Axxam n setti yezga-d di lḥara n wadda deg taddart. Yecbeḥ aṭas, imi d tasegda ( architecture) taqburt, yesεa afrag yebrareḥ ideg tella tneqlett d tameqrant n ujanjer. Imi ara tkecmeḍ deg yimi n txerciwt (tabburt), tella terkkent anda i tessirid, amnar d netta i d-yekkan ger tγerγert d terkkent. Lkanun di tlemmast n tγerγert yettiriq s tmes deg wussan d wuḍan n tegrest. Srir dinna i teggan. Tikwatin tettağa deg-sent lγella i d-tettawi si tebḥirt. Tikufatin tjemaεay deg-sent awren d yeḥbuben. Yella diγ udaynin anda i tetteqqen lmal-is. Adebder syin i tettali γer tkanna.

D wa i d axxam n setti i ḥemleγ aṭas aṭas

Setti-m d tamγart-nni i walaγ ussan-a tzuγer-d ikerri, teqqen-it-id s waggus-is??
Tiwi-yas-d ahicur (tegra-d taqettunt, tcudd-itt-id terra-tt-id γef 'qerru-s) ?

Tamγart-nni ayen teḥrec dayen kan! Tettheggi-yas i tegrest acu ara' yečč ukerri-nni akk d "mesεud" (aγyul-nni amcum)...

Nekk ḥemleγ ula d setti-m s timmad-is, mačči kan d axxam-is.

Dacu i d takanna? D taεrict?

Tanemmirt!
War isem

azul
Nekk qqareγ deg weḍris,allaγ-iw izger lebḥeṛ srid ar tmurt!Yuli ar taddart s axxam nneγ aqdim iwala-d setti ;fell-as yeεfu yeṛḥem;tekna acu i tqeddec akkenni am tnumi-is!!!Ula d imeslayen yessexdem wagi yuran aya d imeslayen nessexdam nekkni si tama n wawzellagen!!
Tanemmirt γef usmekti n setti akk d yinig agi i yi-iggwin ar tmurt n leqbayel γas ma deg beṛṛa ṭṭumubilat n "la rue menilmontant" sṭenṭunent γef iqerray nneγ!!!tanemmirt tabubult

Tanemmirt a Suhila γef uḍris-agi inem i yi-rran ar kra n wussan i jmeγ aṭas. Akken teγriγ kan iruḥ-iyi-d lebγi ad aliγ ar taddart, ar uxxam-nneγ aqdim. ad waliγ tawwurt-nni n telwiḥin, nettzekkir s wekruci, ad waliγ afrag ideg tella tneqlett n setti ad fell-as yeεfu yakuc, ad waliγ tasga, adebder, lkanun, takana, adaynin ahhhhhhhh , azekka ad ruḥeγ acḥal t-jmeγ .
Aḥisef-inu d akken ixxamen-agi d tsegda taqbaylit simmal ttnegger. a wi yufan a d-nerr lewhi-nneγ ar waya ar lebni di tudrin n Lebayel.
Azul akk fell-awen

Azul fell-awent/ fell-awen
Aḍris-a ixuṣṣ nezzeh, ur yelli kra deg-s, maca, imi d weltma-tneγ Suhila i t-yuran a d-iniγ iwata.
Ttγaraket ( ttḥadaret) iman-nwen si tuccḍiwin n tira, terwim-as jeddi-s.
I weltma Tamaziγt
Teqqareḍ i yakk medden tanemmirt, tessebγaseḍ-ten akk, anagar nekkini, i wacu akka? εni nγiγ tamgerṭ, neγ ččiγ-am lḥeqq-im?!
Telha tegmat a tagmat
Aṭlas

Azul fell-awent/ fell-awen
Aḍris-a ixuṣṣ nezzeh, ur yelli kra deg-s, maca, imi d weltma-tneγ Suhila i t-yuran a d-iniγ iwata.
Ttγaraket ( ttḥadaret) iman-nwen si tuccḍiwin n tira, terwim-as jeddi-s.
I weltma Tamaziγt
Teqqareḍ i yakk medden tanemmirt, tessebγaseḍ-ten akk, anagar nekkini, i wacu akka? εni nγiγ tamgerṭ, neγ ččiγ-am lḥeqq-im?!
Telha tegmat a tagmat
Aṭlas

Azul fell-awen
Mmiyu!... D acu n wagi i d-yezzin akka γer da?! Ttεassamt iman-nwent seg wemcum-agi! Mmm deg-s amihi!...
Ẓikuṭ i iḥemmlen likuṭ