Aḍris akken ma yella

Tafdult yundin ur tzeggel
Win teskuffer yeqqim din
S temrart amgerḍ yejgugel
(ɣe)F tmurt ur d-rsent tfednin

Aḍris akken ma yella

Tamedyazt n war akud

Aḍris akken ma yella

Tajmilt I Muhya

Aḍris akken ma yella

Teččeḥ tmaziγt
Yeččeḥ Ben Σeknun
Ččhen yinelmaden
Ččḥen yiselmaden
Teččeḥ tfelwit
iɣef rsen isekkilen
imenza n tmaziɣt
Teččeḥ Samiya
Teččeḥ BRtγ
Ččḥent tddukliwin
Yeččeḥ yigenni
Neččeḥ merra
Neččeḥ yiwen yiwen
Imi ɣ-yeǧǧa
NOUR

Aḍris akken ma yella

Aḍris akken ma yella

Aḍris akken ma yella

 AΓULID NULI-T

S yisem n ugari nusi aγuyyi

Ad nsekkfruri tikerkas d muli.

S wafa nebbi tiwan aγ-iqqnen imi,

Utent-aγ aluḍ d mecta nugi.

G tmezwarut d Tberrkant n tefsut

Aḍris akken ma yella

  Issufeɣ-d Belqasem Ihijjaten adlis nniḍen n tmedyazt. D wis-7 id-ifɣen ar ass-a, yerna tzemrem ad teɣrem ayen d-nniɣ fell-asen dagi: 1, 2, 3, 4. Aneggaru yagi iffeɣ-d di teẓrigin n L’harmattan s snat n tmeslayin: udem s teqbaylit, wayeḍ s tefransist.

Aḍris akken ma yella

Aḍris akken ma yella

Ma i tmanit ddukklen
Γas di kra mxalfen
Ay d-megren ad t-ččen

Aḍris akken ma yella

Aḍris akken ma yella

Aḍris akken ma yella

Ttawin lmizirya γef iqumam-nsen
Win tluεaḍ a k-yini d lmektub
Medden jerden s ifassen-nsen
Nutni jerrden-asen-d lkutub

Aḍris akken ma yella

 Akin

Aḍris akken ma yella

  

Aḍris akken ma yella

Aḍris akken ma yella

S kra yeddan
d imneggef
ass-mi
fellaγ tengedwa
zemken

Aḍris akken ma yella

Aḍris akken ma yella

ur bγiγ ara
takmamt, ad tt-rren i yimi-w
mi ara d-iniγ UR BΓIΓ ARA

........

Inaw yenna deg Tewrirt
Yesdukkel agdud am yiwen
D argaz izemren i tsertit

Aḍris akken ma yella

Aḍris akken ma yella

Aḍris akken ma yella

Aḍris akken ma yella

Aḍris akken ma yella

Anṣuf s useggas amaynut
Ferḥen imawlan n tmurt
Ass-a d tameγra n yennayer

Yal tamnaṭ yeffeγ-d ṣṣut
Am urgaz am tmeṭṭut
Nnan timlilit s inurar

Ass-a wwin-d akk s ttbut
Muḥal ruḥen di tatut
Acḥal i yelha wurar

Aḍris akken ma yella

Aḍris akken ma yella

Aḍris akken ma yella

Eğğt-aγ abrid a nelḥu
Tanfem-aγ a nessefru
Γef wayen iγ-yettḥazen

Eğğt-aγ a nebdu
Tanfem-aγ ad naru
A d-nini tidett yeffren

Aḍris akken ma yella

 

Aḍris akken ma yella

D tagi d tallit n gerninuc
Aqqeru-s yettawi-t deg igenni
Iḥemmel la čči-čči
S ufella kan s ufella
Daya i yeččan tura

“Acimi akka terniḍ taḍṣa, εni ur tezṛiḍ ara?”
Asteqsi-ya dγa ala!

D aggur, gerninuc yemmeγ ad d-yeṭṭef aggur
Lqaεa d tmesxiṛ, netta i inuda d leεlali
Yeqqar deg yiwen yiḍ ad yeqḍeε wiyyiḍ !
S nnif yezmer-as i ddunit, dacu akkagi ?
Tura s ukustim, aṣigar deg imi, yuli !
Yelmed “les affaires” yettemsewwaq d ilili

Aḍris akken ma yella

TAWENZA

Ay abernus a bu usaru

A winna teẓḍa yemma

Ata wul-iw yettnujju

Am teflukt tewwi lmuja

Acḥal d aseggas tettraju

Aḍris akken ma yella

     Agujil
Win umi ksaγ baba-s
Ur s kiseγ-ara
Win umi ksaγ yemma-s
Ur s ğğiγ-ara
Akka i ttarwa n uγilas
Yarwan lḥif n tmara

D agujil yemma-s tella
Yezgga d arbib si tlalit
Lxiṛ-is twart-it tekna
Tesgen mmi-s di tẓalit
Isawel-as-d gmma-s yesla
Idduqes-ed iṛğa tallit

Aḍris akken ma yella

Aḍris akken ma yella

Mebla ttiεad

A tin iyi-d-yettassen
Mebla ula d ttiεad
A tin iyi-d-yettẓuren
Ur fhimeγ werεad
A tin iyi-ssefṛaḥen
Azal-im izad

Txeddmeḍ ccγel-im
Ur d-cliεaḍ deg-i
Tettawḍeḍ iswi-m
Ṭṭer tezriḍ i nekki
Lawan yakk d rray-im
Werğin tcawreḍ-iyi

Aḍris akken ma yella

Aḍris akken ma yella

Aḍris akken ma yella

Tugdut

Nettsuγ, neγγar i tugdut

Nḥar melmi ara d-tili 

Tusa-d tewwi-d yid-s lmut

Teḥweṣ akk imdanen lεali

Tezreε deg wallaγen tatut

Iεerq-aγ ubrid i d-newwief

Aḍris akken ma yella

Lliγ am wi yellan

Ilul-d yebγa ad yili

Am uferṭeṭṭu deg iḥerqan

Yal ajeğğig fell-as yeγli

Aḍris akken ma yella

Deg yisem-ik meṛṛa nessen, γas udem-ik yeffer tura.

Am arezg n imeγnasen yemmuten ur ẓrin kra.

Ttxil-k a dda Muḥ in-asen, γas akka mmuten,

deg ulawen i yefren i tufra!

Aḍris akken ma yella

Azul γef wid yerẓan asalu

I umezruy n tmaziγt nessen

Yal yebrir a t-id neḥyu

Ticraḍ weccment s idammen

Nekni di lḥebs nettaru

D amezruy i γef d-nḥekku

Ass-a wid ur nefhim fehmen

Ma γezzif laεmer a d-naru

Ayen iεeddan γef uqerru

Akken nella s yimaziγen

Ma tḥuza-yaγ daεwessu

Di Lambez ad a γ-neṭlen

Muḥal tamazγa a tt-nettu

Alamma ṣubben lecfar γef wallen

Aḍris akken ma yella

Igenni ččuṛen-t yitran, ṭṭfen-as i waggur addud.

Ul iẓuran-is ḥlan, tazmert igerrez-as wafud.

Γur-neγ ad ttaḍsan wussan, tadawsa anef a nsew neffud !

Ğğ-aγ a m-lḥeṛqus, a nwanes igenni!

A Tiziri awi-d afus, nekk yid-m kra ur d-aγ-yerni !

Aḍris akken ma yella

Ass mi i-tt-fkkiγ i zraẓer

D axxam i yi-tt-igan

Ixf-iw yuγal ur yettawi

Tillin gar kuẓ iγerban

Kkreγ-d zik ass-nni

Smareγ-d kra yellan deg allaγ,

Rriγ-t d ilem ur deg-s tikti

Ur deg-s yeqqim-d idles

Aḍris akken ma yella

Nettmuqul tudert-nneγ, neqqar-as wissen ma abrid neḍfer d win akken i yessefk an-neṭṭef. Nettmuqul agdud-nneγ, ileḥḥu akka bwanka. Deg-neγ, llan wid i yebγan ad idiren akken bγan, war ma yenna-yasen yiwen ayγer akka ? Llan wiyaḍ, tteqliliḥen, acku xas bγan ad idiren akken bγan, rran ddehn-nsen ar itafaren-nsen.

Idles-nneγ, yal wa d acu yebγa ad ikess deg-s, d acu i yebγa ad yeğ, ad yidir deg-s. Yal wa d sebba i yesaa ...

Ar tagara, d acu ara a neğğ, d acu ar a nḍeqqer ?

Tameddurt, tettmeckukul γef wemdan. Mi yiγil ifhem timsal-is, yettaf tella nnig-es. Tameddurt, mačči d tamellalt kan, neγ d taberkant kan. Yal wa anwa ini i s-yegga.

Aḍris akken ma yella

Yemma tger ulman tkettu, akken i s-tesselmed setti.

Baba iṛeddem seksu, d tikli ad iheggi imensi.

Wwiγ i weγyul ad isew, tafat deg udaynin texsi.

Dduqseγ kra mi d-yusew, ḍalleγ ufiγ d ttixsi.

♥♥♥♥♥♥

Imensi ihegga tura, sliγ i baba yessawel-aγ-d.

Ngum ad nemlil meṛṛa, deg ifassen-iw ssardeγ-d.

Ilefḍan d-wwiγ si beṛṛa, s tarda deg-sen kkseγ-d.

Baba yennecṛaḥ, imi ḥemmleγ tezdeg.

Yemma tenna mmi yebbaḥ, ammus seg-s yufeg.

Aḍris akken ma yella

Ttxil-ek ay ul cfu

Imi allaγ yezga itettu

Ssekren-aγ-d γur-em s tirga

Tezdeγ tteryel d ireyliwen

I ujedεaun n leqbuḍ necfa

Meẓẓel fettus d iwaγezniwen

Yid-sen acḥal nesεedda

Uḍan deg i ur qqinent wallen

Mi d-nuki seg-sent nufa

D tidett-im i yesstewḥacen

Aḍris akken ma yella

Aha ddu neγ teddiḍ,

ttu ulac d ayen ur nelli !

Yerra-k i tuṭfa n lḥiḍ,

dadda-k ğeḥḥa n yiḍelli.

Lsas s waḍu i tessuliḍ,

ssqef ur tugadeḍ ad yeγli.

Tessiγzifeḍ tilin i yiḍ,

 ass d awezγi ad yeflali.

A takurt yenḍen s lxiḍ,

tindac-im ur tent-yettwali.

Aḍris akken ma yella

Teγzi n yiles, d  ammud isefra sγur εabdelḥafiḍ Kerruc.

tiẓrigin useqqamu unnig n timmuzγa, 2004. 36 isebtaren .

 tukkist :

           Lebraq

walaγ iṭij deg uzal i iyreq

walaγ asigna yeffer-it

γileγ mazal ad-yecreq

warεad d-telḥiq tmeddit

ger wallen yewwet lebraq

yerna-d arεud iy-ḥemq-it

a lebraq-agi id-yusan

bγant wallen ak-wεunt

ad ayi-t-segmeḍ ussan

d gek ad awiγ azaγṭuṭ

ad yekfu wayen iεeddan

imeṭṭi ar d at-ttuḍ

tusiḍ-d lewhi teqleḍ

ur ak ğğiγ awal-iw

limer dgi it-beddleḍ

ad afeγ ccah I rray-iw

imi di lqaεa ay terẓeḍ

ad ferḥeγ yezha wul-iw

Aḍris akken ma yella

Cfan igenwan yeεlayen

Akken ma llan di sebεa

Ula d agur icebbḥen itran

Yusem imi ur tt-iwala

Zuxxent tliwa n waman

D nutenti i tt-id-yessekren

Iṭij izad-as can

D netta i s-yegan initen

Aḍris akken ma yella

Yess-k leεwanseṛ feggḍen, sefḍen takewt γef tmurt.
S yess-k aman yakk wwḍen, yal aẓar ngum yemmut.
S yess-k iḍ d-aγ d-yessawḍen, d wass tjeddel-it tagut.
S yess-k i nessen ayen nniḍen, i nesla awal n tugdut.
Tenniḍ ifuḥ bu wurḍan, tutlayt-is rrẓaget tḥus.
S yess-k s zzux nečča remḍan, yess-k nessared abeṛnus.
S yess-k i nergem iḍan, nergem agerfiw d uṭarus.
Γur-sen nerfed-d iḍuḍan, ilemmasen ur ten-nesrus.

Aḍris akken ma yella

Isefra n Malek Ḥud ur ṛegguγ ara taγuri deg-sen. Tugniwin, iḥulfan, tuzzma...Am win ittḥewwisen deg tmurt-nneγ, ticki d-yuli tiγilt, ad as-d-ibin ugni,  dihin d taγzut, da d acṛuf, dihin d axnaq...Ahat imedyazen akken ma llan ticki lan tawuri nsen neγ ṣenεa nsen ttağan amdan ittaf tiẓeṭ deg wayen issel neγ deg wayen iqqaṛ.

Ass-a γileγ ad ffγeγ ar beṛṛa ad merrḥeγ, ad ḥewwseγ γef iman-iw. Uqbel ad iyi-tefk tewwurt ar uzniq, mlaleγ-d isefra n Malek Ḥud, qqaṛeγ yiwen yiwen, ttuγ iman-iw, ufiγ-d iman-iw am akk-en ffγeγ yakan. Ihi nniγ-as ur yelli ayγer ad ffγeγ imi aqli ẓẓerreγ tugniwin, "lijimaj", ugar n wayen i zemreγ ad ẓreγ deg tzenqatin n teγremt-a deg ttidireγ.

Mmektaγ-d γur-i yiwen usaru anda illa Malek Ḥud inna-d asefru γef Si Muḥend. Ldiγ asaru nni, qqimeγ ttmuquleγ deg wayen ẓerreγ. D tidett deg usaru d Malek iẓerrent wallen-iw maca allaγ-iw iẓẓer tameddurt n Si Muḥend, tameddurt umedyaz, tameddurt umaγnas, tameddurt umyar...Asefru n Malek Ḥud d-asaru s yiman-is, yernu d asaru am wid akk-en n Spielberg neγ Woody Allen...wid n imeskaren imeqṛanen n isura. Ulac deg-sen cγel aweεni, ulac deg-sen asqecmeε; yal taγawsa deg umḍiq-is, yal awal deg umḍiq-is.

Ayγer ad ffγeγ tura neγ ayγer ad ldiγ tiliẓri(la tili), imi ayen iẓẓerreγ yugar ayen zemrent ad ẓrent wallen. Imi ur ḥemmleγ ara ad γulleγ wiyaḍ, nniγ-as, ayen ẓriγ nek yuklal ad t-ẓren wiyaḍ. Ihi γef aya i d-greγ abruy-a n usaru anda ad teẓrem Malek Ḥud, ad teslem i usefru-ines ma d allaγen nwen ad ẓren asaru n tmeddurt n Umeqṛan imedyazen, Si Muḥend Umḥend.

Akk d kra n isefra i d-yuzen ayyuren izrin( iεeddan).

winna

Aḍris akken ma yella

Tamuγli-nnsen d asawen

Nutni d abrid-a i fernen

Muqlet…nadit…

Tidet attan deg yidles

Tamussni attan deg yidels

Lefhama attan deg yidles

Muqlet…nadit…

Aḍris akken ma yella

Tamusta n isefra d adlis wis qrad n Belqasem Iḥiǧaten id-ifγen di ctember izrin di tmurt. Wisen d tahregt neγ d aneγmes, maca amedyaz agi nneγ ur izmir ad yanef I wayen I t-icweγben deg ul-is. Yufa amek ar aγ d-ittak tikktiwin ines. Igza d akken tallit tbeddel u wid ittaken zik tameẓẓuγt I imedyazen assa ulac-iten.

Aḍris akken ma yella

Win iḍefren abrid n umezruy n talsa s umata a t yaf iččuṛ d imennuγen γef tlelli d yiseγ n igduden. Ad yaf diγen anect-a s kra n wanida idda. Kra n igduden issawḍen, ama s teγremt nsen iǧuǧǧgen ama s tigwuγyelt (tikli am uγyul), irekkḍen wiyaḍ, irekkḍen igduden imectaḥ neγ igduden ur nessaweḍ ara ad rren acengu γef tewwura nsen. Teḍra-d ihi am tmerna n tfunast : win irnan wayeḍ idda deg-s!

Aḍris akken ma yella

<mdz>Segni Yugurten iwwi araz amenzu deg tfaska i tga tdukla ITRI ADELSAN N WEQBU. Ḥmed Ǧennadi n BRTV isseqsa Yugurten ɣef uḥulfu ines tura imi i s d-iṣaḥ waraz amenzu.</mdz> Inna umedyaz: d-tidett aḥulfu amenzu d-tumert(d lfeṛḥ), maca inna-d diɣen dakken terna-d taẓayt ɣef uzagur ines, imi ass-a, issefk fell-as, ad-yaẓ ar zdat… tuɣalin ar deffir ur telli, akken s d-irna Ḥmed Ǧennadi.
Ifuk-d awal-is Yugurten s wawal nni n Ṭaher Ǧaɛuṭ, tella twacult ittaẓen, tella twacult ittnegrayen, a wi’ yufan a-nili seg twacult nni ittaẓen.

Aḍris akken ma yella

Awal γef tutlayt taqbaylit neγ γef yedles amaziγ s umata .
d acu i d-taqbaylit ? D-tidett.
tidett n teqbaylit anda itella ?
attan deg tγeṛmiwin d ikecmen ar tmurt nneγ
γef anect-a i giγ asefru agi ,nniγ-as:

mucaɛ wayen tesɛiḍ
azal-is γur-k ig lla
i yetran ar-a d-akwiḍ
ma tesliḍ naγ ala
deg wayla medden tessaγliḍ
keč tuγaleḍ d menwala

Aḍris akken ma yella

Yeḥzen wad aɛisi
Mi yebda imenγi
Yewweḍ-iten lɛeskeṛ deg iḍ
Tuddar slant irkelli
Ṣubbent ar Tizi
Kul abrid a yettfeggiḍ
Ur telli d-tiselbi
Nuḥwaǧ tilleli

Aḍris akken ma yella

Ay afṛux ifirelles
A k-cegâeγ awi-d ttbut
Σelli di tignaw γewwes
Awi-yi-d lexbaṛ n Tmurt

Abrid-ik yedheṛ iban
Deg-genni iqeṛb umecwaṛ
Ɣer Sidi Abd Rrehman
A lwali yqublen lebheṛ
In-as i bab n lbeṛhan
Aql-aγ di lγeṛba nenṭeṛ
Sellem γef leḥbab akken llan
Am-ass-a ncallah a-nemzeṛ

Aḍris akken ma yella

Akka i ttɛeddayen yisneγ wussan, akka i nett-mettat ddaw iḍaren n zman,
akka i nγerreq di lebḥer n tatut. Leǧyal ttarun ismawen nneγ s waman, i g-skaway
yiṭij n wussan d leɛwam, mačči s lmidad i g-ttaken tudert i lmut. T-xetti tafat, tayri t-ttfat. Tt-ruḥun gellun s usirem. Am akken
tella tudert, i tella lmut. ka nebna yemmut, ameslay nneγ, lǧil di teddun
yettut.

Aḍris akken ma yella

Amrig-iw d azwel n wammud n tmedyazt id yesufeγ mass Rabah Bettahar , Aγewwaγ d Inig-ik d tukkist seg udlis-a.

Aγewwaγ

Tekres twenza
Rgigent tsiwa
Af win id-yennan

Ngugint tgejda
Yru ula d Massinisa
Af win it-yecnan

Aḍris akken ma yella

Remdan At Menṣur d mmis lɛeṛc At Σisi di taddart n Tizi Ibel (Hibel i tt rran waɛṛaben), d-amusnaw ameqran, zik d asalmad n takrura (la chimie) di tmanaγt n Lezzayer, Alger , d anemhal n tegmi di CNRS di Paris VI.
Maca tamedyazt d-tamγitt (vocation ) ines tis snat. Yura-d ya "Tiγṛi", γuṛ L'Harmattan,"Agani", γer Zyriad, "Isefra N at Zik" s γuṛ-s anida i-d-ijmeɛ ak isefra n zik i qaren leqbayel seg tsuta (génération= tasuta) ar tayeṭ bla aγ-d-ǧen isem imedyazen nsen.

Aḍris akken ma yella

Tukkist seg wedlis n Dda Lmulud at Maamer "Inna-yas Ccix Muḥend" id yefγen deg 1990 .

Mi d-yekker netta, yufa-d lewlaya γer-es sin wudmawen: yiwen d win d-itekken si leqraya, wayeḍ-d win n yigad iwimi tettunefk sγur Ṛebbi mebla ma γran; ur izmir ḥed a-d-yini wi γef ara d-nzel wala melmi wal'amek. ṭṭariqat yellan di lweqt nni lkwetra deg-sent zdukulent tent i-snat : d amedya Ccix Aḥeddad si lğiha yeγra, si lğiha nniḍen ḥesbent medden d lwali, bab n l-lbaṛakka.Maca lmeqeddmin d wid iγran tfeṭṭilen leqraya γef tibbudelt.

Aḍris akken ma yella

Wissen dacu-t wass nni
Deg taddart nneγ a sidi
Ikkr-d yiwen gar lγaci
Ittɛeyiḍ:” trisiti, trisiti,
Xedmet-aγ trisiti,

Aḍris akken ma yella

Ass n 25 yunyu 1998 deg uzal, yeγli-d isal amessas n tmenγiwt n Lwennas Maεtub! D tameţţant i s d-yernan cayaḍ i wurγu! Tsekw-eγ ifadden!
Riγ ad d-awiγ a ṭ̣̣as n umeslay fell-as maca s nnig n wul imi tameţţant-is teggra-d d tabuciḍant. Am akken qaren wat-wawal: “Qeḍran ma yezwar s imi, tament ma teggra, iwumi?”

Aḍris akken ma yella

Seg wawal ar wayeḍ, seg yimi ar wayeḍ is inesla s tufγa n tmedyazt, I tikkelt nniḍen, n Belqasem Iḥiǧaten : Seg wawal γer wayeḍ.

Seld Aḥiwec, I γef d-newwi awal yagi, atan yewweḍ-d ar gar ifassen nneγ : Seg wawal γar wayeḍ u atnan diγen wiyaḍ ar ttraǧun di tezrigin nnuba nsen :

Aḍris akken ma yella

Tamurt-inu ur tgi tamurt
Ufan-ed taddagt ibuγlan
Ccen tanafut-ns
Feln-tt ar tteγar
Ttun will tt iẓẓan

Tamurt-inu ur tgi tamurt
Nγan inemγurn snat tikkal
Teg temmuzzeγa γar taγewwaγt
Ilemd warraw tikerkas f wakal
γ ugeḍrur inγuba wawal

Aḍris akken ma yella

Yaɛṛaq lateṛ-iw deg ubrid n temẓi
Tɛedda ur faqeγ ara
Ddunit yissi la t-ttezzi
Laεtab-is ur s-zmireγ-ara
Cbiγ amizab di tizi
Ileḥqed unebdu ur t-id-yufa-ara

Aḍris akken ma yella

Aḥeddad l-Lqalus

Taddart l-Lqalus tura trab.Qqaren asmi-tt mazal tebded, illa deg-s yiwen uḥeddad isεa cci, yerna γures tameṭṭut tzad di ṣṣifa.Yibwwas qqimen kra l-lγaci la heddren di tejmaayt, inṭeq-ed yiwen inna-as :
-Lemmer ad iyi tcehhdem, ad-kkseγ i wḥeddad tameṭṭut is.
Nnan as: - I kecc s lεaqel ik?
Inna yasen: Ṛeggemt iyi kan ard ad it tcehhdem. Ṛeggemn as.

Aḍris akken ma yella

Inna yas dda Lmulud: taγerma umaziγ d taγerma n wawal. Awal-a yeččur d inumak. Acku si zik d awal I izgan iferru timsal gar aneγ. Awal-a neqqar-as: taqbaylit. U ur neqqar γef yiwen issen "taqbaylit" alama kan awal-is iferru tent. Anagar imγaren d imusnawen nneγ, ala imedyazen is isnen I wAwal-a tikli.

Aḍris akken ma yella

Muḥend U Σisa n Tala n Tazart (Awines (siècle) wis 18)

Buγanim, izem bb uftis
Ad alseγ, a zzin ultam
Γef kra n tedyant sliγ yis-s
Hekkun-aγ-tt-id at-wezmam

Yiwen ugellid s ugerruj-is
Inna-yas:”ixxuṣ-iyi unexdam”
Yiwen wass ikker tufaṭ leḥris
D-amsafer ass n Aram(mardi)
Ssuq ikcem seg terf-is
Yufa akli deg ittsawam

Aḍris akken ma yella

Daḥman Umsal

Wa d-asefru d ttawint tlawin deg tama n At Wertiran γef Dahman Umsal. Yiwet n tikkelt yusa-d uqebtan arumi ass n 27 deg Furar aseggas 1850 ad-ifru tamsalt n wakal gar At Imula akk d At Jlil. Aqebtan akk d iserdasen-is bdan ameslay akk d imeqranen n iderma imi d ikker yiwen ilemzi isnesr-d tamezyant(takabbust) s ddaw ubernus-is, iwwet s tersast aqebtan nni. Iserdasen tfen Dahman Umsal, wwin-t ar Bgayet, sεeddan-t deg craε, sersen-t d nnican, nγan-t deg tefsut nni ya n 1850.
Ihi tura ussan-a n a-d-nesmekti tamettant n Dahman Umsal, γef izrin tura 155(tawinest d semust d semus) iseggasen, s usefru d ttawin-t imir nni dγa tlawin n At Wertiran, n Imula, n At Jlil, n Wasif n Sahel fell-as.

Aḍris akken ma yella

nek d caf imaziγen,
ssneγ amek teddunt temsal

ma yella d wayeḍ ifernen,
Tebra ar ttendehwal

"ini-d dacu a-k-in-fkeγ,
gma-k a-t-yawi snat n tikkwal"

"attan tiṭ-iw i wselfeγ,
gma err-it d-aderγal."

Attan ihi terwi
aεrab atan igguni
Aqbayli ad-ixnunes

Aḍris akken ma yella

Wi d-kra isefra n Laḥlu' Musa (ism unṣib Lahlou Sebaa) i d iddan deg udlis yura: “Yal awal s ba-is, yal taγawsa deg wemdiq-is”. Ur ittuhwan wayen yura, tazrigt (edition) t id issufγen ur tga ra amahil ifulkin, ur tga ra amahil igerrzen, imi atas n wzgal yellan deg-s. Amyaru netta, 62 iseggasen deg tudert is, ur issin ara ad-yaru s tutlayt niḍen, d-tamaziγt kan igessen. Tira n tmaziγt tusa-yas-d am ugerruj yufa yiwen, am tiṭ n waman (taεwint) yufa yiwen deg tniri (Seḥra), imi i-s-tefkka tagnitt akken ad-yaru tiktiwin-is, ad-yaru tidmi-s.

Aḍris akken ma yella

Asefru n Σmeṛ amceddal (~1850)

Wa d cwiṭ seg usefru n Σmeṛ amceddal iga af unekcum urumi ar tmurt.


A ixf-iw ekker ur ggan
dacu a k ilhan ?
Amek ar a-k-iγder ides ?
Laεbad fnan;
Sens-ed a uzmir times !

Aḍris akken ma yella