Di tmurt n Kibik d waṭas imeḍqan nniḍen n Temrikt ugafa, m’ara d-yekcem lexrif yettawi yid-s ciṭ usemmiḍ, yettemcabi i lexrif n Leqnayel. D acu kan ar γur-neγ d tasemhuyt n tegrest ara iḍefren lexrif. Di temrikt ugafa, dayen isewhamen I-ḍerrun, d tuγalin n wussan izeγlen di tlemmast n lexrif, m’ara yebdu wemdan yettaγ tanumi d usemmiḍ d smayem n wegris, ddunit akk a ttbeddel udem.

Isekla ad beddlen inilen ad cebḥen s iferrawen yettakken anzi i tmes s uzeggaγ, awraγ, ačinawi d uqehwani. A ttuγal tezγel d tiṭijt deg wass. Ad tili tasmuḍi deg yiḍ d tagut di tsebḥit. Am akken d anebdu yejmen tamurt, yuγal a d-yewwet tirzi taneggarut .Yettuγal aγ d-ismekti d akken m’ara tfak tegrest, anebdu ulaqrar ad yuγal, ad yawi yid-s tezγel ara isakwin agama, ad yekkes lxiq f ulawen .

Ussan-agi iḍefren lexrif, d ussan yettecebbiḥen agama s inilen iberqcen, acḥal i d-wwin fell-asen icennayen, imedyazen d inaẓuren s umata,  tεaqlem-ten : d ussan n unebdu ihendiwen.

 Melmi?

Anebdu ihendiwen yettili deg ayyur n tuber, tikwal yettnefcic ur d-yettas alamma kecmen  ussan imezwura n unbir. Kra n wussan kan i yettγimi, azal n yimalas (ddurt) neγ ma drus tlata wussan .

 Ansi d-yekka isem-agi ?

Yal yiwen amek i d-isefray laṣel n tenfalt-agi i d-lulen di Marikan di lqern wis 18.hattan tin i nesmenyif:

D legliz i s-isemman ‘’ indian summer’’ mi walan ihendiwen n Marikan ttfarasen tagnit deg ussan-agi yeḥman akken ad heggin iman-nsen i tegrest, ad refden leqcuc-nsen, ad kecmen leγwabi n ugafa, akken ad seggḍen iγersiwen yettakwin s laman tteffγen ad snufsen cwiṭ seg akken iten teskuffur tezγel-nni zdaxel teẓgi, rnu-yas times i saγayen ihendiwen .

Qqaren daγen isem-agi yekka-d seg akken ihendiwen di tallit-nni ggten di temnaḍt n Pennsylvanya anda i-tlul tenfalit-agi.Akken ibγu yilli, isem-agi yezga-yas-d akken iwata. Ula d Ifransawalen n Kanada suqlen tanfalit-agi seg teglizit  ar tmeslayt-nsen, ddan d webrid-nsen iγerfan nniḍen.

 Amek ttbeddilen inilen n iferrawen ?

 
Iferrawen ilaq ad sgunfun di tegrest acku kra ikka unebdu nutni ceγlen d photosynthese, sexdamen tafat n yiṭij akken ad rren dioxide n ukarbun d ssekwar.

Inilen n iferrawen ttbeddilen di lexrif, chlorophyl yettak azerwal, carotenoid yettak awraγ, ačinawi d uqehwani, ma d azeggaγ d anthocyanins i t-id yettakken.

Simmal yettenγas iṭij, simmal ttcuḥḥun isekla deg chlorophyl d carotenoid i ttakken i yiferrawen, d ayen yettbanen deg inilen awraγ, ačinawi d uqehwani.

Tura mi d-yewwet waḍu iseγli akk iferrawen, yesfeḍ tafelwit-nni n unaẓur, nbeqqa-yas sslam i unebdu ahendiw. D asemmiḍ i-d-yennulfan, ikkat s ammeẓẓuγ, tafesna tuder ddaw 0, kra n wussan kan ger-aneγ d wedfel ara imaren f tmurt, d ussu n tinebgit  n 5 wagguren : tagrest.

Amor Rekis

Montreal, unbir 2007

Azul
D kečč i d aγezzfan-nni yesεan akken snat lmitrat?! Tullist-nni-inek teffeγ-d γur bu tjernant, yerna tgerrez aṭas tedyant-is. Aḍris-a werεad t-γriγ, acku fuken-iyi yedrimen, ilaq ad ffγeγ ssya, ma ulac a yi-ṭṭfen ad seyyqeq tiγerγert; azekka a d-aseγ a k-d-ṣelliγ γef nnbi!
Anda telliḍ seg wacḥal-aya?! Tura ifuk useggas n yedles aεrab , d lawan a d-tuγalem akk ay iqemqumen!
Yir argaz

Azul fell-awen
Tanemmirt-ik a kapural!

a yiγ aγgaz,
limer a tt-waliḍ akken tecbeḥ tmurt-a di tefsut "ihendiyen"...
d afeččex !
anda ur kkin ara izukar s turdas nnsen, mazal tizegzewt akk d thuski.

aγ tufat ...

Azul
Aẓ akin ma ulac a yi-tɛefseḍ a Ɛemmur ! Wexxer akin ɣef tewwurt, xerṣum ma yella kra yellan, ad zemreɣ ad rewleɣ ! Aḍris-agi-inek ɣas d aḥerfi, maca yecbeḥ. Ccbaḥa n tmurt Ihendiyen, tečča lɛerra i wumi semman « tɣerma » n wergaz amellal (utaram—umalu--) ; am ccbaḥa n tmurt-nneɣ tečča lɛerra i wumi semman « tɣerma » taɛrabt tineslemt ! Tesmektaḍ-iyi-d s tezlit-nni n dda Ferḥat « Imesdurar n twaɣit » : Ccbaḥa wwin-tt yedɣaɣen. Ihendiyen izeggaɣen segmi ten-yekcem ( Krisṭuv Kulumb) yeqqim deg-sen, ur ten-yeffiɣ ; am wakken i ɣ-yekcem nekkni ( Ɛuqba Benu Nafiɛ Lfihri), yeqqim deg-neɣ, yeggumma a ɣ-yeffeɣ ! Ula d ayucen (irebbiten)-nneɣ « Manitu ameqqran n Ihendiyen, neɣ Amun ra ɣer Imaziɣen knan, fsin tiserwula-nsen zdat irebbiten n wiyaḍ ! D acu ara d-yexdem wezger amellal « bizun blan n Ihendiyen, i wumi ččan taksumt-is, rnan lsan taglimt-is ?! I tfunast igujilen n Imaziɣen i wumi ṭṭḍen tamaẓẓagt-is meskint! Yiwen ččan-t wat utaram (umalu), wayeḍ ččan-t wat ugemmuḍ (usamer)!
Atan a d-iniɣ kra, a k-ddmen kečč yeskutiyen, acku ssnen isem-ik! Jjmiɛ liman ma sbeddeɣ-ak-d “likumiti n li sutyan”!
Mazal-ik ttgeḍ lbaṣkat?!
Ttuɣ ur ak-d-priẓantiɣ ara iman-iw, Vwala: Ɣur-i ddukṭura di lxerṭuluji, tayeḍ di lfesṭuluji, ɣur-i la liṣuns di tbehluluji; ɣriɣ sebbiḥ d uḥuli yettḍebbiḥ..
Ju swi spisyalist di tsuqqla neɣ tasuqqilt ; a k-n-fkeɣ yiwen uparigẓumpel:
“Yir nettat”= « ili muvaz » neɣ « ili ṣal » alur ! just neɣ ala ?!
Yir argaz si Kap kanaviral (U.S.A)

Azul,
Yufa-tt-id Lansyan, ccbḥa wwin-tt yedγaγen. A niγak! ula dagi il parait ak qqaren ur ttεaṭṭilen ara ad ksen jedd-is nni n unedbu n izanditen, d aγurar anda ma terriḍ.
Wa ya bu-ttesbiḥ deg fus .Ur ttεaṭṭileγ ara a nerzuγ ar kap kanaviral a nqesser akken iwata γef tsuqliwin d tmedyazt inek .

A.R

Kra n win idren di Marikan ugafa iwala d acu d wamek iga unebdu izanditen negh ihenditen n Marikan. Deg umadal d tazlitt n Joe Dassin: "L'été indien" I t-irran ittwassen.
Akken d-imma Amor ihi, d kra n wussan n uzghal di hartadem. Di tmurt imiren ad yelli d uqucu n lexrif...negh ala?

Azul ay anegwmar,

Meḥsub ur galεum ara asemmiḍ i yellan di tmurt-agi, aγ t-id tesmektayeḍ ula di tira ! :)

Tanmirt imi i d-turiḍ γef annect-agi. Meqqar kečč temmektaḍ s imeslayen-agi-inek, imawlan n tmurt-agi, imeγban. Tanmirt tameqwrant.

Ad d-rnuγ kan kra n imeslayen yurzen γer tegrest tamcumt !
Tagrest γer Iqbayliyen - ur ẓriγ ara ma akka γer wiyaḍ - tbeddu di 16 n Wamber ( 29 novembre).... Atta-ya tinna n tidett !!!

20-nni n wussan i yezwaren ass n Yennayer qqaren-asen : Uḍan imellalen (neγ uḍan n Bujember) - Beddunt di 12 Bujember.
20-nni n wussan i d-iteddun sdeffir n wass n Yennayer qqaren-asen Uḍan iberkanen ( neγ uḍan n Yennayer). Ttfakkant di 20 n Yennayer.

Mi d-ḥedṛen wussan-nni iberkanen, i terwi ...

Tansa

Azul
S waṭas usemḥissef s wayes ara wen-in-ssiwḍeγ yir isali-yagi: War isem yewweḍ s anda ara naweḍ, iḍazeryen deg usensu " anterkuntinuṭal" di Frankfurt (Lalman); sebba-s yeqqes-it wezrem! Yeεni d "lafuṭ"-is , akken ad yerr takrabaṭ γef temgerṭ-is, netta yerra azrem n wemεellem n usensu (lutil), yella yeẓẓel din deg wusu, yernu d aberqac am wezrem-nni n Lḥerrac. Tamṭelt-is a d-tili azekka deg Wat Mlikec. Wa ad yeqqar i wa!
Tanemmirt.
Bun dibara War isem
Aqerdac n Yemyura.

Azul
Ur nemyagar ara aγilif; γas yemmut, mazal-it yedder deg wulawen-nneγ. Ẓẓel di talwit a War isem, ay amcum.
Mmi-s n Wermsed

MMI-S N WEMSED:

Yesεuẓẓeg-iyi usuγu tsusmi n wul-im.
Sliγ i weskuffet n wasif ma ceṭṭḥen idammen-im.
Allaγ-im teffeγ lbaḍna-s s tmuγli-m.
Aha, γas sεu tebγest, ldi-d imi-m!
-----------------------------------------------
YIR NETTAT:

Ceḍḥeγ d unuγmun s Rray ( Rai ), udreγ-as-d isem-ik yusem.
Deg ccan-ik yessalay, γas ma yeqber yessusem.
Tura zemreγ i umeslay, imi yemmut War isem.
Γas γur-i azal-is γlay, maca, lehdur-is d ssem.
-------------------------------------------------------
MMI-S N WEMSED:

War isem γas ma yemmut, iεawed-d talalit d aγyul.
Deg umeslay γas yessugut, deg icenga n tidet i yeggul.
Γlulu acemma ur t-ifut, ma yesεa dadda-s Amsed d lakul.
Anef-aγ seg-s, γas ttut, yak d nekk i tḥemmleḍ seg ul!
------------------------------------------
YIR NETTAT:

D tidet d kečč i ḥemmel-aγ, ur ttnadiγ imγaren.
Γas ma yekcem-d gar-aneγ, deg ul ulac dacu i t-yesmeγren.
Yerna fell-as i rewleγ, tura iruḥ awer d-yebren.
S lmut-is aql-i ferḥeγ, wissen at Mlikec anda ad terren?
----------------------

Riγ a d-aruγ: D kečč i ḥemmleγ, mačči i ḥemmel-aγ.
Aγyul d aγyul

Aɛezzul
D tidet yemmut War icem-nni; ḥeḍreɣ mi-t-id-ccawḍen ɣer At Mlikec. A ziɣ ɛziz wemcum-agikana n War icem di temnaṭ-agikana n At Mlikec. Lḥcun gerrzen-as tamḍelt, ad as-tiniḍ d llars (tameɣra), kra yellan yugar akken: Azitun, aberquq, ccerba, tikerbabin, timcewwect, taḥbult n tmellalin, taknift… nekk dɣa ccercen-iyi-d yiwet tyaẓiṭ, timeccaḍin-ines am tid-nni n Yir nečča-t. Ččuɣ a d-iniɣ ula d ccrab yeṭṭuqqet; ala mmi-c n Wemced i yecwan. Maca, taggara n llars (tmeɣra), ccurfet-iyi a d-iniɣ tamḍelt, yekker din yiwen ubagar meqqer gar lwilayat, anwi I wumi ara d-icaḥ wazal akken ad yawi tamecluxt n War icem, a tt-yemḍel deg lwilaya-ines. Dɣa yekker ccmata-nni n mmi-c n Wemced, yenna “ bla Rebbi ar t-nefreq! yejbed-d tamecluxt n War icem, iqedder-itt, yebḍa-tt d tuna i yak lwilayat; lḥeqq-ncen (Lberǧ n Buɛrariǧ) yuqem-ac lemleḥ, yewwi-t a t-uqmen d acdluḥ!
Ula d nekkni c wat lagrand, tekker gar-aneɣ ɣef ugecrir-nni i nebbi, taggara nefka-yac-t i Tmajirt, tewwi-t ɣer Bu ɛednan.
Cciwḍet aɛezzul n Tiji uzezzu i dda Ɛebdella Ḥaman.

Muḥ u Muḥ ci Tiji uzezzu

Calum
Ɛerqent-iyi !.. ur gziɣ acemma ! I tura, yemmut neɣ yedder ?! Anwa i yuɣalen d wayeḍ?! D War isem i yuɣalen d aɣyul, neɣ d aɣyul i yuɣalen d War isem?!
Cciṭan

I kemmini a Yir nettat
D acu tḥesbeḍ iman-im
I tessiɛzizeḍ deg yiman-im

Ma tɣileḍ lḥal ifat
Akken a m-neqceɣ tabḥirt-im
D nekk ara m-yesswen tabḥirt-im

A d-tḍil fell-am tafat
Mi ara m-ẓebreɣ taɛrict-im
Ad tjuǧǧeg teɛrict-im

Ad tezhuḍ ger lxalat
Mi ara tarew taɣaṭ-im
Lu grun pewwiṭ

Azul
Ay Amnay, yella win d-yennan kra fell-ak; atan di tebriṭ-agi: ffeγ ssya, ṣubb d akessar anda tella Taninna, ad tafeḍ win yebγan a k-yeğğ i usemmiḍ!
Awer tekkreḍ a bu tqerruyt!
Aqerdac n yemyura

Warisem-agi mačči d nekk, ahat d yiwen iran ad yerwi tagnit.
E.A.M.