 | | |  |
 |  |  | |
|
|
|
Yiwen weqbayli di Swidd13 yebrir 2008  Ad tidir Teqbaylit ! Yiwen yilemẓi aqbayli yettidiren di Swidd iga tameskant γef imaziγen, . Tameskant-a semman-as s teswiddit " Algeriet natur, kultur, folk och rätt", ma nessuqel-it-d ar teqbaylit, , " Agama, idelsan, iγerfan, ansayen n Tmurt n Lezzayer . S ufus n temdebbeṛt n tesnawit Hjalmar Lundbohmsskolan, Massa Margareta Raattamaa, di temdint n Kiruna, di temnaṭ n Lappland, i d-yezgan deg 800 Km deg ugafa n Stockholm, dinna i d-teḍra tmeskant-agi. Ihi, si Tmurt n Yeqbayliyen almi d Tiniri Imujaγ εeddi akkin ar Icenwiyen d Icawiyen, inelmaden walan iwlafen n Bgayet, n Lezzayer d Qsenṭina ; war ma yettu igulaz(vestiges) i d-ğğan imaziγen d irumaniyen iqburen di Tamugadi, Tipaza d Cercal. 
Aqbayli-a yessker isaragen, yemmeslay-d γef tallitin(tilla) n umezruy n Lezzayer, γef imnekcamen i d-yusan ar γur-s, ddyanat i yettwassnen di Lezzayer, γef yemyura izzayriyen yettwassnen deg umaḍal, ibedr-d : APULEIUS of Madauros, Jean Amrouche d weltma-s Ṭawes, M. Mεemmri et Ferεun, Kateb Yasin (yettwassuqel ar teswiddit di 1962), Camus, M. Dib, Saint augustin, d temyarut tazzayrit i yettwassuqlen aṭas ar teswiddit Massa Asya Ğebar. Taggara yemmeslay-d γef tsertit, d tegnit tademsant ukd d tmetti tazzayrit n iseggasen-agi yezrin, daγen yesseqdec unuγen n ukarikaturi azzayri A DILEM, iga tisuqqliwin s teswiddit i yal unuγ. Tameskant tekka azal n 20 wussan, tettunefk-as tegnit i « webayli n Swidd » i wakken a d-yessken udem n lezzayer akken tella, akken llan iγerfan-is, mačči am akken i tt-id-sskanen s wudem unṣib wat udabu aεrab-ineslem. Ayirat yessuqql-ed aḍris-agi seg tefransist Asabter yellan deffir wa | Asabter n zdat
muhabdiki
- Tinin-is...tanemmirt ay Ayirat, akk d gma-tneγ i d-igan tameskant-a di Swidd, a yagi d ayen yelhan imi tt-id-tesuqleḍ ar Tmaziγt, acku adabu yezzleg amezruy, yernna yismawen-nneγ s yismawen waεraben inselmen i s iγ-sskanayen ar iγerfan nniḍen
- Tinin-is...azul fell-awen
wissen ma d tameṭṭut-a, Massa Margareta Raattamaa, i d-qqaren, tqedec γef tmaziγt di Swidd neγ uhu?; Twalam
ziγen llan yemdanen deg umaḍal i γ-iḥemmlen, ma di tmurt-nneγ! tamhersa nni n Fransa, tewwet, tessexreb amezruy nneγ, iwakken ad tuγal tmurt d ayla-s, ma d wigi nniḍen, tama waεraben inselmen, s tallelt n waεraben n cerq, ngum ad tefru lggira d Fransa, i d-heggan iman-nsen ad reffden tiktiwin ara d-teğğ, i wakken daγen tamurt ad tuγal d ayla-nsen; ihi imi, γ-semman akka, Aεraben, Berbere, neγ Elmeγreb Elεarabi, iban qqesden-d a γ-mmḥun;
- Tinin-is...Nekk si tama-w ad snemmreγ Aqbayli n Swidd γef tmeskant-agi, xas yebεed γef tmurt-is, ur tt-yettu ara.
Tamawt γef wawal " Swidd " ur t-id-ufiγ ara deg kra n umawal, d nekk kan i t-d-yennan akka, daγnetta ur ẓriγ ma yella wawal yifen wa ? Ismawen-agi n tmura d iγerfan tikkwal ttasen-d weεṛit ciṭ i tsuqqilt.
- Tinin-is...timanit i tmurt leqvayel, dayen i ssaramegh, i waken tamazgha at ğğuğeg .
arezqi
- Tinin-is...tanmir s tusda i gma s swidd, ig qedcen di temsalt n tmurt imazighen, lammer yal aqvayli ad icemmer ghef ighalen-is i waken ad yefk udem i gerzen i tmurt leqvayel.
dagi di tmurt lalman mi tennid nekk d azzayri akennin ,ah d a3rab.
abrid yeccur di 3ekkiren, ma n dukkel nekni s leq3ayel, anda ma nella azzal nnegh ad yimghur.tudert i yal aqvayli i qedcen ghef temsalt n tmurt is.
arezqi
- Tinin-is...ay Ayirat, isem-a n Swidd iggerez, γas ur tuffiḍ ara deg imawalen, amek i t-ttarun, d kečč kan i t-id-yuran akka, maca iban yessaεgan-d tamurt anida-tt, tanemmirt,
azul ay Areẓqi, ammer asmi d-newwi azarug n Lezzayer, di 62 ṣkan-tt af tidet, tili mačči akka fell-aneγ, ihi d tidet, ilaq udabu ara γ-iḥudden, ahat ayen i γ-id yeggran tura, d timanit, akken d nukkni ara yinnin amek iγ-qqaren, mačči d nutni ara γ-yettakken ismawen imsekkamen, aγ-ttεayaren s yis-sen;
- Tinin-is...Ammar yiwen wass d yili umawal yecban LAROUSSE s teqbaylit!
- Tinin-is...amawal yecban larousse s teqbaylit, ammer tella tduki, d tidet ad yili, γur-nneγ imussnawen n tutlayt, maca ulac idrimen, γur-nneγ daγen irgazen n tsertit yal wa abrid yeṭṭef, ur myaggren ara, acu kan tura waqila yella ṭmaε, win d-yettmeslayen deg ukabar R.C.D. atan yegr-d tiγri ad dduklen di tikli ara d-yillin ass n 20 yebrir. a yagi deg Kabyle.com, maca a nerju dγa m'ad dduklen neγ?: ammer, F.F.S., M.A.K., R.C.D., akk d Laεrac, ad gen tadukli yagi gar-asen, akk Imaziγen umaḍal a ten-id-yuγal usirem, mačči siwa Leqbayel
- Tinin-is...Azul fell-awen
D tidet telha tdukli. Tura ilaq Ferḥat ad yessiẓ ttiεad n tikli-s i wass n 20 yebrir mači 19 yebrir. RCD tagara-ya yebda yettarra tamawt ar tcengi i yeččuṛen ulawen mgal iqbayliyen deg unnar n tsertit akk d tγamsa tizzayriyen. Tamawt-agi i yerra yezmer ahit d takin i yebda yettaki-d belli abrid n MAK mači d turart.
- Tinin-is...Yelha ihi ma dduklen γef tikli n 20 yebrir!
A w'ufan ad dduklen ula γef tektiwin!
- Tinin-is...ttiεad n M.A.K. akken gziγ nekk, ad yili di Bgayet ass n 20 yebrir, di Tizi uzu, daγen;
- Tinin-is...A muhabdiki, deg wesmel n ATY yura-d d akken ass n 20 yebrir ara tili tikli.
- Tinin-is...azul s umata,
tanmirt ik a muhabdiki, i wayen id turad, tira s taqvaylit macci dayen i lemdegh dieg ghervaz, amer segment temsal si tazwara,di 62 , ihi yal yiwen deg neg ad yaru tutlayt yetted deg gedmaren n tyemat.
armi timsal 3ewgent aqlagh netkheliss,nekni ze3ma ig s3an tinzert ghef tmurt ennegh.briad idul, issennanen qwan, nekni assa azeka anedu hafi,bla irkassen. U ma nebgha ate3yu felagh cedda,illaq an tikher it kerkas ,ma nnanak kec wikilan n RCD,FFS...ini nek daqwayli.
ahat astinid arezqi agi ikhreb wallaghis,imi tamsalt-is "superficielle" ,ihi nek adinigh na3ya di tkerkas n lhukm amesbatli yak d wid is ittaken afus di tmurt leqvayel. Ma di kabaren agi ad yas wass adeduklen ghaf temsalt ye3nan tamurt nnegh, acku lzayer yebit wassif, ur diqqim ussire iiw segemis.
Itagara adefkegh ane3rud i waken atwalim tisfifin iw ghef youtube.http://de.youtube.com/arezqi
ar tufat, tudert i tmurt leqvayel.
- Tinin-is...neẓra yakk ineγmasen n tsertit, widak nni γer εelqen, asiren Leqbayel, maca, igi ara dduklen ad qqerεen zhir i d-itteddun ar idurar, nutni ttemyexbacen waygarasen am yemcac, armi γ-ssfeclen, nuyes ayen i nettraju deg-sen;
- Tinin-is...surfet-iyi deg yinnan-inu n ikusawen, riγ ad aruγ, "imeγnasen" mačči ineγmasen.
- Tinin-is...azul fell-awen
amek ara nettu, wid neγ tid iεetben, yefkan tudert-nsen i wakken ad tidir tmeslayt-nneγ, gar-asen, Dda Lmulud.
di tallit nni n iseggasen yezrin, nngum 20 yebrir 80, win neγ tin d-yudren awal-is s teqbaylit, sskanen-t s uḍad am uccen. Igurdan, deg useggas amezwaru ma ara kecmen ar uγerbaz, a sen-tettwakkes tutlayt tayemmat swayes i d-tturebban armi wwḍen akken ula d awal s yimi ala! Acimi nettwaḥqer akka, deg tefsut n 2001 acḥal d ilemẓi yeγlin s erṣas, 126 i nnγan d 100 i εegben, wid γ-iḥekmen ur d-nnan, la zant la rγant, am akken ulac d acu yeḍran!
- Tinin-is...riγ a d-inniγ 1000 i εegben neγ ugar waya
- Tinin-is...Tgerrez tsuqilt-a n Ayirat.
Awi-d ma llant tiyaḍ a Yayirat.
Tanemmirt-ik!
- Tinin-is...Ay Amnay, ma yeγli-d ger ifassen-iw wayen i wumi zemreγ, a t-id-rnuγ.
Tanemmirt. | |  |  |  | |
|