|
|
|
Yugurten SegniSegni Yugurten iwwi araz amenzu deg tfaska i tga tdukla ITRI ADELSAN N WEQBU. Ḥmed Ǧennadi n BRTV isseqsa Yugurten ɣef uḥulfu ines tura imi i s d-iṣaḥ waraz amenzu. Inna umedyaz: d-tidett aḥulfu amenzu d-tumert(d lfeṛḥ), maca inna-d diɣen dakken terna-d taẓayt ɣef uzagur ines, imi ass-a, issefk fell-as, ad-yaẓ ar zdat… tuɣalin ar deffir ur telli, akken s d-irna Ḥmed Ǧennadi. Ifuk-d awal-is Yugurten s wawal nni n Ṭaher Ǧaɛuṭ, tella twacult ittaẓen, tella twacult ittnegrayen, a wi’ yufan a-nili seg twacult nni ittaẓen.
Uriγ
Ikfa lmidad, ikfa lkaγeḍ
Gran kan d-imeslayen
Aḍar s d-iqimen semmeḍ
Ur ikfi ur t ǧiγ akken
A imru ayen tesxaṣṣeḍ
Uriγ-t-id anda nniḍen
Uriγ deg ‘genni s yetran
Uriγ deg Ṣeḥṛa s ṛṛmel
Uriγ deg il s waman
Uriγ deg wedrar s udfel
Uriγ ayen i da γ yuran
D wayen γef icer leɛqel
Uriγ ajajiḥ n tmes
D-adlis igerrez iṣeggem
Ittnerni yugi ad-ines
Ičča asγaṛ zegzaw iḥḍem
Isseḥma uḍan n tegrest
Irra ten kkan di ṣmayem
Uriγ t d-tamacahutt
Tilelli s rriγ d-azwel
A melmi s d tesliḍ ḥku tt
A win innumen snasel
Nek ḥkiγ tt i zzman ittu tt
Keč anf as ṛǧu ad tkemmel Asabter yellan deffir wa | Asabter n zdat