Sliγ i wabbuh n tutlayt ḥemmleγ, deg-s tezga tettsawam lmut.
Tenna di tendict ttwaṭṭfeγ, γef yefṛax rẓaget tefsut.
S anamek n waya a ken-ssiwḍeγ, atah ad tẓrem dacut:
Tunḍa di tuzya ur tεeggu, nettemyuṭṭaf yid-s afus.
Yal iḍ ad nenced agu, ṭlam ad yebges agus.
A tafat ur ttargu, tedmeḍ tufra γef wammus!
Nezga nessugut awal, nettales ur nettseḍḥi.
Tikti taqbuṛt deg-neγ temmel, deg-s nezga nmeḥḥeq nreḥḥi.
Amaynut yurğa a t-nmel, asnulfu-s ur d-aγ-yerḥi.
Nules i yeγsan asebbi, rrebg γer tagust i t-nedfeṛ.
Deg teglimt yeqquren ntebbi, ulac anwa i γ-yennan wexxaṛ.
Yugi ad yeččaṛ irebbi, n wid d-inefqen amesxeṛ.
Γas d tabγest tufẓa ineẓman yerna tlul-d deg tεebbuṭ n tmussni.
Mar a kkawen deg-i imetman, ur s-sriγ s wudem-nni.
Seg Muḥ Wemḥend γer Sliman, ulac win d-yeẓra igenni.
Ay asirem ur d-aγ-t-tekkes, siwel-as kan ad yestufu!
A mmi-s n tafat neγ n tmes, ttxil-k ay awafu!
Γas ma yessaweḍ-aγ-d netteṣ,tamuγli ad teddem asafu.
Win i kem-yessun di tefsut, s ye-s i tesεiḍ agḍi.
Deggeṛ-as tubrast a tazeεruṛt, ssiweḍ-as γef tikkelt timiḍi!
Fell-am yesḥaḥay lmut, deg iweryan ur d-as-neddi!!!
War isem