Azul fellak a Cciṭan
Tiffeḍ yirr amdan
Yenzan awsamar alemmas

Deg uyefus gan-as luqran
Deg uzelmaḍ ajenwi iḥfan
s-wayes a iγdeṛ yemmas

Acu ad ikken seg ul irkan
D amuṛeğ aberkan
Mači d zzit n At Σebbas

Ul yeččuṛ yehbat waṭan
Ggwran-d yir ussan
Yuẓa-d γur wen akw nḥas

Asmi llan lizansian
yeṭṭucnen inudan
Ulac wi' yettεaddin tilas

Atna-ya kra n iqarsan
di ssem d izerman
di Demyaṭi zgan kullas

Tudert ur εad i-tt-walan
ar tmettant ttemseglan
abrid n tayri xḍan-as

A win issuddumen aman
effγen-ak-d εaryan
Lmujrimin yezdeγ maras

Ay Agellid wis-ssa(7) igenwan
wigi-la ttggabaren amkan
Liman γur sen d layas

Tineslemt n Algeristan
neγ n tariq ramaḍan
Ay illu baεdaγ fellas

Ukerdis, ass n 22 di meγres 2005

Azul fell-ak,
tanemmirt imi yi-d-temmektaḍ, tanemmirt γef leḥdaqa-k!
Winna akken i wumi tenniḍ azul!