Ay itran, a tiziri
Deg tmuffirt ḥebbaγ zemḍeγ, terna-yi-d tayri tunṭict.
ḥulfaγ deg ufus-iw ẓleγ, ssaẓeγ adekkan γer teεrict.
A yemma targit teffeγ, ziγ tisselbi-w d taderwict.
D lbaḍna ijeğğigen i ṭṭfeγ, d lbaḍna ijeğğigen i ṭṭfeγ,
anṣuf s weqcic d teqcict.
Yal wa iga am yetri, yal wa iga am yetri,
War kukru ẓẓelt-d afus! Nekk aql-i da a wen-t-ṭṭfeγ.
Ad grirbeγ zelmeḍ yeffus, s anda d-as-yehwa ad teffeγ.
Yal aṭan a wen-t-rreγ iḥus, deg-wen ad yini ur netḍeγ.
Yal aṭan a wen-t-rreγ iḥus, buberrak a wen-t-xenqeγ.
Ahaw ẓẓelt-d afus! Ahaw ẓẓelt-d afus!
Ttṛağuγ kan melmi a n-mmγeγ.
Ay udmawen n lemri, ay udmawen n lemri,
a Lunis, Kalden d Tiziri.
Zdeγt deg ul-iw ur teffert, kenwi ay anamek n tmeddurt!
Yis-wen i igziγ iswi n tudert, i yessneγ tugda n lmut.
Zdeγt deg ul-iw ur teffert! Tagrest terram-tt d tafsut.
ḥareγ a ken-awiγ γer taddart, ḥareγ a ken-awiγ γer taddart,
yal axxam a wen-d-yeldi tawwurt.
Ay udmawen n lemri, ay udmawen n lemri,
a Lunis, Kalden d Tiziri.
D udmawen n lemri, yal wa iga am yetri,
Lunis, Kalden d Tiziri.
Ay ijeğğigen n tefsut, ur tessin tatut,
kenwi ay arraw n tayri.
Yis-wen ḥemleγ yir tamurt, yir tagnit temmut,
ay itran a tiziri.
Ad awen-ldiγ yal tawwurt, a wen-medleγ tid n diri.
Ay ijeğğigen n tefsut, ay itran a tiziri.
Tewwi-yaγ-d tura a necnu, d azref i tidet ar a nefk.
Fell-awen igenni ad yeknu , a nurar deg-s ma yessefk.
Ayen iran γas ad yernu, a wen-d-sbeddeγ lmelk.
Yal wa asirem-is a tyeεnu, tugert eğğet-tt-id i nekk!
Ay ijeğğigen n tefsut, ur tessin tatut,
kenwi ay arraw n tayri.
Yis-wen ḥemmleγ yir tamurt, yir tagnit temmut,
ay itran a tiziri.
Ad awen-ldiγ yal tawwurt, a wen-medleγ tid n diri.
Ay ijeğğigen n tefsut, ay itran a tiziri.
Yiwen wass lemmer a nennaγ, imi a nezdeγ deg yiwen wexxam.
D tikta-w kan ad ffkeγ, ahat a nemgarad di d ttexmam.
Ulac sani a ken-ḥetmeγ, d inebgawen-iw i tellam.
Akken tgam a ken-ḥemmleγ, ama tεemṛem neγ texlam.
Ay ijeğğigen n tefsut, ur tessin tatut,
kenwi ay arraw n tayri.
Yis-wen ḥemmleγ yir tamurt, yir tagnit temmut,
ay itran a tiziri.
Ad awen-ldiγ yal tawwurt, a wen-medleγ tid n diri.
Ay ijeğğigen n tefsut, ay itran a tiziri.
Akken riγ iliγ ḥedqeγ, maca tirga-w ddrent yes-wen.
γuṛ-i azref ad ssirmeγ, ul-iw iga am ulawen.
Timeṛğa deg-wen ferneγ, mačči n usali usawen.
Ssarameγ kan ad zuxex, ad tamnem s yis-wen d izwawen.
Ay ijeğğigen n tefsut, ur tessin tatut,
kenwi ay arraw n tayri.
Yis-wen ḥemmleγ yir tamurt, yir tagnit temmut,
ay itran a tiziri.
Ad awen-ldiγ yal tawwurt, a wen-medleγ tid n diri.
Ay ijeğğigen n tefsut, ay itran a tiziri.
Essaid Ait Maamar