BenMohamed.jpg
BenMohamed.jpg
     
Ben Muḥemed (ism unṣib Benhamadouche Mohamed, mu ssawalen “Ben”) d amedyaz aqbayli d-ilulen ass n 10 di meγṛes 1944 deg At Wasif, Tizi Wezzu.

Yekker-d Ben Muḥemed ger taddart akk d Lezzayer tamaneγt anda yettmuddu afus i baba-s yellan yesεa tahanutt di place de Chartres. Maca deg useggas 1958, terra-t tmara ad yeggağ akk d ttwacult-is u ad idiren di Lezzayer. Di tmaneγt, yelmed asefrek anazṛaf1 d wayen d-icudden γer twuri taḍeblant2 am akken yeqdec deg aṭas imukan am Tnebḍadt3 n Lezzayer ger iseggasen 1963-1975 akk d Uγlif n ttṛebga taγelnawt4 si 1976 almi d ass m’ iṛuḥ γer Fṛansa di 1991.

Aseggas 1958, d win iḥuzan tameddurt n Ben Muḥemed acku iḥulfa akken ilaq i wass deg yeğğa i lebda taddart deg d-ilul d wanda d-yekker. Tameddurt n temẓi-s di taddart d ttin mu yecfa, acku ulac ayen t-iḥuzan d wayen yesεan azal γuṛ-s annect n tjaddit, lḥeṛma d tegmatt yelmed di taddart, akk d ttmusni n yemγaṛen sut wawal azedgan d umeslay iqeεεden. Werğin yettu ass deg iwala i tikelt tamezwarut Sliman Azem d-yusan ad yecnu deg yiwet n lqahwa deg At Wasif. Ass nni, yuγas-d baba-s yiwen wammud amecṭuḥ deg-s isefra n Sliman Azem. Ahat imirni i s-tekcem tmedyazt γer wul, imi 8 iseggasen kan γuṛ-s mi ysel yakan i tuγac u yeṭṭafaṛ imeslayen nsent di lkaγeḍ! Deg useggas 1956, isel i yiwet n tmeṭṭut d-irewlen γer taddart nsen, teččewwiq s taγect i gezzmen tasa, twaγit d lmeḥna d-yeγḍel ttraḍ γef tmurt. Yenna-d fell-as “isefra d icewwiqen-is d ttaswast5 n wayen iḍeṛṛun ussan nni!”. Anda i tedda iḍfeṛ-itt. Timliliyin agi d-yeḍṛan di temẓi-s neğṛent abrid i ṣeggmen i wmedyaz nessen ass-a. Tahanutt n baba-s d ttin d-yezgan ger tsedlist6 akk d yiwen yeznuzun iḍebsiyen d ttesfifin n ccna. Yeffud taγuṛi yeswa-d γer umezwaru, wis sin yesselmed-as tiwsatin uẓawan7 d-yufraren di tallit nni.

Ccna imu yettḥessis γer bu iḍebsiyen yeldi-as allen γer yiwet n taluft : yuki d akken imeslayen n tezlatin d ifessasen, yakan ur ifehhem ara akken ilaq, maca yezṛa ur d-tmeslayen ara γef ayen iḍeṛṛun di tmurt deg tallit nni. Yettaru i yiman-is kan i lmend n wesεeddi n wakud imeslayen s teqbaylit yettarraten i tuγac i t-iεjeben. D widak i d isefra imezwura n Ben Muḥemed. Icennu γef tegmatt u yekkat di tmettan yettawin ḥala wid lεali. Di 1961, yebγa Ccix Nuṛdin a-t-ikles di ṛṛadyu, maca ass mi d-yeḥḍeṛ ukeččum γer ustudiu teksas-tt tebγest acku werğin yenna i yimawlan-is iḥemmel ccna. Yeffer fell-asen acku akken d-yenna netta “ccna di tallit nni d “lεib” ” Di 1966, yettiki s timmad n ucennay analmad di tedwilt n Crif Xeddam “Icennayen uzekka”, maca ass mi yesla i taγect-is di ṛṛadiu i yezṛa ur d-ilul ara ad yecnu.

Leqdic deg umaṭṭaf wis II n ṛṛadyu n Lezzayer

Tawuri n Ben Muḥemed deg umaṭṭaf wis II tebda deg useggas 1967 anda yettikki di tedwilt n Said Hilmi Timlilit imedyazen. Sin iseggasen kan d afella yeṭṭef tadwilt tamenzut iman-is, u yebda leqdic i ssnen wid yeṭṭafaren amaṭṭaf wiss II di tallit nni : seg tedwilt γer tayeḍ, leqdic n Ben Muḥemed ijeddel tikli i tedwilin tidelsanin tiseklanin8 n ṛṛadyu tis II mu d-yewwi udem amaynut. Di tedwilt ines taneggarut “Tamurt n imedyazen” (1982/83) i γer d-rezzfen aṭas n imeddukal-is (tigti d imedyazen izzayriyen yettwassnen), yeγγar-d tisuqliwin iga netta i waṭas n yedrisen igreγlanen9, abeεda wid n Neruda, Aragon, Prévert, atg.

Deg 15 iseggasen n leqdic, yufrar-d Ben Muḥemed ger imsedda10 n ṛṛadyu imeqṛanen di Lezzayer. Daγen ad yeqqim d win ur d-yecbin ara infarasen11 nniḍen n umaṭṭaf wis II, ama deg tutlayt yesseqdac d-yufraren γef tin n imsedda nniḍen deg teqwa taẓayt akk d ttaεṛabt, ama deg isenṭal12 γef d-yettawi di tedwilin-is. Maca, tetbeε-it tedrest13 almi d ass m’ ilaq ad ijeddel izwal n tedwilin : myal ass m’ ara tebdu tedwilt ur “tεeǧǧeb” ara iy imḍebbṛen, a-t-ḥettmen ad yeddem tadwilt nniḍen s wezwel amaynut, ayagi myal 6 wagguren. Maca, imi tidwilin-is sεant azal meqqṛen, jebbdent-d aṭas n yemsefliden yeqqlen ṭṭafaṛen Ben Muḥemed di myal tadwilt, d azwel yebγun tesεa-t. Leqdic n Ben Muḥemed s umata deg umaṭṭaf wis sin yebna γef unadi n tajaddit, n izuṛan nneγ imaziγen akk d unadi n tnekkit14. Ayagi iḥulfa-t daɣen γer imsefliden-is. Ihi iwala ilaq a-sen-imud ula d nutni ayen d-ileqqeḍ seg temsirin n tmaziγt yesselmad Dda Lmulud At Mεemmeṛ di tesdawit n Lezzayer akk d wayen d-yesquccud netta sya u sya. Isenṭal n umennuγ n tnekkit banen-d di leqdic s umata n Ben Muḥemed tazwara n iseggasen n 70, imi aḥric ameqṛan n wayen s-ineğṛen abrid γer wayagi d ameqqun n tebṛatin tiɣezfanin s-d-ttarun yemsefliden ḥuzant tedwilin-is, akk d tmusni yessen wid yekkaten γef tmaziγt di tallit nni ama di tesdatwit n Lezzayer neγ γer Wegraw Imaziγen, (Académie berbère) di Lpari.

Ben Muḥemed d win iεellen aṭas n tmeγṛiwin tinazṛanin15 akk d icennayen Crif Xeddam, Yidir, Ait Manguellet, Imaziγen Imula atg, anda d-yeγγaṛ tamedyazt-is, akk d ttemliliyin akk d imedyazen nniḍen i tγuṛi n isefra, ama di Lezzayer neγ di Fṛansa. Yessufeγ-d daγen 6 tceqqufin i umaṭṭaf wis II n ṛṛadyu n Lezzayer. Yettikki di tririt γer teqbaylit (akk d Uṛeẓqi Si Muḥemed, Σmeṛ Mezdad d Saεid Sadi) n tceqqufin umezgun n Kateb Yasin Ddem tabalizt-ik a Muḥ akk d Kahina. Am akken d-yerra γer teqbaylit iḍrisen n yiwen usaru ameẓyan iga Azzedine Meddour di 1991 akk d ttsuqelt n idiwenniyen16 i usaru iga Mustapha Mengouchi γef Ait Menguellat di 1990. Yelqeḍ-d u iṣeggem isefra iqbuṛen tecna Xadiğa i usaru n Mohamed Ifticen Les rameaux de feu, u yura tuγac n usaru n Fawzi Sahraoui deg yerra tajmilt i Isiaxem.

Nezṛa d akken amaṭṭaf wis II γur-s azal ameqṛan deg usakwi n yeqbayliyen, aḥric meqqṛen deg ayagi yurar-it Ben Muḥemed. Seg ass mi yebda leqdic di ṛṛadyu, Ben Muḥemed yettmeslay i yemma-s acku, akken i d-yenna, ur tetmeslay ula d yiwet n tutlayt nniḍen nnig taqbaylit. D ayen yeğğan tameslayt d-yufraren di tedwilin-is d ttin teččur lemqadṛa akk d ttiẓet n wawal, daγen d tutlayt tazedgant deg ulac imeslayen itraren imi yesmenyif ad yezzi i wawal akken nniḍen wala aseqdec n imeslayen imaynuten.

Tamedyazt

Tamedyazt n Ben Muḥemed d ttin i t-igan d yiwen ger yitran n tsekla taqbaylit tartart17. Isefra-s seg tazwara n iseggasen n 70 d wid d-yetmeslayen γef umennuγ n tnekkit, maca daγen azal n tmedyazt-is yella di lehhu d ttiẓeṭ n imeslayen-is yekkaten γer wul. Aṭas n ilmeẓyen di tallit nni i tḥuza tiγṛi n tmurt d tyemmatt deg yiwen usefru yellan d ttigejdit deg tsekla n umennuγ γef tmaziγt : Yemma yura di furar 1973. Deg usefru ya, (i d-nerra dagi) iḥulfa weqcic s wayen yeḍṛan d tyemmatt, tamurt d ttutlayt γef tikelt deg ayen igi d-gwrant, yiwen uεekkaz i tent-yewwten, kraḍ (3) yidsent i yexnunsent, yettwakkes fellasent sser. Yezmer wemdan d tidett ad yessusem zdat n wayen iḍerrun d tyemmatt? Ala; ihi yeggul weqcic dayen ur yessussum, d wawal ineqqen ass-a t-id yini!

Deg useggas 1972, yebda Ben Muḥemed leqdic akk d ucennay Yidir (Hamid Cheriet) mu yura asefru yerra-t i yiwet n tmuzigt iga yakan Yidir. Akka dγa i d-tlul di 1973 tezlitt A baba-inu ba yettwasnen ass-a γer aṭas iγerfan18 di ddunnit imi tettwasuqel γer nnig n 7 tutlayin gar-asent ula d ttacinwatt. A baba-inu ba d tizlitt iεeddan tilas n lehhu di myal tallit imi γuṛ-s azal anazṛan aseklan19 meqqṛen, u daγen d ttaγect yefkan amedya i tlalit n ccna atrar s teqbaylit. D Ben Mohamled i yuran akk imeslayen n uḍebsi amezwaru n Yidir, kra n isefra yella yuraten yakan seg zik, wiyaḍ akka am Zwi-tt rwi-tt, Cfiγ amzun d iḍelli, D izumal, d Yidir i s-ten-id yessutren. Isenṭal yesseqdec deg tuγac-a, γas ma iga amur ula i tγawsiwin n tmeddurt n myal ass am lferh d wurar, tigti kkaten γef yedles, tinekkit, akk d tteqbaylit.

Yiwwet ger tgejda nniḍen n ccna n teqbaylit mu yura Ben Muḥemed imeslayen d Nouara, abeεda i wḍebsi ines Tameṭṭut n tmurt n Leqbayel d wurfan-is, 1980. Tizlatin akka am Ğeṛğeṛ neγ Ssiγ lmeṣbaḥ yernan di lehhu s taγect n Nouara yeččerrigen ulawen, d ttiγṛi i tufγγa n tmeṭṭut si ṭṭlam i waken attwali tafat.

Amar Sersour chante Ben Muḥemed : cfu ay ixf-iw d ttasfift d-yeffγen di 1982 anda icennu Mass Sersour isefra n Ben Muḥemed u yeγγar-d idrisen-is. Asenṭel d-yufraren di tesfift agi d win n umennuγ amazray20 n Tmurt n iqbayliyen γef izerfan-is.

Di 1983, yessufeγ-d Ben Muḥemed deg yiwwet n tesfift (akk d Amar Sersour d Achour Fernane) idrisen yura s talγa n tmedyazt yesεan azal aseklan meqqṛen. Deg-sen i d-yedda usefru n Yemma yellan dγa d azwel n tesfift. Ben Muḥemed yeγγar-d s timmad-is kra seg yedrisen-is. (Aneεṛeḍ a d-ner kra n tukkisin i tmesliwt seg tesfift agi deg ussan i d-iteddun).

Ddan-d kra n yedrisen n Ben Muḥemed deg yiwen seg uṭṭunen n tesγunt Itinéraires et contact des cultures d-yetmeslayen s umata γef tsekla taγerfant di Tefriqt Ugafa; am akken d-yesseda Y. Nacib isefra-s akk d ttssuqelt nsen γer tefṛansist deg wedlis ines Anthologie de la poésie kabyle.

Tawuri taseklant n Ben Muḥemed yessuget-itt s leqdic γef izerfan deg annar umennuγ, imi yettikki d wazal n snan (20) inazuṛen d waggagen21 (garasen Lmulud At Mεemmer, Tahar Djaout, Kateb Yasin, Mhamed Isiaxem, Sliman Benaïssa…) deg usebded n yiwet n tiddukla tadelsant tamaziγt di 1981, maca adabu n yimiren yegguma a-s-yefk udem unṣib.

Yettikki daγen deg usebded n tiddukla tadelsant tussnant22 Tala, d-ilulen di Lezzayer di 1990; am akken yesselwi23 di Lpari tiddukla Tawrirt ittwattun (La colline oubliée) d-isslal i lmend n tikci ufus i wsufeγ n usaru n A. Bouguermouh.

Tamedyazt d nettat i d-inudan γef Ben Muḥemed. Ilul-d ad issefru. Yakan d ilemẓi, yella yettargu ad yeqqel yiwen wass d acennay. Ssakin tawuri-yis di ṛṛadyu tḥettmit ad yemmeslay s teγzi n wawal yiwet n tutlayt i ynuda amek ara teεjeb yemma-s. Yella wayen yifen dγa ameslay akk d imawlan s tutlayt tayemmatt ? Tagnitt deg i d-gra teqbaylit akk d yidles amaziγ di Lezzayer n wass-a tḥettem arraw-is ad wwten amek ara ṭṭfen di tnekkit nsen. Amennuγ n Ben Muḥemed yettkemmil.



Amawal

1 Asefrek anazṛaf = gestion financière
2 Tawuri taḍeblant = fonction administrative
3 Tanebḍaḍt = préfecture
4 Aγlif n ttrebga taγelnawt = Ministère de l’éducation nationale
5 Taswast = calendrier, journal
6 Tasedlist = librairie
7 Tiwsatin uẓawan = genres musicaux
8 Tidwilin tidelsanin tiseklanin = émissions culturelles et littéraires
9 Iḍrisen igreγlanen = textes universels
10 Amseddu = animateur
11 Anfaras = producteur
12 Asenṭel = thème
13 Tadrest = la censure
14 Tinekkit = identité
15 Timeγṛiwin tinazṛanin = galas artistiques
16 Idiwenniyen = dialogues
17 Tasekla taqbaylit tatrart = néo-littérature kabyle
18 Aγṛef = peuple
19 Azal anazṛan aseklan = valeur artistique et littéraire
20 Amennuγ amazray = combat historique
21 Aggag = intellectuel
22 Ussnan = scientifique
23 Sselwi = présider
24 Tameddurmant = biographie
25 Asuneḍ = tome



Yella-d wesqucced i lmend n tira n umagrad agi seg tmeddurmant24 n Ben Muḥemed yura s tefṛensist Ms. Slimane Hachi di DBK, Asuneḍ25 1, Tizṛigin Ina-Yas/Edisud, 2001. Isefra ttwaksen-d seg udlis n Youcef Nacib: Anthologie de la poésie kabyle, Lezzayer, Tiẓṛigin Andalouses, Lezzayer, 1993

Aṛeẓqi
Arezqilvacir@imyura.com
Ben Muḥemed (ism unṣib Benhamadouche Mohamed, mu ssawalen “Ben”) d amedyaz aqbayli d-ilulen ass n 10 di meγṛes 1944 deg At Wasif, Tizi Wezzu.

Yekker-d Ben Muḥemed ger taddart akk d Lezzayer tamaneγt anda yettmuddu afus i baba-s yellan yesεa tahanutt di place de Chartres. Maca deg useggas 1958, terra-t tmara ad yeggağ akk d ttwacult-is u ad idiren di Lezzayer. Di tmaneγt, yelmed asefrek anazṛaf1 d wayen d-icudden γer twuri taḍeblant2 am akken yeqdec deg aṭas imukan am Tnebḍadt3 n Lezzayer ger iseggasen 1963-1975 akk d Uγlif n ttṛebga taγelnawt4 si 1976 almi d ass m’ iṛuḥ γer Fṛansa di 1991.

Aseggas 1958, d win iḥuzan tameddurt n Ben Muḥemed acku iḥulfa akken ilaq i wass deg yeğğa i lebda taddart deg d-ilul d wanda d-yekker. Tameddurt n temẓi-s di taddart d ttin mu yecfa, acku ulac ayen t-iḥuzan d wayen yesεan azal γuṛ-s annect n tjaddit, lḥeṛma d tegmatt yelmed di taddart, akk d ttmusni n yemγaṛen sut wawal azedgan d umeslay iqeεεden. Werğin yettu ass deg iwala i tikelt tamezwarut Sliman Azem d-yusan ad yecnu deg yiwet n lqahwa deg At Wasif. Ass nni, yuγas-d baba-s yiwen wammud amecṭuḥ deg-s isefra n Sliman Azem. Ahat imirni i s-tekcem tmedyazt γer wul, imi 8 iseggasen kan γuṛ-s mi ysel yakan i tuγac u yeṭṭafaṛ imeslayen nsent di lkaγeḍ! Deg useggas 1956, isel i yiwet n tmeṭṭut d-irewlen γer taddart nsen, teččewwiq s taγect i gezzmen tasa, twaγit d lmeḥna d-yeγḍel ttraḍ γef tmurt. Yenna-d fell-as “isefra d icewwiqen-is d ttaswast5 n wayen iḍeṛṛun ussan nni!”. Anda i tedda iḍfeṛ-itt. Timliliyin agi d-yeḍṛan di temẓi-s neğṛent abrid i ṣeggmen i wmedyaz nessen ass-a. Tahanutt n baba-s d ttin d-yezgan ger tsedlist6 akk d yiwen yeznuzun iḍebsiyen d ttesfifin n ccna. Yeffud taγuṛi yeswa-d γer umezwaru, wis sin yesselmed-as tiwsatin uẓawan7 d-yufraren di tallit nni.

Ccna imu yettḥessis γer bu iḍebsiyen yeldi-as allen γer yiwet n taluft : yuki d akken imeslayen n tezlatin d ifessasen, yakan ur ifehhem ara akken ilaq, maca yezṛa ur d-tmeslayen ara γef ayen iḍeṛṛun di tmurt deg tallit nni. Yettaru i yiman-is kan i lmend n wesεeddi n wakud imeslayen s teqbaylit yettarraten i tuγac i t-iεjeben. D widak i d isefra imezwura n Ben Muḥemed. Icennu γef tegmatt u yekkat di tmettan yettawin ḥala wid lεali. Di 1961, yebγa Ccix Nuṛdin a-t-ikles di ṛṛadyu, maca ass mi d-yeḥḍeṛ ukeččum γer ustudiu teksas-tt tebγest acku werğin yenna i yimawlan-is iḥemmel ccna. Yeffer fell-asen acku akken d-yenna netta “ccna di tallit nni d “lεib” ” Di 1966, yettiki s timmad n ucennay analmad di tedwilt n Crif Xeddam “Icennayen uzekka”, maca ass mi yesla i taγect-is di ṛṛadiu i yezṛa ur d-ilul ara ad yecnu.

Leqdic deg umaṭṭaf wis II n ṛṛadyu n Lezzayer

Tawuri n Ben Muḥemed deg umaṭṭaf wis II tebda deg useggas 1967 anda yettikki di tedwilt n Said Hilmi Timlilit imedyazen. Sin iseggasen kan d afella yeṭṭef tadwilt tamenzut iman-is, u yebda leqdic i ssnen wid yeṭṭafaren amaṭṭaf wiss II di tallit nni : seg tedwilt γer tayeḍ, leqdic n Ben Muḥemed ijeddel tikli i tedwilin tidelsanin tiseklanin8 n ṛṛadyu tis II mu d-yewwi udem amaynut. Di tedwilt ines taneggarut “Tamurt n imedyazen” (1982/83) i γer d-rezzfen aṭas n imeddukal-is (tigti d imedyazen izzayriyen yettwassnen), yeγγar-d tisuqliwin iga netta i waṭas n yedrisen igreγlanen9, abeεda wid n Neruda, Aragon, Prévert, atg.

Deg 15 iseggasen n leqdic, yufrar-d Ben Muḥemed ger imsedda10 n ṛṛadyu imeqṛanen di Lezzayer. Daγen ad yeqqim d win ur d-yecbin ara infarasen11 nniḍen n umaṭṭaf wis II, ama deg tutlayt yesseqdac d-yufraren γef tin n imsedda nniḍen deg teqwa taẓayt akk d ttaεṛabt, ama deg isenṭal12 γef d-yettawi di tedwilin-is. Maca, tetbeε-it tedrest13 almi d ass m’ ilaq ad ijeddel izwal n tedwilin : myal ass m’ ara tebdu tedwilt ur “tεeǧǧeb” ara iy imḍebbṛen, a-t-ḥettmen ad yeddem tadwilt nniḍen s wezwel amaynut, ayagi myal 6 wagguren. Maca, imi tidwilin-is sεant azal meqqṛen, jebbdent-d aṭas n yemsefliden yeqqlen ṭṭafaṛen Ben Muḥemed di myal tadwilt, d azwel yebγun tesεa-t. Leqdic n Ben Muḥemed s umata deg umaṭṭaf wis sin yebna γef unadi n tajaddit, n izuṛan nneγ imaziγen akk d unadi n tnekkit14. Ayagi iḥulfa-t daɣen γer imsefliden-is. Ihi iwala ilaq a-sen-imud ula d nutni ayen d-ileqqeḍ seg temsirin n tmaziγt yesselmad Dda Lmulud At Mεemmeṛ di tesdawit n Lezzayer akk d wayen d-yesquccud netta sya u sya. Isenṭal n umennuγ n tnekkit banen-d di leqdic s umata n Ben Muḥemed tazwara n iseggasen n 70, imi aḥric ameqṛan n wayen s-ineğṛen abrid γer wayagi d ameqqun n tebṛatin tiɣezfanin s-d-ttarun yemsefliden ḥuzant tedwilin-is, akk d tmusni yessen wid yekkaten γef tmaziγt di tallit nni ama di tesdatwit n Lezzayer neγ γer Wegraw Imaziγen, (Académie berbère) di Lpari.

Ben Muḥemed d win iεellen aṭas n tmeγṛiwin tinazṛanin15 akk d icennayen Crif Xeddam, Yidir, Ait Manguellet, Imaziγen Imula atg, anda d-yeγγaṛ tamedyazt-is, akk d ttemliliyin akk d imedyazen nniḍen i tγuṛi n isefra, ama di Lezzayer neγ di Fṛansa. Yessufeγ-d daγen 6 tceqqufin i umaṭṭaf wis II n ṛṛadyu n Lezzayer. Yettikki di tririt γer teqbaylit (akk d Uṛeẓqi Si Muḥemed, Σmeṛ Mezdad d Saεid Sadi) n tceqqufin umezgun n Kateb Yasin Ddem tabalizt-ik a Muḥ akk d Kahina. Am akken d-yerra γer teqbaylit iḍrisen n yiwen usaru ameẓyan iga Azzedine Meddour di 1991 akk d ttsuqelt n idiwenniyen16 i usaru iga Mustapha Mengouchi γef Ait Menguellat di 1990. Yelqeḍ-d u iṣeggem isefra iqbuṛen tecna Xadiğa i usaru n Mohamed Ifticen Les rameaux de feu, u yura tuγac n usaru n Fawzi Sahraoui deg yerra tajmilt i Isiaxem.

Nezṛa d akken amaṭṭaf wis II γur-s azal ameqṛan deg usakwi n yeqbayliyen, aḥric meqqṛen deg ayagi yurar-it Ben Muḥemed. Seg ass mi yebda leqdic di ṛṛadyu, Ben Muḥemed yettmeslay i yemma-s acku, akken i d-yenna, ur tetmeslay ula d yiwet n tutlayt nniḍen nnig taqbaylit. D ayen yeğğan tameslayt d-yufraren di tedwilin-is d ttin teččur lemqadṛa akk d ttiẓet n wawal, daγen d tutlayt tazedgant deg ulac imeslayen itraren imi yesmenyif ad yezzi i wawal akken nniḍen wala aseqdec n imeslayen imaynuten.

Tamedyazt

Tamedyazt n Ben Muḥemed d ttin i t-igan d yiwen ger yitran n tsekla taqbaylit tartart17. Isefra-s seg tazwara n iseggasen n 70 d wid d-yetmeslayen γef umennuγ n tnekkit, maca daγen azal n tmedyazt-is yella di lehhu d ttiẓeṭ n imeslayen-is yekkaten γer wul. Aṭas n ilmeẓyen di tallit nni i tḥuza tiγṛi n tmurt d tyemmatt deg yiwen usefru yellan d ttigejdit deg tsekla n umennuγ γef tmaziγt : Yemma yura di furar 1973. Deg usefru ya, (i d-nerra dagi) iḥulfa weqcic s wayen yeḍṛan d tyemmatt, tamurt d ttutlayt γef tikelt deg ayen igi d-gwrant, yiwen uεekkaz i tent-yewwten, kraḍ (3) yidsent i yexnunsent, yettwakkes fellasent sser. Yezmer wemdan d tidett ad yessusem zdat n wayen iḍerrun d tyemmatt? Ala; ihi yeggul weqcic dayen ur yessussum, d wawal ineqqen ass-a t-id yini!

Deg useggas 1972, yebda Ben Muḥemed leqdic akk d ucennay Yidir (Hamid Cheriet) mu yura asefru yerra-t i yiwet n tmuzigt iga yakan Yidir. Akka dγa i d-tlul di 1973 tezlitt A baba-inu ba yettwasnen ass-a γer aṭas iγerfan18 di ddunnit imi tettwasuqel γer nnig n 7 tutlayin gar-asent ula d ttacinwatt. A baba-inu ba d tizlitt iεeddan tilas n lehhu di myal tallit imi γuṛ-s azal anazṛan aseklan19 meqqṛen, u daγen d ttaγect yefkan amedya i tlalit n ccna atrar s teqbaylit. D Ben Mohamled i yuran akk imeslayen n uḍebsi amezwaru n Yidir, kra n isefra yella yuraten yakan seg zik, wiyaḍ akka am Zwi-tt rwi-tt, Cfiγ amzun d iḍelli, D izumal, d Yidir i s-ten-id yessutren. Isenṭal yesseqdec deg tuγac-a, γas ma iga amur ula i tγawsiwin n tmeddurt n myal ass am lferh d wurar, tigti kkaten γef yedles, tinekkit, akk d tteqbaylit.

Yiwwet ger tgejda nniḍen n ccna n teqbaylit mu yura Ben Muḥemed imeslayen d Nouara, abeεda i wḍebsi ines Tameṭṭut n tmurt n Leqbayel d wurfan-is, 1980. Tizlatin akka am Ğeṛğeṛ neγ Ssiγ lmeṣbaḥ yernan di lehhu s taγect n Nouara yeččerrigen ulawen, d ttiγṛi i tufγγa n tmeṭṭut si ṭṭlam i waken attwali tafat.

Amar Sersour chante Ben Muḥemed : cfu ay ixf-iw d ttasfift d-yeffγen di 1982 anda icennu Mass Sersour isefra n Ben Muḥemed u yeγγar-d idrisen-is. Asenṭel d-yufraren di tesfift agi d win n umennuγ amazray20 n Tmurt n iqbayliyen γef izerfan-is.

Di 1983, yessufeγ-d Ben Muḥemed deg yiwwet n tesfift (akk d Amar Sersour d Achour Fernane) idrisen yura s talγa n tmedyazt yesεan azal aseklan meqqṛen. Deg-sen i d-yedda usefru n Yemma yellan dγa d azwel n tesfift. Ben Muḥemed yeγγar-d s timmad-is kra seg yedrisen-is. (Aneεṛeḍ a d-ner kra n tukkisin i tmesliwt seg tesfift agi deg ussan i d-iteddun).

Ddan-d kra n yedrisen n Ben Muḥemed deg yiwen seg uṭṭunen n tesγunt Itinéraires et contact des cultures d-yetmeslayen s umata γef tsekla taγerfant di Tefriqt Ugafa; am akken d-yesseda Y. Nacib isefra-s akk d ttssuqelt nsen γer tefṛansist deg wedlis ines Anthologie de la poésie kabyle.

Tawuri taseklant n Ben Muḥemed yessuget-itt s leqdic γef izerfan deg annar umennuγ, imi yettikki d wazal n snan (20) inazuṛen d waggagen21 (garasen Lmulud At Mεemmer, Tahar Djaout, Kateb Yasin, Mhamed Isiaxem, Sliman Benaïssa…) deg usebded n yiwet n tiddukla tadelsant tamaziγt di 1981, maca adabu n yimiren yegguma a-s-yefk udem unṣib.

Yettikki daγen deg usebded n tiddukla tadelsant tussnant22 Tala, d-ilulen di Lezzayer di 1990; am akken yesselwi23 di Lpari tiddukla Tawrirt ittwattun (La colline oubliée) d-isslal i lmend n tikci ufus i wsufeγ n usaru n A. Bouguermouh.

Tamedyazt d nettat i d-inudan γef Ben Muḥemed. Ilul-d ad issefru. Yakan d ilemẓi, yella yettargu ad yeqqel yiwen wass d acennay. Ssakin tawuri-yis di ṛṛadyu tḥettmit ad yemmeslay s teγzi n wawal yiwet n tutlayt i ynuda amek ara teεjeb yemma-s. Yella wayen yifen dγa ameslay akk d imawlan s tutlayt tayemmatt ? Tagnitt deg i d-gra teqbaylit akk d yidles amaziγ di Lezzayer n wass-a tḥettem arraw-is ad wwten amek ara ṭṭfen di tnekkit nsen. Amennuγ n Ben Muḥemed yettkemmil.



Amawal

1 Asefrek anazṛaf = gestion financière
2 Tawuri taḍeblant = fonction administrative
3 Tanebḍaḍt = préfecture
4 Aγlif n ttrebga taγelnawt = Ministère de l’éducation nationale
5 Taswast = calendrier, journal
6 Tasedlist = librairie
7 Tiwsatin uẓawan = genres musicaux
8 Tidwilin tidelsanin tiseklanin = émissions culturelles et littéraires
9 Iḍrisen igreγlanen = textes universels
10 Amseddu = animateur
11 Anfaras = producteur
12 Asenṭel = thème
13 Tadrest = la censure
14 Tinekkit = identité
15 Timeγṛiwin tinazṛanin = galas artistiques
16 Idiwenniyen = dialogues
17 Tasekla taqbaylit tatrart = néo-littérature kabyle
18 Aγṛef = peuple
19 Azal anazṛan aseklan = valeur artistique et littéraire
20 Amennuγ amazray = combat historique
21 Aggag = intellectuel
22 Ussnan = scientifique
23 Sselwi = présider
24 Tameddurmant = biographie
25 Asuneḍ = tome



Yella-d wesqucced i lmend n tira n umagrad agi seg tmeddurmant24 n Ben Muḥemed yura s tefṛensist Ms. Slimane Hachi di DBK, Asuneḍ25 1, Tizṛigin Ina-Yas/Edisud, 2001. Isefra ttwaksen-d seg udlis n Youcef Nacib: Anthologie de la poésie kabyle, Lezzayer, Tiẓṛigin Andalouses, Lezzayer, 1993

Aṛeẓqi
Arezqilvacir@imyura.com
  Timesliwt  
Copyright 2006 imyura.net
Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s