Akli d aqcic yecban arrac
Ul-is yeččur lebγi ulac
Ass d awali
Iḍ d asmekti
Ṣṣura-s tehter
Ayen lεali yuγal diri
Iwumi yedder ?

Deg iḍ yettargu
Dayen ur nferru
Deg iḍ yettargu
Iseḍḥa ad yeḥku

Keffa tezwi am useklu
Ixef-is yerwi, yuli-t wurγu
Mebla amwanes
Tečča-tt tmes
Terfed yawk leḥwal
Tettnadi iḍes
Uqbel ad yas
Dacu i d asfel?

Deg iḍ tettargu
Dayen ur nferru
Deg iḍ tettargu
Tseḍḥa ad teḥku

Tadyant meqqret, nekkni nessusem
Amzun muhab-t ad aγ-d-awi lhemm
Deg-neγ tqehher
Si temẓi ar tewser
Nettnus di tawla
Anef a nedker
Ur nenna ayγer
Nεemmed i laxṣara.

Deg iḍ nettargu
Dayen ur nferru
Deg iḍ nettargu
nseḍḥa ad neḥku

--- Tanemmirt i Henri-de-Kabylie i tezlitt-a n Mennad----

Amnay

Azul,

Mi akken sliγ i tezlit, ssakdeγ daγen tira, sḥerceγ allen-iw,
greγ tamawt llan-t kra n tucḍiwin, ma ur cciḍeγ ara ula d nekk.
Ma yella yewwet-iyi wugur, ssurfet-iyi ttxil-wat!
---------------------------------------
Akli
Ass d awali
Iḍ d asmekti
Iseḍḥa ad yeḥku
Tečča-tt tmess
Terfed yakk leḥwal
Uqbel ad yas
Tseḍḥa ad teḥku
Tadyant meqqret, nekkni nessusem
Amzun muhab-t ad aγ-d-awi lhemm
Nεemmed i laxṣara.
Nseḍḥa ad neḥku

Sseγtiγ ayen izeglan :o)
Tanemmirt-ik a yiwen.


Maca muqleγ akken ad afeγ dacut unamek n tefyirt-a ur d-ufiγ ara:
« Amzun muhab-t ad aγ-d-awi lhemm ».

Azul ay Amnay,

tamezwarut: Amzun muhabet mačči muhab-t akken uriγ yakan, yewwit-iyi wugur.

Tis-sanat: Anamek n " Amzun muhabet ad aγ-d-awi lhemm":
muhab yekkad si lhiba, ihi amzun nugad-itt.

Tis-kraḍ tettuḍ ur tesseγtiḍ ara wigi:
Iseḍḥa ad yeḥku ( mačči isetḥa )
Tečča-tt tmess ( timess mačči timest )
Tseḍḥa ad teḥku ( mačči testḥa )
Nseḍḥa ad neḥku ( mačči nsetḥa )
Tadyant meqqret, nekkni nessusem ( mačči muqqret. Meqqer, mačči muqqer )
Terfed yakk leḥwal ( yakk mačči yawk )

Ahat akka i tettmeslayem γur-wen, ur ẓriγ ara, ur riγ ara daγen a d-iniγ d wa i yelhan neγ d wayeḍ, maca, ẓriγ taqbaylit n Mennad d tamiciliwt, akka i yettmeslayen dinna.
Tanemmirt ay Amnay.

azul fella_wen, azul a yiwen bγiγ kan ad ak_d_iniγ d akken nekkni neqqar *iseetha maci issedha* u daγen deg usefru_agi mi d yenna*Tečča-tt tmest* isehha wayen d yenna acku iqesded lεafiya am akken ad tečč asγar(le feu) maci timess acku timess _agi c'est une maladie .Tanmirt i gma_tneγ γef usefru_agi.

A Tamazirt,

akken ttwaliγ, kemm tezwareḍ di temγer, teğğiḍ temẓi.
Ma yella kra i d-iyi-tettayaleḍ, wwet azrem s aqerru εinani war tuzzya d tunḍa.
Tamuγli-m ur ufiγ ara yakk n unamek deg-s.
Tikkelt-nniḍen γas lemmer ad iyi-tregmeḍ, ad qqiment rregmat-im war tiririt, acku ur sεiγ ara aṭas n wakud i txeṭwaẓ.

azul ay imdukkal, tanemmirt i wid i γ-id yewwin tizlit agi n Mennad, d ayen yelhan, maca yella yiwen wawal, "yeqqar-as: keffa tezwi am useklu" acku ur gziγ ara awal-a, "keffa" dacu-t, ahat imi yeskles, yebγa a d-yinni "fekka" acku tafekka, " d ṣṣura" yenna-tt-id yakkan ikusawen, (ṣṣura-s tehter,) a win yessnen awal agi keffa aγ-t-id yessegzu, tanemmirt

Azul a Tamaziγt,

Tenniḍ-as-d i Yiwen " timess -agi d aṭṭan ", ma yella wamek ad

aγ-ternuḍ asegzi γef waṭṭan-agi i wumi teqqarem timess?


Tanemmirt.

Ay Ayirat:
Tella timmest: Abcès

Ihi ur t-ssineγ ara wawal-agi, s teγzi leεmeṛ-ik a Yiwen.

Azul

Keffa d isem n Teqcict.
Yebda s Akli, yuγal γer Keffa, s yin akin ifuk-itt s "Nekkni".

Nsetḥa = akka i s-selleγ di tezlitt n Mennad (ur selleγ ara nseḍḥa = am di tuγac-nni n Mingu).

Timest (seg idis aki γur-neγ nsusru "t" ar tagara, acku "Timest" d isem unti =feminin)
-Abces = Timemmist (neγ timest tamecṭuḥt, acku taqacuct-is d tawraγt am tmest). Asget (pluriel) yettak-ed : Timmas (mebla ma nura «Timemmas »= isekkilen "m" nesdukkul-iten deg wawal ussid "m" =mm).

Adaruγ bac adesinaγ aken nel aali tameslaytiw, taqvaylit, wγiγ adeniγ i w-ayetma anewa degwen ara yedyemlen avrid, atay Email inu: kabyle@tlen.pl.
tanmirt surftiyi , srajuγ

tanemmirt ay Amnay, ziγen keffa d isem n teqcict, ma:

tadyant meqqret
nekkni nessusem
amzun muhabet
ad aγ-d-awi lhemm

waqila, ay amdakkel siwa, imusnawen ara s-id-yaffen tawwurt, walaγ Mennad di tiliẓri yernu yullal-itt di talit nni: yenna-d: tagi dayen yelhan, γur-nneγ aṭas, irgazen d tlawin, i ẓewren, meqqar, ad nwali udmawen-nsen aten-nissin:

Azul a Tafat, dagi di imyura.net llant temsirin(leçons) i welmad, daγen yellan wesmel-nniḍen d aselmed n teqbaylit s tefransist, dagi : http://www.cfbbl.net/CoursdeTamazight/tabid/54/ctl/Login/Default.aspx?returnurl=%2fCoursdeTamazight%2ftabid%2f54%2fDefault.aspx

Mennad s tezlit agi Akli, ḥusseγ yenna-d, tadyant iγ-yuγen, iγ-yessaḍnen, akk s Leqbayel, acimi uwlac tadukli? yernu yullal, (iεawen) deg ubrid agi, maca lebγi-s ur t-yewwiḍ ara, irgazen nni d tlawin nni, iẓewren, ur iwala yara udmawen nsen, ur d-tban ara tmussni nsen, i wakken ad duklen aγ-ffrun tadyant agi meqqren yezwin tafekka nneγ, armi tehter! Neγ ahat εemden i lexsara

Mennad ẓriγ-t yiwet n tikkelt, walaγ-t d amdan iran ad yeg aṭas i yidles aqbayli, yella iqeddec di brtv, wissen ma mazal-it dinna?

Mennad Yeṭṭaxer acḥal aya, ahat ur yuffara lebγi-s din: mazal kan li repurṭaj akk d wanuγen i d-yesuqel ar Tamaziγt,

7 iseggasen seg-mi d-tlul brtv, ar ass-a d irupurtajen n yimir-n i wumi d-ttalsen, d imi d-tettuγal taγect n Mennad.

twalaḍ a gma, ammer nettakk azal i yergazen, yecban Mennad tilli d abaγur, d wessnerni, ara d-rrnun, i wayla nneγ;

Abaγur yellan ar Mennad ur cukkeγ ara gan-as azal akken yessefk wat brtv, annect-a nniγ-t-id γef Mennad nezmer a t-id-nini γef inaẓuren-nniḍen.

Azul felll-awen!

D tidett a Muhabdiki. Mennad ur s-tettwafk ara tesga i yuklal di tmurt n leQbayel.
Azawan, isefra d leqdicat-is di tiliẓri d umaṭṭaf azal nnsen meqqar.

Ma yella d Keffa, tikti-w dakken d isem i d-yekkan seg "Akeffay" = Ifki (di kra n temnaḍin). Mellulet am uyefki, ẓiḍet am uyefki, d asfel am uyefki.
Ma yella d asefru; ar γur-i, iḥekku-d taqeṣṣiṭ n tayri ger Akli d Keffa, tayri nnsen ur tessaweḍ ad teğğuğeg akken iwilem, acku agdud yegdel tayri...
Akka i ttwaliγ.

Talwit!

Azul akw,

Tizlitt-agi acki-tt !!! Tesmekta-yi-d ass mi i s-nesla deg uγerbaz n Tmaziγt dagi γur-neγ.

Ayen yaanan awal-nni n "Muhabet"....
Ur cfiγ ara anwa akken deg-wen i t-id-yudren yenna-k yekka-d seg wawal n "lhiba". Ula d nekk akken i tt-fehmeγ.

Maca, bγiγ kan ad d-rnuγ kra, γef ayen yaanan amawal n Tmaziγt, ladγa Taqbaylit - acku wissen ma yella waya, anda nniḍen.

Yella di Teqbaylit wemyag : Hbu. Nekk ur t-ssineγ ara zik. Sliγ-as γer setti, tuder-it-id yibbwass, deg yiwen n isefra n zik i d-tebbwi. Hata weḥric anda i d-yedda :

Targit i yurgaγ laaca
Ḥkiγ-tt i ṭṭaleb ar yettru
Axeddε n idammen-ines
D tiwhimt ad yid-es teḍru
Aẓar-is yehba-t maras
Lwerq ihuzz-it waḍu

Ass mi i s-nnigh a setti, amek i yettunefka wawal-agi n hbu? Tenna-k wagi mačči am lhiba. Tenna-k hbu yettunefka : gzem, rreẓ.

Ar tufat akw.

d tidet ay Amnay, ayefki, at Lexmis Yesser, ssneγ-ten
akeffay i s-qqaren; Mennad daγen yeγra Tamaziγt, isefra-nes ggerzen yernnu ssεan anamek meqqer, akken daγen i sliγ, γur-s, setti-s d tamedyazt, dayas di tiliẓri ad yilli d aselmad deg yal axxam anda ara yekcem wawal-is;

azul a Tansa, qqaren daγ: ljedra-s yehba-tt, neγ yudf-itt, maras, iffer-is yebda yettγar, qqaren-t daγen akka: yehba-t waṭṭan;

Azul fell-awen
Azul a Tansa...
Nudeγ γef wemyag-nni i d-tenniḍ " Hbu", werğin mlaleγ-t-id. Muqleγ deg umawal n Imucaγ akk d Icelḥiyen, ulac dacu i d-ufiγ fell-as.

Ttxilem ma yella temlaleḍ-d d unamek n wawal-a, ini-yaγ-d.
Tanemmirt-im!

Azal fellawen.
Amar "hbu" yagi, i-d tuder Tansa (neγ setti-s), yeṭṭef ar wawal qqaṛen γerneγ (at Dwala): A HBU[H] A YELL-I!?
Lketṛa d-tilawin i t-iqqaren. Anamek is icuba diγen ar wawal-a: AY ASS M'AKKEN!

Ma d anamek amezwaru n "hbu", ẓret Dallet (285).

Azul Amnay, azul akw,

Akken i d-yenna nuḥ yella wawal fell-as di Dallet (285).
Ma tesaaiḍ amawal-nni diγent n Idress akwd Mahdi, a t-tafeḍ deg-s.

Ass mi iyi-d-tebbwi setti asefru-agi, steqsaγ-t γef wawal-agi.
Tenna-k dagi yettunefka : yegzem-it, yesserwet deg-s maras.

Ihi, anamek i yi-d tefka yurez γer unamek i d-yersen di dallet akwd win n Mahdi. Nnan hbu = ''tourmenter''.

Tansa
P.S: ... ssarameγ tesaaddam amuli n tefsut n 80 akken ilaq. D asefru-nni n setti i send-bwwiγ i lemend n usmekti...

azul ihulen,
asqerdec nwen yelha aṭṭas, ma d keč ay amnay taluft agi n timesliwt akw ttγuri tuklaleḍ fellas ayen din d asnemmer imi ccukeγ d keč i d amenzu deg wesmel a id ysenulfan aya, ihi rnu yaγ ed ugar am tigi, ma d ṣṣura-s tehter iḥessel iyi am tiẓit deg tbuḥcict inu , tehter ? nudaγ yal amawal ur tufiγ !! d acu t !