Mass Hireche (Ḥirec) yeqqaṛ ma yettwafren akken ad yili d agensas  n iqbayliyen yellan deg inig(lγerba), deg usqamu aγelnaw n Lezzayer, ad yefk lexlaṣ-is i wesbeddi n temrawt(taεecṛett) iseggasen i uselmed n tira n tmaziγt i imaziγen. Werğin yella-d uṛeggem(aεahed) yecban wagi deg wannar n tsertit n Tmurt.

I lmend n uṛeggem-agi kan yettban-d am akken yuklal tayett. Ma ulac akk yuklal ameslay fell-as. Maca a ddṛa tezmer tjerniṭ-is a s-d-ternu kra n waffud i tmeslayt-nneγ neγ d aγebbaṛ kan γef allen ?  Ayen s wayes i yebγa a γ-iqenneε d akken yezmer ad ibeddel kra neγ kra s zdaxel udabu. Ad yesmendeg iskasiyen a d-islalen timuγliwin timaynutin deg tsertit n tmurt Lezzayer, d akken ad iḥadd γef izerfan n Tmurt n Iqbayliyen s zdaxel n usqamu aγelnaw neγ s zdaxel ubendayer(umendayer) udabu.

Seg 1962 llan imdanen yettxemmimen akka neγ yedman akka am netta. Amezwaru d Lḥusin at Ḥmed ass yekka deg udabu n Ben Bella, wayeḍ d Muḥend Ulḥağ yeğğan amennuγ γef tugdut akken a d-yessemneε tamurt Lezzayer qaḥqac mgal icenga n beṛṛa. Ttaṭṭafen-ten deg tqellaεt imi i sen-tt-undin s tagi n usemneε n tmurt Lezzayer.  Sinna aṭas i d-yernan almi d arbaε-agi n tagara-yagi: wid n ikabaren n RCD, FFS, UDR akk d wid isemman i iman-nsen tajmaεt n leεṛac.

Ayen s i ttwaqenεen neγ s wayes i γilen ad qennεen wiyaḍ d akken zemren ad beddlen tiγawsiwin s zdaxel udabu. Netta imi kecmen ar udabu, ma γas mači d lebγi i sen-tt-yekksen tikkwal, ttarran-asen tadimt ur sen-d-isell yiwen, neγ ttaččaṛen-asen imawen-nsen s tiziḍanen, ihi dγa imesli ur yezmir a sen-d-yeffeγ imi zgan ceγlen d mellal herres zeggaγ ḥelles tamda terra γur-s: lthan d wučči, ur ten-ttcewwilt ara kenwi s iyennaten-agi !

D tidett ahat nrured, neγṣeb. Almi d melmi a neqqim kan akka nettṛaju ṛebbi a d-ifeṛṛeğ ? Yessefk a nekker a neddu γef yiman-nneγ. Deg udabu neγ beṛṛa i udabu yessefk a nekker i tigawt a neḥbes tihedduṛin. Maca attikki deg tuddsiwin n udabu dγa d tidett d tigawt ? Neγ ahat d timenγiwt n tigawt uzekka ? Timenγiwt tasertant ssnen-as wat udabu n tagara-yagi.

winna

S wesmel-agi nezmer a nargu am akken dayen "likabiču" mači d "ibunyulen", ticki ttarun γef ayen i ten-yurzen ttarun-t s tutlayt-nsen. Maca d targit kan. Leqbayel am aεṛaben am imezdaγ n tegzirin n "les antilles" am imezdaγ n tmura n tefriqt, d ibunyulen kan, ttarun s tin i sen-slemden imessiwen-nsen Ifṛasnsiwen. S tin kan s izemren a d-arun tiktiwin, abababa am akken sεan d tidett tiktiwin deg iqeṛṛa-nsen mači d tibekkiwen i ten-izedγen...

Ar tufat

Azul fellawen

Ulayγer a s-ternum la publicité i Hireche. Kabyle.con atan yessuli-as ccan-is nnig leqdeṛ. Urigh-asen 3 'les réactions' ur d-suffghen ara ula d yiwet. Yerna ad qqaren d "les démocrates". Nutni kkaten deg medden akken i sen-yehwa, ssexnunsen acḥal d argaz acḥal d tameṭṭut. A d-ughalegh ar Hireche, ilaq ad imuqel wigad i t-iḥeṛsen a d-ibded ar tefranin-agi ad yaf gar-asen wigad iqeddcen i udabu. Ur d-nnigh ara netta maca wigad i t-iḥeṛsen. Ahat tella Xalida neγ tin negh win i tt-yecban. "Les parrainages" ghas ad yettkel. L'ambassade a s-ten-id-awin deg iseddyaq wejden kullec. Ayen i ten-icebblen d "la popularité" n MAK di legherba, ugaden ur ttṛuhen ara medden ad buṭṭin s tugett.

wala

Tikwal wehmeγ mi ara waliγ akka imdanen yecban Ḥirec! Amzun akken werğin ssnen adabu aserdasi amneq azzayri, γilen ad alsen tikli i tlafsa. Qqaren ad nekcem akken ad nbeddel kra. Anekcum γer uεebbuḍ n tlafsa, teẓram kan, d nettat ara ten-yesbelεen. Ar taggara, ad uγalen d uzmiken, d imsedrimen am wiyaḍ merra yezrin send-nsen.
Attikki di tefranin werğin frant kra, d aγurru akken i sen-yenna win-a, tikli s tazzla γer deffir, d nnker d weεfas n umennuγ-nneγ i d-newwi acḥal d aseggas.
Mass Hirec ur yettbeddil kra xas s neyya i γ-d-yusa. Yessefk ad nales leḥkem, ad nbeddel anagraw i γef ibedd udabu aserdasi, ur cukkeγ s tefranin ara d-yeḍru waya.
Attikki-ines d awexxer ar deffir, d arkaḍ γef wayen akk i d-yuṣek (yebna), neγ ahat ula d netta wwḍen-t-id iraggen n Lmuradya, ad yeḍfer dada-s Seεdi, d xali-s Ben Yunes, iḍewlan n wuzmik-nni Butef, iqeddacen n Tewwati, d Lεemmari,d wiyaḍ merra yesneclen, yeqqucen tamurt
Ma d nek ur ttiliγ yid-k, ur ḥeddreγ di twaγit-ik, ur ḍmiεeγ idrimen-ik ad snernin kra di tmaziγt, neγ ad aγ-d-llin kra n tewwurt sya ar zdat.
Neqqar win i wimi tt-tekkes ccfaya, ulayγer ttkal fell-as.
Affud igerrzen i imyura.net

D ayen yessefrahen mi ara nsell d akken yers-d γer tefranin yiwen urgaz zeddigen, izemren, yesfan am Mass Hasen Hirec. D tidett d akken adabu n tmurt-nneγ yekkat akk amek ara yesseγli neγ ara yaγ wid iqerben ar tesquma tiγalnawin n tmurt maca imdanen yecban gma-tneγ Hasen Hirec d awezγi ad ibeddel imi nwala-t yakan di tegnatin nnidhen. Yezga d imekdi (fidle) γef tmentilt ( cause) n tmazight d wayen iceγben tamurt n leqbayel.
Ur ilaq ara a nerr iman-nneγ di rrif, a neğğ wid ur nesεi ccan wid ur nesεi tirugza ad meslayen s yisem n ugdud. Ilaq a nfareset tagnitt a nsers irgazen iwulmen deg imukan ilaqen, yecban asqamu aγelnaw Hasen HIREC yuklal ad yili d aselway n tigduda s wayen yekseb d tigzi d tirugza d tmusni ihi a leqbayel d lawan a d-tbinem d acu-ken...
afud d tebγest i mas HIREC

Yella win neγ tella tin yeẓran amek teffeγ tedyant-agi
n H.H. ( Harry Haller )?