Awal γef tutlayt taqbaylit neγ γef yedles amaziγ s umata .
d acu i d-taqbaylit ? D-tidett.
tidett n teqbaylit anda itella ?
attan deg tγeṛmiwin d ikecmen ar tmurt nneγ
γef anect-a i giγ asefru agi ,nniγ-as:

mucaɛ wayen tesɛiḍ
azal-is γur-k ig lla
i yetran ar-a d-akwiḍ
ma tesliḍ naγ ala
deg wayla medden tessaγliḍ
keč tuγaleḍ d menwala

llan sin iberdan n tudert : yiwen iteddu ar zdat wayeḍ ar deffir .
taqbaylit nneγ γur-neγ ttbut akken d-tutlayt i teddun ar zdat .
lṭufan ass m'ar-a yili deg tutlin nettɛelliq-as akk allalen leqdic s'wi yezmer ad yeẓẓu ,ad yebnu, ad yekrez... atg.γef anect-a i d-nniγ uṛeγ tefkkiḍ-t d-tin Ṛebbi bublik tsekred-t d-azamul.
Ur issunefk'ara a-nettu akken ass nneγ yura-t iḍelli nneγ ;azekka nneγ a-t-naru ass-a ,ma neskkiddib n skkiddib γef uzekka nneγ .


awal-iw n tagara, s usefru agi :

wissen acimi n tettu
m'ar-a d-nḥekku
amzun sya i d-tebda ddunit
win i d-yennan d-nek i d-yennan
i flan akk d-flan
win ig heddṛen tidett d lɛalit
iwwḍ-d tura lawan
tigawt akk d yinan
d-wid i d-tanaṣlit.

Lahlou Sebaa