Tanemmirt-nnwen tameqwrant mi d-tezzrim asefru-agi ilhan n Dda Sliman Σazem!
Ula d nekkini ad iniγ Taqbaylit d kullec acku m' ulac Taqbaylit ur nettfafa Imaziγen anda ma nella.
S tezmert d tebγest i Teqbaylit d wafud ameqwran i Iqbayliyen!

Tanemmirt-ik agmma γefaf usefru n Dda Sliman εazem,
taṛniḍ-as azal ameqqran ama di tira ladγa di tγuri, tefkkiḍ-as
ṛṛuḥ. acku Dda Sliman d llaṣel d llsas n teqbaylit, ad fell-as
issuref, iγinem udnaw.
d acu kkan yettuγaḍ llḥal aṭṭas !...
(asefru d amecṭṭuḥ af Dda Sliman)
ttxilem a tiruggza !...
xas ṛuḥ !... ṛuḥ !...
ur d ttllal-ara
seg wassif ar da
m'ullac yidem ad teḍru
am Dda sliman
si tmurt assmi tenfan
di lγγeṛba iγes-is irkkan ....
amghid A.M

( iγes-is irkka ) ...

di tazwara azul fellawen d tanmmirt nnwen Γef usefru agi ilhan n dda silman Σazem a fellas iεfu rebbi d ur ttuγ ara lssas n taqbaylit d tmaziγt s umata dda lmulud mεamri m"ulac netta ur n ttili ara s wagi ssarmeγ awen afud ameqwran d taγzi n tdert

azul akk fell-awen ayen yezrin d taγuri kkan i γareγ asmil agi akka d usawen an-ttaruγ.

Arwel-t arwel-t arwel-t...Muhabdiki a d-yaru kra!
Ansuf yess-k à Muhabdiki :)

azul akk fell-awen,tanemmirt a wejṭuṭi imi yi-d-temuggreḍ s sin ifassen m'akken ccḍeγ deg wawal-iw, riγ ad d-iniγ akka d usawen ad ttikkiγ deg usmel agi, mačči an ttaruγ. acku iḍelli d tikkelt tamezwarut i bdiγ tikli γer tira deg usmel n yemyura.nekk εuddeγ-as menttif ad yilli wazuḥ n wawal wala ma wlac maḍi kečč tuggadeḍ tebγiḍ ad trewleḍ nekk daγen terrẓa-yi tuggdi ajγed ur yeqqim deg uqerruy-iw ruḥeγ niqalt ad rewleγ dγa trefdeḍ-iyi-d s wansuf dinna i ẓriγ uwla d kečč teẓriḍ? ur d-fiγeγ ara deg tesdawiyin nni n Tmaziγt i d-yesbedd lAFaLaN si sḍisan sin ar ass-a; ad snemmereγ akk wid yettarun s Tmaziγt i wakken ad nelmed kra γer-sen.Tanemmirt i win i-γ-d-imudden tizlit agi Taqbaylit n Dda Sliman Σazem zeddiget tira-s i tmuγli, asefru-s yelha daγen i tmesliwt ar tufat muhabdiki;

azul akk fell-awen,tanemmirt a wejṭuṭi imi yi-d-temuggreḍ s sin ifassen m'akken ccḍeγ deg wawal-iw, riγ ad d-iniγ akka d usawen ad ttikkiγ deg usmel agi, mačči an ttaruγ. acku iḍelli d tikkelt tamezwarut i bdiγ tikli γer tira deg usmel n yemyura.nekk εuddeγ-as menttif ad yilli wazuḥ n wawal wala ma wlac maḍi kečč tuggadeḍ tebγiḍ ad trewleḍ nekk daγen terrẓa-yi tuggdi ajγed ur yeqqim deg uqerruy-iw ruḥeγ niqalt ad rewleγ dγa trefdeḍ-iyi-d s wansuf dinna i ẓriγ uwla d kečč teẓriḍ? ur d-fiγeγ ara deg tesdawiyin nni n Tmaziγt i d-yesbedd lAFaLaN si sḍisan sin ar ass-a; ad snemmereγ akk wid yettarun s Tmaziγt i wakken ad nelmed kra γer-sen.Tanemmirt i win i-γ-d-imudden tizlit agi Taqbaylit n Dda Sliman Σazem zeddiget tira-s i tmuγli, asefru-s yelha daγen i tmesliwt ar tufat muhabdiki;

Azul fell-ak a gmma,
Asefru n Dda sliman Σazem " taqbaylit " d ayen ifazen aṭṭas
di tmesliwt, maca deg tira llan wugullen di kra n wawalen, amedya : ( a tinna γef...) mačči : " a tinna iγef..."
wayeḍ : (i nna-s...) amyag inni "dit lui", m'ad nesefti-t : nniγ, tenniḍ, inna, mačči : " ini-as..."
s leqdaṛ d ameqqran, akken ibγu yilli taggi d tamawt.
sγur amγid A.M.

Azul fell-ak a gmma,
Asefru n Dda sliman Σazem " taqbaylit " d ayen ifazen aṭṭas
di tmesliwt, maca deg tira llan wugullen di kra n wawalen, amedya : ( a tinna γef...) mačči : " a tinna iγef..."
wayeḍ : ( inna-s...) amyag inni "dit lui", m'ad nesefti-t :
nniγ, tenniḍ, inna, mačči : " ini-as..."
s leqdaṛ d ameqqran, akken ibγu yilli taggi d tamawt.
sγur amγid A.M.

azul fell-ak a gma Amγid ayen d-tenniḍ d tidet amyag (inni)iweneε akken i t-ttaruḍ kečč γur-k a γ-tγulleḍ s wayen tesneḍ tanemmirt; ar tufat muhabdiki

azul
Bγiγ kan a s-iniγ i wemγid d akken iḍlem deg tamawt nni d-yefka
γef tira n wemyag nni:
Ini-as : iṣeḥḥa imi yettawanṭaq "in'as" acku mlalent snat teγra ihi yiwet ad teγli deg tmesliwt maâna yewwi-d ad teqqimdi tira.
J'étais claire???

azul ay atmaten nekk akken wallaγ kenwi yir netta akked wumγid tẓewrem i sin deg tira,(neγ tirra)akken i t-yettaru yiwen wesmel Amaziγ n Maruk "asekka.net" gma-tneγ Amγid ahat yekkat ad teddukel Tmaziγt γaf-aya i yettaru? gmma s snat n"m" aṭṭas s snat n"ṭ" akked wawal aggi) ihi a s-neğğ tiririt.tanemmirt aṭas ay imdukkal telha talelt gar-aneγ win yesnen kra a t-yeselmed i wayeḍ, diri aεzzal mektaγ-d Dda Sliman di tallit nni asm' i t-εezzlen nekni ur neẓri! siwa netta i iḥusen s usemmiḍ-is deg iseggasen n sayan di yiwet n lqahwa di Paris sufella n ṭabla lfuḍa n leqbayel akka i ttwaliγ Dda Sliman iccenu-d a Taqbaylit a tigejdit γef yebna wexxam i yiminigen m'akken meẓẓiyit asmi i ten-teğğa tezmert aṭas ig uγalen ar uxxam nni Teqbaylit ad ddarin ar tufat ad azeneγ azul i Ğamal Benεuf d Sεid at Mεemmer i ḥemmleγ aṭas; Muhabdiki

Azul,
Yelha ma zwareγ-d s wawal yenna Kamal Ḥemmadi γef dda Sliman Σazem:
" Seg wasmi yebda ccna
i γ-yeεğeb leγna nḥemmel-it
awal-is akk d lmeεna
yerna-d ccbaḥa i teqbaylit"
Γef wakken gziγ deg wayen d-tennam, yella wi d-yennan asefru-ya (riγ a d-iniγ yella win i d-yeγran asefru-ya), nekk ur s-sliγ ara i ṣṣut-is, acku ur ufiγ ara amek ara s-sleγ. Ihi ulac awal-nniḍen, anagar kan tanemmirt i win t-id-yeγran. Deg temsalt n tira : ur ufiγ ara ( ma ur zgileγ ara daγen ula d nekk) anda llan wagulen di tira?! Anagar kan ma gma-tneγ-agi tufrar tmussni-ines akin i tmussni.
Fiḥel ad ssugteγ awal γas ma tamsalt-a tuklal buhan n wawal. Maca, yelha ma nniγ-d sin imeslayen:
Gma-tneγ Amγid ( win d-yejban am yetri yettfeğğiğen di tegna n yemyura; ssarameγ dγa ur ixessi neγ ur t-teddal ara tallest n wuḍan n llyali, imi ussan-a d tafsut.
Tayeḍ d tin jerrbeγ, acku yal imalas (ssmana) ttidireγ-tt d wid ilemmden tamaziγt: Mačči akken i ttarun i d-ssenṭaqen ayen i ttarun s ifassen-nsen! Ad arun awal akka, a t-id-ssneṭqen akken nniḍen. Amedya n gma-tneγ Amγid, acku lemmer a s-iniγ "γer-d awal-a (akken t-yura netta) "inni", a t-id-yessenṭeq "ini".
Tegra-d di tmussni: yal yiwen anda yessaweḍ; wa yettmurud, wa iteddu; wayeḍ yettazzal... Maca, lemmer γas ur tt-yegzim ara neγ neγ ur tt-yemdil ara am ddiminu! xerṣum a d-yini iban-iyi-d akka neγ akken nniḍen; neγ a d-yini cukkeγ...
Tamaziγ ddu d uḍar-ik... ayen iwulmen iḍelli, ass-a teğğa-t tegnit. Ur yedrig γef yiwen akken ad yeru "ipuseṭrufen" (')!...
Llan kra n leṣnaf neγ lerhaṭ ( les types mačči aggayen am tefransist), s tewzel kan : Imyagenyecban " Ini, ili... anaḍ-nsen akk:
Ini, init, inimt/ili, ilit, ilim. urmir aḥerfi ( d akud i d-yemmalen tura; maca di teqbaylit yiwen ur t-yesseqdac tura)+ tazelγa n yimal "ad":
Ad iliγ, ad tiliḍ, ad yili, ad tili, ad nili, ad tilim, ad tilimt, ad ilin, ad ilin. Maca, deg yezri (ayen iεeddan): Nniγ, tenniḍ, yenna, tenna, nenna, tennam, tennamt, nnan, nnant.
Ger tamaw γef ufeggag n wemyag "ini", amek yella deg wanaḍ ( ad tamreḍ amdan ad yeg kra) s yiwet "n" d wamek yella deg yezri s snat "nn".
Wamag ma nutlay-d γef yemyagen n tγara ( i γ-d-yemmalen amek ara nuγal, neγ ad nili. addad, neγ llun...)ur tferru ara.
Yelha daγen ma mliγ-ak-n sser: Acḥal d tikkelt i ttaruγ di temsalt-agi, werεad ara tekkiγ γef "ssumer-d " ini sefḍeγ ayen d-uriγ acku " nettkukru lεib nettsetḥi" i yenna Si muḥ.
Ssarameγ kan mačči d aserwet waya!
Maca,
Γas ma d aserwet
refdet aγerbal ...
S tezdeg n wul
Ğ.B

Ttuγ ur d-nniγ ara: "Ini" dagi (di tezlit), atan deg wanaḍ "ini" + amqim udmawan s usemmad arusrid.
Tanemmirt

Azul i tikkelt-nniḍen,
I gma-tneγ : Muhabdiki ( ma ur zgileγ deg yisem-is!)
Γas tezzewreḍ-aγ γer tesga, maca, tezwareḍ-aγ γer maḥlal s leḥdaqa-k. D acu ara k-iniγ ay ameddakel?! Walant wallen, yeččur yimi! Yuεer di tegnit am tagi akken ara k-iḥemmel wemdan, ladγa ma s tin n tegmat, mačči s tayeḍ!... Γas ma ur ufiγ ara imeslayen i iwulmen leḥdaqa-k, maca, yelha kan ma nniγ-ak: "UR NEMYAGAR ARA IḤULFAN" Awer tennuγniḍ fell-aγ, awer tnedmeḍ deg wayen d-tenniḍ!
Tanemmirt-ik ihi a gma
Azulen.
Tegra-d deg dadda Sεid At mεemmer ( nekk, akka i s-ssawaleγ ngum ara sleγ i usefru-nni-ines ideg yenna "ḥedqet ssiwlet-as dadda"), s tidet kan yuklal a t-iḥemmel wemdan, yuklal aṭas n leqder ilmend n tezdeg n wul-is d leḥdaqa-s.
Ula d nekk ad farṣeγ tagnit-a akken ara s-buddeγ tazmert talwit d wayen yelhan merra.
Ğamal Benεuf

Azul
Dγa imi d-tiwim awal γef Sliman Σazem, sliγ kra n wussan akken, belli Ferḥat Imula, ira a s-iger tamḍelt di tmurt.
Ad yawi iγsan-is si Fransa a ten-d-yerr γer tmurt n lejdud deg wegni yeγran.

Azul,

Dγa yelha limer ad ilint kra n temsirin deg wesmel i wakken a nelmed amek i yessekf ad naru IMYAGEN d wanda tella tussda deg wawalen.

Ameyda : ayγer yessefk a naru "mmeslay" mačči "meslay", ayγer yessefk a naru "yessaweḍ" mačči "yesaweḍ" ?

A d-εeggneγ ddeqs n tuttriwin am ti i yellan γur-i, ma twalam ṛẓiγ-awen iqerra-nnwen, init-d.

Azul ay Ayirat

tidmi-w:
"Mmeslay" ur yelli dagi d ussid, wagi d anaḍ. Anaḍ ussiḍ n umyag "mmeslay": ttmeslay

Ayγer i yettwaru s sin isekkilen "m" ? Yessefk ad yettwaru s sin isekkilen "m", yessed imesli "m" deg tazwara n umyag. Akken teẓriḍ ticki amyag ibeddu s snat n tergalin, izri ines ad yili ibeddu "ye", akka dγa am "mmeslay", izri ines: "yemmeslay"

Amyag "muqel", imi ibeddu s yiwet n tergalt "m", γas ussid ines yesεa yiwet n talγa akk d "ttmeslay", "ttmuqul", maca izri mgaraden deg talγa: "imuqel"

Tura ma yella wanda zeggleγ sseγtiwt-iyi-d, a nelmed.

Tanemmirt

Tanemmirt a winna,

Cwi kan yella γur-i "Manuel de conjugaison kabyle" n Kamal Naït-Zerrad, tili ur ẓriγ ara amek ara xedmeγ, uqbel a t-id-aγeγ ttkukruγ ad aruγ kra s teqbaylit dγa ttaruγ kan akken i d-yenna uqerruy-iw, tura mi bγiγ ad aruγ kra zgiγ ttmuquleγ s adlis-a.

Azul fell-awen
Ay Ayirat izen-ik yewweḍ-d ( ur d ak-qqareγ ara awal-nni i ttagadeγ aṭas "5 γef 5", acku d wagi i yi-d-qqaren kra imassayen n kra n yeγmisen mi ara sen-azneγ kra umagrad; dγa sell i εemmi-k i zeddem isγaren!), ssya d afella a sent-id-nuγal i temsalin-a. Ma d amyag "mmeslay" d tagi i talγa-ines tamenzut, taḥerfit: Afeggag-ines deg wanaḍ aḥerfi d wurmir-ines aḥerfi. Ma di talγa-ines tussidt: Afeggag-ines deg wanaḍ ussid d wurmir-ines ussid, atah: " Ttmeslay".
Talγa taḥerfit Talγa tussidt
Anaḍ aḥerfi: Anaḍ ussid:
Mmeslay Ttmeslay
Mmeslayet Ttmeslayet
Mmeslayemt Ttmeslayemt

Tanemmirt-nwen
Ğ.B

Ayen i yessewhamen di tedyant-agi n Sliman Σazem:
1) Ulac kra usaḍuf neγ n lqanun, neγ n teγtast (yettwarun) i igedlen tizlatin n dda Sliman di rradyu tis-snat; maca? amek akka yettwagdel?!
2) Ulac daγen kra n teγtas i d-yenna s wudem unṣib: "Sliman Σazem yettwanfa"!
Maca, amek ihi?!
Tiririt: Ttwagedlent tezlatin-ines di 1967, asmi yenteε ṭṭrad ger Wudayen d Waεraben, gedlen icennayen n wudayen ( Ccix Lεefrit, Salim Lehlali d wiyaḍ... glan ula s Sliman Σazem! Dγa, am wakken i t-yenna netta s timmad-is i Muḥya: Lemmer d kra n tezlit i ten-iḍurren i kksen, akken gan irumiyen i wayen ur neffiγ ara fell-asen ( Ffey ay ajrad tamurt-iw, yeḍher-d waggur), yili tban; maca, wigi kksen ula d "Ṣelli γef nnbi Muḥemmed"! ihi d taqbaylit kan i ran ad kksen, mačči d nekkini.
Ma di ssebba n wenfay-ines: Ufan-as-d ssebba d aḥerkiw ( maca, ulac kra n lqanun i tt-id-yennan s tira)! Dγa, yenna i Muḥya: yiwwas yenna-yi-d yiwen " qqaren!... Atan wamek i s-yenna dda Sliman i winna akken i s-yennan"qqaren": Ccah! akk wid yemmuten di lbaṭel d nekk i ten-yenγan! D nekk i yezzenzen Lanjiri, yernu s wulac, ur ṭṭifeγ ara ula d rebεa duru!
Yiwwas yemmeslay-d Belεid Σebdesslam i yiwen weγmis, yenna: Ḥemmleγ ad sleγ i Sliman Σazem ...
Wagi yella d rrayes n lḥukuma ( prumyi minisṭṭṭerrrrr!), imi i t-iḥemmel amek ur yewwit ara fell-as ihi?!!!
D "ṣal rras" n leqbayel i s-tt-ikersen i dda Sliman, d nutni i t-igedlen di rradyu, i t-yenfan s ddγel d tismin!!!!!!!!!!!
Tegra-d di neffu-ines si Fransa γer Laswis, tagi tban: D Lanjiri i yemsefhamen asmi tekfa akken tezγent-nni n lgaz di 1973, msefhamen a sen-rren lgaz, Fransa n Pumpidu ad tesseḥbes rradyu n Lpari, ad nfun dda Sliman Σazem. Akken i yella lḥal teḥbes rradyu n Lpari, yettwanγa Ḥamid deg yiwet txazabit di Fransa n izerfan n wemdan, yettwanfa Sliman... Alammi i yemmut uselway Pumpidu di 1974 d wamek i d-yuγal γer Faffa.
Akka ihi
Ğ.B

Tanemmirt a Ğ.B,

ad kkreγ tura ad nadiγ anamek n wawal-a "Anaḍ"

Azul fell-awen,
S llfaṛḥ d ameqwran ad nefkaγ tidmi-w.
Tira n yisem "gma" yessεa lḥaq wemghid t ittarun s ssin n "m"
acku m-ad nmuqel γer laṣel n yisem ad naf yekka-d
si "ye/mma" g = frére, mma= mére (wagi d udem amalay)
udem unti : ultmma "ult/mma" ult = soeur mma= mére.
ihi kra n wid yettarun gmma s yiwen n "m" d agul ameqwran di tira. Deg tira n tizlit n Dda sliman ad-d rnuγ ugulen wiyaḍ:mkull yum yura-t akken yelha ma d kullci yeddukel issefk ad t yaru : kull cci. s tegmmat zedigen am waman, ar tufat.
amayas si fṛansa.

Azul?
Imi "kull cci" ihi ula d "kullecc" a t-naru " kull ccccccc"!
Tura nezmer ad nekkes akk anezgum, imi ṭṭuqqten γur-neγ "YESNILSIYEN"! Amarezg-nneγ deg wayen i nettwali!
S tezdeg n wul

Azul
Aẓar n yisem gma d wa "m" mačči " mm" ihi di tira akka, deg usiwel-ines daγen akka " gma". Tura win d-yennan mačči akka a γ-d-imel isem n wedlis ideg t-yufa "gmma" yernu cicc ma yella kra n weqbayli yeddren neγ yemmuten i yeqqaren "gmma"! Yernu mačči kan di teqbaylit, akk tantaliwin n tmaziγt, yiwet seg-sen ur itessed deg-s "mm": gmma! S umata: Uma, wma, acku "g" azenzaγ n teqbaylit, yettwasawal d "w, neγ "u"" amedya n tcawit gma= wma. Tagmat= tawmat... Muqel akk awalen d-yefrurin seg si gma, tagmat, atmaten, tiyessetmatin ... yiwen "m" i yellan deg-s.
Ula deg yisem n yemma, γas neqqar-it d ussid "m" ilmend imi d-yezga "m"-nni deffir tiγri ilem, zdat teγri "a", maca aẓar-is d "m" atan umedya s ttergit " yemma=ma". Yenu mačči kan di tmaziγt ula di yakk (qrib) s tmeslayin n ddunit d "m" tarumit, taεrabt, ula d tacinwit (mačči tacanwit n Cercal, tin n tmurt n Cinwa) qqaren i yemma "ma".
Anagar kan ma "gmma"-yagi-nwen yekka-d si l "Umma " s taεrabt imi "gmma, umma.."?!
Ihi, "gma" s teqbaylit, "uma" neγ " wma" s tcawit, neγ "mmi-s n ma" s ttergit...
" a gma n bab u yemma
Ur ẓriγ d acu i k-yuγen mi tbeddleḍ lεeqliyya " I yenna Ḥamid Lwegrani.
Annar akka i yettwarwat, ma d "gma" akken i wen-yehwa arut-t.
Tanemmirt
S tegmat a tawmat
Ğ.B

Qqaṛeγ akka tikkwal ungalen neγ timucuha s teqbaylit, urğin walaγ yura-d akka "gmma", ay amayas ma tzemreḍ ad aγ-d-tiniḍ anda tufiḍ anect-a ?

Tella tayeḍ, ussan-a ttmeslayeγ d yiwen umaziγ n Lmerruk, yenna-yi-d : ayγer kunwi s yeqbayliyen tettarum "tira" mačči "tirra"?

Nniγ-as : ur ẓriγ ara, akka i d-nufa ttarun yimusnawen-nneγ.

Azul,
Umli i riɣ a d-rnuɣ ass-a, d wa: Anagar Dda Sliman Ɛazem akk d tcennayt Nura i wumi d-iḍer (iṣaḥ) uḍebsi n wureɣ ( ddisk n ddheb) imi yemmed umelyun iḍebsiyen-nsen i yenzan; aḍebsi-yagi n wureɣ yettunefk-asen-d sɣur wexxam n teẓrigin Pathé ( ma ur zgileɣ isem n teẓrigin-agi, acku ur cfiɣ ara nezzeh ɣef yisem-nsent).
Sliman Ɛazem ilul ass n 19 Cṭamber 1918 deg Agni-Geɣran-Tizi-Wezzu; yemmut ass n 28 Yennayer 1983 ɣef 12 d wezgen, uṭṭun n yiraw (acte) n tmettant-ines : 16.
Sliman Ɛazem ur yelli d acennay n yiwet temnaṭ kan, imi yessaweḍ yal taddart, yal tawacult, yal axxam.
Aṭas icennayen i yecnan fell-as, i s-yerran tajmilt, am wakken i yerra tajmilt netta i wid i t-yecban : Ccix Lḥesnawi, Ɛellawa Zerruqi…
Yenna i Muḥya: “Ma yella ḥebseɣ assa-agi, lḥemdu llah kkren-d wiyaḍ. Nekkini cebbaɣ iman-iw ɣer yemɣaren-nni n zik. Mi ara yili qrib ad yaweḍ leɛfu n Rebbi; iwala arraw-is kkren-d akk d irgazen, ɣas yemmut yeǧǧa-tt-id teɛmer”.

A t-idel Yakuc s tmella-ines tahrawant.

Ğ.B

Azul s tusda i yal aqvayli anda ma yella!!
ma d nekk xas ve3degh fellawen, kunwi deg uliw it llam.yal tiket mar ad slegh iw sefru agi n dda sliman thulfugh ikra. taqvaylit,tayemmat yiwet,ihi tutlayt taqvaylit d yemma, d wetma d nettat i dajgu d tettat i d lsas.
yiwen n was urzagh gher yiwen u meddakel i t3uzzugh attas, yezdegh di temdit n nante(fransa) ,nsigh ghures yiwen was,n meslay armi qriv yuli was,azekaw nni nerna nemmeslay daghen.tametut iw talmanit tannayi attas aya ur kezrigh t meslayed anecta.
Ihi tagara armi nekker anruh yennayi umdakliw "eddu kan a gma arezqi, nekki t3erqiyi teqvaylit!!"
ma d assa zrighd yiwet n tceqquft n brecht di l´ensemble de Brecht di temdint n Berlin ihi dinna is nnan "aus euch und und uns wurd ein freundilch wir= s ghurwen ay imazighen d ghurnegh s leqvayel ad tili tdukli d talwit,iwakken tamazight ad tughal d lsas n tferka umalu.
qqimet di talwit.