 | | |  |
 |  |  | |
|
|
|
Kra n wawalen γef ucennay Σezdin Bayik Σezdin Bayik d acennay aqbayli, ilul ass n 12 Yunyu 1968 deg Wehran; netta seg At Dwala. Σezdin Bayik γas deg Wehran i d-yekker, maca, tekker-d deg-s teqbaylit, γas ma deg Wehran i yezdeγ, tezdeγ deg-s tnaṣlit, γas deg Wehran i d-yeldi allen-is, maca, ur tent-yemdil ara γef tjaddit akk d yedles imawlan-is.. Yessufeγ-d yakan snat tesfifin --Tasfift-ines tamenzut tella-d deg useggas 2000, s yezwel “ A Lwennas”, deg-s sa (7) tezlatin; ideg yerra tajmilt i Lwennas Maṭub akk d Ccix Lḥesnawi. -- Tasfift-ines tis-snat deg useggas 2003, s yezwel “I ifuten ifut” ideg d-yerra snat tezlatin si taεrabt γer teqbaylit, tamenzut n Ccix Lḥesnawi “ Ya nǧum llil” γer “Ay itran n yiḍ”; tis-snat n ḥmed Wehbi “Fat li fat” γer “I ifuten ifut”. Tura, atan yettheggi-d di tesfift tis-kraḍ (3) ideg ara ilint 15 tezlatin; yiwet seg-sen d tagi “ Ussan n tlelli” ( i d-nsedda da) γas werεad tettwakelles akken yessefk di stidyu, maca, Σezdin iteg i yellan deg-s n wussisen (efforts) akken a d-yefk ayen yufraren d wayen ara s-d-yernun tazmert d ufud ara yessalin ccna amaziγ γer tqacuct i yuklal. Deg wayen yerzan aẓawan d uγanib ( lmuziga d ṣṣenf) i yeṭṭafar Σezdin, dγa am wakken i γ-t-id-yenna netta s yimmad-is: “Si temẓi-w i lliγ ḥemmleγ aẓawan akk d ccna atrar, maca, amzun akken terra-yi tmara ad cnuγ Cceεbi akk d ufuleklur aqbayli, acku nekker-d s ccna n Lwennas akk d wid i t-yecban; tura yewweḍ wass ideg ara nefren abrid yessufuγen, imi anagar kan aγanib uẓawan-agi atrar i d abrid ara yessufγen ccna-yagi-nneγ γer liser”. I wesmekti kan: Σezdin Bayik yessermed aṭas n tmeγriwin i d-yeḍran dagi deg Wehran, neγ anda-nniḍen.. Afud anezmar i Σezdin Bayik. Bu ccfaya seg Wehran USSAN N TLELLI A tayri mi a d-ttmektiγ Si mebεid raḥen ijeğğigen Teεreq ssebba f i yi-teğğiḍ Neγ daxel n wulawen i tt-nezzem Ur wehhem ass-a mi d-tukiḍ F lfayda-m wi m-tt-yesruḥen Afus yezlan tettwaliḍ S uεemmur n wedrim i t-γummen Wissen ma d-uγalen Ussan n zik-nni Neγ di tirga kan Ar d aten-nettwali Ussan n tlelli A tayri la tettwaliḍ Widak i nεuzz akk ruḥen D tamsarit deg wul ay d-tegriḍ S uḥulfu n leḥzen i γ-izedγen Γas s usirem ass-agi d-tezziḍ Dayen kkawen-aγ ifadden Ur nfureṣ nnuba mi telliḍ Neγ mi tt-nseww i γ-tt-ukren Wissen ma d-uγalen Ussan n zik-nni Neγ di tirga kan Ar d aten-nettwali Ussan n tlelli A leḥmala teğğa-yaγ tayri Temγer leεmer i tzegger Akken ad twehhi tannumi I γ-ineqsen si leεmer A s-nefk i ttwab ass-agi Imi lkuraj dayen yexṣer A tt-nerr i lweεd imeṭṭi Imi tilelli lḥebs-is meqqer Wissen ma d-uγalen Ussan n zik-nni Neγ di tirga kan Ar d aten-nettwali Ussan n tlelli Wissen ma d-uγalen Ussan n zik-nni Neγ di tirga kan Ar d aten-nettwali Ussan n tlelli Σezdin Bayik Asabter yellan deffir wa | Asabter n zdat
Akli
- Tinin-is...Atan d country music i icennu wagi. Ma d imeslayen εeğben-iyi.
- Tinin-is...azul
A k-iniγ ayyuz fell-ak a Σezdin, imi teṭṭfeḍ di tneslit-ik. Tugti n wid yettidiren neγ ilulen di temdinin berra i tmurt n Leqbayel d wid ur d-yecliεen deg uẓar-nsen, ugar n waya llan ula d wid yettsetḥin akken a d-mmeslayen s teqbaylit. wigi a d-iniγ d wid ur nesεi ara imenzayen di tudert-nsen .
kemmel deg ubrid d-tewwiḍ , tabγes d wafud
- Tinin-is...Azul
Lamana ur d-tettweḍ ara weḥd-s kan, alamma yessaweḍ-itt-id bab-is, neɣ win yettukellfen s yes-s. Ihi, d win i ɣ-d-yessawḍen lamana-yagi i yuklalen tanemmirt, mačči d lamana s yimmad-is ara nesnemmer! D wagi i d ṣṣwab, d tagi i d taqbayli,t a TAMAZIƔT.
1)Tanemmirt a bu ccfaya ilmend n weḍris-agi akk d tezlit n Ɛezdin i ɣ-d-tewwiḍ.
2)Bu ccfaya mačči kan yeṭṭef di teqbaylit, neɣ icennu s yes-s, yettaru-tt a yelli ḥnini!
3)D asurif amenzu I yuɛren di kra yellan! Imi d wagi ay aḍris amenzu I d-yuzen gma-tneɣ Bu ccfaya, tewwi-d fell-aɣ a t-nessebɣes, a s-nbedd ɣer tama, mačči ad neqqen allen-nneɣ, neɣ ɛad akken t-yenna MUḤYA: Tiṭ twala, tayeḍ teqqen”!!
Ɛezdin-agi ssneɣ-t a Bu ccfaya, yezdeɣ deg weɣlad (Bd) Meɛṭa (Joffre), yettɣimi ɣer Ḥamid l bukinist, deg wegni (place) Tajundarkt ( i wakken a sen-d-mleɣ i wid-nni yeqqaren “mmi-s n Wemsed ur yezdiɣ ara deg Wehran), yella yettas-d ɣer tiddukla Numidya.
Afud anezmar i Bu ccfaya akk d Ɛezdin
Mmi-s n Wemsed
- Tinin-is...Aɛezzul a Tamajirt akk d Ɛezdin kan
Tebder-d kan Ɛezdin acku seg Wat Dwala ( G.K) , ma d Bu ccfaya-agikana mačči sɣur-neɣ, ahat si (P.T); fiḥel a t-id-tebder. S kra bbwin ( n win) ara terr teplakt-nni n 15 atan d aqbayli, ma d wiyaḍ deg-sen akk ccek!! Tamajirt-agikana tesɛa lḥeqq, imi d nekkni kan ay d leqbayel, tfehmeḍ neɣ ala a mmi-s n Wemsed?! Akken i t-yenna akken Ferḥat Imaziren imula “ Yal wa d ayla-s i yelhan”!
Tamawt: Win ara d-ineṭqen ini tdeqqmeḍ-t, ala Tamajirt-agikana i wumi ur tezmireḍ ara, acku tettagadeḍ Weld-Ɛli Lhadi!!
Ajeǧǧiḍ
- Tinin-is...A d Ɛli n yemma-k i ttagadeɣ, ay Ajeǧǧiḍ!
Mmi-s n Wemsed
- Tinin-is...Azul a Tamaziγt, a tasekkurt n wesmel; a lalla-s n tlawin, a tamyarut tameqqrant. Fiḥel ad terfuḍ fell-i, acku aḥeqq nnesxa ar ttjuttameγ-kem am weltma. Mačči d kemm i d-rziγ, rziγ Ajeğğiḍ-nni ara yeččen idisan-is. Yemma sγur-wen si Buzeggan, s kra n win terra teplakt-nni n 15 d xali.
Azul d tnemmirt a nna Tamaziγt, tutlayt tunṣibt.
Gma-m mmi-s n Wemsed
Tamawt: Ini-yi-d " tanemmirt a gma mmi-s n Wemsed ( ur ttagad ara, tebra ma yeγli-d igenni fell-am!
Di talwit a Tamaziγt.
- Tinin-is...azul akk fell-awen
Di tazwara bγiγ kan a d-iniγ urğin rfiγ γef yiwen dagi deg usmel. Imi ara d-γareγ tidmiwin, d ayen i yi-d-irennun afud , neγ tikwal nettaḍsa, imi dagi d tarbaεt i nettabaε asmel-agi mačči waḥdi.
ma d tamawt d-fkiγ γef umagrad-agi. nek akka i d rray-iw a d-mmeslayeγ γef usentel umagrad mačči γef win t-yuran. ma d ameslay agi yekka-d di 15 neγ di 20 ayagi ur d-cliεeγ ara deg-s, awi-d kan a nilit d wid yettarun neγ iḥemlen tutlayt n tmaziγt. taγawsa nniḍen ur ssineγ yiwen deg usemel agi slid Winna. ma d Ul Ali d amdan i d wi qedceγ di tdukla Si Muh Umhand almi d aseggas 2003, nnig waya ur sεiγ ayen i yi-icerken yid-s.
Ihi Tanemmirt tameqrant a Mmis n wemseḍ a gma
Nura
- Tinin-is...Tiṭuc!!!tiṭuc!! Kra n wussan kan a d-berneγ γur-wen!!!!
- Tinin-is...?!?!?!?!?!?!?!?!?!?!?!
!!!!!!!!!!!!!!!!!!!!!!!!!!!!!!
..............................
- Tinin-is...Mel-iyi ttxil-m a tayri....................Yak deg-m di sin uklalen!
Ma nniγ-am banen am yetri, ........Igenni yeṭṭef isalen.
I wacu yewwet webruri, ..............Rnan iberdan malen?
-
Steqsi γef tidet ad tt-tafeḍ,..........Nnaγ steqsi fell-as!
Nezla-d tajbirt ad tt-teqneḍ,........Ečč asfel, ssuden aεessas!
Wah d haw yes-sen ad tneṭqeḍ,..Tebra d awal n at llsas.
Ečč a tayri i d-tnefqeḍ,................Tarbut-im a tt-yemceḥ yiles!
Muqel widak tγurreḍ,...................Aṭlas n Wemsed d tayri-ines!
Smendeg isufa-m ad terγeḍ,........Timess-im mačči am yal timess!
Eğğ yir Rray s-itceṭṭḥeḍ,...........Uγal-d γer ccbaḥa n yedles!
D dda Anuγmun kemm i tferneḍ,..Nnaγ a tayri dduqes!
----------------
Tamawt:
Isekkilen imezwura deg usawen d akessar:
Imezwura: Mmi-s n Wemsed
Ineggura: Yir nettatun
- Tinin-is...Lemmer d nekk i d YIR NETTAT, seg ul-ik lhem ad yesfeḍ.
Tasa-w ad s-kkseγ taγart, fell-ak a mmi-s n Wemsed.
Kra teḥnunfeḍ di tγerγert, imi-k kra yessefsed.
D isli ad tεeğreḍ di teγmert, medden ur d-as-qqaren yesseḍ.
Imi ur lliγ d YIR NETTAT, targit-ik yekcem-itt Unuγmun.
Ul-is tmeṭṭut tečča-t, deg-wen a yitran la ttγummun.
Yak ulac anwa ur nettmettat, ahat ad yemmet Unuγmun?
Uγgadeγ ad yemmet ur yettmettat deg ul n massa Nuγmun.
Lemmer d nekk i d YIR NETTAT, ad ḍummeγ ul-iw s umezzir.
Ad ferḍeγ argaz-iw si ccfayat, akken i s-xedmeγ i umazir.
( abirbir-nni n Bu Zerriεa )
Imiren ad yazzel yeẓri-k, imeṭṭi ad yini i taḍṣa rsed.
Akken zedγeγ deg wul-ik, ad tkecmeḍ s ul-iw a mmi-s n Wemsed!
Imi ur lliγ d YIR NETTAT, yerna yemmut War isem.
D Anunim ceεleγ-d tafat, ul-iw yugi ad yessusem.
- Tinin-is...Kečč ay anunim d apewwit ameqqran!
anunim wis 2 i iḥemlen tamedyazt n anunim.
- Tinin-is...Lwaylu-lakum (welcome)
Nekk d dukṭur Mangac, d aselmad n tmaziɣt di tesdawit n Uklahuma, sselmadeɣ tasnilsit n iɣerfan yellan ɣef tizi n nnger. Tawuri ( axeddim)-inu d alqaḍ n wawalen ur nettwassen ara, tgeɣ imawalen i yat laxert.. Tiɣri-w dagi, terza yiwen wawal “AWEČČIR” i d-tenna yiwet weltma-tneɣ yuklalen aṭas n leqder d wazal, ma yella ur zgileɣ ara, isem-is massa Nuɣmun Yir nettat. Ihi ma temla-d awal-a ( aweččir) ad tili tga aqeddic meqqren i tutlayt n imengamen (imezwura)-ines. A s-iniɣ tanemmirt meqqren ɣef tullin-agi-ines. Ttanekyu ay afermac
Tamawt: Ma nekkes kan kra deg-wen yecban: Yir nettat, Newwara, Tamaziɣt, Tansa, Tanṣalit, Farida, Suhila, Tinna, Ḥlima n tala, Zahiya, Taqjunt; wiyaḍ akk xuṣṣen di tira-nsen!
Dr Mangac si tesdawit Uklahuma
- Tinin-is...baik azedine
- Tinin-is... | |  |  |  | |
|