Ay azerkeṭṭif, yewwi-yaγ wasif
qqaren γef nnif, i iγelli wadif
ay asγeṛsif, lγerba tettelif
qqaren γef lḥif, i ttnejlin bessif
ay azerkeṭṭif, neṛγa am ukanif
qqaren d lexṛif, i izuzufen lḥif

Aḍris akken ma yella

ay aẓerẓur urqim
ittunagen bγir aεwin
di tmurt utwil ur d-yeqim
Γewden abrid at tismin
la ttnejlin akken d lqim
ay teččamt a timdinin

Aḍris akken ma yella

Aḍris akken ma yella

Aḍris akken ma yella

Asensu n Uẓru n Ṭhur

dduṛ yezzin i waggur
nugad agefur
deg wedrar tebda tyita

ttxilek ay Aẓru n Ṭhur
asensu-k mechuṛ
illik fellaγ d ameksa

seg wasmi ncerreg lebḥur
ur nelqiḍ azemur
la neddahin s lkuẓa

Lezzayer ḥekmen laεṛur
bedden γef ṣṣur
W’ur nelliz ad yaγ lexla

Aḍris akken ma yella

Ay nnan tekfa leḥya
xas nadi lexla
ternuḍ ula t-timdinin

ay iles i d-yiwin lada
iγ yeğğan nenfa
al'ma cuddn-aγ tifednin

ay nenna d way nesfra
nuγ-ed akw timura
mazal-aγ kan landucin

Aḍris akken ma yella

Ataya uzayeḍ utaram

Bgayet d Tizi ssulsen

Kkren-d Leqbayel s ttmam

At Abbas d Yiflisen

Ulac win yeḥbis waxam

Bedden-d abrid-a am Yiwen

Awexxeṛ abrid-a d leḥram

D arrac i tt-id-isγersen

Aḍris akken ma yella

Ay Ajaγiγ aberzegzaw

I serrun di tegnaw,

Neyyr-as d acu tettrajuḍ.

Ezger agumaḍ i ugaraw,

Ar tmurt n wuzwaw,

Anda yettarew ubelluḍ.

A k-nazen ay amesfaw,

Zwir si Budwaw,

Lewḍat icebbeḥ jiḥbuḍ.

Aḍris akken ma yella

ttxil-k a εemi Nnayer

reḍl-aγ yiw'ass

d areṭṭal ar tmurt a t-nniyer

amcum a t-naweḍ deg azal

adabu-agi llezzayer

a t-nenfu ansi ur d-yettuγal

***

 ttxil-k a εemi Nnayer

ldi-yaγ-d tiwwura useggas

deg neγ yeḍra leqheṛ

seg asmi tγabeḍ a lwenas

kksen fell-aγ akk sser

W'innumen znad yettwakkes-as

Aḍris akken ma yella

Ay ass-en deg Yennayer

mi tt-id-nneyer

neğğa-d lemεaṣer

ẓẓadent Adrar

tuγ-it ijiyer

agris igezzer

i leḥfa deg udfel leqqḍent

Aḍris akken ma yella

Am ass-a ad yazef ulemlum
a-nbeddel laḥkum
ad yefru lḥeb γef alim

Ifessasen ittrebin aksum
di tili n umcum
γilen akka kan ar a-neqim

Aḍris akken ma yella

Azul fellak a Cciṭan
Tiffeḍ yirr amdan
Yenzan awsamar alemmas

Deg uyefus gan-as luqran
Deg uzelmaḍ ajenwi iḥfan
s-wayes a iγdeṛ yemmas

Acu ad ikken seg ul irkan
D amuṛeğ aberkan
Mači d zzit n At Σebbas

Aḍris akken ma yella

Yewted wedfel d aḥttatac
yerẓa-d tifurkac
Amek a-nettu TIBḤIRIN (7 moines)

Timensiwin ya Ḥmadac
tamart uqelwac
a lexyal di tqurabin

Aḍris akken ma yella

Innit-aγ-d ihi acuγeṛ
tefkam azuγeṛ
teṭṭafarem imeksawen

Wi'd yusan a-kwen inheṛ
Seddam neγ Nasseṛ
kenwi teddam d irbiben

Aḍris akken ma yella