Tafaska i d-yeḍran deg At Smaεel ussan gar 28 deg Meγres almi 31 deg Meγres 2007. It Smaεel d yiwen lεeṛc i d-yezgan 70km γef Bgayet lwelha n Sṭif. Yewwi-yaγ-d awal fell-as Mass Leḥlu Sebaa. I d-isuddsen tafaska-ya d tiddukla Adrar n Fad.
Γef tmirt(tasaεett) tis snat n temddit bdan ttawḍen-d inebgawen , d imedyazen d tmedyazin , yiwet n tedwi s kra n win d-yewwḍen , iqeddacen yellan qedcen a t-id-magren s-taḍsa d-yettasen seg ul .ad ddun yid-s akken ad arun awweḍ-is ama d amedyaz ama d tamedyazt ama d-inebgi .
Wid i ceyyεen isefra-nsen γef kraḍ wudmawen, d tagi i d tawtilt(ceṛṭ) n tikkin , acku win umi ur ufin ara isem-is din deg ugmuγ i llan γur-sen ur yettekki ara , akka d-yeffeγ wegmuγ deg uran tawinest d sa imedyazen d-tmedyazin (107), wid i d-yusan, ger tlawin d yergazen, tamet-d-semmus (85) .
Mi tewweḍ tmirt tis semmus (5) n temddit bdan keccmen ar tzeqa anda d-iga asarag Yunes Σadli γef tmeddurt n dda Lmulud acku tajmilt n tfaska–ya i netta iwumi tuγal. Awal n yunes Σadli isnegra-t-id d akken dda Lmulud fell-as yeεfu ugellid igenwan ittweṣṣi yenna:” wexṛet tamaziγt γef tsertit.” Syin mi ifukk mass Yunes Σadli awal-is , yeql-d Σli Mεamri γef ayen yura dda Lmulud . Idlisen yura aṭas yerja akken ffγen-d , uguren mači d-imecṭuḥen. Asarag n Σli Mεamri ismendeg askasi .Timekacmit tella-d γef ayen yeqdec dda Lmulud ma d-tasertit neγ mdah ? tella-d daγ γef leqdic-is γef tegrawla d acu n wemḍiq yeṭṭef. Yella-d wawall γef amek ttwalin tikli neγ leqdic n tmaziγt anda yella ass-a ; ma yettnerni neγ igell, yegma neγ yuder neγ iṣubb ? tiririt γef ma tettnerni : ahat tezmer ad tennerni ugar n wakka , ahat yella wayen anda tekres. Ma γef leqdic n dda Lmulud ma d tasertit neγ ? Ma s-wudem n tussna mači d-tasertit ; ma s wudem nniḍen d tasertit. Γef wemḍiq yeṭṭef neγ amek yeqdec deg tegrawla , ulac wid i d-yewwin kra n tririt fell-as .
Γef tmirt tis sa (7h 30)d wezgen tebda temzizelt armi d timirt tis teẓẓat d wezgen.
Ass lexmis γef tmirt tis mraw n tenzegt tettkkemil timzizelt n tmedyazt ,ar mi d timirt tamezwarut n tmeddit i teḥbes .
Γef tmirt tis kṛaḍ n tmeddit yella-d daγ yiwen usarag n yiwet n tmeṭut, Massa Kkebas, yellan zik d tanelmadt n dda Lmulud tewwi-d awal γef ayen d-yura deg yiwen weγmis aseggas n 54 anda d-yenna: nekk yellan deg tagi deg lliγ ur zmireγ ara a d-meslayeγ γef tin seg d-kkiγ. Wid i zemren a d-yemeslayen anagar wid yellan akken deg-s, γef acu i ten-yuγen.
Imedyazen d tmeyazin ur dwin(fṛiḥen) ara s teqbaylit agi i d-yusan a d-teg asarag γef tmeddurt n dda lmulud s tmeslayt tafṛansist; nnan amer d taṛumit i γ-d-yemeslayen s-tefṛansist d-tidfi maca imi d taqbaylit yecmet γas akken tella-d tnekcamit n wawal γef ayen yura dda Lmulud, terra-d akken tezmer.
Syin timzizwert n tmedyazt tkkemel ar mi d timirt tis teẓẓat(9) akken i tfukk temzizelt azekka nni n wass n Sem(lğemεa) γef tmirt tis tẓẓat(9) n tenzegt. Tella-d yiwet n tcequft umezgun “takkamiṛatt yeffren” uraren warac n it Smaεel senguclen tazeqa nni deg taḍṣa uraren-tt telha ar mi dayen kkan . Syin γur-s tasqamutt n imzurfa nwefran imedyazen d tmedyazin anda d-nnan amek iga wefran: mraw-semmus tenqiḍin γef ilugan n tira d usentel akk d-talγa , semmus tenqiḍin γef tinawit n umedyaz n usefru-s. Imi d-nnan agmuḍ n wid d-yufraren anda d-yufrar amezwaru d Waεli; wis sin d Ben Σamaṛ; wis kṛad d Serkusti Muḥ. Wigi d kṛad imezwura. Llan kuz warazen n usebγes , wis-kuz d Sliman Yidir; wis semmus d Waεli Ḥakkim; wis sḍis d Muḥemed Bahya (batna ); wis sa d Bṛahimi Lxeyeṛ. Kuz ineggura-ya d-arazen n-tebγest . Akka i fukken tikci n warazen.
Leḥlu Sebaa