Anwa-t Belqasem Iḥiğaten?

Att-tafem Tadiwennit n Belqasem Iḥiğaten da:  Tadiwennit n Belqasem Iḥiğaten

Ala

Ttif wⁱ ifuden ur yeswi
Wala wⁱ iṛwan di lmejṛa

 Ttif argaz ur nelli
Wala win tga tmara

 Ttif inig i yiri
Wala tamεict di lmerta

 Ttif lḥebs tilelli
^Γef wⁱ ur nezmir ad yini “ala !”

ḥafi

Neffeγ tamurt s tsusmi
Xas ma d lεib tarewla

 Tewwi-d ad neddu ḥafi
Neffer tirkiḍt n lğeṛṛa

 Nugad fell-aγ ad d-yezzi
Wemrar i temgerḍt la ḥya

 Γer deffir tedda tmuγli
Tili m^a ur d-tbiε ara

 Newweḍ almi nuggad lewhi
S lxuf i d-teğğa tmara

Nnhati

Tella lmut yugaren lmut
D lmut i d-^teğğa tsusmi

 Yeṛtaḥ wergaz ma yemmut
Wala wⁱ iggaren nnhati

 Deg ^ugerjum yugar ṣṣut
Deg wul ay tedder tiγri

 Ma yenna-d yugad lmut
Yeglu s uẓar d tirni

Adfel d llufan

Yewwet wedfel d amellal
Ammus ur yuklal
Yecbeḥ wudem-is i tmuγli

 D llufan mⁱ ara d-ilal
Zeddig d aderγal
Ul-is d ddheb ur nefni

 Tudert tettbeddil leḥwal
Wa ad as-izid wawal
Wayeḍ d dderz ⁿ tikli

Seg wawal γer wayeḍ

Menyif
Menyif taεkemt γef tuyat
Wala ul yezgan yeččuṛ

Menyif taqawajt tekkat
Wamma ^γef ^umeẓẓuγ yir lehduṛ

 
Menyif ajṛad ma yečča-t
Wala amgud ma yeqqur

 Menyif inig ma yura-t
Wamma tudert ddaw leeruṛ

Tamussna

Teweeṛ tmussna i tussna
W’ur nuriw werğin yenki

Yewεeṛ yisem n tirrugza
Yeshel γef win ur nelli

 Adrar yettban d taγezza
I wemdan werğin nuli

 D acu-t wennar di ṣṣeḥra
I win yeẓẓlen di tili

Tissegnay
Seg ^usennan γer tmellalt
Seg tmellalt  γer tyaziṭ

 Lemtel-a medden akk slant
Ahat ula d kečč teẓriḍ-ṭ

 D ddud i tsegnay ma snant
I win iwumi tεedda tiṭ

Lbaṭel yebda walan-t
Ass-a yeggra-d tetteiciḍ-t

Aqḍaε
D tayri-nni ^γef nedderγel
Ay neḍfer nugi ad tt-neqḍeε

 D temẓi nsukk s idikel
Ay neğğa tugi ad d-teqḍeε

 D ayen nugad ^γef i nerwel
Ay nufa deg widak neqḍeε

 Yemxallaf beṛṛa γef daxel
Yezga wul deg ^umqelaε

Qum taṛa, baraεima lluz!!!
Abbuh a mmi-s n Wemsed, anida teffreḍ akka iman-ik?
Ssiwel-aγ-d asefru-nni n " LADINYITI"!!!

Azul a dadda Aγyul
Wa dadda γlulu! wa ya γluluuuuu! A d almi d ass-a ara d-tbaneḍ a lbiṭ?! Yal ass ttaseγ-n γer da, mi ur k-id-ttafeγ ara ini uγaleγ. Aḥeqq rrasul ar urgaγ-k! Amek?! Urgaγ-k tuker-ik Xalida n Ṭum i Jiri. Biyansur amek ara tegzuḍ ay Aγyul! A tuker-ik ilmend useεlaq d umleεlaq-inek a lbiṭ!
Atan wamek: Kečč telliḍ teqqimeḍ γef teblaṭ-ihin, tettemεiẓẓiḍeḍ; nekk qqimeγ da. Nniγ-ak: berka-k amεiẓẓieḍ, acku atan la yettğellib-d useεlaq-ik! Akken zziγ akin ad cummeγ ( ma ulac a yi-d-ẓrent teqcicin ttcummuγ) werεad d-zziγ ufiγ-ik-d ulac-ik, ukren-k! Bdiγ la ttṣubbuγ (ẓriγ , kunwi teqqarem "ttsibbiγ") ddin... ssyen mmektaγ-d labaray-nni i k-qqneγ akken i tmeẓẓuγt-ik, dγa ceεleγ-tt, tbanem-iyi-d --dadda Aγyul akk d Xalida n Ṭum i Jiri--, tturaren deg wusu; s tidet kan ssetḥaγ, ssenseγ labaray-nni. Azekka-nni γer lefjer, ceεleγ labaray-nni, iban-d dadda Aγyul yeẓẓel deg wusu n usensu (hutil) n Cciraṭun, lidrat d ticebḥanin ( majinasyu), taftilt d tazeggaγt, d acu n tezdeg, d acu n lfexfaxa...Atta tusa-d Xalida n Ṭum i Jiri s jjelṭiṭa, imesruqen-ines akk εeryan ( wa lalla yemma wwah, wwah i yeḍran d mmi-m! lemmer γas i d-usiγ d aγyul!!!), terfed-d lepla deg-s yal lxir: lqahwa d uyefki, udi d kunfitur, jji d abriku... akken i d-tewweḍ zdat n dadda Aγyul, tenna-yas s wecmumeḥ: ti ma fi du la hunt daryar mwa, mun cciγi ! Dda Aγyul yessetḥa , iγumm allen-is s tmeẓẓuγin-ines. Akken i t-teẓra akken, tenna-yas: ta n kiyat pa mun cciγi, γas d la hunt a t-rreγ d "akt du bravur"( d igi n yiseγ)!
Terna tenna-yas: azekka ad tenseḍ d Σaziza m tfelquqin!
(mi rrispi a dadda Aγyul)
Lu grun Pewwiṭ

Azul a mass Aγyul,
Kiskisi ksi, si zi ṣeṭwar?!
Isku tura amek i d ixef-is?! Isku Aγyul yettεedda γef ssuvranti n liṭa neγ xaṭi?! Isku d tucbiḥt i yexdem weγyul neγ xaṭi?! Isku yerra-d ttar seg iğadarmiyen i yekksen εeryan i tyessetmatin-nneγ d tlawin-nneγ d tyemmatin-nneγ, di tlemmast n ubulvar ΣEBBAN REMḌAN di Tizi Wezzu neγ xaṭi?! Isku dadda Aγyul sitan Argaz neγ d abidi?!
Ssiṣṣa li vri kistyu, i ssiṣa li vri iẓẓan-aliz(taṣleṭ)
Lu rrivulsyunir

Azul a dda Aγyul
Aluγ!
"Qum ṭara"-nni yesmekta-yi-d s wayeḍ-nni " ḍarif muzeεbal", "muzeεbel"-agi yesmekta-yi-d si tama-s s Yir nettat: Yiwwas ufiγ-tt-id telsa aserwal d azeggaγ, terna-d asebbaḍ n ṭṭalun, tteddu tettleγwi ( akken i yeqqar akken Winna), lḥaṣun afunnir-is yettali yettader, atan iğelleb ẓelmeḍ, atan yuli yeffus! Ass-nni aḥeqq nnesxa, a lemmer mačči d nekkin ar yili yezder deg wasif-nni n "ssan", a winnat! Amek?! atan wamek: Nettat tteddu di tqenṭert-nni n "lizanvalid" afunnir-ines iğelleb-as γer "lassan", akken i t-ẓriγ akken yettali yettader, rniγ fell-as nekkini ( qebleγ rrisk a winnat " limaniti" tezwar kra yellan), rekbeγ-t, dγa ssuliγ-t-id, rriγ-as-t-id γer wadeg-ines. Mca, si binifik a winnat! yes-s i d-wwiγ rriziduns
Azekka ad ak-n-awiγ asefru, a s-rreγ yes-s tajmilt i yiwen umexluq akken. tawsit (jjunr")-ines, isem-is "lu kunṭumpuγan" (amiran), ula d yiuwen mačči yessefra fell-as
Mmi-s n Wemsed

Azul fell-awen
Isefra-yagi ur llin d menwala. Bdiγ γriγ yiwen, nniγ-as ad ḥebseγ, ad ṛuḥeγ f iman-iw ad lḥuγ, rniγ wayeḍ...rniγ wayeḍ...

Ufiγ yal asefru tella deg-s tekti, neγ ma ulac akk tella deg-s tedmi n umeskar γef ayen nettidir, yettidir.
Ihi nniγ-as ad muqleγ ar imedyazen-nneγ yettarun dagi, ad "sidemreγ"(comparer) gar-asen tamuγli inu, taγuri inu.

Ukerdis yeskan-d inig seg tama-nni ines n tuğğin n tmurt i wid a tt-icemten, seg tama n lxiq fell-as.
Belqasem Iḥiğaten, netta, yeskan-d inig seg tama deg i tella tbaγurt n tlelli, n tilin. Am akken d tiririt i wid i ittezzmen iminigen.
Essaid, ur ẓriγ ara ma zgiγ-d, maca am akken ur yunag ara. Isefra-s am akken yura-ten di tmurt.

Aγanib n imedyazen-agi yemgarad aṭas. Belqasem iḥiğğaten yettakk-d tidmi-s, ayγer akka mači akka, ayγer d wagi mači d wihin, ayγer akka yif akka-hin.
Deg tmedyazt n Essaid: iḥulfan ṭṭfen taṣeddart tafellayt, ddaw-atsen tḍefr-d tiγunnsa(militantisme), asaki, asmekti, assuzer n izerrigen n tidet akken a d-tbin a tt-newεu s temγer.
Ukerdis am tṣewwart: deg uwlaf drus i yellan n umeskar, maca llemer ur yelli ara dinna, imir-nni, ili ulac win a d-yeṭṭfen awlaf-nni deg teswiεt-nni.

Ar tufat

AZUL
yelha ma terzam γer wesmel agi.Mlaleγ-t-id kan akka
http://awzellagen.free.fr/cariboost2/index.html

Azul fellawen, azul a Belqa

Tanemirt γef tira yecban ta. Isefra xas akken d iwezlanen, cebḥen ayen din! Ruḥen amzun d inzan!

Mazal ur d-wwiḍen ara afus-iw yedlisen-inek. Anda i zemreγ ad afeγ ayen tettaruḍ?

Afud ayamedyaz!
Newara.

Azul,

Tzemrem ad teγrem isefra nniḍen n Bussaεd di tansa-agi :

http://isefra.blogspot.com/

Eh wI , lmedyaz yeblogi-yas ula d netta !