Innit-aγ-d ihi acuγeṛ
tefkam azuγeṛ
teṭṭafarem imeksawen

Wi'd yusan a-kwen inheṛ
Seddam neγ Nasseṛ
kenwi teddam d irbiben

Yettban γef udmawen cceṛ
tlemdem leγddeṛ
γaḍen-aγ wid akw nessen

Abrid γer Tmess inğeṛ
s tmegraḍ imsemmeṛ
txedεem deg idamen nwen

Ass-en yidwen ad iqesseṛ
εezṛayen yuεeṛ
ag d iγedaṛen idamen nsen

Am ass-a iṭij ad inqeṛ
amcum a-t issγeṛ
at zik aka ay dekkiṛen


Ukerdis, ass n 22 di meγres 2005

Tanemmirt-ik tameqwrant a Dda Lhusin f tmedyazin-agi inek icebhen atas!
Bγiγ kan a-k-d-iniγ ayγer ur d-trennud ara amawal di tagara n isefra-inek εlaxater llan yemdanen ur yehsin ara taqbaylit akken iwata. Nekkini s yiman-iw d Amaziγ n Lmerruk llan iwaliwen ur hsiγ ara deg isefra-inek maca s umata ayuz!
Djiγ-ak talwit bbwiγ tayad a Dda Lhusin!
Afud ameqwran d taγzi wsemmud!
Ar tufat!