Wagi d awal yura mass Akli Azwawi γef temlilit d Ǧamila Amzal yussan ar Frankfurt am Main ussan-a izrin:

Deg wussan n ssmana n isura n turan n Afrika taγiwant n Frankfurt am Main tesrezf-d Ǧamila Amzal. Win i yeddan γef taluft-a d Mass Klaus- Peter Roth n „Filmforum Hoechst“ . Ma d nekk fkiγ-as kan afus acemma i wakken teḍra-d taluft-a.
Dγa assen n 22 jennayer 2005 neẓra asaru „Adrar n Baya“ n Azdin Meddur. Ula d yelli-s massa Munya Meddur tella dinna.
D nettat i d- yewwin asaru-nni.

Neẓra daγen asaru n Ǧamila Amzal «le tuteur de madame la minsitre«. Yad iẓran isura garasen Imaziγen Izwawen, Imaziγen Irifiyen, Ifransiwen, Almanen, yella ula d yiwen Waɛrab d win nniḍen. Taggara illa-d umeslay d Ǧamila. Nettat temmeslay-d γef usaru-ines d isura nniḍen anda turar nettat. Dγa aṭas n yad/tid yeẓran isura necden γef tutlayt tamaziγt, γef iγeblan di tmurt n tmazγa. Ǧamila terra I wencat-a s wawalen d imeɛnanen yernu γur-sen azal d ameqqran.

Mack A.U.