|
|
|
Asefru n Lwennas Matub ɣef 20 deg ibrirYeḥzen wad aɛisi
Mi yebda imenγi
Yewweḍ-iten lɛeskeṛ deg iḍ
Tuddar slant irkelli
Ṣubbent ar Tizi
Kul abrid a yettfeggiḍ
Ur telli d-tiselbi
Nuḥwaǧ tilleli
Uqbel ad-γ-ḥeṛṛen γer lḥiḍ
Akken nella zik a-nili
Ma yella imenγi
Wi’ mmuten ad d-yennerni mmi-s
A wid iḥekkmen ayenni ?
Ur nelli d ulli
Tamurt iban-d lsas-is
Tamaziγt ad-tennerni
Ṛseḍ ad-d-yeffi
Kul haǧa tesɛa bab-is
I tmes iceɛlen ma texsi
Yeqqim-d usteqsi
Uzzal igezzem-it sḍiḍ
Ma d lɛeskeṛ yewweḍ Tizi
D lbaṭel i d yewwi
Ɣeṛ Lezzayer yegzem webrid
Nedhet i tmurt irkelli
Begset a lγaci
Ɣuṛwet ad-γ-cudden s lqid
Teggra-d s idim ma yeγli
Nnif ad-d-yali
Si zzman necfa-d ur nerkid
Ṛuman seg-neγ yewwi
Wi’ d-yusan yewwi
Nezga nezdeγ di ttewḥid
Ɣas ɛeddan leqṛun nugi
Ncehhed s ujenwi
Mi γ-d-wwin awal ajdid
S yeqjan d leslaḥ begsen
Akken ad-keblen
Widak d igurrɛen tidett
Acḥal n widak ḥebsen
Ur neẓṛi ma ddren
S iciwi rran-aγ tirget
D-tirebbaɛ i ten-id-ceyyɛen
S leslaḥ-nnsen wehhan-asen
Adrar ǧlet-t
Di rebɛawɛecrin yid-sen
Begsen-d wwin-ten
Mi tezher tmes di Tizi
Ttun sɛan atmaten
Ad ten-id-issuffγen
Myefkan lɛehd irkelli
Beḥten-ten wwten-ten
Ulac acu ur sen-xdimen
Ad d-inin ayen ur nelli
JeṛJeṛ yefreḥ mi d-ffγen
Mlalen-d di Wad Σisi
Ma d widak issefsaden
Ass-a nerna-ten
Sqef n teɛdawt yeγli Asabter yellan deffir wa | Asabter n zdat
kamel
-
Tinin-is...tafsut deg it Γennin yefrax yedmit wesyax tuΓal tmazirt d iΓezran signierkamel *****************************************************c tous ce que jai pour cette fois , a la prochaine car je vien de decouvrire ce sit.