Ataya uzayeḍ utaram

Bgayet d Tizi ssulsen

Kkren-d Leqbayel s ttmam

At Abbas d Yiflisen

Ulac win yeḥbis waxam

Bedden-d abrid-a am Yiwen

Awexxeṛ abrid-a d leḥram

D arrac i tt-id-isγersen

Si Tubirett ar Ain-Lḥemam

Ẓedmen γef iğadaṛmiyen

Tadyant-a ad tensex di zmam

N umezruy n Imaziγen

Nnan-d Tamurt tennegwdam

Am asif i d-iḥemlen

KKren-d warac n « La Soumam »

S umata am izmawen

Yenṭeq-d ula d agugam

Aṭas issden wulawen

Printemps 2001 L'Hocine Ukerdis