Ay azerkeṭṭif, yewwi-yaγ wasif
qqaren γef nnif, i iγelli wadif
ay asγeṛsif, lγerba tettelif
qqaren γef lḥif, i ttnejlin bessif
ay azerkeṭṭif, neṛγa am ukanif
qqaren d lexṛif, i izuzufen lḥif
a lqubṭan n sṭif, i iḥekmen bessif
aṭan ur yeṛhif, aḍaṛ-iw γezzif
akud-a yalaṭṭif, twala-s d aẓarif
fell-ak ay ungif, i nuγal di rif
di tallit n uγilif, abrid ur s-nunif
a tizi γennif, yejla-yaγ nnif
azwag d inifif, nek γur-i kifkif
aqli-yi-n deg wesqif, s usebsi n lkif
yuγal ula d lexṛif, fell-as netthetrif
yewwi-yaγ wasif, deg wedmim ur neṭṭif
nḍil i maylellif, tasa ur tenddif
Ukerdis

azwag : exil, bannissement
maylellif: abîme

Ay azerkweṭṭif, yebbwi-yaγ wasif
qaren γ ef ennif, iy iγelli wadif
ay asγeṛsif, lγurba tettelif
qaren γef lḥif, ittnejlin bessif
ay azerkweṭṭif, neṛγa am ukanif
qaren d lexṛif, i zuzufen lḥif
a lqubṭan n sṭif, i ḥekmen bessif
aṭan ur yeṛhif, aḍaṛ-iw γwezzif
akud-a yalaṭṭif, twala-s d aẓarif
fellak ay ungif, inuγal di rif
di tallit n uγilif, abrid ur-s nunif
a tizi γennif, yejla-yaγ ennif
azwag d inifif, nek γuri kif kif
aqli-yin deg usqif, s usebsi n lkif
yuγal ula d lexṛif, fellas netthetrif
yebbwi-yaγ wasif, deg udmim ur neṭṭif
nḍil i maylellif, tasa ur tenddif
Ukerdis

azwag : exil, bannissement
maylellif: abîme

Uγalet akk di rrif, hemma a bu nnif!
Wid yewwi wasif, la zzuzunen lḥif.
Zegren-d i unifif, yeččur-d iseqqif.
La ttwaliγ " KIF FIF", yettru, yesḥissif.
Kker, azzel ay uḍrif, awi-yasen-d lexrif!
Lehlak ma ur d iyi-yeṭṭif, a TIZI ΓENNIF.
Ḥrez mmi-m ukrif seg usummu n wadif!

Ğuğu

awal-im icba akuṭṭif
yessaγay urrif
deg ul yetnujen am aḍu
limmer ṛay ur yesrif
afud ur ikrif
ad nbedd deg Umaṛaqu
imi nfiγ mačči asurif
s unezgum netfif
kniγ amzun d aṣeḍṛu
asefru m la yetṛefṛif
anwa ur d yelqif
seg iminigen agi umalu
Si Siwa armi Tenerif
amcum yetweddif
laṣel yuγal d abandu
skud deg naγ yettberrif
susem neγ iẓẓif
nuḥel deg yirr adabu
skud timanit ur d erzif
nettanez am luṣṣif
heggit tuyat i uzaglu
Ukerdis

akuṭṭif : pincement
yettfif : maigrir rapidement
yettberrif : berner
yetweddif : jeter, pousser
yesref : embrouillé

A ziγ win tesleb tnamit, γer γur-s d tunṭict
lqut yessewway ufus-is.
Tizeṭ ufus-is tesderγel-it, γas γur wiyaḍ dirit,
yeffer tidet γef yiman-is.

Lal-d a Ğuğu-ya ur nelli, sεu tilelli,
kkes lqecc, anef ad walin!
Mmi-s n Wemsed ur d-yettḍilli, deg umennuγ yeγli,
tiγratun i tilawin!!!

Nejjem akk ssi mass Ukerdis, ḥlaw ṣṣut-is,
meqqer deg wulawen-nneγ.
Anida ara yafeγ ddisk-is, krs d-yessufuγ yiles-is,
ad t-naru deg umezruy-nneγ.

Tiγratin a tulawin!!!

Ğuğu

ay abuεammaṛ

ay abuεammaṛ, kečč ur d-eqqaṛ
acuγeṛ i nezgger lebḥaṛ
ay abuneqqar, d-yemγin deg uzaγar
tamurt m-meden tewεaṛ
ur-s qqaṛ a lğuhaṛ, nelha d umenḍaṛ
yezri usekkud iss nẓaṛ
ay ahaqaṛ, amγaṛ ur yettṛebi amγaṛ
asγaṛ ur ineğğeṛ asγaṛ
ay ajebaṛ, ur ḥeddaṛ i wxessaṛ
a win i issuddumen anẓaṛ
a εemmi fuṛaṛ, tagrest-ik tewεaṛ
deg ugafa yezga sseṛsaṛ
ay aggur imdewaṛ, ata ul yejjunjaṛ
yuli-d γef udm iw leγyaṛ
ay abuεammaṛ, abrid-a naḥcaṛ
tamurt iw terγa ar amnaṛ
ay adrar n lḥaṛ, seg i d-nuγ aẓaṛ
aqli amm iččan ḥenneğγaṛ
ay abuneqqaṛ, kečč ur d-eqqaṛ
ur nezmir a-d nerr ttaṛ
Ukerdis

ahaqaṛ : corbeau en riffain
ḥenneğγaṛ : poison

Γas s taεrabt kan i kem-ssneγ, ugadeγ-kem a ddeεwessu.
Ttifxir tura ad ssusmeγ, ad kreγ ad kecmeγ s usu.
S idis-iw ur k-ttafeγ, lexyal-ik fell-i ur d-yettrusu.
Ğuğu

ulama ngen a tukyist
yuqaε nadam ger walen
nekwni ur nteddu tidist
ur neḥwağ iḥeddaden
i-γ yeğğan necba tisist
ay neẓḍa deg-selkimen

talafsa terfed taddist
ziγma ggwten imcumen
uḥeq Timeẓṛit tiflist
tina yuεan s Imẓalen
d wid i tesdeγ tunḥist
i-γ yenfan seg iflisen

yal tiyita deg-i s tefḍist
isefra-m sduqqusen
ma d wid tessedha dunit
ččan am izgaren ṭṭsen

Ğğewt-iyi-d yiwen ma yella aṭas i d-tesεam.
Lhan isefra-nwen i yimyaren
ğuğgen wulawen
nwen
is

Lehdur akk uzneγ ugin, i kunwi tura a t-ssegzum?
Ndiy-as lmina n tergin, yettargu-tt d tawackant n weγrum.
Icekkaben-iw rgagin, rut ay ileγman ma ad trum!
A taffaṭ-iw la ireggin, alluy-im tura ur iγumm.

Ğuğu

Lehdur akk uzneγ ugin, i kunwi tura ad t-ssegzum?
Ndi-yas lmina n tergin, yettargu-tt d tawackant n weγrum.
Icekkaben-iw rgagin, rut ay ileγman ma ad trum!
A taffaṭ-iw la ireggin, alluy-im tura ur iγumm.

Ğuğu

Lehdur akk uzneγ ugin, i kunwi tura ad t-ssegzum?
Ndi-yas lmina n tergin, yettargu-tt d tawackant n weγrum.
Icekkaben-iw rgagin, rut ay ileγman ma ad trum!
A taffaṭ-iw la ireggin, alluy-im tura ur iγumm.

Ğuğu

TULLIANUM

A tamurt ičča umcum
si tallit n Ṛum
Tenefqad fellam talwit

Mi yekker ad yazef ulemlum
D ayen wer nettdum
Tuqna n tiṭṭ ttameddit

Nesbek deg yirr laḥkum
Nezga deg lahmum
Agdud yeṛwa tawaγit

Ula d nekwni d yirr lqum
Nuγal nessusum
La nettawi tamdellit

Awid yeṛdem unezggum
Mačči d ayen anγum
Ur nezmir ad nerr tiqit

A lbaz uzlig n uqamum
Deg-geni xas ḍum
Ar wid yeṭfen di tjaddit

Uḥeq anza n Tullianum
Id yefγen si Ṛum
Ar ttidireḍ a taqbaylit
Ukerdis

Ma tegra-d γur-k a t-idir, ad teṭṭef izem seg umeẓẓuγ.
Awer tafeḍ ssi Tadir, tamda n tirga ad ak-tt-yesluγ!
Tirga m usirem am ddkir, tigi terriḍ d amennuγ.
Deg ijufar-iw yenteḍ-d zdeffir, umedyaz tiṭ-is temmuγ.
Ul-iw yekcem-it lḥir γef teqbaylit yesmermuγ.
Ğuğu

a win ittunagen s temses
mebla amwanes
ay teksiḍ mebla ameksa

kksed tamurt u'nḥewes
ul yezga yuyes
deg umkan ur ittγama

ičča-yaγ ujajiḥ s lḥes
ur yezgil iγes
neṛγa f tadart ufella

ay nerwas d adrar n tmes
mara d-iseγres
n Lvezuv neγ Letna

Ukerdis

Ḥulfaγ s leqyud tura fsin, di targit nekk yid-k nemlal.
Γer wusu nekcem di sin, A ziγ tayri ul-is d amellal.
Walaγ agus-iw yefsin, ssufγeγ-d seg imi-w awal:
" Kkes aserwal a Lḥusin, kkes a gma akud yettγawal"!
Ğuğu-k

A wetma inni-d ayγeṛ
Ur nezdiγ deg yiwet tmurt
Yal wa s anida i-tḍegeṛ
Mi-d ewet lmuja n tmurt
Nekki tzegri-d amecwaṛ
Mačči d kra i-d nettnunnut

Ttruγ γef wat Wasif, aql-i di lγerba.
Kečč tuzeḍ asurrif almi d Kanada.
A Lpari n lḥif, anida yella?
Uγal-d ay uḍrif, ul-iw yebbehba!

Ğuğu iselben fell-ak!!!

txilem ihi wansi-yi
a tafukt i d-yenulfan
tgiḍ taftilt n igenni
i d-yufraren ger itran
tanekra-m deg welleli
werğin i texdiεḍ usan
tifeḍ-i ayyur n tziri
tikwal yettzagal uḍan

Kečč mačči almi d ass-agi i teddreḍ γur-i,
ssusmeγ γas ul-iw yeqber.
Ay aggur-iw deg igenni, ẓer ihi ass-agi,
teyri-k tefka-yi i zrarzer.
Lehlak i d-teğğiḍ deg-i ur yesεi amdawi,
γef lğal-ik i d iyi-yextar.
Am wakken yeggul fell-i, ad yeqqim γur-i
alamma ṣubben lecfar.

Deg wesmel attan tekker, yal wa γef wacu ihedder,
yettwargem dda Σebdella.
Kečč atan tesεiḍ zzher, deg-k yakk nquder,
nhegga-yak-d lγella.
Ay argaz ẓiḍeḍ am ssker, leqder-ik meqqer,
ccan-ik yezga-d sufella.

Ur neḥwağ ssaddat d ṭṭellab, ur neḥwağ axḍab,
tayri mačči d asefsed.
Lfatiḥa a tt-nesneqlab, γas akka ur ncab,
temlel n tebrek tessed.
Ṭṭir areqman n at rrebrab, Lḥusin iqubab,
asekkur a mmi-s n Wemsed!!!

Ğuğu tameslubt

a tjujra-ḍ a Ğuğu !!
asefru s usefru, akka ixeddmen deg uḥiddus neγ deg aḥwac wayetmaten nneγ imarrukkiyen.
aḥeq "atlas n wemsed" d tid akk yesefsed ar ḍssiγ...
bravo

ay Aẓru n Ṭhuṛ
dwg-k nesutur
d nettat kan i d asulef
fellas i nezger lebḥur
ṣṣut-is d ssḥur
ur nezmir ad as nanef
ma tidett asensu-k mechuṛ
nεaṛ ay aḥṛuṛ
s wanuz aqlaγ neknef
γit-aγ-d attid nzuṛ
ad ferzen lumuṛ
awin yellan d imseqef
iles-is imeslen lehduṛ
d sser ig-eččuṛ
mi s yesla wul ad yendef
γit-aγ-d ay Aẓṛu n Ṭhuṛ
s wasift mmumzur
ak neqen lwaεda s walef
Ukerdis

Seg isefra tfeggeḍ tala, ttxil-k err tura aḍar γer zdeffir!
Ini-yi-d kan ihi neγ ala, ini-yi-d tidet ay itbir!

Ini-yi-d tidet ay itbir, ttifxir nettat wala akka.
Γas ul-iw la yettḥebbir, maca, γef usirem yettekka.

Ul yettaka γef usirem, ad iyi-iḥemmel win ur d iyi-nessin.
Ahat seg-s ad yeffeγ ssemm, ad iyi d-tsaḥeḍ a Lḥusin???

Ssarameγ a k-yerbu irebbi-w, a k-zzuzneγ s ccna fell-ak.
Ad ak-yessew ufus-iw xerṣum yiwen lkas n kunyak.

Ğuğu-k

ay aṣefṣaf
tayri tesseknaf
ata wul yennetlaf
ur yeẓṛi anida ar'a-t naf

ay azraraf
ncedha tirezzaf
ur-aγ ssendaf
a tayri ur nezggil leryaf

ay ul ay acnaf
yeṛwan tikuṭṭaf
teḍṛa yidi am igufaf
yeččan seksu ur yufaf

Ttxil-k ini-yi-d kan ala! Meqqar ad gezmeγ asirem.
Ur d iyi-tettaṭṭaf tawla swayes ul γef wulac yusem.
Ttxil-k ini-yi-d ala, eğğ tidet d m yiwen wudem!
Mi γileγ ugmeγ-d di tala, a ziγ ččureγ-d lḥila-w d ssemm.
Ssawleγ i win ur d iyi-d-nesla, leεyaḍ yugi ad yessusem.
Wissen ul-is anda yella imi tayri-w teggumma a t-tekcem?
Ay agejdur aha lala, i wagi mačči d lhemm?

Ad ak-d-ccnuγ am Ferragi n Tizi Γennif ideg d-tekkreḍ.
Lemmer ad iyi-taruḍ deg yiri, ssel-iyi-d ma d iyi-tamneḍ:
A gma ad iyi-texdeε tayri, ma yella eğğ-iγ-k ad iyi-tectaqeḍ.
Ğuğu

Γileγ aseqdec n usefru, s yes-s asirem ad tawḍeγ.
A Ğuğu i wawal bru, ulayγer aqerru-w ad teṛẓeγ!
Lemmer d yir nettat ad tettru, tili mmi-s n Wemsed ad tγaḍeγ.
Wagi d asefru aneggaru, s yixef n tayri ur d-uγaleγ.
Aql-i ssaγeγ igirru, tekfa tmacahut-nneγ...

Ğ.

nemyusan aṭṭḥa nemlil
a tağeğigt ifawen
a tin i-yi gan awri
turezḍ-i deg-selkimen
yerna uγeγ tanumi
s isefra-m yettdawayen

nemwalaf werğin nemlil
a tufrint n igawawen
akud yidem yettiwzil
a mm tayri yettlehlihen
iγaḍ-i ṛṛehn-iw aḥlil
wisen ma-kem ẓṛent walen
Ukerdis

aṭṭḥa : werğin s teqbaylit tasaḥlit
iselkimen : ordis

i kem yenfan ur tenγiḍ
acḥal tura d aseggwas
inni-d acḥal ay tesniḍ
a weltma inu di tirwas
tamurt anida d-tegmiḍ
tura tuql-am d layas

aqli di tmurt usemiḍ
tagrest azgen useggwas
Ğuğu kem yak teẓṛiḍ
ẓẓayet lγuṛba aṭṭas
may nenṭeṛ ula'wi nγiḍ
anyir-iw nekk d amesas

ssrafgeγ-d aken d agḍiḍ
yerna sγuzfeγ-d aγaras
s ar wanda ig-gettuγal yiḍ
γurwen m'ara d-yali wass
inni-yid amek ur nettsiḍ
a yul yebuben amerwas

tirwas : yir usan
aγaras : abrid ameqwṛan s tsusit
amerwas : ṭṭlaba

Anwa i k-yerran d awkil
Ay abeṛiḍ ugertil
Ur nettirid ur nettγar
Ay aken i k-yehwa ṭṭebil
Yibbwas a-k neḥtil
Tamaziγt tebra ar tt-nγar
Mačči t-tameγrust n tterkil
Neγ d ayla n sbil
D iles n wedrar aḥṛar

Nekk ad dduγ bennegni
Wi bγun yinni
Iggad i teγwi ddunit
Widak yetthuzu ubeḥri
Adriz d ucali
Ur yid-sen tella tmeddit
Ikfa nniγ-as yenna-yi
Assuget i wumi
Tudert tteddu s talwit
Ur tettafeḍ at tiγersi
La i tizi la i twizi
Anef-as tura i teqbaylit

Ay acerreqraq
(le rollier)

ay acerreqraq, illi-k d aṛemmaq
nfiγ d aweqwaq, ayn ilaqen ilaq
a timnufaq , fihel ma nenṭaq
ttamurt i nctaq, wi'iran icewwaq
ay acerreqraq, inig yettelsaq
si zik nettnafaq, azinez ulilaq
kečč ay aṛemmaq, yessidiren inaqq
akud-a d aṛqaq, amdan d aḥemaq
ay acerreqraq, ay agḍiḍ ujjaq
qḍan-as-d essdaq, qṛib ad as neṛcaq

ḍtazzwart azzul fellak alhussin yahyaoui : nek dasselaḍ numezrouy khedmağ daki ipalestro keḍmağ yiouth n'la theorie nezlazel degsougas 1981 . Loth Bonaterro yecopia afayen ikhedmagh yarna ouyibbi khra . AKHESSARAMAGH A MASS l'Hussin afud ak taghzi laamar akken anaweḍ ayiswi negh (akken atsoughal thmazight am thgharmiyin thiyiḍ. Mass n'Amar.

ḍtazzwart azzul fellak alhussin yahyaoui : nek dasselaḍ numezrouy khedmağ daki ipalestro keḍmağ yiouth n'la theorie nezlazel degsougas 1981 . Loth Bonaterro yecopia afayen ikhedmagh yarna ouyibbi khra . AKHESSARAMAGH A MASS l'Hussin afud ak taghzi laamar akken anaweḍ ayiswi negh (akken atsoughal thmazight am thgharmiyin thiyiḍ. Mass n'Amar.