem-amneγ d kemmini i d Yir nettat, mačči d wayeḍ d-yerran « aqric » (lmaṣk) mačči « aqruc » (akebbun/abaṭar)-inem, yessefk a d-terreḍ (γas d iriran maɛlic, teḥḥrem ar ten-sekfeγ acku ju swi amuru d vu) i isteqsiyen-agi :
1) Isem-is ugaggaz (wergaz)-im? 2) Ansi d-yekka wawal “ajenwi”? 3) Anwa i d Aweččir? 4) Andi tessezriḍ (tesɛeddaḍ) livakanes ilindi? Ssyen, imiren ad nẓer amek…
Aḥeqq lmesxa ar ḥulfaγ teqqel-iyi d agaraj, yettsuḍu deg-s waḍu ali rrutur; yernu amitṛu-nni lpaγi ar d iɛeddi deg-s (tyennat-iw) ilmend ucekker-nni i yi-d-tcekkreḍ!
Ssi lwi (ulac kum lwi)
- Tinin-is...Azulun
Yal wa anda yettwet ay ameddakel/kamaγad! Wa yewwet-it llqu (mačči lqqu, yernu yessefk a sen-tid-nessegzi i yat la grand, acku nekkni nessen akk timeslayin n teqbaylit, nutni d imeqqranen ssnen kan tin-nsen. Llqu= tamagirt neγ tamagert), wayeḍ yewwet-it wuqqu ( a sen-t-id-nessegzi i yat la ptit acku ssnen kan tin-nsen wama nekkni s li pti di pti nessen-iten akk qrib! Uqqu= tiggin mačči tigin, arcal i neqqar nekkni di lberğ). Kečč aṭṭan-ik yeshel, cwiṭ n tmerzuga kan aql-ik tejjiḍ: cciḥ, taselγa, mernuyet.. Wama nekk, akken ara sraḥeγ rriḥa n tmeṭṭut ini iban-iyi-d uṭeẓṭuẓ-is (wa lalla yemma wah, wah!), ulac γuri galiti, derwa d ẓum, libirṭi, derwa d fam!... nekkini ju swi mizirma , tameṭṭut = inisi-nni yellan ger iḍarren-is.
Tikkelt-nniḍen ad ak-d-awiγ γef laṣel yeqqlen d lebṣel.
U dyabl mun fis
- Tinin-is...iAzul d sslam n Rebbi d nnbi fell-ak dda Muḥend Akli . Aluγ ! dumaj ur tessineḍ tafranṭiṭ! Amek ara k-d-ssfehmeγ tura?! Mačči d namek-nni s wayes t-teqqareḍ keččini i tfehhmen wiyaḍ. Ar tikkelt-nniḍen ad nemmeslay γef waya, tura ugadeγ sikiriti miliṭir.
Aseggas-a a k-d-ssemγiγ acciwen a dda Akli
Ssi lwi grand langust
- Tinin-is...Sureft-iyi a yad/tid yeγran aḍris amezwaru γef Muhya.
Asaru "L'Ange bleu" n Josef von Sternberg mačči n Fritz Lang.
Tanemmirt!!
A. Azwaw
- Tinin-is...Azul
A Ssi lwi, ay amcum! Amek akka alammi s-d-teqqareḍ tiheddurin-nni i dda Akli ameεzuz?! Tebra jidda-k ar tikkelt-nniḍen ma yuli-k-id wawal ar d ak-nfuγ ssya, tesliḍ neγ ala?! D tagi i wumi qqaren: yekker-d wefrux yesselqaḍ baba-s! Ssi lwi a s-imel tamaziγt i dda Akli!..
Ilaq ad teẓreḍ anwa i d dda Akli a winnat!
Dda Akli d amyaru, γur-s sin yedlisen yakan: Lkuraj n tyaẓiṭ akk d imeṭṭi n bab idurar; amenzu d tamacahut, wis-sin d ungal. Yernu d ameγnas-nni n tidet, anwi ur t-nessin, ula d wid yemmuten lemmer a ten-testeqsiḍ a k-d-inin nessen-it. Anwa amaziγ s umata, aqbayli ladγa: d amaru neγ d amnadi neγ d amdan n tsertit, d akabar neγ d tuddsa neγ d tiddukla ur nufi ara tullin n dda Akli? Anwi i wumi ur d-ibedd ara γer tama? Yes-s i yuli ccan-nneγ di tmurt n Lalman a Ssi lwi, a lbiṭ! Dda Akli timital-ines drus-itent, yezga yerγa ilmend-nneγ, anda ara s-d-yessiwel lwajeb a t-id-tafeḍ dinna: Tiddukla Imaziγen di Lalaman neγ anda-nniḍen, Agraw amaḍlan Amaziγ tedduḍ...
Γas ur yi-yeεjib ara awal-nni i yeqqar : azwaw, tazwawt acku imyura-yagi-nneγ akk d iqemqumen-agi-nneγ ttḥibbin cwiṭ awal-nsen (akk akka imeqqranen-nneγ), maca, ulac fell-as.
Nessaram-as teγzi n leεmer i dda Akli akken ad yenneγ fell-aγ ugar, akken a γ-d-yaru ugar n yedlisen.
S leqder d tegmat meqqren sγur mmi-s n wemsed (aqerruy n texsayt/la tiṭ du putiγun)
Tanemmirt
- Tinin-is...Azul fell-awen (s tergagagit i tt-id-nniγ!)
A mmi-s n Wemsed, a sidi s yixef n yemma ma εawdeγ a d-iniγ kra. S yixef n baba ar d aqeṣṣer kan i ttqeṣṣireγ, ma tella di lbal-iw akken ad regmeγ dda Akli, yern awer awḍeγ, awer weṣleγ a t-regmeγ, εni ifeγ-t akken a t-regmeγ?! A sidi semmeḥ-iyi, εfu-yi a sidi, ur ttεawadeγ ara. Di tidet ur yelli i d-nniγ, ur yelli i d-ssxeṣreγ, imi akka, seg wass-a ur ttεawadeγ a d-sserseγ tiqejjirin-iw da! Adyu!...
Tnemmirt a mmi-s n Wemsed, ssuref-iyi a sidi, ay argaz lεali...
Ssi lwi meskin (hi...hi...hi... wigi d imeṭṭawen mačči d taḍsa)
- Tinin-is...azul i wakli,
BΓIΓ KAN AYI D TINNIḌ A YAKLI NEΓ I WID I YEẒRAN AMEK I D ANAMEK N WAWAL ID TSEDAḌ DEG WEḌRIS INEK "TUGDUT NNEΓ" awal agi d "lebrisma". tanemmirt nwen
| |  |  |  | |
|