Asefru-ya** yettwaγra-d ass n tenṭelt n Dda Lmulud At Mεemmer, fell-as yeεfu Rebbi, di taddart “ Tawrirt n Mimun” mi t-ddmen s aẓekka.

Sγur Σebdella Ḥaman* (Wehran)

Amzun d iṭij i d-yecreq

S tidet d lḥeqq

Iḍall-d usigna iγumm-it

Ata wul fell-as yeḥreq

Tasa tceqqeq

Aṭas i teḥzen terwiḥt

Si Lmulud yid-neγ yefreq

Nedεa-k a lxaleq

Γer lğennet n ddwam awi-t.

U ad εezziγ At Mεemmer

D tmurt n Lezzayer

Di mmi-s itri ixesfen

Asmi yella yedder

Yeflali inewwer

D lqeḍra i t-id-yessafen

Rebbi deg-s a γ-d-yazen ṣṣber

Ad yifrir ḍḍer

Si leğruḥ yessenzafen.

U ad εezziγ iman-iw

Γas ru ay iẓri-w

Ma tjerḥeḍ γur-k lḥeqq

D lemγiḍat γef weḥbib-iw

Arfiq n temẓi-w

Si ddunit yid-neγ yefreq

Wali-t s rreḥma a bab-iw

Tṣebbreḍ ul-iw

Ssexsi ajajiḥ la ireqq.

I kunwi ay arraw-is

Refdet leqlam-is

Ddut d webrid yeṭṭef

Tuγem-d aẓar si laṣel-is

D tmussni n yiles-is

Selfet i wul ma yendef

Deg-wen ad nẓer lexyal-is

Tebεet abrid-is

I γ-yenğer akken yessulef.

Yewwet-aγ lmus n lqeḍra

Ayen yeḍran yeḍra

Lkas n lajel yeččur

Lemmer imeṭṭi d i d-yettarra

D useggem isefra

Yalfi i t-neğğa d amuddur

Yewweḍ lajel i d a s-yura

Di yal timura

Leḥzen fell-as yettimγur.

Γas yemmut ass-a i d-ilul

Amḍiq-is deg wul

Yeččur-it wayen d-yeğğa

Yura-d γef lumma s lmul

D tidet ma neggull

Yessewjed-aγ-d ayen nurğa

S tira-s fsin cckul

S wekti d lmeεqul

Tuli tmurt di ddarağa.

Ma iγab γef tiṭ yuγal-d

Ass-agi ilul-d

D ajdid qbel ad yenṭel

Si lemtul-is yeğğa-yaγ-d

Di Lezzayer banen-d

Yis-sen amḍiq-is yergel

Seg-sen ṭṭya-s tecreq-d

Tafat-is qbel ad yenṭel.

Ma iruḥ yeğğa-d irgazen

At wekti yewzen

A t-id-xelfen deffir-s

Deg webrid-is ad ssuγlen

Asalu a t-gezmen

I Umaziγ ibedd yisem-ines

Tiddukla yis-s innunten

Merra d atmaten

 Γef yiwen uẓar Lezzayer i tres.

Irgazen deffir wiyaḍ

Tasuta i d-trebbaḍ

D aẓar n tidet iṣeḥḥan

Tekki a gma tettheddneḍ

D udem uxellaq i twalaḍ

Anef i ddunit m wurfan

Lbaḍna iγef tnudaḍ

Ass-agi asawaḍ

Yezreε-it di mkull amkan.

Γur-neγ isem-ik d amuddur

Ad idum ttfakur

Alamma tefna ddunit

S lqerḥ-ik ul d ameḍrur

Tasa tettquddur

Akka lbeḍna n txelqit

Aql-aγ deg wexxam n leγrur

Nusa-d kan ad nẓur

Γur Rebbi ad tuγal terwiḥt.

Γas yettwanṭel deg wakal

 Isem-ines yuklal

Ad idum deg wulawen

Almud yeflalin am uzal

S ttbut n wawal

D lqedra-s i t-yessawḍen

Γas ma yewwi-k lmijal

Iwehha aderγel

Kkes-as calwaw i s-yennḍen.

Yeddem asafu n tafat

Lγaci akk walan-t

Yis-s a s-yezzuzef ṭṭlam

Lmeqṣud yebγa yura-t

Di lektub yeğğa-t

D rray ibedd s lewqam

Lḥeqq si lbaṭel yefra-t

S wawal yessefra-t

 Yelsa ccbaḥa di leqlam.

Wwin-d ttaj At Mεemmer

Γef uqerru yecher

Yefka-d ṭṭya am yiṭij

Yerna-d lḥerma i Lezzayer

Nnur-is akter

Tafat-is la d-tettfeğğiğ

D abrid i tegmat yenğer

S wezref yeḍher

Yessaγ tafat seg yirrij.

D Aεraben neγ d Leqbayel

Uγalen d lemtel

I gma-tsen Mulud Mεemmri

Arraw n Lmeγreb irkell

Tamazγa teddukel

D imeṭṭi yuddam yeẓri

Deg wakal aẓekka-s yergel

Di tegna yenṭel

Yuli rruḥ-is s igenni.

Nefka-yak leεhud n Rebbi

Ar abrid-nni

I tneğreḍ iγer ad nuγal

A t-naγ di ddunit-agi

S tegmat d tdukli

Alamma nessumet akal

Ad ndum deg ucabak-agi

Inigi d Rebbi

Alamma d ass n lmijal.

A k-in-ssawaḍen rreḥma

Seg yimawen n lumma

Sγur watma-k d imelyunen

A k-yerḥem Rebbi a gma

A mmi-s n yemma

 Tamaziγt i γ-yessuṭḍen

Rruḥ-ik di lğennet qṣada

Ad yili dinna

Lmalayek yis-k ad ferḥent.

A lxaleq a bab n lqedra

Kkes-aγ ḍḍrura

A win ur terbi yemma-s

Nedεa-k-in s lanbiya

 D bab n ccafuεa

 D kra i iεebden iḍ d wass

Eg-as amḍiq ger ṣṣuḥaba

Yakk d lawliya

D rreḥma-k ad tdum fell-as.

Imawalen n Tmaziγt

Amezruy n tnaṣlit

Fell-ak ass-agi rrundan

Ilugan akk d tseftit

Tussunt tadlist

Yekkaw leqlam i ten-yuran

Yemlal weγref di Tewrirt

Imeṭṭi yessudem-it

Γef umedyaz ameqqran

S rreḥma-k a Rebbi del-it

S idis n nnbi lεedlan  

**Yura-t deg yinig-ines di tmacint (si Wehran γer Lezzayer), imi iteddu ad yeḥḍer tanṭelt n Dda Lmulud

*Dda Σebdella Ḥaman d amedyaz, d amyaru, d ameγnas n Tmaziγt seg iseggasen n 1950.

Tamawt : Kkseγ-t-id si tsella ( tasγunt) «  Tidmi tamirant » n tiddukla Asirem n Wehran; yella daγen di tesγunt “Awal” uṭṭun tajmilt i Dda Lmulud, daγen deg wedlis “Awal γef Dda Lmulud” i wumi iga tazwart Ferḥat Mhenni.

Ğamal Benεuf

Tidet kan, tikkwal telha nniya, maca yella w´anida tecmet.

Dda Lmulud yuklal imeslayen icebḥen d wayen ideg yella unamek,
mačči d asfuğğeε-agi n ṛebbi, ṣṣuḥaba, lğennet...atg.

Tameddurt-agi tezzi, tenned´.

Amdan ira ad yuqem lewqam, ad yaf iman-is yerwitt.

Yeqṛeḥ-iyi uqeṛṛu-w, mačči d yiwet ad yemmeslay fell-as wemdan, awer isel dda Lmulud i usefru-agi...

azul
Acemma unamek neγ n sser ur t-isεi usefru agi!Ur k-terri tmara a Benεuf a γ-d-tettawiḍ aya!
Abbuh a taqbaylit!Aεni kečč n Wehṛan a ğamal?Ur yuklal ara a
d-iddu deg usmel agi nneγ!!!!nul a chier

"...A k-in-ssawaḍen rreḥma
Seg yimawen n lumma..."


Azul fell-awen!
Tukkist agi i d-ewwiγ, tesmekta-yid Σebderẓaq n "brtv" i yeqqaren "mselxir εlikum" m' ara tt-id-yebdu

Dda Ḥaman seg yezwawen-nni nneγ n zik, yeqdec γef tutlayt nneγ seg zik, s wayen i d-iwi tmussni-s. D tajjmilt i ira a s-yerr i dda Lmulud s nniya-s kan.
Tugett d taεrabt akk d "yismawen n nnbi" i d-yeddan deg usefru n Dda Ḥaman, maca, ulac deg-s.
Tanemmirt-ik a dda Ḥaman, turiḍ-d deg lkaγeḍ ayen i k-yersen γef tasa!

Sgunfu di talwit a Dda Lmulud n wat Maεmer

Azul fell-awen

Ḥeḍreɣ yiwwas di tmeɣra i yessermed Lewnis At Mangellat di tzeqqa Umezgun aẓiyan n Wehran ( T.R.O), akken i d-yewweḍ ɣer tezlit (taɣect)-nni “ Deg weksum-nneɣ i la ntett, nettɣummu lǧerḥ s yimi”, ata yeffeɣ-d umedyaz Benmuḥemmed si thara neɣ tharwin ( coulisses), yekkes-as asawaḍ i Lewnis, yenna-yas : “ Mi ara nekfu akk ikesman-nneɣ s tuččit, negla ula s yimawen-nneɣ, swayes ara nɣumm imiren lǧerḥ-nni”?!! Yezmumeg Lewnis, ikemmel di ccna-s.

Qqaren: “ Tamɛayt ( tamacahut) deffir imensi”
Dda Ɛebdella Ḥaman ilul deg useggas n 1936 deg At Dawed, taɣiwant Iɛeṭṭafen, Tizi-Wezzu. Yunag-d ɣer Wehran di leɛmer (usemmud)-is 8 iseggasen. Yeɣra taɛrab d Weqran deg uɣerbaz ( lmedrasa) n Lfalaḥ di temdint tajdiṭ. Si temẓi i t-yekcem unezgum n tlelli d tmaziɣt, yekcem ɣer ukabar n Weɣref Azzayri ( P.P.A- M.T.L.D), ɣer Tirni n weslelli aɣelnaw( F.L.N), di 1956 yuli s adrar, di 1958 yettwaṭṭef di Belɛebbas, ssyen i bdant fell-as lmertat isekraf ( leḥbas), iẓur-d akk leḥbas imeqqranen akka am: Beccar, Birdu di Dzayer, taggara yewwi-tt-id di Lambis. Di tazwara,ṭṭfen-as s lmut, ssyen s teɣzi usemmud ( ṭṭul n leɛmer), uɣalen ṭṭfen-as s 20 iseggasen n imuhal ( lecɣal) umerret). Di Lambis i yemlal d waṭas imeɣnasen yecban Smaɛil At Mangellat, Abdelḥamid Benzin.. din dɣa i yura aḥric ameqqran n yedlisen-ines. Yeffeɣ-d si Lambis deg waggur n meɣres 1962 ilmend n imettawiyen n “ Ivyun”, akken i d-yewweḍ ɣer Wehran qrib i yedda d asfel n terbaɛt irebraben n “0.A.S”. Ikemmel amennuɣ-is ɣef tmaziɣt, aṭas n yemdanen i d-yessaki, aṭas n yemdanen i iwelleh, yernu di tegnit ideg teḥreṣ neɣ teẓmek ɣef tmaziɣt d imeɣnasen-is. Deg iseggasen n 1970 yettwanɣa gma-s i d as-d-yeǧǧan taqfact d dderya ( tarwa) d netta i la ixeddmen fell-asen. Ssyen ula d netta ( Dda Ɛebdella) qemmḍen-t, wwin-t yemsulta ( isurtiyen uffiren n Bumedyen), ffren-t seddaw lqaɛa, acḥal ur d-iban! Ahat d aqran( leqran) akk d taɛrabt-nni i yeɣra i d-iḥunen fell-as; wamag ahat yeffeẓ iles-is! Aṭas, aṭas i yennuɣ ɣef tmaziɣt, aṭas, aṭas i yura s tmaziɣt, aṭas, aṭas i yettumerret ɣef tmaziɣt.. Di 1989 d netta i d-nefren d aselway n tiddukla tamenzut i d-ilulen s wudem unṣib “ Asirem” ideg llan waṭas imeɣnasen iqdimen, yecban: Dda Yidir At Ɛemran, Ḥusin At Ɛli Yeḥya, Ɛebdelqaḍer Benɛuf, ( wigi, tura wwḍen sanda ara naweḍ).., d kra imussnawen, yecban Kamal U Ẓerrad, Mesṭafa Gehluz..
Dda Ɛebdella (tura) d aselway userhu n tiddukla Numidya n Wehran.
* Dda Ɛebdella d ameddakel n Dda Lmulud At Mɛemmer, mlalen i tikkelt tamenzut di 1963 di lǧameɛ Keččawa, anda yella “yettẓalla” Dda Lmulud.
Yettkemmil..
Ǧamal seg Wehran

Azul a mass Ben3uf,

taddart anda ira ilul yiwen d tuddar n leqbayel akk, at Dawed ssne&t-en qeccuc, meccuc.

Ameskar n usefru ulac akk yir awal d-yeγlin fell-as si tama-w.

Amennuγ γef yedles-nneγ, yal yiwen iwet s wayen i wumi yezmer,
aql-aγ ar assa nettemceččam.

Ben Muḥemed d aqadaṛ kan i t-iqudeṛ umedyaz ameqqran, wama negza dacu d-yeqqar Lewnis war ma yeṭṭef asaweḍ a
tt-yurar d maître boudima meεεahu.

Imusnawen-nni imeqranen i γef d-mmeslayeḍ, ssnen akk medden ass-a.

Nekk ḥala Uzerrad iwalaγ yewwid kra n lewqam.

Tura ad uγaleγ s asefru.

Ssuref-iyi, maca ḥala imeslayen-agi ad iniγ fell-as i izemren ad iy-iqden tasa:

Imi dda Lmulud " a t-id-yebder wayen yelhan" tewwit tmettant deg useggas n 1989, ula d nekk ḥedṛeγ i temḍelt-is, maca ur wwiḍeγ ara s aẓekka, ulac amek si w´ataṣ n lγaci.
Riγ ad iniγ d asefru aqbuṛ, maca yettak anzi s iẓẓan imaynuten, yettfuḥu, yesṭeεṭiε.

Nnaγ a mass Benεuf tifeḍ-iyi dacu tesneḍ, acuγeṛ akka?

Riγ ad aruγ nettemceččaw

Nedεa-k a lxaleq
Γer lğennet n ddwam awi-t.
D lqeḍra i t-id-yessafen
Rebbi deg-s a γ-d-yazen ṣṣber
Wali-t s rreḥma a bab-iw
Yewwet-aγ lmus n lqeḍra
Lkas n lajel yeččur
Yewweḍ lajel i d a s-yura
Yura-d γef lumma s lmul
S wekti d lmeεqul
Tuli tmurt di ddarağa.
D udem uxellaq i twalaḍ
Γur Rebbi ad tuγal terwiḥt.
D Aεraben neγ d Leqbayel
I gma-tsen Mulud Mεemmri
Arraw n Lmeγreb irkell-----------------------dagi dγa teεqel Faḍma
argaz-is.
A win ur terbi yemma-s
Nedεa-k-in s lanbiya
D bab n ccafuεa
A lxaleq a bab n lqedra
Lmalayek yis-k ad ferḥent.
Rruḥ-ik di lğennet qṣada
A k-yerḥem Rebbi a gma
Inigi d Rebbi
Alamma d ass n lmijal.
Nefka-yak leεhud n Rebbi
A k-in-ssawaḍen rreḥma
Seg yimawen n lumma...atg, ...atg.

A yemma d tikli ad selbeγ, i wagi mačči s axessaṛ?

azul
Bγiγ ad gzuγ i wacu Ğamal inwa izga-d s-nnig n imeγriyen akk n "imyura"!Nenna-d asefru agi ur imain ur igerrez ayen tuffẓa deg wawal!Tenwiḍ ma yella iẓull d Dadda-k Lmulud kan ; d ayen ; izmer ad d-yini ayen s-ihwan igerrez!!Tecḍeḍ a ğamal!!
Staaṛef a ddin Ṛebb
Awi-d timucuha neγ qim asefru agi iṭṭeaṭṭia!!!(inebgi)Ma d mengellat ula ara d-nernu fell-as awal inna-t-id Mack deg umagrad nni yura ussan iaaddan!
Ad tidir teqbaylit s tezdeg mebla ticrurin

Azul fell-awen.

“Ur tetthennaḍ alammi ɛettben wiyaḍ”
Lewnis At Mangellat

Dda Ɛebdella Ḥaman akken ur icuḥ ara i tezmert-is akk d yedrimen-ines i ubaɣur n tmaziɣt, ur icuḥ ara daɣen i wallaɣ-is, imi yella ger imezwura i yeddmen tasafut n tira n tmaziɣt s tmaziɣt. Aṭas i yura, aṭas i yenna, aṭas i ixemmem..
Yessermed aṭas isaragen, deg waṭas imukan: Wehran, tamurt n Leqbayel, Icawiyen, aɣlan n Mẓab, Tlemsan...
Ddeqs n yedlisen i wumi i iga tizwar, amedya: “Amawal amasɣan amaziɣ”, tasuqqilt n weqran, umassan amaziɣ Kamal U Ẓerrad.. Aṭas imussnawen, imyura n tmaziɣt i yessen i t-yettqadaren akk, akka am Muḥya, Caker..
Kra seg wayen yura, acku aṭas i yura, ama deg umezgun neɣ d ungalen, neɣ d idlisen n tnagiwin, ma d isefra, dɣa d igiman ( luluf):
__“Nnehta-w tamezwarut” d ammud isefra
__“Tismin n tayri” d ammud isefra
__Lqaḍi d inexḍaben” d tamezgunt
__“ Ɛebderreḥman imnekcem neɣ Lbaz n Quric” d tamezgunt
__“Merwas di lberǧ n yiṭij” ( 3 yedlisen) d timezgunin
__“Yeḍra wayen ur nḍerru” d ungal
__« Tayri yerran amɣar » d amecṭuḥ d ungal
__“Imsulta” d adlis n tanagiwin ( ayen i s-yeḍran d wayen yeẓra)
__“Ɛmer n Wewriz” d tamacahut neɣ d tullist
__“ Rumyu d Julyat” d tamezgun i d-yessuqel ɣer tmaziɣt
__“ Rrubaɛiyat n Lxiyyam ( neɣ Timkuẓin n Ɛumar Lxiyyam) d tasuqqilt.
Ayagi d kra kan seg wayen yura, wamag ma nniɣ-d akk ayen yura ur tferru ara. Tigwti seg yedlisen-agi ur d-ffiɣen ara, anagar kan kra i d-yeffɣen. Atentad kra n tefyirin seg yiwen usefru i wumi yefka azwel-a: “ Tiɣwist n tmaziɣt” i yura aseggas 1953:
A nnger n lumma yeṭṭsen
Yal taddart teɛzel weḥd-s
A nnger n lumma yeṭṭsen
S lketra n ddin teṭṭes
….
Arraw-is di temdinin
Ur tt-ḥsiben ara d iles
Ttmeslayen tutlayin tiberraniyin
Tameslayt-ines tneqqes
…

Ma terra tmara a d-iniɣ ugar n waya fell-as
Ǧamal seg Wehran

Ayagi-agi yura ma yella d ayen yeččuṛen d imeslayen-agi
yettaken anzi γer " lfatiḥa" ur yessefk ara a t-yeẓẓu wemdan di tebḥirt n teqbaylit, tewwiy-as-d a t-yenṭel d ameddur deg uẓekka akken ur t-id-yettaf ara uzekka.

I wumi ayen icemten?

Ma d kečč ma yehwa-yak ttadam tteṣbiḥ deg ufus-ik, ččehid yes-s, ulac anwa i k-yettayalan.

Ur ceččay ara kan i wallaγen-nneγ ayen ur ḥemlen ara d wayen ufan d amerẓagu s udebbuz.

Lewnis yettmeslay deg tezlit ansi d-tewwiḍ imeslayen-nni γef wayen nniḍen, ula d nekkni d taqbaylit i d tutlayt-nneγ tayemmat.

Muḥya yezmer ad yili yettqadaṛ amdan, maca tawuri-s,
ur wala& ara.
Kamal d amdan yettqadaṛen akk medden, maca mačči yiwet twuri-nsen, mačči yiwen webrid-nsen.
Argaz-agi yezmer ad yili yif akken medden, d amdan igerrzen i yella, d aziḍan, annect-a yakk ur zmireγ ara ad iniγ ayen nniḍen fell-as, acku ur tessineγ ara, maca asefru-s a mass Benεuf a gma d agudu ttγunfun ula d izan.

Nna& a gma yak teẓriḍ imeslayen-nni yura fell-ak Kamal di tezwert n wungal-ik ( terriḍ-d tiririt s twuri-k i wid yesteqsayen
γef tẓuri), amek ihi almi d kečč i d-yessaknen asefru-agi ur nelli d taẓuri? Teḥwağ teqbaylit leqran?

Azul a Ğamel !
Tzemreḍ ad aruḍ amagrad anda ad d-meslayeḍ γef dda Ḥaman. Ayen awk i yura, ayen awk i yexdem, ayen awk i ira, ayen ayw i sen-yemeyaf i yezwawen...
Aṭas i yessnen d anwat Dda Ḥaman, maca yuklal amagrad γef tiğεalt-is kan.

Tuzneḍ-d asefru ines ( d tajjmilt i dda lmulud), rnu awal deg usefru a ğamel, Izwawen ur llin ara d ibujaden.
Asefru nezmer a t-nḥemmel neγ a t-nekreh, ulayγer ma newwet di bab-is. Mačči ma yenna-d yiwen awal γef usefru, dγa yal yiwen ad yawi asefru n "mengellat" (i γ-izenzen ar udabu n lezzayer) i wakken aγ-d-yini belli " Dda Ḥaman d argaz n lεali ", neγ " ur neddukel ara"...atg.

Afud igerrzen!

Saan lḥeq wid i d-yennan dagi belli, mačči dγa mi d-yewwet yiwen deg usefru n wabaaḍ, dγa deg wemdan-nni i d-yewwet.

Maca, diγent, taadda fell-i wwteγ-d deg usefru n wabaaḍ, maca ur ssarxseγ ara s yiman-iw s useqdec n imeslayen yecban "iẓẓan" (ḥaca wi yetteḥsisen )...

Aḥq kra i d-yefkan ass-a ar ma yeḍlem Argaz-nni-nneγ i s-yennan "AZDUZ fell-awen !"

Yal wa deg-neγ ad yisin iman-is...acku aya i d-yeγlin dagi d laaib! Mačči d ungifen i nella i wakken ulac akw amek ad d-newwet deg usefru n wemdan ḥaca s imeslayen ixesṛen...

Neγ mulac... nuklal ddawa-t n At zik : " Greγ aaqqa di ssqef, win ad d-ineṭqen ad yesselqef "

Werğin an-nbeddel ay akuk...

Yiwet akken i kwen yugaden ! :-((

Azul fell-awen,

A d-fkeγ tidmi-w ula d nekk γef usefru mači γef umeskar.
Asefru n Mass Σebḍella Ḥaman iga-t am isefra-nni n at zik. Am wid akken i d-iḥawec dda Lmulud deg wedlis-is i yettwassnen "Poêmes kabyles anciens". Icebba-yi ṛebbi yuḥtam γef annect-a mači d tamussni ur yessin ara awalen itraren. Amdan yezmer ad iγer dagi deg wesmel tidmi-s γef wengal n Ğamal Benεuf ad iwali d akken d win yefkan azal i wayen i d-yettwaskeflen. Dagi ahat, imi i d-iggemmen a t-id-iγer i wid d-iεezzan dda Lmulud deg Tewrirt Mimun, yebγa ad yeεğeb akk i medden, i at zik akk d wat tura. Ahat dagi i yecceḍ, imi i yefka i iman-is iswi nni n "teḥbult γur-k ad tebdu, taqjunt γur-k ad tellaẓ."
Zik(awines wis 18 akk d 19) ticki i yebγa yiwen ad yessimγur aṭas wayeḍ a s-yini "Si", tura nesmenyif "Dda" neγ "Dadda"
Dda Σebḍella yeqqar:
"Si Lmulud yid-neγ yefreq
Nedεa-k a lxaleq
Γer lğennet n ddwam awi-t."

Dagi a d-tiniḍ d asefru n Muḥend Musa neγ n Σmer amceddal...

Deg tallit-nni diγen n zik, seg i d-frurin isefra-nni, iqbayliyen ma γas gzan d akken mgaraden akk d waεṛaben maca imi yiwen uεekkaz i ten-yewten, ama d aṛumi neγ d ṭṭerk, ẓeṛṛen imanen-nsen yid-sen deg yiwet tirni. Tirni-nni semman-as "Lumma".
Dda Σebḍella yenna deg wawal-is:
"Yura-d γef lumma s lmul
D tidet ma neggull"

A d-naf idγen awalen i d-nttemlil deg isefra n at zik am:
ddarağa
uxellaq
ttfakur
lqedra
lektub
leqlam
lemtel
ttaj
yecher
Nnur-is
Arraw n Lmeγreb irkell (ahat ur yelli ara deg isefra n at zik, imi "lmuγrib" d lmeṛṛukk maca γur-s talγa-nni)
rreḥma
lumma
lğennet qṣada
Lmalayek
Nedεa-k-in s lanbiya
ṣṣuḥaba
lawliya
nnbi lεedlan

Ma d ifyar-nni:
D Aεraben neγ d Leqbayel
Uγalen d lemtel
I gma-tsen Mulud Mεemmri

Ayagi, ad yesḥissef wemdan imi mači d tidett, d askerkkes, dda Lmulud werğin yuγal d lemtel i waεṛaben. Ma yenna-d yiwen d "tadimagujit" ur yezgil ara.
Dagi ahat Mass Σebḍella Ḥaman diγen yebγa kan a s-yerr talγa-nni n isefra n at zik; d aεaned. Deg usefru n Σmer Amceddal a d-naf:
Issaγ i medden lweswas
Issexdem aεṛab aqbayli
Yal lεaṛc ijba fell-as

Ass-agi tallit tbeddel, mači d tinna n zik, ass-agi nezri-d γef 1948, 1967, 1976, 1980...atg akk d wayen yeḍran akk d wayen γef i d-yuki wemdan, ayen akk i d-yettwaskeflen.
Ahat lemmer mači d asefru n tallit-nneγ, ili yiwen ur d-yenni zzant neγ rγant maca d win n tura a ten-nezzem s tmuγli n tura.

Ma ccḍeγ ssurfet-iyi, ma zgiγ-d awi-d ukan.

Winna

D tidet ayen d-tenniḍ a Winna, d tinna n " Teqjunt a teṛwu, taḥbult ur tbeddu".

Ihi igerrez imi ameskar γuṛ-s tamuγli nniḍen, ssarameγ kan ur yettkellix ara i iman-is akka d afella!

Ma d mass Benεuf ggziγ ihi tura acuγeṛ yeεfes γef uli-s.

Acku d amdan igerrzen i yella, imi argaz-agi d win yuklalen yerna yezzwer-as lxiṛ, ur s-yefka ara wul-is, ad yefk deg-s afus, γas ad yegrireb yid-s.

Nekk ad iniγ dagi ala.

Tamuγli-s γef twuri-k a mass d lfal kan i yerra i tunṭict-ik.

Ma twalaḍ annect-a d lxir i k-yexdem akken qqaren, ihi ata w´amek a s-terreḍ lxiṛ:

Ssufγed a gma ungalen nniḍen am umezwaru, ulac anwa a yettun lxiṛ-ik ay anaẓur-nneγ!

Kemm a tin i d-aγ-ireggmen s tugda-m, nekk s timmad-iw d aqeṛṛu n texsayt i ssεiγ, ur ssineγ ara n umeslay icemten nnig yiẓẓan akken ad ffkaγ azal-is i usefru γef nettḍeggiṛ akud-nneγ. I kemm?

Ih acimi irumyen qqaren "merde" nekni ur ilaq ara a d-nini iẓẓan?!

Riγ ad aruγ ul-is mačči uli-s.
Ẓriγ daγen xuṣṣaγ ataṣ di tira, maca tagi d lfalṭa tameqqrant

Sslexseγ-t γilleγ a t-ḥamiγ, netta yeqqel am uzegguṛ.
Wallaγ fesreγ ur teẓmiγ, yekkaw s ilefḍan yeqquṛ.
Deg twuri riγ samiγ, zemreγ a s-semmiγ,
tin i γeṛ ddmeγ acaquṛ.
Ay ul lemmer ur ḥareγ εmiγ, γef tidderγelt ur nemmiγ,
ur yesriffig wemqerquṛ.

Ata w´amek ttleqqimen yemdanen aẓebbuj:


Yak d iṭij yerna areqreq, affad ucengu yeḥreq,
s usigna-s yeddem iγumm-it.
Ul fell-as yeknef yeḥreq, lsas i tmazγa iceqqeq,
asirem-is tamettant tuker-it.
Yak s dda Lmulud nnfaq, s yes-s a netterḍeq,
s iswi-s γas tamcumt tewwit.

Kečč a mmi-s n at Mεemmer, ay agur n Lezzayer,
anda ddan medden a k-afen.
Isem-ik d lebda ad yedder, tamuγli-k tazwar,
tiṭ u&erbal yessafen.
Yess-k yerfed aqeṛṛu ğerğeṛ, yesfeḍ afunzer,
d ideddicen yessenzafen.

Iγaḍ-iyi yiman-iw, yugar isaffen yeẓri-w,
ul γuṛ-s azref imi ixaq.
Yeḥḍaqer γef umeddakel-iw, ssneγ si teẓi-w,
a ddunnit aya ur ilaq.
A tajerṛṛumt yeẓẓa deg ul-iw, ay ayen akk s-yeldi allen-iw,
ssexsit ajajiḥ ma nreqq!

Ma d kunwi ay arraw-is, ggzut awal-is,
ddut deg webrid yeṭṭef!
Tuγem-d aẓar seg uz´ar-is, d tmussni n walla&-is,
selfet i wul ma yendef!
Deg-wen ad nẓer iger-is, ad ffuktin-t tyedrin-is,
amextaf usirem-is deg-wen yet´t´ef.

Ssurfet-iyi zegre& tilas yerna ass-a d lğamuεa!

i txeddmeḍ a ddiban amcum

Riγ ad aruγ:
1)- tmuγi-k tezwar mačči tazwar
1)- ssneγ si temẓi-w mačči teẓi-w

Aqeṛṛu-w icuf, maca ur ttmaleγ ara tura, ata yekkes-iyi udenden

Azul ay inebgi, Azul ay ilelli, Azul meṛṛa,

Tazwara, teẓriḍ mačči d argam i kwen-regmeγ :( ! D ayen i ttwaliγ i d-nniγ. Ilaq ur aγ-tebγim ara an-nuγalet ar tidak n zik, neγ xaṭi ?

Ihi, imken d nekk i yecḍen. Sureft-iyi !

Nekk akken sneγ, mi d-kkateγ deg usefru, d ayen kan isehlen fell-i ad sqedceγ ameslay am "iẓẓan".
Maca "la critique" yecban tinna, tega am win-akken yeṭṭafaren kan iberdan isehlen di ddunit ! Ger lweḍa d wedrar, iteddu kan di lweḍa acku tinna teshel tikli-s.

Nekk γileγ ayen i d-nniγ d ayen i yellan ! D ayen ibanen, d ayen i ysehlen i wallaγ a t-iwali. Ad d-wwteγ deg usefru-agi, neγ deg isefra yecban wid n Si Muḥ Umḥend, γef ayen yaanan imeslayen i d-yekkan si Taarabt, d wayγer ṭṭuqten deg isefra-ines. Ma bac as-iniγ kan asefru-agi d iẓẓan!, wagi ilaq ḥaca ma aawqeγ amek ar ad d-wteγ deg-s...

Ma d tamsalt-nni n Irumiyen sseqdacen merde i nekwni ayγer xaṭi... Acu ar awen-iniγ? Akka d asawen abrid ṭfen ibaraniyen ( Irumiyen, Araben ...atg ) a t-neṭṭef... Yak nuγ tannumi ! Ulac asteqsi, ulac aḥetec, ulac askukket n wawal i wakken ad iban ayen i γ-yelhan d wayen ur aγ-nelhi ! Nher kan am wiyaḍ axih !

Ğiγ-awen talwit ( Mazal a nettargu tilelli )

A tagi yettagaden,

"yiwen iheddeṛ-as γef nnger, wayeḍ yeqqar-as:
Acḥal n warraw-ik i tesεiḍ?" At zik

Ula nekk akk yid-m akka i d-aγ-teḍra.

Ass ideg a teẓreḍ anida ṭṭerḍiqen-t, uγal-d s wawal-im!

γazul
Llan kra nwan ma ttmeslayen-d s wawalen nni umi qqaren"la langue de bois" gerrzen!Iẓẓan d asget n "iẓi"acḥal i tecbeḥ teqbaylit!!!Ma d asefru nni i-γef d-newwi ameslay mačči kan d iẓẓan, ar γur-i d iẓẓan d ibeẓḍan!!!!
I wid d tid ittagaden;tugdi ulayγer?Aqlaγ gar-aneγ!!!Ilha leqdeṛ maana iẓẓan d awal am wiyaḍ!!!!
I wid yumnen s teqbaylit s yiẓẓan-is!!!!!

mselxir εlikum!

Ur ttagadet seg "lluma"! akken i s-yenna Σebderẓaq-nni n Brtv!

A win/tin yugaden: Ur ttagad a gma/weltma! "A nnbi xas freḥ, imi tesεiḍ lluma n "lmeγrib lekbir".

Ula wi' k-yewten a yagejdur, tutlayt taQbaylit tuγal am weḥḍun anda sefruruyen "ccilmun" (mačči d azemmur).

tebqa-w εla xir a yarrac/tullas n "lmeγrib"

Azul fellawen,
Nek Yaεğeb-iyi usefru agi xas akka iččuṛ d taεrabt. Ula d isefra n umedyaz ameqqran aqbayli: Si Muḥ Umḥend ččuren isefra-is d taεrabt. Bγiγ kan a wen-d-rnuγ belli ixuṣṣ yiwen ujerrid deg usefru agi:

Ma iγab γef tiṭ yuγal-d
Ass-agi ilul-d
D ajdid qbel ad yenṭel
Si lemtul-is yeğğa-yaγ-d
Di Lezzayer banen-d
Yis-sen amḍiq-is yergel

Seg-sen ṭṭya-s tecreq-d
--------dagi ixuṣṣ ujerrid-------
Tafat-is qbel ad yenṭel.

Tanemmirt a kra ixeddmen γef site web agi.
Hsen

I kečč a Ḥsen izem,

A yemma deg-neγ ufan, tura ini-yi ugur d kečč!
Yekkred deg udaynin ger yilfan, la d-aγ-yemmal amek a nečč.
Iγeblan deg-m stufan, a yemma rrniγ-am urfan,
mmi-m cuffent ur ifecc.
A wi yeqqlen d llufan, maca d win yecfan,
deg tirga nniḍen ad yesxentec.

Azul merra,

Tanemmirt ay inebgi γef isefra agi d-tewwiḍ, d ttamedyazt tazedgant yettezririgen am waman !
I wid ur yegzin ara dacu nessenqad dagi wiss ma gzan dacu yerran Tafriqt ugafa d "lmeγrib lεarabi lkabir" ?
Nek γer γur-i aεraben d iẓẓan ddin n sen d iḥliẓẓan ! A t-id iniγ u ma ilaq a t-id aruγ agim iberdan a t-id aruγ !

Azul fell-awent/ awen.
D lewhayem ! Kkren-d kraḍ ( 3) ičawčawen bɣan a ɣ-d-mlen d acu i “ latiyizm”! Zuni ẓret-aɣ-d a lɣaci aql-aɣ “ ur nettamen ara”! Ladɣa kunwi s wigi, tugarem at ičumar, imi kunwi « tičumar-nwen atentad deg wallaɣen-nwen, “ enkaṣeṭri » ! Turaret-agi i tetturarem, yezwar-iken ɣur-s zizi-twen bu txidas-nni n Amnay akk d bu tanzaqin-nni n Warisem ; kunwi teṭṭafarem kan am izamaren ! Kečč ay Inebgi i yeqqlen d imezgi, anda nniḍen telliḍ « ṭrankil” d uḥdiq, ma dagi, aql-ik tuɣaleḍ d ungif ! Ma d kečč a Ṣumam- ( mwan/ moins) ɣas ini-d acḥal n leǧwameɛ i yellan di taddart-ik ?! Wayeḍ isemma i yiman-is « Ilelli », d acu n tlelli i tessneḍ, imi tettḥasabeḍ akka deg yemdanen, ttamnen neɣ ur ttamnen ara, i kečč d acu i k-tuqeɛ ?!
Ayen yessewhamen ugar d ageswaḥ-nni n Winna ! Yuɣal “ Dimukratik” ( d amegday n 25 h)!! Aww iḍelli kan i tsefḍeḍ ( teffasiḍ) amcic-nni i d-tṣewwreḍ keččini s timmad-ik deg wesmel
( Liẓ-avuntir n Dda Qiqi), ass-a tbedleḍ , teqqleḍ “dimukratik”!
Ma d kemm a TILEMẒIT yugaden, a m-iniɣ : “ Skud dagi i lliɣ nekkini, fiḥel ad tagadeḍ! Jjmiɛ liman di jjmiɛ liman ar win ara kem-id-ilaɛin, ar tewwteɣ s leḥnak-iw ɣer lbunyat-is, alamma sluɣẓmeɣ-t, akken ad teẓreḍ irgazen I d-trebba Wehran a beɛbeɛ!. Yernu, aql-i a d-sbeddeɣ iman-iw d anemhal amatu ( D.G) n wesmel-agi ar ten-sṭixxreɣ akk ssya, ar neqqim ala nekkenti ( bɣiɣ a d-iniɣ: kunemti akk d nekk)!
Ma d ayen yerzan asefru-agi, ussan d-iteddun a d-uɣaleɣ ɣer Dadda-twen Ɛebdella, acku ssneɣ-t akken yessefk. Ussan-a ur nestufa ara, yettuqqet leqdic ilmend n “ Tefsut Imaziren”; dɣa, azekka ar terzu terbaɛt umezgun “ Tigawt d wawal” , ad turar ( ass n 19/04/07) deg tzeqqa umezgun Kateb Yasin n Tizi-Wezzu ɣef 14 n tmeddit, deg yiḍ deg uɣaram asdawan “ Basṭus” .
Yiwen seg yemcumen-nni

Ay amcum,

telhiḍ i teḍsa d wedṛagi.

Nekk lemmer d tameṭṭut i lliγ ad εecqeγ deg-k, maca teffeγ-ḍ i iberdan ( tegrarbeḍ) neγ m´ulac akk aql-ak tukleḍ iqceṛ n ubanan ( teḥnucdeḍ ).

Ḥader iman-ik ay ageswaḥ!

( Γas nḥemmel talwit, nessen a nerfu ).

azul
Wehmeγ mi bdiγ taγuri n tiririn n wemcum!!L'atheisme???Aani nemmeslay-d f Rebbi?Nemmeslay-d f usefru n Ḥmana c tout!!!Nenna-d ur iswi ara tibṣelt , ur d-nebdir la Ṛebbi la ddin!!!
S γuri ruḥ ad te..eḍ keč d wid k-icuban a yir zzariaa!!
Dadda-k Soummam+

A mmi-s n Wihran!
Acu i yerran d bu-txidas? Anda iy-tesneḍ ?
Ukreγ-awen aleqqam neγ ẓeḍmeγ γef wexxam nnwen ahat?


Ma yelha usefru efk-ed tikti-k, m ulac ulayγer a t-sbibeḍ lεar i yeZwawen ur tessineḍ a bururu!

Azul.
Alɣu.
« Aql-aɣ nuɣal-d » i yenna Muḥya di tmezgunt-nni “ Sin-nni”. Segmi d-nessezri sin wussan di tmurt, ilmend n “ Tefsut Imaziɣen” amulli wis-27. Iḍ n wahad ( larebɛa) 18/04/07 nessezri-t deg webrid. Ass n wemhad 19/04/07 ɣef 5 n tnezzagt (taṣebḥit) newweḍ ɣer Tizi-Wezzu; ɣef 14 n tmeddit nurar-d tamezgunt “ Bu tcacit, ulac-it”, ɣef 18 (t) d abrid ɣer tesdawit ( I.N.H) n Bumerdas, anda i d-nurar tamezgunt i d-nebder yakan. Ɣef 01 d 20 n tnezzagt n wass 20/04/07 i nuɣal ɣer Tizi-Wezzu. Ɣef 10 neḥḍer i temlilit, anda d-tella trusi n tmeqqunin ijeǧǧigen zdat “Stèle” n Lwennas Matub di Tizi-Wezzu, ssyen neṭṭef iberdan yessawnen ɣer Tala n Bunan anda yettwanɣa Lwennas, deffir ddqiqa n tsusmi, newwi-d aserɣit” Aɣurru”, ssyen nkemmel abrid ɣer Tizi-Hibel anda nerza ɣer uẓekka umeɣras (ccahid) Masinisa Germaḥ, nerza daɣen ɣer temsikent i tessudes tiddukla “Tigawt” n taddart Agni-Ɛrus, ssyen nerza ɣer uẓekka n Mmi-s igellil “ Lmulud Ferɛun” di Tizi-Hibel. Abrid-nneɣ yettkemmil, tanila-nneɣ d Tawrirt n Mussa- Weɛmer, anda yemṭel Lwennas Maṭub, nemlal d Nna Ɛelǧiya ( yemma-s n Lwennas) akk d waṭas inerzafen i d-irezfen ass-a n 20/04/07. Neǧǧa “Tawrirt ɛzizen”, ɣef 14 n tmeddit, am wakken i neǧǧa Tizi-Wezzu ɣef 19 (t). A ziɣ d tidet “d iɣriben di tmurt-nneɣ” imi d-nufa iman-nneɣ di Wehran ɣef 1 d 25 n tnezzagt n wass-a, n 21/04/07. Tura attan d 2 d 47, “tiṭ teqqen, tayeḍ twala*”, wissen ma a yi-d-yers yiḍes, neɣ “ɣas ɣli-d ay adrar fell-i**.
D yiwen seg yenzan i d-yelqeḍ Muḥya. ** d yiwen wawal i d-kkseɣ seg tezwart i s-iga Muḥya i wummud isefra “ Tafunast igujilen” n Ɛmer Mezdad ( Ɛmer Wakli).
--Ahil-agi ideg nettekki d win i yessudes umazday n Tiddukliwin: Amussnaw, Aɣbalu, Tarwa n Gaya, Iselmaden n tmaziɣt, Amezgun n Ǧerǧer, amazday n Tulawin n Tefsut taberkant ( tigi n Tizi-Wezzu) akk d Numidya n Wehran. Ugar ɣef wahil i d-yellan/i d-yettilin tura deg Wehran si 12 alamma d ass n 26:04:07.
Bu ccfaya seg Wehran

Azul fell-awen a " Libirbir"! Semḥissifeγ nezzeh nezzeh γef yir imeslayen i d-yekkan seg yimi afuḥan n bu cemma-yagi n " amcum". S yixef n Jeddi Amsed ar iḥeccem-aγ! D acu i t-yewwin γer Zizi Amnay "bu tissas"?! Tegra-d ma yeεğeb-as usefru-nni neγ isefra i t-yecban, yezmer ad yerzu γer "t.v: Iqraa". Ma yella d weltma-tneγ-nni yugaden, a s-iniγ" ur ttagad, γas cbu-d si Tkerdit-nni i wumi qqaren akken "Layla Ẓana" neγ tenwiḍ tilelli-yagi tettas-d kan akka! Γas surfet-iyi, ussan-agi uḍneγ aṭṭan-nni n wul...
Ḥemmleγ-ken akk.
Mmi-s n Wemsed , " Aεefrit i iḥemmlen lifrit".

Azul ay imcumen.
I kečč ay amnay a bu tqerruyt. Akken i tḥemmleḍ ad tesserfuḍ imdanen, iḥemmlen nutni daγen a k-id-sserfun. Lemmer ad teẓreḍ geddac i iferḥeγ ( i kkunṭaγ) imi i k-sserfaγ ay amcum a bu txidas!.. Ḥṣiγ yeεğeb-ken nezzeh usefru-yagi, tessetḥam kan a d-tinim" rnut-aγ-d kra i t-yecban! Aql-aγ ad awen-d-nceyyeε kra n tezlatin n lemdeḥ n Meqqran Agawa; ur ttḥaret ara kan! Ur s-d-ttεawad ara i yir awal-nni i d-tenniḍ akken a bu tqerruyt " εni ẓedmeγ-d γef wexxam-nwen". Acku tikkelt-nniḍen d aḥlalas ara tt-yeddun a winnat! Dγa, ussan di Lḥassi yiwen weqbayli sγur-neγ si Ğεefra, yeqres γef yiwen γef kra n waεraben i iẓedmen γef wexxam-is, yenγa yiwen seg-sen, wiyaḍa rewlen, tfehmeḍ tura d acu ara k-yeḍrun ay Amnay amcum, neγ ala?!
Ussan-a a d-uγaleγa, akken a wen-d-ṣelliγ γef nnbi, a nnek mačči am Aṭlas-nni i wen-yesqizziben! Ad ssekreγ deg-wen ṭikuk a " Librubru"! Ččaw..

Akken yenna unebgi (a t-id-yadder wayen yelhan): aεraben d iẓẓan, tineslemt nnsen d ḥliẓan.U kečč a Bururu aql-ak ger-asen!
Telhiḍ kan dγa i "udragi" akken i k-yenna umezwaru-nni.

g.t.: ur ttaggad, ur d-ttaseγ ar wexxam-ik , ur iy-it-tekkateḍ s weḥlalas. Ur nnumeγ rrwaḥ ar yexxamen n "Ixxuniyen" ( i igan aεraben) neγ ar "waklan" n waεraben. Mazal llan yeZwawen wiγer ad ruḥeγ...

Azul fell-awen. Aḥeq Jeddi Amsed ar ttγileγ tekksem-aγ cwiṭ-agi n tira,γileγ ala kunwi s iqemqumen ara yettarun deg wesmel-agi, ma d nekkni s iteftufen-agi ad nruḥ a d-nezdem i ccix! Ḥṣiγ aṭas i tferḥeḍ ay Ay amnay a bu tqerruyt, tettεudduḍ dayen ur d-ttεawadeγ ara a d-kecmeγ! "Rruzma" sεiγ cwiṭ n " pisṭun" s wayes ara d-uγaleγ, akken a k-ẓẓmeγ lebṣel s allen, a digurdi. Amek, nekk ttḥibbiγ ( ḥemmleγ)-k, kečč tesluγuyeḍ-iyi tamda, teqqareḍ " telhiḍ kan i wedragi"?! Jjmiε liman ar d ak ẓuγreγ γer teγdemt ( ccreε) s tinna akken n "difamasyun"! Terriḍ d " adragur", teğğiḍ-iyi aken i s-yenna akken Lewnis ( ameddakel n MACK N at Wewdiε, i iweddεen izgaren-ines di Kanada):
Tiqbayliyin d-ttemliliγ
Wexxrent ma εeddiγ
Amzun helkeγ ajeğğiḍ.
Ilaq ad teḥṣuḍ d akken Mmi-s n Wemsed " Siryu", asem neγ qim! Wissen dγa anda yerra umeddakel-nni-inek, bu tanzaqin-nni n Warisem?! Ussan-a a k-d-stufuγ, γas siwel-d akk i imeddukal-inek, wissen ma a k-ḥadden?! Aql-i ttheggiγ-d iman-iw akken ad qqleγ " D.G" n wesmel-agi, εas iman-ik!
Ččaw a Zizi Amnay.

Azul fell-awen.
Nnan-as « D acu i tteffẓeḍ akka, a wagi? Yerra-yasen-d: D llazuq n yilindi”.
Ddeqs n wawalen i d-yuragen, yal wa d acu i d-yenna, yal wa amek i s-d-iban usefru-ya n Dda Ɛebdella.. Lemmer mačči d yir imeslayen-nni, yili a d-iban d ayen yellan d agmawi. Yers-d usefru, wa a s-yeɛǧeb, wayeḍ a t-yagi, atg.. Maca, ɣef wakken ɣriɣ yakk tinin ( tidmiwin)-nwen, amzun teffeɣ-d yiwet tegrayt iman-is, attah: (..) (ur riɣ ara a d-bedreɣ imeslayen-nni imeɛzuzen i d-tennam)!
Ngum ( send/qbel) a n-rreɣ ɣef kra n tuttriwin n kra n watmaten, xseɣ ( bɣiɣ) kan a d-greɣ yiwen westeqsi, atan: Wissen ma yezmer kra n weqbayli neɣ umaziɣ, akken yexs yili wesɣan ( ddin)-ines, neɣ tikta-ines di tsertit ( tidyulujit) a d-yini ( s wawal neɣ s tira) ayen yettxemmim, neɣ ayen yettḥulfu, neɣ uhu ( xaṭi)?! Ɣas ma d imaziɣen akk i nella, wissen ma nezmer ad nemgarrad ( ad nemxalaf) di kra n tɣawsiwin, neɣ megdul waya?!
Tegra-d deg wezɣan, aql-aɣ nlemmed, wamag yiwen deg-neɣ ur yelli d ayuc (arebbit) n tsekla.
S wul zeddigen d iḥulfan n tegmat.
Ǧamal

Azul fell-awen.
Tiririt ɣef kra n yesteqsiyen
1—Acimi ara n-azneɣ asefru yecban wa?!
-- Asmi ara afeɣ kra n tezmilt, kra limara, kra n tgejdit, neɣ kra uwellih ara d-yinin “ Anagar tawsit ( rrehṭ/ ṣṣenf)-agi neɣ tagi ara d-yersen deg wesmel, ayen nniḍen ur d-yettrusu ara”; ass-nni dɣa a n-ttazneɣ kan ayen ara iwalmen awellih-nni.
2—D tajmil i riɣ a s-rreɣ i Dda Ɛebdella, imi yezwar netta yerra-yi tajmilt s tira n weḍris i yura ɣef wungal i uriɣ?!
-- D tidet. D tajmilt i riɣ a s-rreɣ, ɣas ulamma s tira-ines netta s timmad-is, imi ɣas ad ɛerḍeɣ a s-rreɣ tajmilt s tira-inu, ur t-ssawaḍeɣ ara ɣer temɣer i yuklal wergaz-agi. Maca, ur yessefk ara ad tettwagzu ( ad tettwafhem) d tinna n “ tririt ureṭṭel”, acku werǧin ad zemreɣ a s-rreɣ ula d yiwet si tis meyya-ines, imi ayen ara d-iniɣ fell-as a d-iban d awezwaz neγ d axeclaw kan.
3—Ma mwataɣ d uxemmem-ines?
-- Ulac win terra tmara akken ad ixemmem am wayeḍ, ɣas tezdi-yaɣ takti-yagi n tmaziɣt, maca, yal aqerruy di tcacit-ines. Yernu i wakken ad negzu iman ( rruḥ) usefru, yessefk ad nuɣal ɣer tewtilin (conditions), ɣer tegnatin ideg d-yella.. Atan dɣa wayen ara d-iniɣ: Yettwaru di tegnit n ẓẓmek, n leḥzen, yettwaɣra-d di temṭelt n Dda Lmulud, yettwaɣra-d zdat n waṭas n yemdanen, yal yiwen deg-sen amek yettxemmim, yernu furar 1989, mačči am yebrir 2007, xuḍi imir-nni kan i d-tlul ( neɣ xerṣum nenwa tlul-d) tugdut.
Di taggara, a d-iniɣ kan : mwataɣ nezzeh d tmuɣli i d-yefka gma-tneɣ Winna, netta yenna-d γef kra n tezgar d “ tadimagujit”, nekk iban-iyi-d ugar n “tdimagujit” !
Buddeɣ-as tazmert d teɣzi usemmud ( leɛmer) i Dda Ɛebdella.
Ǧamal

azul
Nwiγ a d-tefkeḍ kra n tfugal γef usefru nni n dadda-k Σbella,ziγ kra din!!Llan wid i yenwan awal nnsen yekka nnig wiyaḍ bḥal kečč a Ğamal!asefru agi nenna-d ur iswi ara iqil!Ur isεi anamek ;rnu γef waya issexdam kra n wawalen ur d-tewwi ara!!!Abbuh fell-ak a Ğamal!D lεib fell-ak!!

Azul fell-awen
« A ɣ-yemneɛ Rebbi si ddula yettdullun
D leḥkem yettɣurrun
D yir (a) xenfuc ɣef yiri n lkanun” I yenna Ccix Muḥend.
Awer nili seg kraḍ tewsatin ( 3 lerhaṭ neɣ leṣnaf)-agi.
I wid i yi-id-yennan: “Tebɣiḍ ad tiliḍ nnig imeɣriyen” !
S wacu ara iliɣ nnig imeɣriyen?! Ayɣer ara iliɣ nnig imeɣriyen?! Anwi i ken-id-yesbedden akken ad temmeslayem s yisem imeɣriyen?! Ɣas ḥṣut ihi aya: Nekk d yiwen kan seg imeɣriyen, ur d-usiɣ ad fkeɣ timsirin i yiwen; ma di temsalin yerzan asɣan ( ddin) d ayen yerzan kan amdan, imi d azref amadnan n yal yiwen akken ad yeḍfer abrid i s-yehwan. Tamaziɣt d ayla-nneɣ merra, ur yettwaḥerram deg-s yiwen, d argaz neɣ d tameṭṭut, akken yexs yili urebbit-ines, neɣ uxemmem-ines.

Ǧamal seg Wehran

Ssififen medden tirac, ur ssififen ara ulac.
Anagar ihwah i d aɣ-d-ibanen deg usefru-yagi, ayen yelhan merra yedreg fell-aɣ, wissen ayen?! Azɣan ɣur-s ilugan-ines, ɣef wakken d-nnan imussnawen. Dagi, a d-ssiferreɣ kan kra:
“Takti ma temmed neɣ ala, akken a d-iban usentel neɣ isental iɣef d-yewwi usefru”. “Tugna ( image) ma tella neɣ ala”. “ tutlayt s wayes yura usefru, ma tgerrez neɣ ala ( imeslayen ma wulmen neɣ ala) ».. Wissen dɣa ma yella waya deg usefru n Dda Ɛebdella neɣ ala ?! neɣ d yir imeslayen-nni kan i yellan
« LLumma, Lmeɣreb.. ?! Wissen ma ugdan( llan kifkif, neɣ cuban) imeslayen-nni i d-bedren kra seg-wen neɣ amek?! Xerṣum ssikdet, meḥṣet, alset taɣuri i tefyirin-agi, walit tahuski ( ccbaḥa) d inumak ( lemɛani) ilqayanen yellan deg-sent, mačči kan d tazzla s ageddeḥ:
Imawalen n Tmaziɣt
Amezruy n tnaṣlit
Fell-ak ass-agi rrundan
Ilugan akk d tseftit
Tussunt tadlist
Yekkaw leqlam i ten-yuran
Yemlal weɣref di Tewrirt
Imeṭṭi yessudem-it
Ɣef umedyaz ameqqran
..
Awal yeǧǧa-t-id Lewnis:
“ Sɛeddit-t di lmizan
Weznet, steqsit rǧut
Imir init-d ayen yellan
Ma yella yexreb-as ṣṣut”

Ǧamal seg Wehran

Azul fell-awen
« Wi k-yennan meqbuleḍ a rruḥ » ?!
D tagi i d tiselbi neɣ ad teqqim!
Yiwen seg wigi, la yeqqar “ Dda Lmulud”, segmi yesla yettẓalla, yuɣal yeqqar: “Dadda-k Lmulud”!!! Yuɣal yettu ula d tajerrumt-nni, yettu ula d ilugan-nni n tira i d-yelmed sɣur-s, yettu kra iga i tmaziɣt-nni!.. Ma yettẓalla kan atan mačči d Dda Lmulud, d Dadda-k Lmulud! D lewhayem di ddunit-agi!

Ǧamal seg Wehran

Azul.
I gma-tneγ "Amaziγ+" ssurfet-iyi, γseγ a d-iniγ "Ṣṣumam+". Amek ay amnir-nneγ ayiman, ay amennukal-nneγ ameqqran?! D acu n lεib i giγ, εni nγiγ tamgerṭ?! Aha kan ssegzu-yi-d d acu n lεib-agi i giγ, neγ eğğ-iyi ad ẓwaγ (ad ruḥeγ) ad muhdeγ ( ad ẓẓalleγ) akuden-iw γef yiman-iw; yernu aql-i ad ssemdiγ urawen-inu akken a k-iwelleh yakuc (llah) s abrid amaγud ( iquden)..
Tanemmirt-ik a gma.