Yewted wedfel d aḥttatac
yerẓa-d tifurkac
Amek a-nettu TIBḤIRIN (7 moines)

Timensiwin ya Ḥmadac
tamart uqelwac
a lexyal di tqurabin

Tifrat yidwen ulac
teγram akw nbac
deg uγerbaz n tqulhatin

Timanit nwen tḍac
ččan-tt ibaεac

tuγalem akw d lmuslimin

Terram luqran istuḥac
ya ddin uqabac
tbeddelem-as akw tisuṛtin

Tesedhuyem deg arrac
tayri n uqerdac
i tḥejbem di tilawin

Ulama di beṛṛa inεac
f sekka nwen i-d nḍac
kwenwi d acu kwen id yiwin

Akud iẓaden am erryac
am ass-a a-kwen id iqac
id cennun di tezlatin

Lfetna i-d bdan warrac
tezdi-d akw laεṛac
si Siwa ar teknariyin

Am ass-a ad ikker uγamac
ya ddin uqabac
Di Tmazγa ad llulin


Ukerdis, ass n 22 di meγres 2005