nek d caf imaziγen,
ssneγ amek teddunt temsal

ma yella d wayeḍ ifernen,
Tebra ar ttendehwal

"ini-d dacu a k-in-fkeγ,
gma-k a t-yawi snat n tikkwal"

"attan tiṭ-iw i uselfeγ,
gma err-it d-aderγal."

Attan ihi terwi
aεṛab atan yegguni
Aqbayli ad-yexnunes

yal wa anda ittezzem
deg tkerkas ittellem
tidett isaḥ-as-d useγres

Ḥend ziγ d-aεeggun !
i ucengu iεus aqiḍun !
ayen ifsin netta a t-yekres !

Salem netta d-aεluḍ !
i t-iceγben d-aεebbuḍ !
taqbaylit teffγ-as iles !

Ah a tawaγit iṣaren
Zik d tafat issaγen
Ass-a fkkan-as times


wamma mer tewqem,
d Ḥend neγ d Salem
azal d ayen i d-nesukkes


imi nḥemmel amberrez
yal wa anda izellez
Iγyal ttkukrun aḥelles


Tinzawatin