Yezzi-d useggas ajdid

A win yecfan a γ-d-ismekti

A γ-d-yini timucuha

I ttawin at zik-nni

Yak yeγli yiṭṭij-nneγ

Bdu-tent-id kan d tirni

Ahat yis-sent ad tehlu tyita

I wakken ass-a a nemwali

Awal yaazizen win i s-yecfan

Yeqqar tagrawla-nni n zik tewaar

Achal n irgazen i yenγan

Achal n tin yeğğlen tettγaḍ

Teğa-t-id Fadma n sumar

Mi tekker ad temaabbaṛ

Abarnus-agi yexnunsen

Mur di teddam yid-i a ken-iḥqer

Tettugadeḍ a yabarnus

Asmi ik-bedlen s wayeḍ

Zik tettlus-ik trugza

D taflist s ddaw ucḍaḍ

Tettu ayen tesaada yid-ek

Teddel s wecḍaḍ nniḍen

Mi taaya deg ujdid telsa

A k-taf kečč heggwṣen-k wiyaḍ

Nettağa adrar yaalayen

Nettaṭaf abrid s azaγar

Xas tamurt-nneγ d asawen

Taaziz lewḍa mi tt-nerkeḍ

Mi nebbeḍ ḥemlen-d issafen

Nettnadi a naf acuγer

Nettru γef daawessu i γ-yewten

Amzun akken nettuγaḍ

Ssaramet s Yennayer a tfak ccetwa

Ad fsun izeğğigen

Lqaa a tt-delent tuysa

Itran deg igenni a d-banen

Idammen yuzlen di tregwa

A d-sakin wid yemmuten

Ad aγ-d-reḍlen tirrugza

A nsenger wid i γ-yewten

           Tansa