DEG  WAGGUR-AGI  YEZRIN FELL- AΓ, MEΓRES 2007, TLUL-D  DEG  BGAYET  YIWET TERBAΣT  ARA  YEFKEN  TAMUΓLI  TALQAYANT AR WAYEN  YURZEN  AR  YEDLES AKK D  TẒUṚI  , AHIT  AD-TESSIWEḌ  AD- TEẒẒU  ASEKKUD  S  ARA  YETTWALI WEMDAN  AR  TAFAT A  T-ID-YEKKSEN  SEG ṬṬIQ-AGI  DEG  YELLA

Isem-is (cercle  de reflexion  et d-INITIATIVE  CULTURELLE ) akken  d-nniγ tarbaεt-a ad tqeddec yiwen wass i umalas neγ i sin imalasen neγ ahit i waggur deg ussan-a imezwura; sin d afella ad timγur timlilit , yal yiwen ad yaf iman-is deg-s .

Akka ara d-ttilint timliliyin  ara yekksen tullza-ya yellez umaziγ γef yedles-is ar mi yeqqim deg tesga n ṭṭlam, deg tesga n uṭellis.

((lkrik))(neγ cric)  ad yili d izen-nneγ neγ d-tikkezt n temyawaḍt (bulletin de mmunication ). Ayagi akk yella-d deg wexxam n yedles n Bgayet , anda  imḍebbṛen n wexxam-a a sen-ldin tiwwura yiwen wass i umalas. Ihi akka TARBAΣT- a n “lekkrik” iswi-nneγ : d asdukkel n yergazen  n yedles wid icerwen tidi akk d wid γef yezga εawaz  amek ara d-iger nnehta unaẓur deg tmurt nneγ . Wigi i d-islulen akka “lekkrik” yugi a sen-d-ires yiḍes amek izemren a d-rren tudert i wallaγ akken a d-iḍegger tikuffta-nni i t-iskkuffren ar mi imesli-s yeqqel ar daxel, ar mi, mi d-iga akka a d-yeṭṭerḍeq uxalaf n-yedles amaziγ ini yekref amzun ẓẓan-t s ufell uṣfaḥ, ihi γef anect-a TARBAΣT-A AD-TEẒẒU NEΓ AD-TESRES AḌΓAΓ AMEZWARU S wara a d-nettaki s wara d-ttakin yal ma a d-sersen iḍes s tkkerkkas akken ur qemmcent wallen γef webrid yettawin ar tudert n tayri, ar tudert n tira, ar tudert yidles, akken ur nettuγal nreffed nsrus s wallen iḍaṛṛen ifassen urzen, γef anect-a i d-nger tiγri akk i kra n win i s-yukin i tiyita a d-ibedd ar idisan-nneγ s wakken iwala a γ-d-yefk afud s wayen γur-s d allal. Asebter atan d amellal, imru yezmer ad yili d allal amezwaru .

Awal γur-wen .

Tabghest d wafud i twinest-agi d-ilulen, s teghzi n tudert -is

Azul fell-awent /awen.
Tanemmirt tameqqrant a nanna Tamaziɣt ilmend imeslayen-inem urẓinen akk d tira-inem iweznen, terniḍ taktiwin talqayanin... Drus wanda ufiɣ tiqcicin neɣ tulawin neɣ timɣarin ( ur ẓriɣ acḥal deg usemmud –leɛmer-- -im?) i kem-yecban; aya d ayen i d-irennun tabɣest d tissas i umennuɣ-nneɣ n tidet, mačči winna akken n “ Dunkicuṭ” yekkaten abeḥri s wuffal! Tettaruḍ tamaziɣt akken yessefk, yernu ulac din ccek, kemm d tamessedrart-nni yeṭṭfen di tnaṣlit, i yettleqqimen deg-neɣ tamussni, yernu mačči tamussni-nni taderɣalt i yeddarayen tacḍaṭ n Tmaziɣt ( meskint) akken ad ssezrin tikta n massaten ( lesyad)-nsen: At Gulwa, neɣ n At tiɛurrebt n At tata. Tessneḍ d acu i d ṣṣwab, teqqareḍ-d ayen i tettxemmimeḍ kemmini, mačči ayen ara iɛeǧben i medden akken tgen (xeddmen) ibabaɣayuten-agi-nneɣ! Ḥṣu, ma nniɣ-am-n aya ur yelli d asqizzeb, ur yelli d asfusker, ur yelli d asqecmeɛ; acku ur kem-ssineɣ, ur yi-tessineḍ, maca Mmi-s n Wemsed ( aqerruy n texsayt) yessen ad yesnemmer wid zeddigen, iḥemmel ad izuxx s wid-is akka am kemmini. Ihi, gedha yes-m a weltma TAMAZIƔT.
Ma d tarbaɛt-agi n « TEKRIKT » n Bgayet, ɣas werɛad ḥṣiɣ anwi i yellan deffir-s, d acu uxemmem-ines!... yegra-yi-d kan a d-rnuɣ taɣect-iw ɣer ubuddu i sen-tbuddeḍ, daya.
Ssya ɣer kra n wussan, aql-i a sen-d-greɣ kra usumer yerzan tamuɣli-inu, d acu kan ɣef tutlayt d yedles amaziɣ i terẓa nnda, mačči ɣef yedles-nni n tuččit d tissit deg isensuten imeqqranen ( les grands hotels)…
Ssya ɣer yimir-nni, nekk aql-i dagi, ẓẓleɣ tiqejjirin-inu deg wesmel-agi n “imyura yir lqum”, qqareɣ-d ayen riɣ, war akukru, war asqizzeb, win i wumi ur yeɛǧib ara lḥal, a d-yas a yi-yessufeɣ ssya! Nekk d ilelli, ur iyi-icudd iziker ɣer kra n Tiddukla, neɣ ɣer kra ukabar, neɣ ɣer kra umussu; aqerruy-iw seddaw tcacit-iw.
Vive Tamurt n Leqbayel akk, vive Leqbayel n Lḥasi n Wehran.
Mmi-s n Wemsed, sin wudmawen ulaḥedd.

Ay amcum n tidet , a mmi-s n wemsed,

atan tikkelt-agi tfaq-ak teqcict-nni n usiber, tḍeggeṛ-ik-id γer beṛṛa yernna tenn-ay-ak: Maεεac a k-waliγ dagi ay amcum afuḥan!

Ihi seg w´akken d-ak-yeεṛeq cced n uyeddid, i3eddad kan lkaṛ di place d´Armes yeččuṛ d tullas, tuliḍ deg-s.

Tγilleḍ-t d lkaṛ-nni uṭṭun 17 a k-yawi γer lḥemri.

Netta yulid si la rue Philipe, yuγ abrid d asawsen, yewweḍ kan γeṛ zdat la mairie yenneḍ-d seg tama tazelmaṭ, saki yerra d akessar almi d le port, sakin yewwi-k γeṛ la corniche oranaise
terwiḍ zhu γef yiman-ik, tettuḍ ula d tinna n siber.

Tewweḍ-d tmeddit, temmektaḍ-d d tnaṣlit
( riγ ad iniγ taqbaylit , mačči d tamarut-tamedyazt-nneγ ),
sakin tekkreḍ γef yiman-ik, teqqareḍ : S tudert n Tmaziγt, vive
taqbaylit, canana, banana.

Wali ihi ukessar-agi tafaska n umezgun d cḍeḥ n nanna-k
leflantegga!


Tamazight - Tinin ines...

D ayen yessefrahen mi ara nsell d akken yers-d γer tefranin yiwen urgaz zeddigen, izemren, yesfan am Mass Hasen Hirec. D tidett d akken adabu n tmurt-nneγ yekkat akk amek ara yesseγli neγ ara yaγ wid iqerben ar tesquma tiγalnawin n tmurt maca imdanen yecban gma-tneγ Hasen Hirec d awezγi ad ibeddel imi nwala-t yakan di tegnatin nnidhen. Yezga d imekdi (fidle) γef tmentilt ( cause) n tmazight d wayen iceγben tamurt n leqbayel.
Ur ilaq ara a nerr iman-nneγ di rrif, a neğğ wid ur nesεi ccan wid ur nesεi tirugza ad meslayen s yisem n ugdud. Ilaq a nfareset tagnitt a nsers irgazen iwulmen deg imukan ilaqen, yecban asqamu aγelnaw Hasen HIREC yuklal ad yili d aselway n tigduda s wayen yekseb d tigzi d tirugza d tmusni ihi a leqbayel d lawan a d-tbinem d acu-ken...
afud d tebγest i mas HIREC