 | | |  |
 |  |  | |
|
|
|
36 tsaεtin deg At Maεuc 36 tsaεtin deg At Maεuc « Utrunen » d tiγremt n yetran neγ d tawrirt yetttwattun? D wagi i d asteqsi ara d-yeγlin di tedmi n kra unerzaf ara yerzun γer “Truna” At Maεuc, imi tamuγli-ines tamenzut ad twelleh γer ccfer n tqacuct n wedrar anda d-tezga taddart n “Utrunen”; aγaram yegren irebbi i yetran, dγa ma yesla yes-s d tilemt, unagen ğğan-tt imezdaγ-is, dinna kan a d-yemmekti tawrirt yettwattun ( Ula d tadyant “Tawrirt yettwatun” i d-yerra d asaru Εebderreḥman Bugermuḥ seg wungal n dda Lmulud At Mεemmer dinna i yemmug). Ma d wid i yi-yecban a d-mmektin daγen: Aγaram n tγerma n “Yeztikiyen” akk d “Maya” yellan di Miksik neγ tadyant-nni n “Aneggaru n Muhikun” yiwen wedrum n Ihendiyen izeggaγen n Marikan … Maca, i wakken ad yerzu γer din wemdan, tlaq kra n sebba ara t-yawin, am wakken i γ-teḍra i nekkni; imi tinubga γer tafaska umezgun i tessudes tiddukla “ Imnayen n tγerma “ n Truna i γ-d-yefkan tagnit i γ-yessulfen akken ad nili dinna. Ula d tamezgunt “Bu tcacit ulac-it” ara d-nurar dinna deg-s yiwet tezgart “Ameḥbus di Kayan” i d-yettweṣṣifen udem n taddart-agi: “Asmi i yeεya deg-s lhem, yessezri (yesεedda)-id ayen i s-yuran di twenza-s, yuγal yerra-t-id uγerrabu (lbabur)-nni amellal γer wansa t-yeddem. Yekker ugeswaḥ-nni yuli γer taddart. Taddart-is tezga-d deg yiwet tqancurt, sufella n tqacuct n wedrar, ma trefdeḍ aqerruy-ik akken a tt-tessikdeḍ ad ak-teγli tcacit, axaṭer mazal-as sebεa turdas d wezgen ad taweḍ asigna...” Iḍ n wahad ( larebεa) 1ru di γuct 2007 γef 23 (t) 41 i yezlez yes-neγ “ufurgu” n Εacur amenhar i γ-yettawin yal tikkelt mi ara γ-d-yeγli webrid γer tmurt. Akken i newweḍ ad nekcem γer temdint n Mestγanem yesseḥbs-aγ-d ubaraj amenzu n iğadarmiyen, nnan-aγ-d “Abrid yergel, yessefk ad tekkem d Rremka”. Akken i nuẓa cwiṭ akin, yebda Ḥamid Baḥfir: Isem-agi n “Rremka” yekka-d seg wawal amaziγ “rran akka”... dγa leqqmeγ-as-d awal nekkini : am “ Knan da” di Ttyaret, “ Tizi” di Mεeṣker, “Targa”, “ Εin –Tasa” di Tmuccent.. Awal yettawi-d wayeḍ, abrid simmal yettiγzif irennu, yettnejbad am lastik... Taddart tettak-aγ i tayeḍ, tamdint tettak-aγ i tayeḍ... Γilizan (Iγil yezzan), Cclef, Εindefla, aql-aneγ di Lexmis n Melyana, neḥbes dinna, wa yeswa tafenğalt n lqahwa, wayeḍ yesmenyaf tagazuzt neγ tagaṭut... Neṭṭef abrid, tikkelt-a tanila-nneγ d Dzayer mačči d Berwagiya am tanumi, acku yettrağu deg-neγ umeddakel-nneγ Muḥend U Remḍan Εebdenbi di Ttniya, akken ad neglu s yes-s a t-nawi; akken i yella lḥal, nufa-t yettrağu γef 6 n tṣebḥit n wass n wemhad (lexmis) 03/08/ 2007. Nkemmel abrid-nneγ d alammi d “Allaγen”, nekcem γer lqahwa i d-yezgan ger iberdan: ayeffus yettawi γer At Rẓin d Yiγil Εli, yettkemmil γer Berğ Buεrariğ; wayeḍ yettawi γer Weqbu alamma d Bgayet. Akken i d-neffeγ si lqahwa, neswa, nessared s waman isemmaḍen i d-neffi seg yiwet tbernint (“tasebbalt” akka i s-neqqar dagi deg Wehran) yellan di berra, neṭṭef abrid-nneγ γer Weqbu, ssyen nerra yeffus, nuli γer Sedduq taddart n Ccix Aḥeddad, agrawliw i inufqen mgal acengu Afransis, seg Sedduq γer Truna, attan d 10 (t) 40 n ddqayeq; aql-aγ deg wexxam n yelmeẓyen, kra seg-neγ kkawen-asen ifadden, qqimen dinna steεfan, ma d nekkni nerra γer tzeqqa n tmeγriwin anda ara nurar tamezgunt-nneγ γef 20 (t), nesbedd tadlegt (ddikur), nuγal-d; dγa d akud imekli. Nessared, nečča imekli, d akud n westeεfu; nessa-d imeṭreḥḥen di lqaεa, neẓẓel. Γas neεya, ansa ara d-yekk westeεfu imi ulawen-nneγ ttwacudden γer temlilit n teqbuct n Tefriqt gar JSK d terbaεt n Tunes. Akken tebda temlilit, tugdi tekcem ulawen! Iban usigna-s tekkat, mačči d JSK -nni n zik i nessen akken, tura kecmen-tt-id wiyaḍ (“tamurt a tt-zedγen wiyaḍ” i yenna Si Muḥend U Mḥend). Iruḥ wul ad yekkes lxiq yufa leḥbab d imuḍan, JSK-nni tettwarna s sin yeswiyen γer wulac akken t-qqaren di rrradyu tis-snat. Taggara, ur ngin ad nesteεfu, ur terbiḥ JSK ad nezhu... Attan qrib d 18 (t) d lawan ad nali γer tzeqqa n tmeγriwin anda ara nurar, maca, yessawel-iyi-d yemceyyeε n rrradyu Ṣṣumam akken a sen-mmeslayeγ s tilifun γer stidy n Bgayet; mmeslayeγ-asen γef terbaεt “Tigawt d wawal”, fkiγ-asen agzul (“tukkist” akken i s-qqaren deg wesmel imyura.net), mmeslayeγ-asen daγen γef tfaska-yagi umezgun i d-yettilin di Truna. Nekk kfiγ awal, imeddukal-nneγ ffγen-d si lqahwa, d abrid γer wadeg (amkan) anda ara neg allus (repetition)-nneγ aneggaru qbel ahanay (spectacle), acku yessefk a s-nefk azal-is i umezgun, mačči imi kan i tella temsizzelt neγ amsizwer. Akken nekfa seg uheggi-nneγ, d tuγalin γer wexxam n yelmeẓyen anda ara nečč imensi. A ziγ d tiremt tamensayt (repas traditionele) i γ-budden yemsuddsen « Tikerbabin neγ tikwerbabin» maca, kra seg-neγ ur ssinen ara tiremt-agi, ladγa imeddakal-nneγ n Tizi-Wezzu, ddeqs i neḍsa fell-asen... Yekfa imensi, yekfa wesqecmeε, yewweḍ-d lawan n tidet, d tuγalin γer wanda ara neg ahanay-nneγ. Tazeqqa teččur, trekkem s uzayez (lγaci), nelsa timelsiwin-nneγ, nhegga-d iman-nneγ, mmeslayeγ-d cwiṭ i yemhanayen (imferrğen) γef terbaεt-nneγ akk d tmezgunt ara d-nurar, ssyen nebda turart. Akken nebda ters-d tsusmi, lγaci d wid yessnen amezgun, imi uγen tanumi s yes-s, d tagi i d taẓrigt tis-sa (7) n tfaska-yagi; anda tella teḍsa ḍsen, anda gzan yella kra n yizen ini wwten afus, ceqqren… akken alammi yekfa uhanay-nneγ. S tidet kan nurar akken i wulem, nga akk i s fell-aneγ. Ssyen nekkes tadlegt, nelsa iceṭṭiḍen-nneγ neṭṭef adeg-nneγ gar uzayez akken ad nwali tamezgunt-nniḍen “La poudre de l’intelligence” (“takka neγ aγebbar n tegzi” wissen ma nezmer a tt-id-nessuqqel akka?) ara d-turar terbaεt “Tafsut” n Mεetqa. Aḍris d ayen ibanen n Mmi-s Ukabluṭi (Kateb Yasin), ma d tiririt s asayes n Saduqi Kamal akk d Muzarin Ṭareq. S tujjma meqqren i la nettrağu tamezgunt-agi; maca, newhem nezzeh imi d-tella s tutlayt n Mulyar mačči n Muḥya, yernu d tafransist-nni n “ Laṛgu” ( Leqbayel n Wehran tgen amezgun s teqbaylit, wid n tmurt n leqbayel tgen amezgun s tefransist neγ s taεrabt —teḥḍer-d tinna akken : “ aεudiw n baba d jeddi rniγ rrekba n deffir”!!!); dγa yennerna wewham-nneγ imi ḥebsen turart-nsen,di ddqiqa tis-25, sebba: “ Neεya, nusa-d si Mεetqa” akka i d-yenna gma-tneγ Kamal Saduqi!!! D acu ara d-nini nekkni i d-yusan si Wehran?! S tidet kan: si tama n tririt s asayes tgerrez nezzeh, imi yettuqqet deg-s wesnalil (asnalil = Chorégraphie). Ahil n yiḍ-a yekfa, d tuγlin γer wexxam n yelmeẓyen anda ara ngen. Nkemmel-as s uqeṣṣer, yuγ lḥal nennum aεeẓẓer d εawaz... alammi qrib d tafrara, kra seg-neg serden deg wusu, ala nnefs yettali yettader (amedya umeddakel-nneγ: Yugurṭa Buridan, wagi dγa d lεula n yiḍes), yettwakkes unezgum uhanay-nni, am win ara d-yekksen tuγmest. Azekka-nni n sem (lğemεa) 03/08/07 nekker-d, kra seg-neγ ur ṛwin ara iḍes imi drus i gnen, maca, yessefk a d-nekker, acku γef wakken nesla a d-tili tuffγa umerreḥ γer taddart n Wutrunen taqdimt i d-yezgan di tqacuct n wedrar am wakken i tt-id-nebder yakan; taggara ur d-telli ara tuffγa-yagi imi ur d-yusi ara umenhar ara inebbhen lkar i d-tefka tγiwant. Azgen n wass iruḥ, nessezri-t-id gar lqahwa, alluy d tidrin deg iberdan akk d urağu... Tewweḍ-d tmeddit, aql-aγ akk di tzeqqa n tmeγriwin, d lawan n termest n wemdal n tfaska. Tnam (tebda) s wawal usenṣef akk d tikci n wahil sγur imassayen n “tiddukla Imnayen n tγerma” imi d nutni i d imsuddsen n tfaska-yagi. Niqal a d-tas talilt ( chorale) “Tiγri n Tiwal” (« Tiwal »-agi ma ur zgileγ ara d taddart n gma-tneγ Akli Qbayli, neγ “Azwawi” akken i t-yeqqar netta), taggara ur d-tusi ara, γef wakken nesla tekker tmess di tama-nni; ula d imassayen ( imḍebbren) akk d wunṣiben yiwen deg-sen ur d-yejbi!! Ssyen neḥḍer i tmezgunt “Babur γreq” (deg yezwel kan i tcuba tamezgunt n Sliman Benεisa, wamag ur tesεi kra n wassaγ γur-s). Tamezgunt-agi tella-d s umata s teqbaylit, ma nekkes kan kra n tezgar s taεrabt; tgerrez γef wakken tt-id-uraren imariren n terbaεt “Amnay n Truna”, ladγa imi d wagi i d ahanay-nsen amenzu, ssyen yettunefk wawal i inebgawen: Tiddukla Numidya n Wehran, Tiddukla Itri n Weqbu, Tarbaεt “Tafsut n Mεetqa akk d kra inebgawen d imettekkiyen-nniḍen... Ahh! D lawan n tmegra: d lawan n tikci n warrazen, anwi ara d-yufraren?! Tamawt: Ur cfiγ ara i wumi ttunefken akk warrazen, acku ttekleγ a yi-d-fken umuγ (liste) n wid d-yufraren, wamag ad aruγ kan imiren; a yi-ssurfen wid zegleγ ma ur ten-id-bdireγ ara: --- Ttunefken sin warrazen usebγes, yiwen seg-sen i terbaεt “Tafsut” n Mεetqa, wis-sin ur cfiγ anwa i t-yewwin. ---Arraz n tmarirt tamyifit, ur cfiγ ara i wumi yettunefk. --- Arraz umarir amyifi, iḍer-d i yiwen si terbaεt « Tafsut » n Mεetqa --- Arraz n weḍris amyifi, ur cfiγ ara, maca, gar terbaεt n Buzeggan akk d “Asirem” n Cmini. --- Arraz n tririt s asayes tamyifit (meilleure mise en scène), yettunefk i terbaεt « Tigawt d wawal » n tiddukla Numidya n Wehran. * D azal azamulan kan i sεan warrazen-agi: Agerdas d kra n isefkan neγ tunṭicin, mačči d idrimen neγ d ayen meqqren. Tekfa tikci n warrazen, d lawan n “lgaṭu” akk d “lgazuz”, ssyen d awal n taggara n wemdal n “teẓrigt tis-sa (7) n tfaska Εezzeddin Meğğubi” sγur uselway n tiddukla “Imnayen n tγerma” (Lεerbi Bekkal). Taggara, d ccḍeḥ s tezlatin n Muḥemmed Εellawa, di lawan-agi dγa i yemmeslay umeddakel-nneγ Tufiq Εemmuc i rradyu Ṣṣumam. “Yeqqreṣ ṭṭbel yefra wurar” akken qqaren. Tekfa tfaska, d tuγalin γer wexxam n yelmeẓyen, nečča imensi, nqeṣṣer cwiṭ d imeddukal-nneγ n tiddukla timsuddest akk d kra inebgawen yettekkin di tfaska. Am yal tikkelt, anida ara nerzu, qqaren-aγ-d akk awalen-agi: “At Numidya n Wehran keccmen γer wul, teshel yid-sen teywalt...” Ah! D lawan n rrwaḥ, nejmeε-d akk igerwizen-nneγ, nerfed akk s tezlit-agi n Yidir: “Yeḥḍer-d rrwaḥ ad nruḥ Tabalizt ger ifassen Qqimet a leḥbab beslama A widak i γ-iḥemmlen Ma tella teγzi n leεmer A d-nuγal γer da γur-wen Ma yella wanida i γ-teččur Ssmaḥ deg wulawen” Nuli γer “ufurgu”, neddez-d iberdan-nneγ. Ters-d fell-aγ tsusmi, wissen ma si lefraq n watmaten-nni-nneγ i neğğa di Truna neγ d amekti i d-nemmekta Wehran?! Aql-anaγ di Ttniya, neğğa dinna ameddakel-nneγ Muḥend U Remḍan Εebdenbi, nkemmel alammi d lexmis anda neswa leqhawi. Ssyen d alammi i newweḍ gar Γilizan d Mestγanem i yeḥbes umenhar-nneγ Εacur, igen cwiṭ yesteεfa; di tegnit-agi i yekker weskasi gar Ḥamid Baḥfir d Tufiq Εemmuc (amezwaru si Lberğ Buεrariğ, wis-sin si Tizi-Wezzu): anta taqbaylit i iṣeḥḥan, d tawwurt neγ tabburt? Amecṭuḥ neγ aṭiṭuḥ/ abezṭuḥ? Aqjun neγ aqziḥ?...Nkemmel abrid-nneγ alammi i d-nekcem Wehran, Tufiq Εemmuc yers di Sidi Lbacir, Ḥamid Baḥfir yers di Bir Lğir, ameddakel-nneγ (amaẓuẓ n terbaεt-nneγ) Maziγ Reğdal yuγ lḥal neğğa-t di Sedduq γer xali-s ma d nekkni aql-aγ tura deg usideg n tiddukla Numidya di tlemmast n temdint n Wehran iγer newweḍ γef ssebεa n ṣṣbeḥ n wass n sed (ssebt) 04/08/07. Tamawt: Taẓrigt tamenzut n tfaska “Εezzeddin Meğğubi”, tella-d deg useggas 1999, ssyen teḥbes tfaska-yagi yiwen useggas ilmend ineḍruyen n tefsut taberkant, tuγal-d alammi d taẓrigt useggas-a (si 28/07 alammi d 03/08/07). Taẓrigt-agi tis-7 tella-d s uttekki n 7 trebbuyaε i d-yusan si kraḍet (3) lwilayat: Bgayet, Tizi-Wezzu akk d Wehran. Atnad kra n wumlan yerzan tiddukla Imnayen n Truna—At Maεuc— i d-ilulen deg useggas n 1992: Tiddukla tadelsant Imnayen n tγerma Truna taγiwant n At Maεuc 0653O Bgayet Asmel-ines (werεad yewjid) : http. www.imnayen.com Agerdas-agi yettgensis arraz n “Tiririt s asayes tamyifit”
Ğamal Beεuf seg Wehran Asabter yellan deffir wa | Asabter n zdat
ayirat
- Tinin-is...Azul , nek ad asen-inniγ i watmaten-nneγ ittnaγen γef anta taqbaylit iseḥan ,ar γur-i tseḥa di yal tiγmert i-deg tedder ar ass-a xas mgaraden wawalen sya ar da ,awwi-d kan ur t-negger ara !
- Tinin-is...Azul,
si tama yennecṛaḥ wul imi llan wid yekkaten aqerdaṣ, si tayeḍ yeffeγ-d useqdiḍ-ik ay ul.
Nukkni s wid yunagen:
Nettaker adaṛ γer deffir, nettnnadi talwit.
Tεedda tmeγṛa ur neḥdiṛ, nesla i lbaṛud ur tenwit.
Yella kra n d tawil amek a t-kelsem taceqquft-agi?
Dacu n wuguren yellan?
Tanemmirt,
War isem
- Tinin-is...Riγ ad iniγ ( BU TCACIT ULACIT )
- Tinin-is...Azul fell-awen.
Ma tzemrem γas aznet-asen ( ssya seg ugensu neγ daxel n wesmel akken a sen-yishil unekcum, xerṣum simmal ar d nnamen) amgrad-agi i tiddukla-nni n Imnayen n tγerma, attan tella dagi tansa-nsen.
Ayen yerzan akelles n tmezgunt neγ n tmezgunin-nneγ, d ayen i yesεan azal meqqren, yernu nxemmem fell-a seg wacḥal-aya; maca, ma ad ttwikellsent akken yessefk, aya yehwağ adrim, Ma d akelles-nni kan n wesqecmeε... Ssutreγ si H.C.A akken a γ-d-εiwnen, aql-aγ nettrağu, wissen ?! "Akelles n yiwet tmezgunt n 1 (t) 30 ad yeγli s lewhi n 10 imelyunen , rnu lexlaṣ n rrekba, n tuččit d yiḍes i lewhi n 10 wussan " Akka i yi-d-yenna Meqqran Saεada , aqerru n tmennest ( tasenduqt) Numidie-film ( winna akken i igan asaru-nni " Yugurten").
Ar tayeḍ ihi
- Tinin-is...Azul a mass Benεuf,
yenna-yi wul-iw yakan d adrim i d ugur.
Acuγeṛ ur d-teggarem ara s teγṛi γef temsal yettaken anzi γer tigi war aseknu n uqeṛṛu i yal win neγ tin yesεan ul-is deg wemḍiq-is?
Atah ihi zwareγ-awen-d dagi, ad greγ tiγṛi i kra n win neγ tin ad yeslen i umeslub ur nesεi ara ula d isem am netta am medden:
Abbuh!!!
" BU TCACIT ULACIT" ad nini ad yekker wazal n ukelles-is s 20 imelyunen n Lanjiri ( wissen ma ad qidden??? ).
Lemmer ad ilin 20 n yemdanen ad yefken azal n 110 n yuṛuten i yiwen, tefra temsalt.
Nekk aql-i d amezwaru ad ffkeγ 120 n yuṛuten.
Ihi win neγ tin iran ad ffken afus, ad rnun iman-nsen deffir War isem, mi nessaweḍ azal-agi d-udreγ usawen, ad afeγ d tawil amek ad nessemlil ayagi, annecta mačči d aγilif.
1)- War isem 120,00
2)-
3)-
4)-
...atg.
- Tinin-is...Azul fell-awen
A d-nemmekti, a d-nesmekti !
Ass icuban iḍelli ( 17/08/07) i tedreg ( tɣab) fell-aɣ i lebda weltma-tneɣ Fuziya ( isem-is n tidet “ Zakiya”) Ɛeggad, truḥ akken d lall n 35 iseggasen deg usemmud ( leɛmer)-is. Weltma-tneɣ Fuziya d tamedyat, teqqar tamaziɣt deg tiddukla Numidya, asirem-ines d aḥerfi, maca, meqqer: Bɣiɣ ad uɣaleɣ d taselmadt n tmaziɣt” i tezga teqqar lebda. Teḍfer yemma-s (Nna Karima) i yunagen ɣer wexxam n taggara sellilindi (di 2OO6). Tḥulfa aṭas s lefraq n yemma-s, acku tella d tameddakelt-is mačči kan d yemma-s; akken i d-ttdukulent ɣer yal armud ara teg Numidya.
Yegra-yi-d kan ad knuɣ zdat yimanen-nsent, u ad asent-iniɣ ṭṭsemt di talwit a sut nnif, wamag yeshel ucebbeḥ n wawal, maca:
“Asmi yella yedder
Yectaq aɛeqqa n ttmer
Yemmut ɛellqen-as aɛerjun” I yenna ucennay Weɛzib Muḥend Ameẓyan.
Ǧamal
- Tinin-is...Azul a gma-tneγ War isem. Qqaren " a wi yufan yiwen d nekk, wayeḍ am nekk" maca, nekkni meẓẓiyit, lecγal n taddart meqqrit.
Tanemmirt.
* A d-tili yiwet tmesbanit neγ agraw ameqqran (sit-in) deg TUNFIYT( di Merruk) ass-a n 18- 08- 2007 γef 10 N ṣṣbeḥ. Iswan n wegraw-agi: Ibeddi mgal takriṭ d wetεeddi γef imeγnasen n tmaziγt. Asuter userreḥ d berru imeγnasen n tmaziγt yettwaṭṭfen sγur yemxazniyen n Merruk.
Aql-aγ yid-wen.
Ğamal Benεuf seg Wehran
- Tinin-is...Azul
--- Ad naf deg umagrad-agi (yellan i usawen”36 tsaεtin deg At Maεuc”) yiwet tuccḍa neγ agul: “amhad (lexmis) 03/08/07” ata wamek i yessefk ad yili: amhad ( lexmis) 02/08/07.
--- Daγen di tinin-inu : Ur d-mliγ ara melmi ) i temmut weltma-tneγ Fuziya, atan ihi : ilindi ( ass n 17/ 08/07).
Tanemmirt
Ğamal
- Tinin-is...I War isem
Ɣas akka ddreɣ di Wehran
Ul-iw atan di Lpari
Kra i d-tbedreḍ seg imukan
“ Kakubaṭru”, “ṣanhaws”akk d “Paradi”
Di ccfaya-inu ur d-gran
Tirga-w d « la plaṣ Klici»
Mačči d ccbaḥa n « la ssan »
D NETTAT i nebɣa ad nwali
Ssi Wakli neɣ wi t-yecban
Agezzan-iw d keččini
Niɣ teẓriḍ d acu i iyi-yuman
Ini: “aḥlil” ur ttɛekki!
Ul-iw yecba abendir
Yekkaten s zzhir
Almi s-qqerṣen yenzizen
NETTAT tucbiḥt am yetbir
Ur yi-d-turi, ur yi-d-theḍir
Teǧǧa-yi ger yemnaren
A ṣṣellaḥ n Bubhir akk d Lemhir
Aql-iyi di lḥir
Rruḥ-iw idub dayen
A War isem ay amsefru
Aql-anaɣ nettru
D kečč kan i d-nettcawar
Lemmer d tamsalt n lellu ( aṣurdi)
A s-neg « likutiẓasyu »
Ttaḍamun s ucekkar
Lemmer d tamsalt n wefru (ajenwi)
Ad neg « liẓar marṣyu» (Les arts martiaux)
Brisli ad yewwet tiqqar
Imi d NETTAT-nni i nettɛuzzu
Deg-i tettɣunzu
Tedda d uɣumi i itetten imqerqar ( ligrunwi)!
Mmi-s n Wemsed-1
- Tinin-is...Qqaren: “ yella wexxam yetthedden, yekcem-it-id bu yefden” Yerna-d ula d Dda Qiqi di twenza-w, d ayagi kan i yi-ixuṣṣen!! Llant kra n temdanin ttɛuddunt d jjwaǧ kan i yi-ixuṣṣen! Ur ẓrin ara belli ala jjwaǧ I isehlen akk di tlufa, imi ula d amcic yejweǧ, yesɛa dderya.. La yeqqar daɣen “ tamaḥḥat” am wakken tayri d tamaḥḥat kan, daya. Ur yeẓri ara yezmer ad yeddu rruḥ-iw d tmaḥḥat-nni ara yi-d-tefk, acku tamaḥḥat n tayri tuɛer!
Ttɛudduɣ iman-iw ala nekk I d aqerruy n texsayt, a ziɣ akk d iqerray n texsayin i tellam! Anda-ken ay at leɛraḍ!!..
« Ayen d-nniɣ fehmet a medden
Mačči d tin bɣiɣ
Iɣef ttkawen ifadden
Ayen d-ttmesliɣ
D ayen akk nniḍen
Deg wul-iw ẓriɣ
D acu i yi-iḥerqen” I yenna Lewnis ( ussan-a Mack n wewdiɛ yečča lkarbir, netta ur iḥemmel ara Lewnis, nekkni nesker-as ddḥis. Ḥqa ! A wen-d-mleɣ amek ḥṣiɣ Nettat-agi mačči d Newwara: NETTAT-agi tḥemmel Lewnis, m txenfurt-nni n Newwara ur t-tḥemmel ara, tezga teqqar: akken i d-yenna Mack, Mack yenna-d, Mack a d-yini…. Werɛad ara d-yenṭeq a d-tini “yenna-d Mack”! Yernu ar tura werɛad i d-yenni kra!! I Winna ḥqa d tidet ibedd-d d « adipiti » deg wumuɣ n RND, di lvuṭ-nni iɛeddan? Amnet tura likapičču!!)
Mmi-s n Wemsed-2
- Tinin-is...Kra n yesteqsiyen i NETTAT:
--- Amek alammi tessneḍ aɣumi-agi i tuɣeḍ neɣ i kem-yuɣen: D netta I kem-igubren neɣ d kem i t-igubren?
--- Tesɛiḍ yid-s neɣ yesɛa yid-m dderya neɣ yugi-yam dderya-m ( yugi zerriɛa-m)?
--- Tuɣeḍ-t ilmend n yedrimen, ilmend n lekwaɣeḍ ( rrizidunṣ), neɣ tebɣiḍ a d-terreḍ ttar si Leqbayel ( ahat ikellex-am welbaɛḍ inelmaden n tesdawit di Buzerriɛa, yeǧǧa-kem ur kem-yuɣ ara)?
--- Tetturiziḍ ( teǧǧiḍ Abu Hurayra, tḍefreḍ Timuti), neɣ tgiḍ taɣelnawit n Fransa, neɣ mazal-ikem d “taklundistant” ma mazal-ikem teddreḍ di tebrek , melba lekwaɣeḍ atan yuḥnan-d “ jun Mari Lupan, s kra n win yebɣan a d-yuɣal ɣer Lenjiri a s-yefk 6000 Iyuruten ( lewhi n 60 imelyunen n Lanjiri).
--- Aɣumi-agi-inem wissen ma yeẓra ayagi: Tamurt-is “Ffaffa” teḥqer agdud “ABRUṬUN” d wegdud n “KURṢ” ( sik ulac “ ligaliti, fraterniti d liberti--tagada, tagmat d tlelli--) ?
--- D acu-tt tayri neɣ leḥmala ɣer ɣur-m kemmini?
--- D acu uwellih ara tefkeḍ i teqcicin-nneɣ i yettaɣen iberraniyen ( nekk mi ara ẓreɣ taqbaylit yuɣ-itt waɛrab, ttaṭṭafeɣ s waddud amzun d nekk i yuɣ mačči d nettat!)
---- D acu twalaḍ deg Mmi-s n Wemsed:
D aqbayli n sservis, d asufaǧ, d aqerruy n texsayt, d ameslub, d afuḥan, d ahwawi, d wi ur nefri..?
--- Acimi i tsemmaḍ i yiman-im “ YIR NETTAT”:
Tessetḥaḍ s yiman-im imi tuɣeḍ Aɣumi, tḥemmleḍ wayeḍ teǧǧiḍ-t di tmurt kemm trewleḍ ɣer Lpari, neɣ imi tettaruḍ deg “imyura.net” alammi txulḍeḍ yir imdanen akka am nekkini?
---- D acu twalaḍ deg War isem-agi?
Aql-i ttrağuγ tiririt
Tanemmirt-inem a Taɛzizt
Mmi-s n Wemsed-3
- Tinin-is...salam llah aalaykum ya ixwani
Akken ttmuquleγ γer beṛṛa lehwa tekkat γas ma yella aqlaγ di Γuct; yeγli-d fell-i leḥzen di lbiru nniγ-as Welleh ar nẓerr d acu i yellan deg wesmil!
Ziγ ddeqs umeslay i d-tewwim fell-i; yella wayen yelhan ; yellan wayen n ihwah.
war isem igerrez-d ameslay ma d Mmis n Wemsed yuγ-itent ;inṭerr nezzh; a s-d-yefk Rebbi ccfa.
Hatta tmacahutt-iw:
Lliγ d tanelmadt di Buzerriεa , sin γur-s usiγ-d ar Fṛansa ad kemmleγ taγuri.Lliγ ḥemmleγ yiwen weqcic armi d asmi i s-nniγ atan rran-iyi-d di tseddawit n SAint Denis, iffeγ-it leεqel .Kkes-d d acu ur yi-d-inni.Σeṛḍeγ a s-d-sfehmeγ tamsalt, yugi.
Asmi d-wwḍeγ ar dagi, di tseddawit,mlaleγ-d yiwen unelmad d anuṛmun(normand) ukud zdiγ ddeqs n tmuγliwin i yi-ṣṣawḍen armi t-ḥemmleγ.
Aqlaγ nettidir lwaḥid; ittqadaṛ-iyi,ifka-yi azal xiṛ ubiṛbiṛ nni amenzu i ssneγ di tseddawit n Buzerriεa.
I mmis n wemsed; kkes aγbel; γur-i lekwaγeḍ yernu xeddmeγ di l'UNICEF.
Seg wul zeddigen am waman!!!!
Teẓriḍ d akken awal agi AJENWI yusa-d seg wawal "GENES" tamdint n Ṭṭelyan.Imi laṣel n tefrut agi d tamdint agi n Gênes.
I kenwi ay atmaten !!
Anta-tt Newwaṛa yagi i-γef d-ttmeslayem?????
- Tinin-is...azul
ttuγ ur d-uriγ ara isem-iw.D nekki ,YIR NETTAT
- Tinin-is...Azul
Ayyuz nnwen a yiqbayliyen d teqbayliyin n Wihran!
Ddut kan ar zdat...
g.t. Mmi-s n Wemsed yugar asurti!
Yeẓra yawk win/tin yefγen, win/tin i d-ikeccmen. Yeẓra d anwa ay d netta u yeẓra anta ay d nettat. Yeẓra ula d anwa ay d nettat ...arnu ar tagara!
Maca yekkat tira am uqemqum. Yettrebbib tikwal, maca yeğhed uẓar-is. Ḥerred yid-es ma yella tettḥerireḍ-ed kečč!
- Tinin-is...Azul fell-ak ay Amnay ! ur k-yuγ wara ? amek tettiliḍ?
- Tinin-is...Azul fell-awen (t)
Netta-agi,temmekta-d asmi tella s lḥ ijab di Buzerriεa! La m-yeqqar Mmi-s n Wemsed: ass n ssebt uγal γer teγmert-nni anda nennum nettqeṣir nekkni d War isem. Ass-a ur yestufa ara, iruḥ ad isew kra n tsemmaḍin, azekka d taẓallit ur xeddmen ara isibaren, ihi ur tettu ara ass n ssebt, a d-tafeḍ tiririt-ines. Tanemmirt imi i s-d-terriḍ i isteqsiyen-ines, γas tettuḍ kra seg-sen. Yegra-yas-d yiwen kan, atah: i lemmer d kemm i t-iḥemmlen mačči d netta i kemm-iḥemmlen d acu, amek ara txedmeḍ?!
I Amnay
Tuγaleḍ-d si ssinima, d acu usaru i teẓriḍ, i teqbaylit-nn-inek tedda?
Azul a mmi-s n At Iraten
Ansi-k seg Iεezzuzen?
Iles ( iles unṣib n Mmi-s n Wemsed)
- Tinin-is...Azul,
S yixef-iw ma zemreγ ad ssusmeγ, terwim-iyi ay imcumen!
Ffrut timseεṛeqt-nwen, aneft-iyi ad lhuγ d warraw-iw ttxil-wat!
A mmi-s n Wemsed,
rradma yekfan ad ternuḍ tayeḍ ay ageswaḥ.
Ccaw lliγ rrfiγ fell-ak, acku nniγ-as i wul-iw: Wali kan tura timint-agi, ur yegzi tren, yegzem asirem tura dayen, atan yerratt sakin i yir ameslay ( teḍra yid-s am wuccen ddaw tara m´akken ur yezmir ara ad yekkes tiẓurin) yerna kra nessuli deg useggas, yeγḍe-it deg yiwen wass.
Maca tura akka ttwaliγ d nekk i d timint imi γilleγ εeddan fell-ak izaylalen.
Ihi tura ad wwteγ azrem s aqeṛṛu, m´ulac ad itezzi ad yettwernenniḍ, ad yuγal s aqeṛṛu-w:
Mi d-ak tenna WAR ISEM igerrez-d imeslayen, kkes anezgum i wul-ik, mačči d aḥemmel i d-it-ḥemmel!
A mmi γas ssefhem-iyi, awal yeḥwağ asefru!
Tufa iman-is s lehduṛ-iw, acku nekk maleγ ataṣ γer tama-k ay ameεlal, nettat tḥemmel-ik nnig w´akken i tt-tḥemleḍ ahat
( Dda Ğamal atan yemmeslay-d yakan γer tmeṭṭut taqbaylit d iḥulfan-is ).
Nekk ma nniγ-ak kkes anezgum, acku γas ḥulfaγ tesεiḍ deg-i ttiqa, maca kečč d uccen yerna ttwaliγ-k amzun d Umerri iluled
tikkelt tis snat, yecfa dacu yeḍran yid-s, ihi ul-ik ata w´akken icennu:
" Anda triḍ a Ḥmed tiliḍ, ur tett γer yiwen imensi!
Di tesraft ur tγelliḍ, ur k-bernen tiyersi!".
Tura ad uγaleγ γer lehḍur-nni γef tγeṭṭen ( wissen ma tesneḍ tamacahut-agi):
Nettat-ik a k-teqqaṛ tessaked γer beṛṛa, γas ma d agur n γect yekkat ugeffur ( Lferḍusi " amedyaz afarsi" ur yettaf ara imeslayen-agi).
Dagi a s-teqqaṛ i Uγumi deg ul-is:
" Mi d-i-tenniḍ a m-d-uγaleγ d aqbayli.
Mi d-i-tewwiḍ teṛwiḍ nnefxa fell-i.
Ad ak-bruγ zdat jjuj n Nuṛmundi!
Kečč m´akken s-tenniḍ ayen akken d-nniγ fehmet a medden, mačči γef tin bγiγ i kkfan ifaddan.
Teqqaṛ-ak ihi:
" Ur d-iğğağğa, ur d-ittḥeṛṛim di ṣṣuṭ-ik!
Ur d-iğğağğa yak d rriḥa n lexyal-ik!".
Kečč tura ma d argaz i telliḍ, ccnu-yas akkagi:
" Tesḍelmeḍ-iyi ur ḍlimeγ, γas ḍelmeγ mebla lebγi.
Smeḥ-iyi akken d-am-semḥeγ a tin εzizen fell-i!".
Ssnecṛaḥ ihi ul n tmeṭṭut ay ageswaḥ akken ass ideg ad as-teqqareḍ wali kan anwa i d-iṛuḥen, anwa i d-yekkaten di tewwurt? a d-yili ccεeṛ-is icab seg-k, a t-meččeḍ deg iseqqif,
ad tberren deg iduḍan-is, ad teffer deg tyajuṛt m-12 n texjiḍin.
----------------------------------------
G.M.
Mack γas tenniḍ ur iḥemmel ara L.A.M, ahat yella waya, maca
ulac melmi d-yenna ur tehi ara twuri-s neγ ur yerni ara ccan i yedles-nneγ.
- Tinin-is...Telha tmacahut-agi n mmi-s n Wemsed d wul-is, maca ur yessefk ara ad yettu wemdan tiγṛi-nni d-greγ usawen.
" War isem ur yegzim ara asirem"
- Tinin-is...A mmi-s n Wemsed, acuγeṛ yekres wenyir-ik?
Anyir tekrez-it tayri, teẓẓa iman-is yir nettat.
Lammer di twenza ur turi, tayri-agi ur nettmettat.
Talli γas tasa tefruri, teqṛeḥ am webruri,
mi d-yeffeγ yiṭij yeččat.
Acuγeṛ knan-t tuyat-ik?
Amek ur kennun-t tuyat-iw seg weḥnunef di ssiber?
Taxsayt-a n uqeṛṛuy-iw yeεya deg-s ula d ssbeṛ.
Deg uselkim teẓẓuγ allen-iw, tezleg temgerṭ-iw,
Ini i uneṭṭab acuγeṛ.
Ayen ifaten yemmut.
Nessarem a n-ssifilizi, i usirem tadist teγṛi.
Lexyal n Ccu n Zilizi, yal iḍ yettased γer γuṛ-i.
Ukiγ-d leεqel-iw yezzi, γer Bgayet, Tizi
d Tubiret greγ tiγṛi.
Acimi tettγamaḍ γef yiri n lkanun?
Terriḍ-iyi agma d ccγel, ihi atta tidet tura:
S times ttarguγ asmel, asmel-nni n IMYURA.
Winna ahat deg-i yemmel, Wejtuṭṭi yerwel,
i Ḥemmu anida yerra?
- Tinin-is...Riγ ad aruγ: a gma mačči agma.
D lebda yekkat-iyi wugur-agi amcum.
- Tinin-is...Azul a Zizi War isem. Yesseεreq-aγ-tent Unurmundi-ayagi i d-yernan akka. I wumi ara d-rreγ tura ? I kečč, i Nettat i i yettγewwlen ( "yettγebblen" i yeqqar Dda Lwennas) am tlafsa, neγ i Unurmundi i yettgallan ad yexlu Lḥasi? Ihi ara azekka kan.
Tanemmirt s waṭas ay ameddakel
Mmi-s n webṣel
- Tinin-is...Azul
Amarezg-nwen tḥewwsem. Yal wa anda i iruḥ: Kunwi truḥem ɣer At Maɛuc, Amnay iruḥ ɣer ssinima akk d yiwet teqbaylit, War isem, Mmi-s n wefsed d Yir Netta ( yuɣ lḥal d yir nettat) zhan, rran-tt i uqeṣṣer; ala Winna meskin i d-yegran d awlawal ( d awḥid)! Ma yebɣa ( Winna) ad yeddu yid-neɣ nekk yid-s d Wejṭuṭi, ad nruḥ ɣer teftist n Madaɣ ad nɛumm
Guraya
- Tinin-is...Azul fell-awen
D acu i d anamek n wawal-agi Utrunen? Wissen d acu n wassaɣ i yesɛa ɣer yetran?
Ssarameɣ d arrac-agi n Utrunen ara yi-d-yerren
Bu ccfaya
- Tinin-is...Azul fell-awen
I War isem
D acu tt-yuɣen tagi, imi terfed akka taxenfurt-is?!
D wagi i d asirem iɣef d–ttmeslayeḍf, a War isem?!
D tagi i d tayri, a War isem?!
Iɣaḍ-iyi wayen akk i d-tessneɣleḍ deg isefra!
Tanemmirt
Aṭlas N At Wemsed ( am wedrar ibedd)
- Tinin-is...I Nettat
Azul fell-am
Qqaren “ Ad teɛqel Faḍma argaz-is” kemm, atan yeɛreq-am wergaz-im, neɣ d kemm i d as-iɛerqen, wissen?! Wagi, d ccɣel-im kemmini, mačči d ccɣel-iw, nekkini; maca, lemmer ur d as-tessneṭṭḍeḍ mmis ( mmi-s) i yisem-nni unurmun! A s-duɣaleɣ i waya, deqqal..
Tenniḍ: “ ma ulac ad ḥebseɣ tira deg wesmel-agi” !!!!
I tiniḍ-d : Riɣ ad uɣaleɣ ɣer wesmel “ Lbehǧa” i d-tesnulfa tmeddakelt-inem “ Xalida Tumi—Mesɛudi, zik-nni”, ilmend n Dzayer tamaneɣt n yedles Aɛrab. Xuḍi ɣef wakken ttwaliɣ tejjmeḍ nezzeh tallit-nni ideg telliḍ di “ UNFA” d “UNJA” n tesdawit n Buzerriɛa, neɣ amek ara nefhem taɛrabt i ɣ-d-tezzuɣreḍ ɣer wesmel imyura: Ya ixwani, ma neɛref-k, ma tteɛref-ni!!! Ma d tafransist-inem, dayen ibanen: “ Tensa yiwwas d iyuẓaḍ, tekla tesqaqay”!
Asteqsi: Seg melmi akka i tebdiḍ tettṣetḥiḍ, i wakken ad yizwiɣ wudem-is si leḥya ( kemm i wumi zur wudem)?!!
Teẓriḍ iman-im d yelli-s n mamma-s, teččureḍ d ttnefcic, ula kem-yewwin ɣer wayen iwumi ur tezmireḍ! Wi m-yennan qqen-d taɣyult-im ger yeɣyal?! Kemm, treggmeḍ yal ass deg yemdanen, trennuḍ treffdeḍ taxenfurt-im fell-aɣ!!
Yeǧǧa-d awal Dda Sliman Ɛazem, fell-as tamalla n Yakuc:
“Win yelluẓen mi yerwa
Ad yesɛu lǧehdd, lqewwa
Am ṭṭikuk di tefsut”
Akka i teḍra yid-m kemmini.
Ihi, xemmem akken yelha, terreḍ-iyi-d awal, a yelli-s n medden. Tesɛiḍ afran ( lxetyar) gar waya:
Ma s tiẓeṭ ara nemǧawab
Ilaq-aɣ ad nemḥabab
Lḥeqq-iw a t-ǧǧeɣ ad semmḥeɣ
Neɣ daɣen:
Ur ak(am)-ttiliɣ d asfel-ik (im)
Ɣas mmet neɣ ihlik
Ẓẓerb iɣer d-tegreḍ lqay” I yenna Dda Lwennas ( ameddakel igellilen)
Ma triḍ awer d-tuɣaleḍ, ala aḍar-im! Tuffɣa uberriq !
Aṭlas N At Wemsed ( am wedrar ibedd)
- Tinin-is...I Mass ( Mesyu) Nurmun
Kra n wi ɣ-ibudden azul
Ad nessenṣef ( ad nesserḥeb) yes-s seg wul
Ɣas ma nemgerrad di tikta
S nniya akk d lmul
Werǧin a t-nɣul
Imi ɣ-tesdukel talsa (humanité)
Azul a Mass Nurmun
S leqder d wazal meqqren s waydeg ara k-n-rreɣ ɣef yizen-inek; ssarameɣ a k-n-tezg ɣef wul tririt-agi-inu.
1) Imezdaɣ ( Leqbayel i d-ɛniɣ kan) n Lḥasi mačči d lehẓuẓ i llan, am Dday Ḥusin bu tesbaḥrut, akken a k-agaden. Lbumba-nni i yes-s ara ɣ-d-tewwteḍ attan deg wexxam-ik, ad tezwir deg-k, ad terḍeq ɣef uqerruy-ik ( anagar kan ma tefka afus deg watmaten-is!)!
2) Tameṭṭut-ik anagar ( ala) i yelhan i d-nenna fell-as; ahat aya yerna-d deg yiseɣ-inek.
3) Aẓwar d wecṭar, ayagi yrza-k kan kečč, d azref-ik ad tzuxxeḍ s tmeṭṭut-ik; yernu d ayen i ɣ-d-yessferḥen aṭas, imi d weltma-tneɣ i tella.
Ssarameɣ ahat kkseɣ aɣummu i wayen yedlen tidet; ssarameɣ daɣen qennɛeɣ-k, a Mass ( Mesyu) Nurmun.
Neǧǧa-k di talwit. Tanemmirt
Mmi-s n Wemsed
- Tinin-is...I NETTAT
Azul
D ayen tura, berka-kem imeṭṭi! Ad tuɣaleḍ ad tettuḍ, kra yellan ad iɛeddi am usigna-nni n wemwan (lexrif).
“Ma ɣelḍeḍ deg wayen ẓriɣ
Aql-i d lɛebd ay lliɣ
Ahat zeggdeɣ-as i lkil” ( Lewnis At Mangellat)
S wul zeddigen
Tanemmirt-inem
Aṭlas N At Wemsed
G.T: Azekka neγ sellazekka, a wen-in-aruγ izen-inu i tikkelt taneggarut, deg wesmel-agi akken a wen-ğğeγ adeg ay uḥdiqen
- Tinin-is...A mmi-s n Wemsed,
imi d-tebdiḍ macahu yerna azekka d tikkelt taneggarut
ad taruḍ i yir nettat deg wesmel-agi ( tansa n umayel-ik aderγal ur teffir ara fell-as ), ur tettu ara ttxil-k ssmektit-itt-id
d imeslayen-agi ukessar!
D tiririt tuklal γef ayen d-tenna γef usefru " A baba " n dda Ssεid.
Asefru γuṛ-m yettwaḥqeṛ, lamaεna nnig-m i iεedda.
Imi tkerheḍ acuγer i s-tessenγaseḍ di lqima?
Akken meẓẓiyeḍ i meqqer, annect texsiḍ i d-inewweṛ,
yessaγ-d iṭij γef tmura.
Kul uḥdiqr ar d-at-yesγeṛ, ayen yettu a s-t-idefekkeṛ,
ma d kemm ur tfehmeḍ ara!!!
- Tinin-is...A Bu cfaya a gma,
asteqsi-inek γuṛ-s azal-is, tanemmirt!
Maca γas ur d-ttafeḍ ara arrac n Utrunen dagi, yezmer ula d mmi-s n Wemsed a k-d-yefk afus.
Yak kečč d anamek n umeslay kan i tettnadiḍ neγ yella wayen zegleγ?
- Tinin-is...A mmi-s n Wemsed,
ttxil-k ur ssekcam ara iman-ik di temsal ur k-neεni!
Γuṛ-k anida tettawdeḍ Guraya yerna akken walaγ tagi d tameṭṭut d wawal ( ur d-tezzi ara imurar i idurar ), tekkat azrem s aqeṛṛu yerna teḥdeq.
Ssarameγ kan ad yer Winna s teγṛi.
Afud igerrzen a Guraya!
- Tinin-is...izulan!
Akken nexdem nεewweq; akken d-nenna mačči akkan!!D acu i ken-ihman ayatmaten?lḥiğab,unfa,xalida mesεudi:tesbubbem-iyi ayen iwumi ur zmireγ!!!A war isem tεemmdeḍ i waya?Tessusmeḍ, tefkiḍ deg-i afus?XXah fell-i , xxah fell-ak!!!!
Nra ad nezdi deg wesmel agi ayen yelhan: ad nemmeslay u ad nettaru taqbaylit meble timenqas akken ad tennerni, hada ma kan akken qqaren Waεṛaben.
A mmi-s n Wemsed;ay amedyaz; ay aggur,ay aεeqqa n tisent(lmelḥ)ma txuṣṣeḍ deg wesmel ;kra ur ittibnin di teccuyt, terwi fell-aγ!
Utrunen:D imezdaγ n TRUNA ; di tama n Sedduq
- Tinin-is...A yir nettat,
kemm aqjun-im yečča akk medden, terniḍ acetki.
" A win i s-yennan a k-wwteγ yerna a k-ggaleγ,
ma ts....... ar d-cektiγ"
Qqaren at zik" Amrabeḍ urumi yekkat, yeqqar abbuh a jeddi"
Maca a m-iniγ kan tidet, akken triḍ tiliḍ d yir kemm a yir nettat, yessuref-am wul-iw, acku tuγaleḍ-d s abrid.
Atan ihi a mmi-s n Wemsed tura teffeγ-d tafat, attan teγlid tunṭict n igenwan s iciwi-k ( aziγ mačči γef wulac i yessefraγ ).
Amedyaz d inigi n wakud-is, lemmer ur ẓriγ ara tḥemmel-ik,
uḥeq jeddi-k Wemsed ma yuli-yid umeslay!
Yerna imi d-tenna nettemlilid dagi akken a nesfukti tameslayt-nneγ, tekcem ulawen war amdeḥḥes γef tewwura-nsen.
Ihi azul meṛṛa fell-awen ay at wesmel n imyura!
Azul ay at wulawen ay at tegrawla n tira!
- Tinin-is...Azul i wat wazul
(Aḥric amenzu)
“ Ttesriḥ nebɣa ad nserreḥ, llazuq yerza afriwen”
Win ara yekkren yini-yas: D tagi d tamacahut uzal”!
Tansa-nni-inu d-yersen deg wadeg n yisem-iw, d ansar kan i yi-d-tenser, ur as-ɛemmdeɣ ara. Ayen nniḍen d tidet i d-nniɣ; d taɣtast i ṭṭfeɣ imiren kan, acku dduklent-d ɣef tikkelt, ɣef tqerruyt-iw ( yuɣ lḥal d taqerruyt n texsay i sɛiɣ), yerna nekkini akka ay d nekkini, imi akka ay d nekkini!!! Lemmer d ageffur (lehwa) yili nedduri-yas, lemmer d adfel yili nelḥa-yas, imi d agris, dayen yeqḍeɛ tikerkas. A gma ur zmireɣ ara i tesnareft ( tadiktaturt)! Ɛyiɣ seg wenhil ( rrijm/leḥkem) n baba ( awer t-yrḥem) d yemma ( awer tekker), d tkabarin-nni-nneɣ ( i d-yeṭṭḍen si tmaẓẓagt n Messali Lḥaǧ; ṣwadiẓa d tipartitin n dimukratikma, di tilawt --tidet-- d tikabarin tiyiwnin --tiwḥidin--) yiwen yeqqar-ak “ Ji ti tṭrumpi d ‘ ṣṣusyiti”! Wayeḍ yeqqar-ak”Lɛiraq d tacriḥt deg weksum—nneɣ; yerna deg wawal-is: Ppa du dyalug kabilu-kabil”! Yegra-d luyamṣibbiḍ-nni, bḍan-t d ppyas di ṭaci”! Uɣal-d ssyen ɣer tiddukliwin Ubeṛbur, i yeqqaren” Tamajirt lung ufisyal!!! S wacu lung ufisyal: s wurḍan-nsen! Dda Ferḥat , yella yeqqar “ Nekkni ula d tamaziɣt, ur nessaweḍ ara a tt-nesɣer” .Tura nezmer a d-nini war akukru “ Nekkni ula d tamajir ur nessaweḍ ara a tt-nehḍer”! “A ddin Rrrrebbb”i yenna bu tqerruyt-nni n Amnay. Ihi, rewleɣ-d akk si tigi, ula d Numidya-nni n Wehran, rewleɣ-d seg-s. D acu kan werǧin tt-rgimeɣ; acku dinna i ɣriɣ tamaziɣt, ddeqs n tɣawsiwin i d-lemdeɣ seg-s. Maca, anda ara rreɣ yessefk ad iliɣ akken lliɣ nekkini, d wamek bɣiɣ nekkini, mačči akken i yi-yebɣan wiyaḍ. Kkreɣ- rriɣ-d ɣer yemyura.yir qum, i yuɣalen d imyura.Nat; alammi d i selliḍelli ( 27/08/07) kkreɣ kecmeɣ s lḥir, ɣer yiwen usibir, i wakken ad naru s lbiṛbir, ini-yas “wagi ur yeẓwir”, yernu d asefru mačči d ttmesxiṛ, a baba itbir… asibir ajdid i wuɣur ttruḥuɣ, deg-s yiwen UPERPUR akken d m uneḥjab, maca, ɣur-s yiwen LBAGAǦ, aḥeqq jeddi Amsed d lxalat akk yessefsed, d tmaziɣt mačči yelmed, ar ma teɣli, tebrek ( m lbagaǧ-nni) deg wusu, ar ma ur tesɛiḍ ara lekrik iṣeḥḥan ma tzemreḍ a tti-d-tessekreḍ!!...
Yettwalkam (yettkemmil)….
Memmi-s n Wemsed
- Tinin-is...Aɛezzul fill-awen
(Aḥric wis-sin)
« Wi k-yennan mqbuleḍ a rruḥ » ?!
Akken walaɣ tinin-nni n m upepur-agi-nneɣ “ Yir Nettat”, iweḥḥa-yi-tt-id wallaɣ-iw amzun d m lbagaǧ-nni n sibir i d-yettmeslayen deg wemkan n m lbagaǧ-agi-nneɣ « Yir Nettat » ! Nniɣ di tedmi-w kan « Smenyafeɣ lemmer i d yi-d-tefki 14 iṣerfiqen ( ibeqqayen) neɣ lemmer i yi-d-tenni « Yenɛel waldin n yemma-k », neɣ lemmer i yi-d-tgir aḍad ; wala ma tenna-yi-d awal-nni amessas : « Ad ḥebseɣ tira deg wesmel » ! ( d acu i tura i wakken ad teḥbes tira deg wesmel ?!--- I lemmer mačči d cwiṭ n tserwalt neɣ n jjippa-nni i telsa, yella kra n win ara s-yefken azal ay aɛeggun?!) D acu i d anamek-is tura?!!!!
--- Sik: Mmi-s n Wemsed ( lu grun ( le grand) fidiratur, i (et) libiratur du punsi) yuɣal yessusuq medden seg wesmel ! Ini-d tura ma ur tekkateḍ ara agejdur s uqerdac!
Nniɣ dɣa “ ma a d-ttaseɣ ad ttferrijeɣ deg wesmel, ur ttaruɣ ara tidmi-w, yif-iyi ma ttakeɣ-as idrimen i m uneḥjab-nni, a s-iniɣ “ eǧǧ-iyi kan ad ttwaliɣ di lbagaǧ-im, fiḥel aselkim ya UXTAH”!!
Kkreɣ heggaɣ-as-d tiririt i m uperpur-agi-nneɣ “Yir Nettat” . Izen-nni deg-s 20 kilumiṭr, akken i ɛeddaɣ a t-sskecmeɣ yugi ad yekcem! I wacḥal d tikkelt akken, ulac, a ziɣ abrid yergel; yettwamdel wesmel! Mliɣ-as ism-iw ulac, greɣ awal n tsarut ( “amsidef”= mot de passe, cfut fell-as, d Dda Kamal i s-t-id-yemlan i Dda Ǧamal, dda Ǧamal yemla-yas-t-id i dadda-s AṬLAS)! A ziɣ « Kra yellan mgal-nneɣ ass-a » ?! Nniɣ ihi « D irebbaben-agi n yemyura i tt-ixedmen, ugin ad aruɣ deg wesmel; neɣ ahat d kra n lḥerṣ i d-yeɣlin fell-asen ( ahat d Zerhuni, neɣ d Jiniral Ttwati neɣ d Tufiq i yeggullen deg yemyura-agi yir lqum! Syen ṭṭfeɣ iman-iw si tḥennikin, nniɣ: D acu kem akka kemmini i wakken a d-tger iman-is ddewla ?!!): ssusqet akin fell-aneɣ lqum-agi n bni sufaǧ! Ssyen, nniɣ “ Meḥrumit fell-i : m lbagaǧ-agi-nneɣ “ Yir Nettat” d m lbagaǧ-ihin” n sibir” ma ɛawdeɣ ad sserseɣ asekkil deg wesmel-agi!!
Refdeɣ-as acewwiq-nni “ AH YA DDIN QESSAM!
Yettwalkam ( yettkemmil)…
Memmi-s n Wemsed
- Tinin-is...Azulen fell-awen
(Aḥric wis-kraḍ)
“ Tuffra n weɣyul deg utemmu”!
Akken i d-ffɣeɣ si sibir, la ttwaliɣ deg yiwet tlemẓit : telsa-d tapunṭakurt, tigecrar d teblulin-ines ɛeryan, akerbub-is yuff ( icuff)-d, telsa yiwet tbudit teḥzeq ( teẓmeḍ) fell-as, tidmarin-ines ṭennbent-d (aḥeqq jeddi Amsed d lxalat akk yessefsed, ar almi refdeɣ ifassen-iw « uliman », nwiɣ-tt a d-ttiri fell-i ! layleh ay lelleh, aql-i d inselmen ay nella !!) am tbakurin.. Akken tt-walaɣ ɣer wudem, ufiɣ-tt s lḥijab !!! Alalala …d walala.. teffer taqerruyt-is, teǧǧa taqer…t-is ɛeryan !!
« Amek ara tḥemmleḍ taqcict ideg ur d-iban wayra
Amek ara teẓreḍ ayen akken lḥijab yeṛba»?!
Usiɣ-d ssyen, ttxemmimeɣ ɣef m uperpur-nneɣ, d m uperpur-nsen akk d m perpur nniḍen:
Lamaziɣiti, larabiti, lislamiti”
Yenna-yas Dda Lwennas i Rabeḥ Ɛeṣma ( lɛeṣban) : A tenɣa-k tayri a bu leḥnak!
Uɣaleɣ cennuɣ:
Mi walaɣ aḍar yegrurez yeččur
Xerben-iyi lumur, ɛerqen-iyi lehdur
Ay… ya… aya…
Memmi-s n Wemsed
Tamawt: A d-uɣaleɣ alamma d ɣur-m a “ciri” YIR NETTAT
- Tinin-is...A mmi-s n Wemsed, a yir nettat, a wiyaḍ d tiyaḍ,
s tidet kan yelha unecṛeḥ gar-aneγ ( ger tasa d win turew ),
ssarameγ kan ur tettuγal ara tegnit d tasellawt yerna ur nettu ara iswi n wesqerdec d wayen yessemlalen ulawen-nneγ.
( D taqbaylit i d tayri neγ d tayri i d taqbaylit?)
Γuṛ-i yiwet n tekti tgerrez, dacu tennam ( t )?
Nekk ad sserfruγ, kunwi ( kennemti ) ad ccnum ( t ).
Ma llan ( t ) wid-ak ( tid-ak ) yessnen i ccna d uẓawan, ama
iman-nsen kan neγ d tirebbuεa, di tmurt neγ deg inig ur yettili ara yakk wugur γef annecta.
Maca mačči d isefra-nni d-yeffγen γef mmi-s n Wemsed d massa Muγmun, llan wid yugaren aya.
Ihi tiririt s γuṛ-wen ( γuṛ-kent ), ar tayeḍ,
War isem
-----------------------------------------------------------------------
G.M: Ma llan wid iran ad ssalin kra n usaru s teqbaylit,
atan yella mmi-s n Wemsed d Lansbiktur Tahaṛ, nekk d Labṛanti ( Ha! Ha! Ha! ), tagi d anecṛeḥ kan
" Γur-wat ad it-amnem, ur tteddut yid-i,
mačči d askuti".
- Tinin-is...I mmi-s n Wemsed!
Ɛyiɣ seg wenhil ( rrijm/leḥkem) n baba ( awer t-yrḥem) d yemma ( awer tekker),
- Dagi tuγaleḍ d Albert Camus.
d tkabarin-nni-nneɣ ( i d-yeṭṭḍen si tmaẓẓagt n Messali Lḥaǧ
- Dagi tesmektiḍ-iy-id d yiwen usefru uriγt yakan:
TIΓṚI N TDUKLI
--------------------------
Ta di Lpari ( Paris ) tayeḍ deg tmurt,
ulac anida ur ten-t-neẓri.
Ttemserbaḥent ass n lmut,
ttemsawalent s tiliγṛi.
W´ur nedduqes ad yefriwes,
amzun yesseglaf weydi.
Ma ttṛuzunt tafza s yiles,
tnuḍin n at Sseεdi.
--------------------------------------------------------------------
Sut wedrum ur ttmeslayent γef lmut,
akken ad ttun medden iḍelli
Cucufent i tegnit s tatut,
yalta tayeḍ ad as-tini:
Nennum yezga wergaz yerwel,
seg temẓi annecta i t-nelmed.
Yifit akka neγ neğğel,
s takniwin n at Ḥmed?
-------------------------------------------------------------------------------
Deg tidet at wexxam εeqlen,
ugin tikli d wakraren.
Γef yir tudert ggullen,
ata w´amek i s-qqaren:
Tamurt s at Feṛḥat a tt-nerfed,
tawwurt medlent a tt-neldi.
Takniwin-a n at Ḥmed
d tnuḍin n at Sseεdi.
------------------------------------------------------------------------------
At taddart yettmeyyizen
nnan ur nban dacu-yaγ.
Deg tyita nuγ mi newzen,
taẓeyt-is γer da i γ-teffeγ:
Tessekcem-aγ tikti i s-d-nenṭeq
tdukli imi ul-is nesserḥat.
Tsawel ngum ad yetterḍeq
i tnuḍin, takniwin d at Feṛḥat.
-------------------------------------------------------------------------------
Yak ḥlaw ṣṣut-inu, ad taγem ddisk-inu?
- Tinin-is...Azul a Warisem...
Ackit usefru-agi inek !
Nekk acḥal aya ur stufaγ ula d ciṭiṭṭuḥ akka i wakken ad d-serseγ asefru neγ sin dagi!
Akken iyi-teqqar yiwet akken "kemm mi nesxerxur i tettakwiḍ i temsal-agi !"...
Ceggaa-iyi-d tansa-k γer dagi : iflissen_arbi@yahoo.com
Ar tufat
Tansa
- Tinin-is...azul
Ur bγiγ ara ad "munupuliziγ" awal deg wesmel maεna ilaq ad ḥsun imeγriyen d akken ,a Mmi-s n Wemsed,belli kečč d aqemqum tettaruḍ taqbaylit "mṛebbeb" ḥemmleγ ad γreγ tira-k mebla ma ttuγ War isem amedyaz, itettel taqbaylit d tuttla!!!
Sureft-iyi ma γelṭeγ imi i d-nniγ ad ḥebseγ tira deg wesmel; mačči akken i tt-nwiγ i tt-tfehmem!!!
Ad tidir teqbaylit s tirni n tarwa-s!!
- Tinin-is...
A lxiṛ-nneγ, a sseεd-nneγ nekk d mmi-s n Wemsed!
ugadeγ kan d acufu uqenduṛ wayagi.
Ihi γuṛ-i azref imi d-nniγ yakan mmi-s n Wemsed d Lansbiktur Tahaṛ, nekk d labṛanti.
tameṭṭut atan tenna-d s yimi-s mmi-s n wemsed izad almi kan,
war ma tettu war isem.
Ismawen-nneγ nekk akk yid-k am " Lmuḍaf d lmuḍaf ilayh "
telmed di Bu Zariεa.
- Tinin-is...Azul fell-awen, ladγa kemm a tasekkurt-nneγ “ NETTAT” kan, war “YIR”.
Akerwa ( amεellem)-inu Mmi-s n Wemsed, atan yessetḥa, yuγal d azeggaγ am tqerεet-nni n Abu Newwas seg wayen i d-yenna. Ussan-a, atan yebḍa “pyas diṭaci, tecriḥt ur tezdi d weltma-s! Aql-i ihi usiγ-n ( Iles) a d-iniγ kra deg wadeg-ines:
“Γaḍeγ-kem ad iyi-teğğeḍ
Teẓriḍ ur d-tettaqaleḍ ara
Tannumi tesεeb ad terwel
Tewwi ul tegla s tasa” (Dda Lwennas)
Simmal tettaruḍ, simmal yettnerni wazal-inem γur-neγ. S tidet kan: Tuklaleḍ buhan n leqder, tuklaleḍ ma nunez zdat-m. Taqbaylit-im d lal n teqbaylit; ugar d lalla-s n teqbayliyin neγ ugar!.. γas iles γezzif, maca, tikkwal ur yezmir ara a d-imel ayen ffren wallaγ akk d wul! Anu ( lbir) lesrar d lbaḍna n tikta lqay γef usagem ara m-n-yessiwḍen a Tamguṭ; TAMGUṬ-agi d kemmini!
Γurm ad tγileḍ d tiselbi i nesleb, neγ d azgal i nezgel; neγ nra agrireb!
Weltma-tneγ εzizen, NETTAT-nneγ: Ma nbedder-ikem-id s wawal deg wawal, alammi neḥṣa mačči d wagi i d azarisem-im neγ d isem-im°; daγen yiwen ur kem-yettissin s yisem-agi d wamek i la nesqecmiγ akka; yernu ur nri (nebγi) ad nmass iseγ akk d lεerḍ-inem.
Wa ara iqeblen a t-yewwet ufus-is
A s-ihudd ddunit-is
Meyyzet kan sεut leεqel
I yenna yiwen seg imazanen ( ur nessemgarrad gar-asen ula yiwen) Lewnis At Mangellat.
Γas neffeγ idurar, ur d aγ-teffiγ ara teqbaylit; γas d iqerray n texsayt ay nella, mazal deg-neγ ṣṣwab, mazal deg-neγ leεqel d lmeεqul. Taqqbaylit meqqret fell-aγ, nekkni meẓẓiyit zdat-s; tin i γ-yessulin ccan-nneγ d asawen nnig yetran akin, d awwar (lwaγeb) ad nanez zdat-s ad neknu..
“Yenna Si Muḥend :
Win i γ-d-yennan lxir
Ad as-nerr di lxir
Alamma yugar fell-as”
Terniḍ-d ccbaḥa i teqbaylit a Taqbaylit.
° Tamawt: Ttmekti-d: Mačči d wagi i d isem-im n tidet; acku ḥṣiγ Mmi-s n Wemsed “ Anda yeqqen i yebra” am yir aγyul ( ḥaca aγyul), ad yuγal γer tid-is!
Tanemmirt-inem a weltma-tneγ NETTAT
S iḥulfan n tegmat d wul zeddigen:
Iles ( yiwet tecriḥt tamecṭuḥt si tfekka ---agerbuz— n Mmi-s n Wemsed)
- Tinin-is...Mmiww!... mmiww!.. :atan yusa-d uεeddam-nni!!!
Mmmiεεuwww!!!!
Ẓikuṭ ( amcic n Tinna)
- Tinin-is...I Tinna
Amcic-agi-inem yeddiranji-yi aṭas, a t-teṭṭfeḍ neγ ma ulac atan a m-t-wwteγ!
Si ṭru!!!
- Tinin-is...Azul fell-awen
I kafka ( War isem)
Yenna-yas “ nekk heddreγ-as γef nnger, netta, yeqqar-aiyi-d: d acu i d-yeğğa”! “ Ttrağuγ lexbar n wexxam, netta la ihedder-iyi-d γef ṭṭikuk”!! Tuγaleḍ-iyi d “Kafka” ( wagi ur t-tessin ara, tura ad tazzel γer tmuturt-nni n “gugel” ad tnadi fell-as) mačči d War isem! Tagi n tzimert yessefk-iyi cwiṭ n wakud akken a tt-id-afeγ! Aql-ik-id tẓewreḍ a nεam a ccix War isem: tessawḍeḍ terriḍ-tt-itt alammi d asmel; tamxixt-ik ( riγ a d-iniγ tanemmirt, maca, teεreq-iyi si tumert) a War isem.
Ihi neğğa-yak talwit, ad nruḥ ad neṭṭes cwiṭ imi seg wacḥal aya ur tent-neqmič; yernu ad dleγ s imeẓẓuγen-iw am Σeṣfur ulehwa!
Memmi-s n Wemsed
- Tinin-is...Azul
I kemm a tasekkurt n tsekrin Nettat
Ssarameγ dayen uγalen-d waman ar tregwa, teddez tebrez, fiḥal awal.
Lemmer ahat a s-tiniḍ d yir imeslayen i m-d-nniγ: Aperpur, lbagağ?!
Atan unamek-nsen: Aperpur= d tin yesεan lqedd ( laṭay mačči latay); lbagağ= d win n tmussni mačči winna n weksum.
I kemm d acu-t wawal-nni “ timeccacin”? Nekkni ur t-neqqar ara, yerna werğin sliγ yes-s ngum ass-a; maca, cukkeγ-t d winna akken yellan seddaw Yiγil-Bbwammas d akessar?!
Ḥqa! Testeqsaḍ argaz-im ma d netta i d-yuran tira-nni, neγ werεad?! D arumi yettaru yiwet tmaziγt antic, εni yeγra-tt di INALCO?!
Ssya d afella mačči kan mi ara teččḥeḍ, a d-tiniḍ ad ğğeγ amsed ( asmel).
Ar tufat a tacebḥant, a tamelḥant, a tabaḥant, a tamaεurt…,
S wul ay ul n wul
Mmi-s n Wemsed
- Tinin-is...Azul i watmaten-nneγ War isem d Yir nettat
Ur steqsayeγ ara iqerray n texsayt ( mmi-s n wemsed) nekkini. Nniγ yeεni d arrac n Utrunen-agi i yeẓran anamek n wuntrunen.
Truna d tidet d isem tamdint ideg llant tγiwant d ddayra n At Maεuc, i d-yezgan di tilist gar bgayet d Ṣṭif (At Wartilen neγ At Wertiran); maca, Truna d isem (tura d netta i d isem unṣib, maca, ur t-qqaren zik-nni) i d-yekkan si tizelgi n yisem Utrunen, am Σẓaẓga seg Iεeẓẓugen… Utrunen tezga-d deg yiwet tiγilt ( wali amagrad n dda Ğamal), mačči d tagi n tura yebnan Fransis. Di tmurt n Leqbayel yal adeg s unamek-is, amedya n yisem At Maεuc: “ Amεuc” d aεḍur neγ d amdan ixuṣṣen di tezmert. At taddart-agi qqaren-d qqaren-d yakk: Utrunen” d itran, maca, ur cukkteγ ara d itran imi ulac anda t-qqaren akka, akk imaziγen qqaren “ itran neγ iṭran am wregla), yerna itri/itran d wagi i d aẓar-ines : “TR” ma d utrun/utrunen aẓar-ines d wa: “TRN”. Iban-iyi-d d isem n kra n yetri, neγ n wemtiweg.. A wi yufan ad yesteqsi Dda Akli Aqbayli/Azwawi/Awehrani ( yella dagi deg iseggasen-nni 1968)/ Ajirmani ( tura deg Lalman i yella) imi netta n dinna ( “Tiwal” wali amagrad).
Tanemmirt a War isem, a Yir nettat
Nekk d Bu ccfaya mačči d mmi-s n wedḍaγ
- Tinin-is...Azul
Tanemmirt, ula d kečč ur txuṣṣeḍ ara di leḥdaqa a War isem. Aẓ akin fell-i a Yir nettat; ma d kečč a mmi-s n nna Messeεd, teğğiḍ yemma-k bla tiqqit n waman di Lḥasi, tusiḍ-d ad tesmessexreḍ γef yessi-s n medden!
Winna yerra iman-is d aεeẓẓug ur d-yesli ara?!
Guraya.
- Tinin-is...A Bu Ccfaya,
atan tameddit ad siwleγ i dda´ Akli, azekka a k-id-iniγ dacu ad yini.
War isem
- Tinin-is...Azul.
Azekka d ass n tẓallit, kullec yergel; ar sellazekka. Tanemmirt a gma-tneγ War isem
- Tinin-is...A Guraya,
mmi-s n wemsed am Lunnas, imi-s yesfuğğuε ma d ul-is yeṣfa
( annecta d ayen yecna s yimmad-is " Ini-yasen ay afṛux i iḥeddaden n wawal!").
Yir nettat γas tesmuslub acemma, ulac fell-as. Yak d tweltma-tneγ i tella( yiwen umeslub ssεan-t akk medden ).
Winna ahat ur yestufa ara neγ yella dacu i t-yeṭṭfen ( ula d netta d uḥdiq am kemm).
- Tinin-is...A Bu ccfaya,
dda´ Akli ur yeẓi ara dacu d anamek, maca yenna-yid ad yesteqsi
imdanen n tγiwant ( wid yellan di tmurt ).
Atan uzneγ-as daγen amayel i K. Uzerrad, ahat netta yeẓra annecta.
- Tinin-is...Riγ ad aruγ: Ur yeẓri ara mačči ur yeẓi ara
- Tinin-is...azul
Timeccacin=fesses s tefṛansist; awal agi ssexdament di tama n Bgayet tṛuḥeḍ akkin!!!!
Ar tikkelt nniḍen atn issawal-iyi-d umeεzuz inu!!!Ala aqerruy-is i d-ttbinen deg tduli!!!!MMMMMMM
- Tinin-is...Azul,
ameslay-nni s tγumit d tiqesṛit s teqbaylit.
Imi tiqesṛit n wemcic d awezwaz kan i tella, sawalen-as s teqbaylit " tameccact, timeccacin"
Mar a t-iniḍ i wemdan " Rrfed akka kečč timeccacin-ik s yinna!", d asliqeb" aεekki" wayagi, triḍ a s-t-iniḍ kečč d ameεlal, d amerẓu, d ulac neγ ur d-yegri deg-k kra, tekkfa fell-ak d ddunnit...atg.
Timeccacin mačči d ameslay sseqdacen kan di Bgayet d w´anida ssawḍent wallen-im s tmuγli, maca tessen-it akk tmurt n yeqbayliyen.
Azzel ihi γumm-as aqeṛṛuy-is i Unuγmun-im, m´ulac ad yasem
ma iwala mmi-s n Wemsed " itri n yetran" iceṭṭeḥ di tlemmast n wallen-im!
Akka ttwaliγ, d awezγi ad tuγaleḍ s abrid, a ziγ d tidet m´akken yenna umedyaz-nneγ:
Aẓru yegrarben muḥal a t-yejmeε leḥcic.
D nekkini i tt-yextaṛen, almi nnan medden,
akka i tḍerru d yir qcic.
Ma yella d times i triḍ a t-ssekreḍ deg ul n mmi-s n Wemsed,
atan ihi d netta ad am-d-yerren tiririt γef annecta.
- Γas nḥemmel lehna " talwit", nessen a nerfu " F.I.I"
- Tinin-is...Azul.
Tettnadiḍ ad tesleḍ "Sidi Xlil" sγur-i a Bu ccfaya.
I GURAYA
Ur bγiγ ara a m-iniγ i s-nniγ i yiwet tmeddakelt-inu ( d taεrabt) asmi i yi-d-tenna" Nekreh zzwawa ki ddem ḍḍers" ( kerheγ leqbayel am idammen n tuγmest); atan wayen i s-rriγ: Tettnadiḍ a kem-yaγ wergaz-im ukazyu ( imiren werεad teddi d tislit)!
Mmi-s n wemsed
- Tinin-is...Azul fell-awen ladɣa kečč a War isem
Tanemmirt yemmden imi tessḥerṣeḍ nezzeh akken a d-tafeḍ anamek i wawal-nni “ Utrunen”; ɣas ma tuɣaleḍ-d s ifassen d ilmawen sɣur dda Akli Aqbayli ( I yuklalen aṭas n leqder), maca, ur d-tettuɣaleḍ ara “ xayeb” (akken qqaren) sɣur dda Kamal u Ẓerrad (d acu kan, yiwen d nekk, uɣaleɣ ttsetḥiɣ deg-s, acku nerẓa-yas aqerruy-is, angar netta i nettaf; wiyeḍ ur sent-id-stufan ara i tigi).
Tamawt: Tennernaḍ di ẓẓwara ussan-a ; ugar n wayen yezrin a War isem, wissen ayen ?!
Bu ccfaya
- Tinin-is...I mmi-s n nna Messeɛd:
Tessneḍ meqqar d acu i d “Sidi Xlil”, neɣ tettmeslayeḍ kan s tqemmuḥt?! Ala Amnay i k-izemren, neɣ d acu tenna massa Nuɣmun?
Bu ccfaya
- Tinin-is...Azul
A mmi a ɣ-yenǧu sidi Rebbi si txeṣṣarin! Ayen akka i yi-tesfilliteḍ ala tiwuɣa d « li kaṭaseṭruf » a mmi-s n Wemsed?! Akka! Ad dduɣ d tislit “ ukazyu”! Taɛrabt-ik meqqar tezmer i yiman-is; ad truḥ akken, ad ternu taḍsa! Nekk ma teḍra-iyi a yi-tneɣ yemma. Aḥeqq a mmi “ Jeddi Berreɛduf d Sidi Mangac” ur ak-teffiɣ idis! Ar tameddit-a ar tawḍeḍ s afus n nna Mesɛed; ar s-iniɣ “ atan iqebbeḥ ɣer teqcicin! Neɣ d acu tenniḍ ay Amnay, “ay izem”?!
Guraya
- Tinin-is...Azul fell-am a weltma-tneɣ TANSA.
Anṣuf yes-m ɣer wesmel; atan ijuǧǧeg yes-m, dɣa!
Ɣas ma drus wanda i kem-ttwaliɣ, maca, teǧǧiḍ-d adriz (later-inem), acku tira-inem mačči d aserwet am tin n kra (Yir nettat,…).
D acu ara m-iniɣ? Izen-im neṭṭef-it 5/5; tansa-m a Tansa, aql-aɣ neḥrez-itt di lǧib n yedmaren ( di tqemjet); ɣas kkes anezgum, isefra n War isem ad am-ten-in-nazen, ula d wid n Mmi-s n Wemsed ( ɣas yettagad ɣef isefra-ines, maɛna a t-nqenneɛ) a d-ddun akken.
Asmel-agi atan inem, ayen teḥwaǧeḍ a ɣ-d-tafeḍ da; ayen ẓẓayen fell-am, fessus fell-aneɣ.
Tanemmirt a massa neɣ tamsiwt ( ur neẓri ara ma tjewǧeḍ neɣ werɛad?) Tansa?
Amcum-nni
- Tinin-is...Aɛezzul ɛlikum!
Aḥeqq nnabi ar tzehham-d aɛsmel-agikana s ṣṣḥab Wehren. Zik-nni ttḥibbiɣ Wehren, di ssaɛa-yagikana tzad akter. Dda Ɛebḍellah d lmeɛrifa taqdimt, lliɣ ttruḥuɣ-n di mkull ṣṣif mi ara akken keṭṭren leɛras; xaṣṣaten azitun-nni n din mi ara tdehnen s ddhan d zebda; ah ya xuya!
Yiwet lmulaḥaḍa kan: War isem-agikana ur yessin mliḥ tamajirt, waqila netta si “ la petite Kabylie”
Ihi mala ttebqaw ɛla xir
Muḥ u Muḥ
- Tinin-is...Ɣef Muḥ u fuḥ
I iteddun fell-am a lqaɛa!!! Jjmiɛ liman ar “yekkuppi-yi la piti” Yernu ma ur ččiɣ ara lekwaɣeḍ-iw, keččini s “lagrand kabini”!! Ay d-turwemt a sut čečču!!!!
Memmi-s n Wemsed
- Tinin-is...Azul fell-awen ay atmaten
ɣas di yir tagnit i nella imi aql-aɣ di leḥzen meqqren ɣef lmut ujiniral ssi Smaɛil Lɛemmari; dɣa a s-nbudd lǧennet. Maca, ayagi ur aɣ-yettaṭṭaf ara ɣef lwaǧeb-nneɣ. Ddula-nneɣ ur tɣelli ara ɣas ma ɣlin yergazen, llan wiyaḍ ara tt-irefden; akka am wemɛellem-nneɣ “ssi Lmuluduvič”. Ɣef wakken i d aɣ-d-wwḍen isalan, teḍra yiwet temlilit ɣef tedsimant n tmurt n leqbayel (yeɛni wid yebɣan ad bḍun tamurt) deg usensu ( hotel) Rwayal di Bgayet; ɣef wakken d-nnan ineqqisen (rrabulat)-nneɣ timlilt-agi ddeqs i s-d-yusan, ama si berra neɣ ssya-gi si tmurt, a d-nebder gar-asen : Kamal U Ẓerrad, Akli Aqbayli, Malika Baraka, Ferḥat Mhenni, Lwennas Belqasem d wiyaḍ.. Akken tebda temlilit-agi i tebda yid-s tefransist, alammi d-yekker ugeswaḥ-nni n Akli Aqbayli i yennan: “ Timlilit-agi tettawi-d ɣef tedsimant n tmurt n leqbayel, nekk aql-i d aqbayli ur fhimeɣ kra seg wayen i d-teqqarem, acku ur ssineɣ ara TAƔUMIT ( d duktur di tsertit, ur yessinara tarumit!!!!)!!!
Temeddit-nni dɣa i yeḍra deg Yiɣil Ɛli (Bgayet) daɣen wegraw ( akungri) umussu n “MAK” seddaw tecḍaṭ n Ferḥat Mhenni; aṭas n “limakist” i yeḥeḍren deg wegraw-agi, gar-asen Uleḥlu acennay-nni n “ puvwar aṣṣaṣṣan ( pouvoir assassin)…
Win yesɛan kra isalan ɣef temliliyin-agi, yezmer a ɣ-ten-id-yazen. Ddula d ddula-nneɣ, nekkni akk d arraw-is
Amucar
- Tinin-is...Azul
Akken i t-yenna akken Ṭakfarinas:
« Mi tekfa ta
A d-ternu ta
… »
Akken ara s-d-rreɣ i yiwen, yeffeɣ-d wayeḍ!!!
Lḥaṣul, tettnadim akk ɣef Sidi Xlili. Si leɛḍil ar d-mmektiɣ tidyanin: Tameṭṭuṭ yessuṭḍen akli, Taɣtast n lǧameɛ n El Aẓhar; ass-a d tamacahut n Teqbaylit akk d temrabeṭ, acku tettemcabi ɣer tyennat-agi n Yir nettat:
“ Yiwwas temlal teqbaylit d temrabeṭ, qqiment ttqeṣṣirent, yal ta teqqar i tayeḍ “ d argaz-iw i yifen argaz-im”!
Tenṭeq temrabeṭ ɣer teqbaylit, tenna-yas:-- Argaz-iw segmi ara d-yekker ṣṣbeḥ d netta d tiɣin n luḍu, akk ass d netta yessirid, tameddit ini “yawi-t-id” akken d aleqqaq d azedgan... tegzem-as awal teqbaylit-nni, tenna-yas: -- Argaz-iw nekkini, segmi ara d-yekker ṣṣbeḥ d netta d amenṭer di tẓegwa, akk ass d netta deg imudaɣ; tameddit mi ara d-yas “yawi-t-id” akken d aḥercaw… Tennesmumi temrabeṭ-nni, tenna-yas: Ih a xalti, akken i t-bɣiɣ!!!!
Anwi axir tura: d afuḥan ( mmi-s usufaǧ) neɣ azdgan ( mmi-s unuɣmun)?
Viv (e) Imajiren.
Akka xir yalha ujerreb
Asufaǧ
- Tinin-is...A Bu Ccfaya,
ur yelli kra i izaden deg-i a gma, am ass-a am wayen yezrin, yiwen-iw kan. Maca ijeğğigen-ik wwḍen-iy-id, tanemmirt!
Yella εni w´anida ukreγ adaṛ γer deffir deg webrid n lewqam?
Ma yella ih, γas εeggen-iy-id war kukru a gma ttxil-k!
Win iwalan kan kra, yelha a t-yini i wayeḍ
- Tinin-is...
Azul fell-awen (t)
Utrunen n tura εlayeṭ γef yill (lebḥer) s wugar n 4OOO lmitrat, wamag taddatr taqburt (taqdimt) n Utrunen i d-yezgan di tqacuct ahat ad tili ugar n 6000 lmitrat i εlayet γef yill. Seg wakken εlayet taddart-agi, tuγal amzun akken d lewhi i tt-tettawi yakk temnaṭ-nni; lwelha-nsen akk terra γer din, ladγa di tegnatin n n ẓẓmek (lḥerṣ) neγ mi ara gganin kra, amedya: Aggur n remḍan neγ tisekmutin ( leεyud), ngum ( qbel) daγen annect-a, yettili-d wayen nniḍen: ṭṭradat neγ ccwal d wayen nniḍen… ihi,yal mi ara yili kra, d imezdaγ n taddart-agi (Utrunen) i yessaγayen (ceεεlen) timess (lεafya) akken ara mlen ( εeggnen) i wiyaḍ atan yella-d kra. Imezdaγ ( kra) qqaren-d isem-agi “Utrunen” d asget n yetri, yeεni “itran”; maca, yella ccek deg waya, wali tinin n Bu ccfaya (usawen-agi). Nekk cukkeγ ad yili d isem n kra n yetri, neγ umettiweg (planète)?! Ad yili neγ yezmer ad yili γur-s assaγ γer tafat neγ γer yezrigen n tafat, akka am yismawen yecban “Nutron”..
Akal n temnaṭ-agi Utrunen meqqer nezzeh, maca, drus imezdaγ i tt-izedγen, lewhi n 18000 kan imezdaγ. Tamnaṭ-agi tezga-d d tilist gar Bgayet d Ṣṭif, imi seg-s akin d At Wrtilen.
Ssurfet-iyi ma ssugteγ awal.
Ǧamal
- Tinin-is...Azul
Amek akka a War isem ?! A k-qqareγ tennernaḍ di ẓẓwara, kečč teqqareḍ anda ccḍeγ ini-d?! εni taqbaylit, neγ d kečč i yeṭṭneṭnen?! Maca, aḥlil γef win yettxalaḍen mmi-s n wemsed, aqerruy n texsayt! Nnan “ ini-d d wuk tleḥḥuḍ, a k-iniγ wi k-ilan”!
Nniγ-ak tennerna ẓẓwara-k deg isefra; acku ayagi iεeddan ur k-nessin ara d amedyaz ( yernu d amedyaz-nni n tidet, yifen imedyazen), nessen-ik kan tettaruḍ deg wesmel, daya. I tura tegziḍ neγ a k-tt-in-εiwdeγ?!
La ḥewla, wa la qewwa..
Bu ccfaya
- Tinin-is...Azul fell-awen
D acu d iqennucen-agi i wumi d-tettserriḥeḍ akka, a mmi-s n Wemsed?! Lemmer meqqar i yi-d-tεeggneḍ yili a d-aseγ s leεǧar! Wi yecqa! Akken akk nḥemmel-ik a mmi-s n nna Messeεd.
Guraya
- Tinin-is...Azul a War isem
Niγ nniγ-ak-n wigi d yir imdanen, am yir nettat. Tettagiḍ ad taγeḍ awal a War isem a mmi!
Mmi-s n Wemsed
- Tinin-is...nniγ-as:
Win ur nessin a γ-d-isteqsi
a t-nweṣṣi
Ma d ayen ur neḥṣi
γer win issnen
a t-nweṣṣi!!!!!!!!!!!!
Bγiγ a tt-id-awiγ am ccix Muḥend waqila merrgeγ-tt
- Tinin-is...Azul ay amcum-nni ...
Tamedyazt: inaaud ḥemleγ akw isefra n medden, i d-iγellin ger ifassen-iw, neγ ittafeγ deg wesmel-agi ...
Yal wa amek yettaru. Ttikwal llan wid ur yi-nhewwu ara ... maca ula d wid-iw zriγ llan wid ur ten-nḥemmel ara... Maca ulac deg-s... ulac win izemren ad yehwu akkw i medden sumata.
Ma d ayen-nni nnid'en i d-tennid'... Ur zriγ d acu ar ad d-iniγ ...
Tanmirt kan a gma... d aya.
Tansa
- Tinin-is...A Yir Nettat,
ugadeγ ad ssutreγ di mmi-s n Wemsed a d-yezger kra n usefru amaynut fell-am, a d-yini:
Lliγ taxzant i γelqeγ, seg ass-mi akken meẓẓiyeγ,
taktabt n lḥub i serseγ, yulitt uγebbaṛ teqqim.
Maca ur ttnezgum i kra, γas a d-yini akka, taggara a s-yessegri imeslayen-agi:
A d-ğğeγ γuṛ-i lexyal i w´akken a d-ttmektayeγ.
Mačči d uẓekka n wakal, deg ul-iw a k m-neṭṭleγ.
Tayri! Tayri! Tayri!
Ihi nekk a d-am-iniγ ayagi:
A YIR NETTAT, a YIR NETTAT,
tayri uneγmun tettmettat.
Mmi-s n Wemsed, mmi-s n Wemsed,
tayri-m deg ul-is tessed.
_____________________________________________
A Bu ccfaya,
taqbylit ur ttyuγ, ur ttyebli, d nekk i yetneṭṭnen a gma.
Ttuγ ur ččiγ ara tiεeqqcin-iw, ur uḥtameγ kan, almi d-ufiγ iman-iw s ddaw webrid.
Ssuref-iyi ttxil-k!
Tikkelt nniḍen ur d-qqareγ zzant neγ rrγant ḥala ma walaγ-tent
tteḍiqent deg uskir " Ngum a d-zerεeγ timẓin, a d-ẓreγ amek iga wakal".
- Tinin-is...Riγ a d-aruγ: Tterḍiqent deg uskir
- Tinin-is...Azul
Tella-yi deg wul a wen (t)-in-rreɣ i kra d-tennam, maca, yella wayen yezwaren; d tamsaltt n Sidi Xlil (aḥric wis-sin):
Ussan yezrin yeṭṭuqqet wawal ɣef temsalt yerzan taɣtast yeṭṭef lǧameɛ n l Aẓhar. D acu-t uyennat-agi daɣen?!
Mlalen imussnawen imeqqranen (n tiɣin n luḍu) n Aẓhar ( tasdawit n yenselmen) akken a d-afen tifrat i yegna akk d waṭṭanen i izedlen ɣef tmettiyin tinselmin. Anezgum ameqqran n imussnawen-agi, d tamsalt uxaluḍ gar yergazen d lxalat deg uxeddim: Ad mlilen d “ la yaǧuz”, acku ad tt-yurar gar-asen cciṭan; ma ssgedlen aya, ugaden si OMC akk d FMI akk d tuddsiwin izerfan n wemdan, amek ara gen?!! Refden ssersen, kkren, zzin, nnḍen; segmi qqimen fell-as ( ɣef temsalt-agi), uɣalen ufan-as-d tifrat:
I wakken ad yemlili wergaz d tmeṭṭut deg uxeddim, yessefk a tt-yeṭṭeḍ neɣ a t-tessuṭṭeḍ akken ad iǧuz ad xedmen d lwaḥid, ladɣa mi ara yilin d sin kan deg yiwen umaris (lbiru). S waya, ad ilin am mmi-s ɣur yemma-s, “Ssi Ṭadir “ ur myezmaren ara ad gen lɛib neɣ leqbaḥa deg way gar-asen!!!
Nekk, yuɣ lḥal tessnem-iyi, d aqerruy n texsayt i lliɣ, wwḍeɣ ɣer nnaziɛati ɣerqen, ɣerqeɣ din, rrudubliɣ! A d-nini ( admiṭa) aql-aɣ nxeddem deg yiwen ubiru nekk d Yir Nettat, amek ara nexdem?! Nettat d m uperpur, d tamezgunt werǧin turew, ansi ara s-d-yekk uyefki?! Nekk d asexxaf, d aseqqaḍ, yernu ḥemmleɣ-tt, ur ṣebbreɣ ara fell-as: acḥal ara yi-tessuṭṭeḍ d wamek ara tesɛu ayefki?!!
Tayeḍ: I win ixeddmen d tlemẓit lal n 16 neɣ 17 iseggasen acḥal ara yeṭṭeḍ deg-s akken ad tesɛu ayefki?!!!
Jjmiɛ liman fi jjmiɛ liman ar werǧin i yi-yeɛǧib lislam am tikkelt-a! “La ilah i la llah” “ Sa m’arunj” nekkini
Mmi-s n Wemsed ( amussnaw n Sidi Xlil) si Uṣlu
- Tinin-is...Imdanen-agi faydeg tettmeslayeḍ ar γur-i amzun ur ttekan ara di talsa am ulli iṭafarren ameksa ,neγ ahat d nutni ay d ameksa wid iteddun yid-sen d ulli !
- Tinin-is...Tamurt i deg ttektilen waggagen aḍu akken yenna deg awal-is win d-aγ-yeğğan, tettwaqceε tlelli-s ngum s-tettwagzem timiṭ
Imawlan-is selken-tt s izerfan-nsen yeddan am teslit deg tmura ideg ur tezmir ara tmeṭṭut ad terfed s uqeṛṛu.
Tagi tettwet ula d ass n tmeγṛa, ma d sseg-as akin tezga tečča tamxixt terna teqqar a wer d-ibru wergaz-iw, acku tettagad ad tuγal s axxam n imawlan-is.
D axxam n waγzan i s-yuγal waxxam ideg d-tekker.
Twalam tura anida tuḍen iccu-s?
Tikkwal daγen yettmal wul γer tama n YIR NETTAT mar a yesteqsay wemdan iman-is akkagi:
1)- Tesεa tayri talast?
2)- D tidet yezmer ad yili mmi-s n Wemsed d-yekkren, yeddren
ar ass-a deg wexxam n imawlan n teslit " izerfan"
yettwarekḍen d amdan atrar akken a terfed yes-s
aqeṛṛuy-is deg timiṭ n Ccu n Zilizi?
3)- D ayen tḥemmel Temrabeṭ s-yennan tidet i xalti-s i d
ajgu alemmas n tudert n tmeṭṭut taqbaylit? Yiwen-nsent
akk? Mmgaradent?
Nekk zemreγ kan a d-ffkeγ tamuγli-w neγ tiririt-iw γef usteqsi wis sin: A d-serseγ afus-iw di tmes, ad ggaleγ ar yif akk Iγumyen n umaḍal akken yella d atrar ( d netta n d " LUNFU
TIRIBL" n tmurt n yeqbayliyen tadsimant).
Si tama nniḍen γellin-d yesteqsiyen-agi:
1)- Lammer tufa ayen tettnadi, acuγer tuγal am tzerzert akken
s-yenna dda Ğamal? Acuγer daγen tuγal am lebṛaq?
2)- Tettnaγ d wul-is? Ur teẓri ara dacu tettnadi?
Dagi d Tusnakt kan a tt-iselken:
Isteqsiyen imezwura
- Isteteqsiyen ineggura
___________________________
= Tḥemmel tutlayt taqbaylit
Ayen nniḍen yal yiwen aqeṛṛuy-is di tcacit-is.
S tudert n TLELLI
- Tinin-is...Tanemmirt a War isem, a War isem tanemmirt! Steqsaγ-k-id ansi-k ay Ayirat, ma seg Iεezzuzen, terriḍ iman-ik ur tefhimeḍ ara ḥqaḥqac neγ tugadeḍ a k-yexneq ileẓwi?! Nekk γas d ccmata, d mmi-s n leḥram, maca, mačči d abayuε ay Ayirat a mmi!
Tamawt: Azekka a wen-in-awiγ γef yiwen ukappičču di lḥassi.
- Tinin-is...Azul a Mmi-s n Wemsed ,nek d ayirat n at yiraten ur lliγ seg iεazzugen xas akken ḥemmleγ-ten am akken ḥemmleγ akk° iqbayliyen igan am wid ittarun deg usmel-agi.
Taggara ad ak-d-iniγ ansi d-uγeγ aẓar:Nek d ayirat awanec ,baba d Belqasem Awanec taddart-is d Adni ,yemma d Γnima Tacaεbant taddart-is d at Σaqub deg Irjen(Tamazirt) ittekan ar Wat Yiraten .
- Tinin-is...Bγiγ a d-iniγ at Yaεqub mači at Σaqub,surfet-iyi!
- Tinin-is...Asekkur a War isem, a War isem asekkur !!!!
Ɣas ɣiwel ssegzu-d d acu d-tenna akka Yir Nettat ɣef umeddakel-ik Mmi-s n Wemsed?! Jjmiɛ liman ma gziɣ tapyunt seg usefru d-tewwi tcebḥant-agi-inu! Ur ẓriɣ ma d nettat i d tamussnawt, neɣ d nekk i d “lbiṭ”?! Teqqar-ak “ merrgeɣ-tt” d acu ɛni d-tenna akka?! Gar-aneɣ kan “ Aḥeqq jeddi Amsed, ar d ǧǧahennama deg-s, tessen ad temmeslayt d axeṣṣar!” Ur tt-ḥemmleɣ ara kan akka ɣef wulac! Mačči d labagaǧ-nni kan i d tameṭṭut neɣ d cwiṭ-nni kan n lmakiyyaj i yi-yessemxellen akka. Jjmiɛ liman ar aql-i ṭṭfeɣ kan taɛebbuṭ-iw, ugadeɣ ansi tḥebbes tira deg wesmel-agi, imiren a yi-teḍru am Amru-lqays; ad selbeɣ!!
Tamawt i Nettat: Acimi ur yi-d-terriḍ ara ɣef westeqsi-nni yerzan izen-nni n Mmi-s Unuɣmun, amek i yessen taqbaylit? Wissen ma tḥemmleḍ-iyi akka azuḥ?! D acu i yettgensis uzamul neɣ wudem (“lugu”)-nni n tuddsa-nni tagraɣlant i wuɣur txeddmeḍ ( A m-d-zzewreɣ umli-yagi “ yettwakkes-d si Ṭasili n Ajjer” ; ngum ad terzuḍ ɣer tmuturt-nni n “gugel”)?
Aql-i ttraǧuɣ s lḥir meqqren ass n lɛid akken a kem-ssudneɣ si tḥennikin-nni-inem tixuxiyin.
S tmaḥmaḥin, Mmi-s n Wemsed
- Tinin-is...Awelleh ɣef Sidi Xlil n yiḍelli
Taɣtast neɣ lfetwa ṭṭfen imussnawen ( lɛulama) n lǧameɛ n Aẓhar tsenned ɣef weɣbalu-yagi ara tafem di tedyant-agi:
Yiwen wergaz tameṭṭut-is d m uperpur, tesɛa kra n lbagaǧ ɛeẓrayen-nni i d-iceyyeɛ akken Ɛli Tunsi ɣer tmurt n leqbayel, ur yezmir ara a t-yerfed ( lbagaǧ)! Argaz-nni ur yestaf, akk ass d tiɣin n luḍu, tameṭṭut n twaɣit yewwa-d lexrif-is, ur tufi wi ara tt-ixerrfen! Dɣa tufa-d zdat-s Akli-ines ( yezmer lḥal ad yili d jeddi-s n jeddi, yuker-it Ɛuqba Bnu Nafeɛ yezzenz-it meskin s wulac --- ɣurwet ad tettum a leqbayel ayen xedmen deg-neɣ!--?) tefser-as-d lexrif-is… Yuɣal wergaz-is icukk-itt, iruḥ ɣer Muḥemmed, yenna-yas: M uperpur-nni-inu atan yerwa seg-s axerref wakli-nni afuḥan, i tura d acu tenniḍ?! Yerra-yas-d nnbi n yenselmen: A s-tefk kan ad yeṭṭeḍ ( alamma yerwa), dayen ad tuɣal d yemma-s.
“Ur d-yettlal wawal d agujil” a leqbayel!!
Nekk ɣef dra n Yir nettat kan i yi-yeɛǧeb waya, acku ur s-ufiɣ ara ansi ara s-kkeɣ daya!
Mmi-s n Wemsed si Hilisanki.
- Tinin-is...Yella yiwen weqmayli ( yesɛa taḥanut di Lḥasi, isekkilen imenza n yisem-is: S.Ǧ), yella d amajir deg yiwet teswiɛt akken; isemma i mmi-s s yisem n yiwen ugellid imaziɣen ( Ma…). Iseggasen-agi ineggura zzin-as kra n at ičumar, wissen d acu i s-xedmen ( nekk, cukkeɣ xedmen-as lɛib!)?! Yuɣal ibeddel taglimt-is am wezrem; yuɣal ibeddel-as isem i mmi-s, a d leḥram a s-yessiwel s yisem amaziɣ! Tura atan yettazzal ɣer teɣdemt ( ccreɣ) akken a s-ibeddel isem-is!!!! Jjmiɛ liman ar yerḥa-yi, yessečč-iyi lkarbir!! Ɛyiɣ ttxemmimeɣ d acu i s-ilaqen i ukebbun-agi! Maca, mmektaɣ-d akken xeddmen yenselmen i win yeffeɣen si ddin-nsen, yebdel ddin nniḍen: ttnuɣun-t, qqaren fell-as “ muṛtad”. Nekk tban-iyi-d akken nniḍen, lemmer a yi-t-id-tefk tegnit, ur t-ttnuɣuɣ ara, a s-xedmeɣ kan lɛib! Aḥeqq jeddi Amsed ar s wul-iw i tt-id-nniɣ: a s-xedmeɣ leqbaḥa! Akken ssya d asawen ad yuɣal ad yeṭṭafar ssuna n sidi-s Fidal Kaṣṭru bu učamar.
“ Ay ul-iw berka tteqzab
Ur teddu d waɛrab
Wala d lihudd irkelli”
“Ɛuhdeɣ tikli d yenselmen
At wacḥal d ddin
Widak ur nesɛi lmedheb”
“ Nekkni s leqbayel
Ma yeqbel Rebbi fell-aɣ
Nennum tamɛict n ddel
Nzellu lefḥul-nneɣ
Muqel s aɛdaw, muqel
Yuli timegeaḍ-nneɣ”
Imenza n Si Muḥend U Mḥend, aneggaru n At Meslayen .
Ḥulfaɣ ɛeddaɣ i tlisa, ḥulfaɣ daɣen tqerreb-d taggara-w, a yi-tessusqem seg wesmel-agi; maca, jjmiɛ liman ar tt-kemmleɣ akka, ɣas a d-griɣ weḥd-i, ar d ttmeslayeɣ i igerfiwen!
Mmi-s n Wemsed si Prag
- Tinin-is...Azul,
Gedha yes-k a gma.Tuklaleḍ tanemmirt ay Ayirat.
"Wi yesεan tawacult ( am kečč)-is deg idudar, ur yettagad izuγar".
"Ay d-urwemt ay at Iraten
Lefhama irgazen"
I yenna Farid Ferragi
Iles (unṣib n Aṭlas mmi-s n Wemsed)
- Tinin-is...Azul ay Iles, tanemmirt af imeslayen iẓidanen i d-tenniḍ fell-i d wat tmurt-iw, nek luleγ di Fransa ttmeslayeγ taqbaylit n taddart-iw maca ttnadiγ ad issineγ ugar i wakken ad snerniγ tamussni-w, imyura.net ar γur-i amzun d agerruj yal ass teqneγ-d γur-s.
Asnemmer: i widak yessulin asmel-agi, ssarameγ ad yimγuṛ daghen a t-issinen ugar n yemdanen.
- Tinin-is...A mmi-s n Wemsed,
di temdint-agi ideg zedγeγ tettwaker yiwet n teqcict γuṛ-s tam
( 8 ) n iseggasen taggara n ssmana-agi deffir-nneγ.
ass-agi ufan iceṭṭiḍen-is deg yiwet taddart d-yezgean kra n 20 Kilu ( akken qqaren at Busεada neγ at Mεeskeṛ-nni icexṛren ma qqaren XXX ya ḥḥawği).
(Yak ur d-keččem ara s asmel-agi ccixa Lğenniyya Bent Mεeskeṛ?).
Imawlan n teqcict-agi n tmurt n Kuṣubu, ihi almi d tameddit i sawlen i imesulṭa, acuγer?
Zzwaren ẓran-d yiwet n tderwicht, uγalen sawlen i yiwen ccix
d agezzan γer tmurt-nsen.
Ccix-nni ur sen-d-yufi ara anida tella, maca yenna-yasen walaγ-tt di lemri.
Daγen nekk akka i teḍra yid-i γef usefru n YIR NETTAT
( tababaḥt-ik ), a k-iniγ kan akken d-as-yenna winna n taddart-iw i umeddakel-is m´akken d-yuker tizimert i yemma-s:
" A d-refdeγ taγawsa a tt-serseγ, tagi ur d-as-ssineγ ara".
Maca ula d nekk dmeγ-d lemri, walaγ am akken d nettat s timmad-is, d YIR NETTAT-IK ih, teṭṭes deg usensu-agi amaynut ssulin ussan-agi deg Wezṛu n Thuṛ.
Tgen almi d talemmast n yiḍ, tersed yiwet n tsusmi, izi ma yezzenẓen deg temguṭ a s-tesleḍ. Teffeεfaε-d si tnafa, tufa-d lmelk zdat-s, tefqeε, acku tγill-it d bab n usensu seg w´akken yettak anzi γuṛ-s.
Yuγal yenna-yas: Ur ttagad! Ur ttagad A YIR NETTAT!
Nekk mačči d Bu Tbexsisin, nekk d lmelk, d lmelk.
Tenna-yas: Dacu tebγiḍ γuṛ-i? Dacu.....
Lmelk: D ajenni-w n mmi-s n Wemsed i d-id-yuznen γuṛ-m.
YIR NETTAT: Aha ini-yid dacu k-id-yewwin γuṛ-i!
Lmelk: Ini-yid kemm dacu a s-iniγ i mmi-s n Wemsed!
YIR NETTAT: Imi kečč d lmelk, ihi zemreγ a d-ssutreγ deg-k ayen i d-iyihwan.
Lmelk: Tzemreḍ ih, ma yehwa-yam " Ccnu nekk a d-ssefruγ neγ
a d-ccnuγ kemm ssefru".
YIR NETTAT: Ad d-ssefruγ nekk
Tezzi aqeṛṛuy-is kan, yufeg lmelk-nni
Ihi di lḥemman-nni s tufγa n leεqel, teddem-d tessefra akkagi:
nniγ-as:
Win ur nessin a γ-d-isteqsi
a t-nweṣṣi
Ma d ayen ur neḥṣi
γer win issnen
a t-nweṣṣi!!!!!!!!!!!!
YIR NETTAT Azṛu n Thuṛ iḍ n.....................
Kečč tura tzemreḍ a t-azneḍ ajenniw-ik γer lmelk, a k-tt-id-yefru!!!
------------------------------------------------------------
G.M: Cukkeγ tra a d-ini ayagi:
Win ur nessin kra, yezmer ad yesteqsi YIR NETTAT
a d-as-tmel.
Ayen ur tessin ara nettat s timmad-is yella di tmacint n google.
- Tinin-is...Azul a War isem d Mmi-s n Wemsed, walaγ tḥeṛcem aṭas di tira d wamek iγ-d tessawḍem ayen iḍerrun di tmura ideg tzedγem,fiḥel ma nuγ-d iγmisen d kunwi ay d Agence Reuter-nneγ!!!
- Tinin-is...Ay ayirat,
tira d mmi-s n taddart-ik i γer llan-t akk tsura-s, fell-as i tebded
tmaziγt di " L´INALCO".
Ayen nniḍen ma twalaḍ nesfaq-itt, ini-yaγ-d ssusmet, a nessusem.
Tella daγen tagi, uḥeqq jeddi-s n mmi-s n Wemsed ma ttuγ-tt:
Imi d-mmeslayeḍ γef tmura anida nettili, dagi anida ttiliγ nekk
( mačči di Prag, Hilisanki, Uslu...atg. ), acku d mmi-s n Wemsed i yettinigen gar-asent tigi, qqaren:
"Anida tella tlelli, yal amdan γuṛ-s azref a d-yini ayen i s-yehwan, yal wayeḍ γuṛ-s daγen azref ur s-yettak ara tameẓẓuγt ).
Deg tmurt anida d-nekker, d wigi i d imeslayen n umedyaz-is
ameqqran:
Eğğ mmi-s n Wemsed netta d ṛṛay-is, mazal i d-as-d-yessukes!
Yenjeṛ-as-d abrid-is, yemla-yas anida a yeεbes.
D netta i s-yeṭṭfen afus, γas ma izad, yelha neγ ixuṣ,
eğğ-it netta d ṛṛay-is!!!
Ma s γuṛ-i a d-ak-iniγ:
Eğğ-it netta d ṛṛay-is, ur yelli d aqeṛṛu n texsayt!
S agemmaḍ jban-t wallen-is, kksan-t ḍefṛen-t YIR NETTAT.
Eğğ argaz ul-is yelha, yes-s cebḥen-t tmucuha,
tutlayt-ik ur tettmettat.
Ul-ik amek ur icedha, tizeṭ d wayen d-yelha,
neγ tḥemmleḍ YIR NETTAT?
- Tinin-is...A war isem, mmi-s n taddart-iw ad iniγ d Salem Caker dγa a s-iniγ tanemmirt tameqrant γef wayen akk iga i tmeslayt-nneγ.
Nek ur ssineγ ara ad aruγ taqbaylit akken ilaq serwateγ-tt kan, a wufan yiwen wass a s-kkreγ i taluft-agi n tira acku llant aṭas n temsal deg wul-iw bγiγ a tent-id smireγ akken ad regmeγ akw iqbayliyen ur d-neclig ara di tmeslayt-nsen.
Dγa bγiγ ak-steqsiγ a war isem : ayγeṛ ulac iγmisen d tesγunin s teqbaylit ?
neγ ahat llan ur ten-ssineγ ara?
- Tinin-is...Azul.
Assa-a nwiγ ad testeεfum seg-i, maca, atan tessneṭqem-iyi-d ur uḥtameγ! Asteqsi kan?
Anwi i yessnen Racid Caker?!
Yiwen ur t-yessin!!!!!!!
D gma-s n Salem Caker, ayen yexdem i tmaziγt yiwen ur t-yexdim di 80-nni; kkren segrarrbent di 81? ssağwen-t ğemla deg webrid n At Iraten: Yemmut netta, tameṭṭut-is .. tura yiwen ur d-yettmeslay fell-as!
D acu iγef ttmeslayeγ akken? Ih! mmektaγ-d: Yir nettat-agi werğin i yi-d-tenna "ḥemmmmmmleγ-k", wissen tessetḥ neγ tekreh-iyi imi d-qqareγ akka lεib?!
A s-iniγ : " ma d asetḥi i tessetḥaḍ, γas qqen allen-im tiniḍ-tt-id; yernu kra ur d-iḍerru, ad tennameḍ kan dayen. Ma d akrah i yi-tkerheḍ, dagi tesεiḍ lḥeqq, acku yir aqcic am nekk i s-yeqqaren i teqcict " ḥemmleγ-kem" yernu zdat medden; yernu medden-agi d leqbayel!!!
Yir aqcic
- Tinin-is...Azul akw meṛṛa,
Ttxilwet, win i yesaan deg-wen ayen s wayes yezmer ad yaru wemdan s Tfinaγ, deg usenselqim, ad iyi-t-id-iceggaa.
Attan tansa-w tikelt-nniḍen :
iflissen_arbi@yahoo.com
Tanmirt tameqwraḥant si tura.
Tansa
- Tinin-is...azul
Ulac lεib di tayri a mmi-s n Wemsed!!Izad ma εad tennid-tt-id i win tḥemmleḍ s-dat n medden d tirni.
Ḥemmleγ akk wid d-ittarun des wesmel agi nneγ!!Ayen ḥemmleγ nnig waya:D taqbaylit!!!
Ur d-ssawḍeγ ar tweṭzit-ik ay aweččir!!Amarezg n tin k-ilan!!!!!
- Tinin-is...Am arezg-nneγ deg wayen nettwali.
Am a sseεd-nneγ, iṭij, abeḥi d tili.
- Tinin-is...ayirat
- Tinin-is...Azul a yir nettat, tekker fell-am taluft , isem-im yal ass ittwabdar-d deg usmel-agi-nneγ.
- Tinin-is...Azul a Mmi-s n Wemsed, urğin sliγ s gma-s n Salem Caker d wayen i s-iḍran, tanemmirt-ik imi iyi-d temliḍ tawaγit-a.
- Tinin-is...Ayirat-nni! Azul fell-ak!!
Almi d tura i d-ufiγ d anwa-k! Aṭas uya a yameddakel...
Sawaḍ-asen azul i iqeddacen n temkarḍit-nni n "P-5".
Keccmen-awen-d kra n yedlisen s tutlayt teQbaylit neγ?
- Tinin-is...Azul ay Amnay, sarameγ ur k-yuγ wara, nniγ tura beddleγ tamkerḍit, aql-iyi di Cujas d tamkerḍit n tesdawit Paris1, illa dinna yiwen udlis aqbur s teqbaylit yura-t yiwen n taddart-iw isem-is Bulifa wissen ma tesliḍ yes?
Attan tansa-w e-mail ma tebγiḍ a yi-d taruḍ:aleskanderfr@yahoo.fr
ukd tansa-w MSN :aleskander@hotmail.fr
Ar tufat ay amedakel.
- Tinin-is...Ay ayirat,
anwa Bulifa i γef tettmeslayeḍ?
--------------------------
A mmi-s n Wemsed,
uḥeqq kra yellan yetturar ddabex s tculliṭ di tallit-nni n Dali d Derriğ, ar ḥhareγ a d-ẓreγ tiririt-ik metwal YIR NETTAT.
Am arezg n tẓuri!!!
- Tinin-is...Azul fell-awen
Tanemmirt d kečč i tt-yuklalen ay Ayirat. Imeslayen-inek d tiḥedrin n tammemt (tamment), tessneḍ taqbaylit d wezgen ; tifeḍ widak yettzuxxun, yettarran iman-nsen ssnen, u nutni d ticulliḍin-nni yeččuren kan d nnefs. Ɣurk a k-ɣurren widak yettɛuddun d At Iraten kan, neɣ d At Yanni kan i yessnen Taqbaylit!Ɣurk daɣen ansi tettɛudduḍ Dda Lmulud, Ssi Muḥend Ssaɛid Bulifa, Belqasem benṣdira, Xewwaṣ, Harun… d arraw n tudrin-nsen kan, imi mačči akk At Yanni cban-d di Dda Lmulud u “caylelleh”, neɣ akk At Weqbu cban-d di Harun “wama’ adraka”!
Yenna Dda Lmulud deg usarag-ines aneggaru ( ass n 12 Yennayer 1988 di Bgayet) ngum « a t-nɣen » : “Tamaziɣt d tutlayt taqburt (taqdimt) akk di tutlayin n ddunit”, yegzem-as-d awal u Harun, yenna: “Daɣen d tutlayt ( tameslayt) tacebḥan akk di tutlayin n ddunit”! Ad teẓreḍ wid yumnen s Tmaziɣt a mimmi! Mačči d leqmayel-agi at ctata berrakka!! Icaqqaren i sen-yenna dda Ɛmer Mezdad.
Tikkelt akken, yella yiwen yebɣa a yi-d-yini ssuref-iyi ur ssineɣ ara taqbaylit.
Nniɣ-as: Aww! Yella kra n weqbayli ur nessin ara taqbaylit a lbiṭ! Lemmer mačči d tamḥeqranit i tt-neḥqer, ɛni a ɣ-teḍru akka a lbiṭ!
S tewzel kan ay Ayirat a mmi: Kečč d aqbayli n wezgen, teqqareḍ, tettaruḍ yes-s; nezmer ad nzuxx yes-k, yernu a k-iniɣ akken i t-yeqqar Dda Ɛebdella: “ A k-ikennet Yakuc ( a k-ibarek Rebbi).
Ssiweḍ azul i yat Fransis, war ma ttuɣ massa Nuɣmun Yiɣ nettat
Alih binjur!
* Nekk n Lberǧ n buɛrariǧ, kra n wass a k-n-ḥkuɣ tadyant n jeddi amenzu i wumi qqaren “Lumuṣapyan”, aseggas ad yesmed amelyun d wezgen iseggasen deg usemmud ( leɛmer)-is.
Mmi-s n Wemsed si Luẓan
- Tinin-is...Azul ay ameddakel, amidi, amesmun War isem
Teḥrem remṭan ( remḍan)-iw ar lxir-ik ma ssarden-t isaffen a War isem, ay ameddakel! Lemmer mačči d keččini yili ḍeggreɣ iman-iw d Ssebxa ( ahat tessneḍ-t akken tessneḍ akk imukan-nniḍen? ḥqa atan yerfa fell-ak win akken i wumi qqaren “ Laẓ/waḥidun, imi s-d-tenniḍ akken “ Lqahwa-nni n ru d Filip ( “lqahwa uzewwad”) tfuḥ”, yenna-d fell-i i d-yettmeɛɛin imi yesla din i ttɣimiɣ!) imi anagar kačči i ufiɣ d amallal ( amɛiwen), d amwanes, tettarraḍ-iyi-d asirem, wama tili tenɣa-yi s uburdi ( d lehlak amaɛur) massa Nuɣmun!
Jjmiɛ liman a Ssi Sliman yettwanfan, ar aql-i deg unezgum meqqren, ar teḍra-yi am winna akken i wumi tewḥel tmellalt! D acu tebɣa akka tura?! Ur d-tqerreb ɣur-i a yi-tekkes lweḥc-agi i yi-yeččan, ur tbeɛɛed akin anda ur tt-ẓerrent wallen-iw ahat a tt-ttuɣ! Sked tin ǧǧin ur wwiteɣ s yes-s: Sqazzbeɣ ulac, tugi ad tessetḥi! ttruɣ ulac, ur ttɣaḍeḍ ara! Suɣeɣ ulac, tugi ad tagad! Regmeɣ-tt ulac, tugi ad tbeɛɛed akin fell-i! Tetturar yes-s-i akken i s-yehwa. Maca, mačči d nettat i d yir nettat; d ul-iw i d yir netta, wama amek ara yeǧǧ ugar n sin imelyaren n tulawin di ddunit, a tt-yefren nettat m txenfurt i yessalayen tanzaqin-ines fell-i lebda!
A ziɣ aṭas i yekkulin fell-am dagi, mačči ɣas nekkini a ddin n yemma-m! Tikkelt-a err-iyi-d awal a ddin n yemma-m ( ḥemmleɣ a m-d-iniɣ awal-agi “ ddin n yemma-m” ttḥulfuɣ rniɣ-kem s waya, am wakken d kemm i yekkulin fell-i!); ssefru-yi-tt-id mačči s lemɛun, ini-yi-tt-id srid ( dirikt)--- atan wayen ara yi-d-tiniḍ: Yella usirem ay aɛziz, ḥemmleɣ-k nnig n terwiḥt-iw a tarwiḥt-iw! ḥemmleɣ-k d alammi d ulamek, ḥemmleɣ-k ugar n kra yellan di ddunit: ugar n yemma… A Mmi-s n Wemsed sɛu leɛqel, yessefk ad tṣebreḍ cwiṭ, ula d nekk s tmara kan i ṣebreɣ, rẓag fell-i lqut, yenɣa-yi ɛawaz ɣef dra-k !.. ( ma tzemreḍ a d-tiniḍ imeslayen yifen wigi, maɛlic, nekkini dimukratik, ur kem-ttseyyifeɣ ara d acu ara d-tiniḍ)
I tikkelt-nniḍen: Err-iyi-d awal a ddin n yemma-m! a m txenfurt, am tanzaqin, am tḥennikin n lesfenǧ ( ini-d ma teɣriḍ asefru-nni i m-d-hdiɣ “ tiḥennikin n lesfeǧ?),..
* Ales-d i wawal-nni i d-tenniḍ akken tikkelt-nni: A mmi-s n Wemsed ay aggur!..
- Tinin-is...Azul a nani (ciγi) Yir nettat
Riγ a yi-d-tiniḍ srid i nekk "ḥemmleγ-k" mačči ḥemmleγ-ken akk.
Ayen tebγuḍ tiliḍ d lεali-kem a Yir nettat, a ciγi!
Tanemmirt γef imeslayen-inem icebḥanen a tucbiḥt
Mmi-s n Wemsed
- Tinin-is...Yir Nettat:
War kukru aẓed γuṛ-i, γas medden deg-neγ walan!
Ulac lεib di tayri, am arezg n tin k-ilan!!!
Mmi-s n Wemsed:
Lmeεna-m tṛuḥ-iyi, tεedda nnig uqeṛṛu.
A ddin yemma-m ssefhem-iyi, awal yehwağ asefru!!!
Γas aqeṛṛuy-iw d lhem, iles-iw yeẓẓaḍ am tsirt.
Terra-yi-t tayri d ilem, tesseεṛeq-iyi-ten-t s tmuffirt.
Ul-iw yugi ad yessusem, yessefk a s-d-afeγ tajbirt.
Tanemmirt a War isem! A War isem tanemmirt!
War isem: ( yessuli nwaḍer-is d asawen)
Ma s tidet dγa tḥemmleḍ-aγ, tsedḥaḍ wid tḥemmleḍ.
In-as kan fell-ak selbeγ, γas ahat yid-s ur tt-ddreḍ
In-as amek ar a yafeγ, win a yifehmen a t-fehmeγ,
kečč tfehmeḍ-iyi ur d-itessineḍ.
Ihi nekk ( War isem ) a d-am-mmleγ, tayri yid-s i m-tt-ssarmeγ,
s teqbaylit-nni tḥemmleḍ.
Ddunnit d aγuṛṛu, amru-w la yettru,
amzun deg idamen-is i itett.
Ttxil-m ur ttru, wagi d asefru
n War isem iḥemmlen tidet!
- Tinin-is...
A war isem, Amaṛ U Said Bulifa ilul deg useggas 1861 di Adni yura ddeqs n yedlisen s tefransist γef tmurt-nneγ d tmeslayt-nneγ .
http://fr.wikipedia.org/wiki/Si_Amar_U_Said_Boulifa
- Tinin-is...Tanemmirt-ik a mmi-s n Wemsed ihi a k-d-iniγ kra n wawalen s tazzla
γef akken ttwaliγ tamsalt-agi n teqbaylit. Taqbaylit tella, tedder, tekmmel, ma d arraw-is mmuten.
- Tinin-is...Ay ayirat,
s tudert n tqeṛṛut-ik a gma!
Γas ur lliγ ara d yiwen seg imusnawen maca, Bulifa ssneγ-t.
M´akken tenniḍ i Umnay d adlis amaynut, γilleγ yella kra n umyaru
amaynut sawalen-as ula d netta Bulifa, yak yezmer ad yili wayagi?
- Tinin-is...Azul a War isem, d tidet yezmer ad yili waya acku widak i d-yeğğa Amaṛ U Said Bulifa-yagi γṛan akk d acu kan ur ẓriγ ara ma tezzi-d tmuγli-nsen ar teqbaylit am jedd-nsen.
- Tinin-is...Azul fell-awen
A ziγ ur diri-kem ara a Yir nettat! Tḥedqeḍ, tessneḍ taqbaylit ( taweṭẓit) d wezgen; ur ijaḥ ara beṭel mmi-s n Wemsed!
- Tinin-is...A Bu ccfaya,
K.U. atan yerra-yid, yenna-d a d-inadi γef unamek n wawal,
mi t-yufa a d-id-yini.
Ihi atan mačči d tatut i k-nettu.
Ma yella tettnadiḍ akk timsal-agi, axx wali ma yeffeγ fell-ak wayagi, ahat a d-yili dacu a t-qedceḍ yes-s ( wiyaḍ d tiyaḍ ) daγen.
Wigi d ismawen n imeḍqan ( iberdan, lexlawi, iḥerqan...atg. ) n taddart anida luleγ d w´anida d-kkreγ( taddart n War isem ), 92% ur ẓriγ ara dacu d anamek-nsen:
Abehlul ( avehlul )
Abrid n usammer
Acadux
Adumiz
Aftis
Aḥṛiq
Agelmim
Aglalaz
Agni
Agni meṛwan
Agni n waddaden
Agemmaḍ n tala
Agni n wuccen
Amγaṛ
Azṛu n thuṛ
Agni ufella
Amalu
Ameγṛus
Anu
Aqeṛṛu n wewrir
Aγeggad n lğamaε
Azrib n yemrabḍen
Alma
Bumendil
Bujbeṛ
Buḥbasa
Ddaw terga
Ddaw webrid
Σeccuq
Σesker
Iliğu
Ifri
Ifri ičenčunen
Ifri n ubawal
Ifri n wuccen
Igra n weslen
Igelmimen
Iγzeṛ aẓeqqal
Imuzzar
Imṛaḥen n at Ss3ada
Inurar
Iγzeṛ
Iγil ileggan
Iγil n wuxlif
Ixeṛban
Ixeṛban n at Σemṛuc
Izeggaden
Lbuṛ
Leεnusaṛ
Lemsila
Lemεinsṛa
Meṛced
Meqquc
M-Uεecciw
Meεdan
Manar
Rreḍxa
Ṣṣem3a
Ssbil
Tabburt n wezger
Tizṛa tiḥercawin
Tazṛutt ibubben tayeḍ
Tinirgelt
Taqaεεett n uγeṛṛabu
Tigert Σelwi
Timducin
Tibhḥirt M-Azṛu
Timizar n tejmeεt
Tajnant
Tagemmunt
Tafrawt
Tuccanin
Tizi n wuzzal
Tiliwa
Tubdirt
Tiγilt n yedγaγen
Tiqincuṛt
Tagenturt
Timiziṭ
Tala n wegni
Tamda iseγwan
Timeqbeṛt n at Zgan
Tajmeεt n wadda
Tajmeεt n at Σisa
Tijellabin
Tiγilt
Tala usammar
Ṭṭarḥa n at Ḥemlat
Tasga n Mekraz
Timejεeṭ
Tiẓgi n ṭlam
Taγzut
Tiwririn
Tiḥjuṛin
Tijellibt
Taseddaṛt
Ummaden
Ur tiεli
Ubdir
Yeεla
- Tinin-is...Azul fell-awen, ula d nek ad ttekkiγ di twizi-yagi n imeslayen!!!
Agadir
Amezyab
At Yiγil
Azabi
Taḥcaṭ
Taγanimt
Iγzeṛ n Tumert
Lḥed
Mestigga
Tafilkut
Ḥemnana
Tibusaεidin
Bujibar
Ṣur Uṛumi
Mectaq
Tagraract
- Tinin-is...azul
A War isem,akken ma llan wawalen agi d-tbedreḍ γur-i inumak nnsen.Ma ur tumineḍ ara , seqsi-iyi-d ad tawaliḍ;
Awal nniγ-t-id yakan:Win ur nessin........atg.
Yelha wayen akka ntegg s tḥiwect n wawalen.....
- Tinin-is...A Yir NETTAT, a YIR NETTAT,
γuṛm kra nettnadi nufat.
Kker tura ay amdan ini: " Mmi-s n Wemsed yedderγel γef ulac, d aderwic kan neγ ur yeẓẓri ara anida yettakel".
Llan daγen wid yeqqaren: A d-yeṛwu deg-neγ Unuγmun tadṣa, ahat yeqqar i wul-is: " Iqbayliyen-agi mi sen-yečča wemdan imensi, a sen-yeğğ tarda n leḥwal, a ten-yaru lxuğğa γer cḍeḥ"
A ziγ γuṛ-i azref imi bded-γ seg tazwara γer yidi-s n umeddakel-iw.
Maca γas qqareγ-am akka, yessefk a t-ẓreḍ daγen d awezγi a d-yebḍu ula d ajenwi ( ttuγ isem n temdint-nni n d Ṭelyan )
gar-aneγ nekk akk yid-s.
Ma yella kra a d-yasen akka d afella n wayen ur nelhi gar-aneγ,
d awezγi a d-yekk si tama-s ( s wallaγ-iw i teddun iẓuran n wul-iw ).
Maca daγen ma yella tefkiḍ-iy-id inumak n wawalen-agi akken i ten-yessaram wul, mačči d tasuqelt am tinna n Ssi Tadir, a d-ssiwleγ i weltma γer tmurt, a s-iniγ:
Tura a weltma mačči iman-iw kan i telliḍ, γuṛ-neγ tawellitt nniḍen di Lpari m-leqwas.
M´ulac a m-uγaleγ am Bu Zitwaṛ, a d-am-niγ:
Baaaaaaaaε, baεεεεεε, ba33333...atg.
Ur tettuy-ara ihi ttxil-m gma-tneγ Ayirat!!!
Yerbeḥ neγ yexseṛ d gma-tneγ ayen.
- Tinin-is...Riγ a d-aruγ d awezγi a d-yekk si tama-w mačči si tama-s
( annecta d ynetta kan i izemren a d-yemmeslay fell-as )
- Tinin-is...Weltma daγen a s-iniγ: Mačči iman-im( deg wemḍiq n iman-iw ) kan i telliḍ.
Rwin-aγ wuguren a YIR NETTAT ( temγeṛ, ankaẓ n yezṛi, kennu n tuyat d wayen akk yeqqnen s ayagi).
- Tinin-is...Azul fell-awen (t)
Ahat ass-a ad teslem yir imeslayen sɣur-i, yernu mačči d wid-nni n tannumi ( “tiḥennikin n lesfenǧ d tedmarin n lipunj”)!!
Nekk “ sifini” dayen yečča-yi layas; lemmer ur d-ufiɣ ara weḥlent tqejjirin-inu deg yexmir, yili ssnesreɣ-d iman-iw! Ah ya ddin n qessam! A lemmer mačči d cwiṭ-nni uḥezzeb, a lemmer mačči d widak-nni yefkan timegraḍ-nsen d asfel ɣef yedra-nneɣ, yili ula d nekk ad lemdeɣ “A.B.C.D”, tebɣa ad texlu, tebɣa ad teɛmer!!
Ur umineɣ, ur ḥṣiɣ a d-lalen akka am: Dda Lmulud, Bulifa, Ṭawes Ɛemruc, Harun, Kateb Yasin.. S tidet kan, ur umineɣ s waggagen “ lantilijunsya”-yagi-nneɣ, imi wa tečča-t tlafsa n trumit, wayeḍ tessebleɛ-it tzulixt n taɛrabt! Tawaɣit n kra deg-neɣ sqizziben i irumyen, ttɣilen (irumyen) ad ǧǧen Budlar, Lamartin, Balẓak, Lafuntan, Vikṭur higu ad ɣren tafranṭiṭt n libiṛbiṛ ubeṛbuṛ!
--Kkren-d Imaziɣen n Ṭumbuktu di Mali, ufan-d iman-nsen ttwattlen di “ Lǧebha lɛarabiya, lislamiya li tteḥrir l Aẓawad!
-- Mɛemmer Lqeddafi la yeqqar: Imaziɣen negren asmi negren “Idinuẓuren”! Yernu yiwen ur s-d-yessawel i BUCC akken a t-yeskanti!
-- Ugar n 70/100 n Imerrukiyen ttmeslayen s tmaziɣt, maca, ar ass-a mazal-iten ttḥawaten akken ad tili tmaziɣt!!
-- Leqbayel ugar uwines (lqern) –aya umennuɣ, taggara a ɣ-d-qqaren “ ad ttarum tamaziɣt s isekkilen n taramit ( i rran d taɛrabt)!
“ Ma d nekkni s wid i d-yeqqimen
La ɣ-ttdeqqimen
Tturaren yes-neɣ lebda” I yenna Dda Lwennas
Mmi-s n Wemsed si Baden baden
- Tinin-is...Lasetratiji dyabulik-1:
--Yenɛel waldin n dimukrasi ( tugdut) ur nezmir i yiman-is! Ilaq ad nesɛu yiwen am Meṣṭafa Kamal “ Aṭaturk”, lmeɛna-s: A d-yekker kra Ujiniral bu ukaṣkiḍ, a d-yejbed ayennat (“lmurṭi”)-is yesɛan 3 lmitrat, a sen-t-id-yessers ɣef ṭṭabla, a sen-yini: “ Bla rebbi ama ur telli ara tmaziɣt ar d awen xedmeɣ lɛib seg imeẓẓuɣen-nwen!
-- Neɣ kra n wass a d-nekker am yiwen, a sen-d-nini: Bla rebbi ur tt-tḥerrek Sonatrach, ur tt-tḥerrek ṭṭeyyara, neɣ lbabur, neɣ tmacint, ma ur telli ara tmaziɣt!
Neɣ d acu tennam ay at “NI NI”?!
Mmi-s n Wemsed si Bruksal
- Tinin-is...Lasetratiji dyabulik-2:
Neɣ ad nesɛu yiwet m uperpur, m umermiḍ akka am Kunduliṣa Rayes!
Kunduliṣa Rayes-agi tettlusu aṭayur neɣ jjippa ( asafa), trennu tettxemmil ɣef imeṣṣaḍen-ines, mi ara truḥ ɣer igelliden akk d iselwayen n tmura taɛrabin, tdehhen timeṣṣaḍin-ines s wudi, ttuɣalent ttirriqent!.. Akken ara teqqim zdat waɛraben-nni, ini ffɣent-d wallen-nsen, ladɣa nutni kkaten akk “ VIYAGRA”! Ttuɣalen d iḍan! Akken ara ten-tesseḥmu mliḥ, a sen-tebdu: “Tabettit n lpiṭrul a tt-naɣ s 5 duṛu, takarṭunt tamecṭuḥt n Viyagra a wen-tt-id-nezzenz s 20 imelyaren.. d acu tennam, tqeblem neɣ xaṭi (ini tessali cwiṭ jjippa-ines)?!”
--- Neqbel, neqbel. I s-d-ttarren waɛraben.
Ini tefk-asen ikaduten ( tiṣabunin) neɣ tunṭicin, ini truḥ !
Jjmiɛ liman asmi ara jewǧeɣ ar d ttazneɣ tameṭṭut-iw s tkiluṭ ( d acu kan a s-geɣ lkadna, ulac win ara tt-yeldin ala nekkini!) ɣer uqerruy-nni n weɣyul ( ḥaca aɣyul) i izedɣen axxam n Rebbi; akken ara taweḍ ɣur-s ad teslem s tmaziɣt “lung ufisyal” d tutlayt tunṣibt di Ssaɛudiya!
Akken i t-yenna akken Dda Qiqi “kis kisi” ma mmeẓrent tmeṣṣaḍin-ines s wazal n tmaziɣt lung ufisyal!!
Mmi-s n Wemsed si Amestiṛdam
- Tinin-is...Azul Fell-awen
D acu-t wawal-nni “ uweččir” a Yir nettat, a War isem?!
Iban-iyi-d d agḍiḍ neɣ yewwet-iyi wugur !?
- Tinin-is...
Tewwḍeḍ-d γer Baden Baden ur d-rriziḍ fell-i.
Aql-i rrfiγ fell-ak a mmi-s n Wemsed.
Awal i γef testeqsayeḍ, d YIR NETTAT kan a t-id-yessefrun:
Win ur nessin........atg.
- Tinin-is...Azul a Mmi-s n Wemsed, keč d arupurter n uγmis aqbayli di Turupt(neγ Turuft am akken i s-qqaren kra)?
Dγa isem-is uγmis fay deg txeddmeḍ?
- Tinin-is...Ihi ula d nekk s tunṭict-iw. Maca nekk mac'i kan d ismawen n imukan, ula d wid n tudrin ad d-ddun :
Aawana,
Tansa, ( wagi tesnem-t akw )
At Arbi,
Tawrirt n Iaarbac
Tala n tgana
Iger n ṣar,
Izarazen,
Abizar,
Iḥnucen,
Mira,
Aafir ( Wagi sneγ-t unamek ines...cic win ar a t-id-yafen :-))) )
Iṣeqqwan,
Iṣennajen ( Taddart-agi iban yisem-is amek ittunefka ).
At Arhuna ( Zriγ yella wedrum di Rrif ila, ... yiwen yisem-nsen d taddart-agi ).
Iaiyfan,
Bumaγis,
Ijaad,
Iγil beswel,
Imsunen,
Iṣeqqwan,
Waaness,
Tamdect,
Ummaden
Tansa .
- Tinin-is...Ttuγ kraa n imukan d tudrin:
Ğlahem,
Tabuduct,
Aaṭuc,
tamguḍt...
Maca wissen - aγ-d-inin wid yella d "linguistes" - ma awal n Temguḍt mači seg wawal n "Amguḍ" i d-yekka !?
Tansa.
- Tinin-is...Aεfir d aqabuc.
Ma zegleγ tidet, atan tella YIR NETTAT
- Tinin-is...Ttuγ wigi
Tiγilt bb°uccanen
Tikarucin
Kalitus
Camlal
Amalu
Zaεrur
- Tinin-is...azul fell-awen(t)
Yella gar-awen win izemren ayi d-immel anda ara afeγ amawal nni yura DDA LMULUD akk d J.M CORTADE iwumi qqaren AMAWAL TAMACEΓT-TAFṚANSIST!!!
"Tabizutt" γef lḥenk i win .......
- Tinin-is...Wagi d asteqsi neγ d tiririt γef isteqsiyen-nneγ?
Triḍ a d-iniḍ, kker-t a t-nadim γef yiman-nwen?
- Tinin-is...Azul a warisem,
Aafir d amkan deg ug llan ayen din n iblaḍen.
Tansa
- Tinin-is...Azul a Tansa.
Di taddart ideg tlul yemma, d aqabuc i wumi qqaren aεfir.
Annecta yella yakk di tmeslayin yerna nesεa imussnawen
a γ-ffrun tindac.
- Tinin-is...Azul a War isem
D acu-tent "tindac"?
- Tinin-is...Ay ayirat,
tindict tagerdit: S tγumit " noeud gordien"
- Tinin-is...Tanemmirt-ik a War isem
Awal-ni d-nniḍ s tṛumit ssneγ-t neqqar-as tiyersi, ad steqsiγ yemma ahat tessen tindict.
- Tinin-is...Ay ayirat,
tiyersi mar a yexneq wemdan wayeḍ di temgerṭ, tzemreḍ a d-iniḍ fell-as, yeqmeḍ-as tiyersi.
- Tinin-is...Tiyersi di temrart daγen.
- Tinin-is...Tikersi yurzen ad tefsi ... :)
Tansa
- Tinin-is...Azul a Warisem,
D tidett ayen i d-tenniḍ. Nekkwni γur-neγ acḥal n taddart i yesaan imukan i yeččuren d iblaḍen ( ladγa akken ar a tkecmeḍ γer taddart "l'entree"), dγa ssawalen-asen aafir, neγ am di taddart-nneγ, neqqar-as i wemkan-nni taburt n waafir.
Ma d ayen i d-tenniḍ γef usgut imeslayen i yellan yettunefkan akka bwanka ( am aafir yettunefkan aqabac γur-wen ) d tidett...
Deg umedya, awal "abandu" γur-neγ d micki ferqen sin akal, imar yiwen ad yettalas di tzemmrut, neγ aleccac i yellan deg wayla n winna nniḍen.
Maca ẓriγ di temnaṭ n At Kufi, abandu γur-sen d ageffur !!
Akka i d Tamaziγt.
Tansa
- Tinin-is...Azul
Tamsalt-agi n wawalen imgarden si temnaṭ ar tayeḍ giγ-asen azal meqqren, ttnadiγ a ten-issineγ xas akken ur ten-sseqdacen ara di temnaṭ-iw.
Dγa ma yella win izemren ad iyi-d yefk anamek n "gedha"?
Yenna-yi wul-iw anamek-is : igerrez neγ acekit.
- Tinin-is...azul
aafir, akken d-inna umeddakkel nneγ d ayen d-izzin i taddart:l'entrée akw d wayen yellan deffir taddart.
Ma d abandu:averse s tefṛansist ; ma d "abendu" d ayen umi neqqar s tefṛansist un conclave:Tazemmurt n yiwen d_izgan deg yiger n wiyaḍ ...
A war isem ; s tidett ttnadiγ amawal nni n Dda Lmulud d Cortade.
- Tinin-is...A YIR NETTAT,
ma di Lpari i tettiliḍ, ssteqsi at L´INALCO, at Tamazgha neγ di 104, rue St. Maur di Lpari wis 11( amitṛu St.Maur neγ Ménilmontant ) ma ur temdil ara tiwwura-s tḥanutt-nni.
Tella daγen yiwet n tḥanutt nniḍen di Lpari wis 5, deg webrid-nni n wexxam n ṛebbi n yinselmen, Widak zemren ad ssεun ayagi, maca ttuγ tansa-nni.
- Tinin-is...Azul fell-am a yir nettat
Kra n tḥuna di Paris izznuzun tiγawsiwin n tmaziγt
Tamazγa
47, rue Bénard 75014
Fnar
28 bis, rue Daubenton, 75005 Paris
A C E B
26 Rue Etienne Dolet 75020 PARIS
l'Harmattan afrique
16 rue des écoles, 75005 Paris
- Tinin-is...Akken tenna akken Tmaziɣt: “ ɛazul” ( d asqecmeɛ kan)
Azul a massa Nuɣmun Yir nettat ( mmektaɣ-d mmi-s n Wemsed, alammi qrib i d am-nniɣ: “ciɣi”!!!)
“amawal nni yura DDA LMULUD akk d J.M CORTADE i wumi qqaren AMAWAL TAMACEΓT-TAFṚANSIST!!!” iɣef testeqsayeḍ, tzemreḍ a t-tafeḍ deg ulemmas neɣ wammas Pumpidu neɣ di teẓrigin timaziɣin ( ɣur Masin u Ferkal) di 47, rue Bénard neɣ di Tiddukla Tamazɣa i d-yezgan di “INALCO” 2, rue de lille neɣ di temkarḍit n tesdawit n Paris tis-8; ma ulac akk azen-d ɣer tiddukla Numidya, acku yella di temkarḍit-ines wedlis-a. Maca, tasarut attan ɣur Bakli Weɛmara ( d netta i d amassay n temkarḍit-a), attan tansa-ines: Ouamara.BAKLI@caramail.com
Tamawt: a m-t-id-iṣewwer ( Tulsa n tugna—photocopie), a m-n-yazen yiwen umedya. D acu tenniḍ a Yir nettat?!
Ǧamal amɣar
- Tinin-is... Azul ay Ayirat
Tisɣunin d yeɣmisen ur tufiḍ i d-iteffɣen, ɣas ma llan ur ugaren ara iḍudan ufus; d tagi i d tidet qerriḥen!! Acimi?!! Zik megdulet tmaziɣt, ulac allalen (ttawilat)… Tura llan wallalen, maca ulac imeɣriyen!!
Nedder (tiddukla Numidya n Wehran) tarmit (ajerreb) meqqren di taɣult (annar)-agi usiẓreg n tesɣunin d yeɣmisen: Nebda asiẓeg n tsella ( tasɣunt) AZUL ass n 20 Yebrir 1990 (ngum – qbel—ara s-d-tettunefk tideggi (agrément) i Numidya; nessaweḍ nessufeɣ-d 12 wuṭṭunen ( yernu ula d tamacint n tira ur tt-nesɛi, d Kamal U Ẓerrad i d aɣ-d-ireṭṭlen tamacint-ines), tura dayen teqqur! Nessufeɣ-d sin wuṭṭunen n weɣmis i wumi nsemma “ WAR ISEM” ( Tagejdit tamenzut uriɣ-tt s yezwel-agi: “ Get-as isem i WAR ISEM”! ( d acu kan imir-nni werɛad nessin War isem-agi n wesmel, wamag terwi: ad aɣ-d-icareɛ, a ɣ-d-yini “ tewwim-iyi isem-iw” akken yexdem Muḥemmed Seɛdi i yerran akk ismawen imaziɣen d ayla-s!) yernu s ufus akk i t-nura, akken qqaren d “awusfus”. Tura Numidya tessufuɣ-d yiwen weɣmis s yisem “ Tafukt”, yella iteffeɣ-d yal aggur, tura yal sin wagguren. Ma triḍ-t atentad tansiwin: tafuktnwehran@yahoo.fr neɣ amassay (Hewwari Bessay) n weɣmis-a: bhewwari@yahoo.fr
Tamawt: Yiwen wuṭṭun (wis-38) kan i yellan ɣur-i di “manitik” ( aḥeqq jeddi-s n Wemsed ma ẓriɣ amek i yi-d-yewweḍ, neɣ anwa i yi-t-id-yuznen?!) ma triḍ-t a k-t-in-azneɣ. Wiyaḍ atnad akk ɣur Hewwari Bessay. Aru-yas, d acu tettraǧuḍ !
Ǧamal amɣar
- Tinin-is...Ih..! Atan ttuɣ tiyaḍ ( nekk d amɣar ɣef yiman-iw, ccfawat ccwi kan!)!
Aɣmis-nni “Iẓuran” qquren iẓura-is, yemmut! I yettuɣaḍen d aya: yella isem-is “ Iẓuran-Racines”, yuɣal “Racines-Iẓuran”!!! Yernu nniɣ-asen di tazwara-nni: “ Ma tufam uguren, tessḥebsem aɣmis-a, ɣurket ad tɛuddem d tamaziɣt i t-yessḥebsen, a tt-tettim ɣur TEFRANSIST ( acku llan wid yeskeɛriren, ttɛuddun d tamaziɣt i d sebba n weḥbas n yeɣmisen, ur ẓrin ara d akken cwiṭ-nni i yettnuzun d tamaziɣt i t-yeznuzun; wamag aɣmis laqen-as imawlan-is a mimmi!!) Yuɣ lḥal yella deg wawal “ Am win yettmeslayen i tmeṭṭut n baba-s”, anwi ara d-yeslen i iderwicen akka am nekkni?!
Attan tella yiwet tesɣunt isem-is “TIZIRI” i d-tessufuɣ yal aggur tiddukla n Imaziɣen n Bilǧik. Attan tansa-s: cherif.hamdis@skynet.be atan ttilifun-ines : 00 32 (0) 4 96/ 78 50 20 . Asmel-nsen : http://www.monde-berbere.net
Ma tečča tečča, ma ulac ɣur « Gudu » tewweḍ. Mmektaɣ-d taẓallit-nni ! Ccix Meṣbaḥ ( d aqbayli n tmezgida n « Lhidaya » di plateau, ma tewwteḍ-t s wefḍis ur d-iberru i yiwen wawal s teqbayli !) atan yettraǧu deg-i ..
Jjmiɛ liman ar nessaǧew-itt ǧemla : Nekk tewwi-yi tẓallit, mmi-s n Wemsed wwint-t teqcicin, Laẓ/waḥidun yewwi-t ddiminu, Bu teɣyult tewwi-t tneẓẓut (lkumirṣ), Guraya wwint-tt tmeɣriwin, Amucar yewwi-t Ssi Lmulud Uvič !! Iḥun-d imi yella Bu ccfaya ( « xlan-tt-id ɛecra, yeḥya-tt-id yiwen »)
Ǧamal amɣar
- Tinin-is...I Tansa-tilelli ( isem-im yesmektay-iyi-d s tezlit-nni n Marsal Xalifa : « Munaḍilun bila ɛunwan » Imeɣnasen war tansa, imeɣnasen di yal tama)
Ṭṭuqqten igemmayen n Tifinaɣ, yal wa s isekkilen-ines : Ilibiyen, win n Wegraw Imaziɣen, win n IRCAM, win d-yesnulfa Caker.. Ini-d kan anwa, sikin ad nẓr amek ara m-ten-in-nazen.
Waqila tcummeḍ-tt tteddu kan ɣer tira-nni n TIFINAƔ di tkadimit-nni ara d-snulfun?!
Tamawt: Isefra-inem lhan, maca, xuṣṣen cwiṭ di tira; neɣ d acu ara tiniḍ a Ṭṭir areqman?! “Amɣar ɣas tegreḍ-t di lkanun, a d-yenṭeq” I nnan imenza. Aql-i ṭṭfeɣ adeg n mmi-s n Wemsed
Ǧamal amɣar
- Tinin-is...Azul a Ğamal Amγar
Ma tesaaiḍ win n Wegraw Imaziγen akwd wid n Caker, igerrez. Igalaaum-iyi. Tanmirt tameqwraḥant !
Ma d ayen yurzen γer tmedyazt, acu ar ak-iniγ ... Ẓriγ tira-w ur teqaaid ara, txuṣ. Maca qqareγ-as, merttif tala yesaan aman - xas ma luγen - wala tin yeqquren maaḍi ...
Tanmirt a Ğamal.
Tansa
- Tinin-is...azul
tanemmirt nnwen meṛṛa γef umlan agi i yi-d-tefkam!!!Maca nniγ-d "tabitizt" s tefṛansist ,riγ a d-iniγ "enclave" mačči "conclave"!!
D amussu nni n leεṛuc i yi-isxeṛben lexyuḍ s "les conclaves" nnsen!!!!!! | |  |  |  | |
|