Berzidan iẓẓan d wakraren-is
Ṣbaḥ lxir a berzidan
i γ-ineqqen s ujadarmi.
Ssulin deg-k izerman,
izgaren, iγyal d wulli.
Γas aql-i seg wid yerfan,
aql-i seg wid yenfan,
amezruy d win yecfan.
D iẓẓan berzidan, d iẓẓan berzidan,
d iẓẓan berzidan, d iẓẓẓẓẓẓẓẓan
berzidan
****
Nnaγ ah ya-kem a tawaγit,
ticerket yes-neγ ay tendi.
Amarezg-im a taqbaylit
d-yurwen Weld Σli Lhadi.
S tkerkas yedder i talwit,
ur yugad tameddit,
yeqqar i weγyul sidi.
Iẓẓan n berzidan, iẓẓan n berzidan,
iẓẓan n berzidan, yečča iẓẓẓẓẓẓan
n berzidan.
****
Γas ussan-nni yakk εeddan,
leḥsab fell-asen a d-yezzi
weγyul d wid yid-s d-yeddan
mi d-yusa γer Bgayet d Tizi.
Muḥ Crif, Ḥemmani d Zidan
d Leqbayel ur ddan,
fernen kennu f tṛuẓi.
Iẓẓan n berzidan, iẓẓan n berzidan,
iẓẓan n berzidan, ččan iẓẓẓan
n berzidan.
****
Ulac anwa ara nettu deg-sen,
γas ad nemmet neγ ad nidir.
Amek ara k-nettu ay assen
ideg d-yeṭṭef rruplan Yidir?
Ur nelli d lmal a γ-ksen,
negza, neḥrec, nessen,
yeğğa-yaγ-d Muḥya ssi Tadir.
Iẓẓan n berzidan, iẓẓan n berzidan,
iẓẓan n berzidan, yečča iẓẓẓẓan
n berzidan.
****
A jjuj n tubiret ay alaxert,
γas kečč tγileḍ teddreḍ.
Ldi imi-k seddaw tḍekkart,
ttargu urgalen ad ten-teččeḍ!
Akken ira uderγal tafat,
i neḥwağ dda Ferḥat,
Yif-ik awer d ak-taweḍ! (Ar mummu n tiṭ i γ-d-tewwdeḍ).
Iẓẓan n berzidan, iẓẓan n berzidan,
iẓẓan n berzidan, yečča iẓẓẓẓẓẓan
n berzidan.
****
Ataya a d-itteddu nnhar-kum,
i imiren amek ara tẓemṛem?
Mi ara neεyu deg ixixxan dyal-kum,
mlet-iyi anida ad terrem?
Ad twalim ay iγerdayen,
ay israbsiyen
d acu i d iqbayliyen.
Iẓẓan n berzidan, iẓẓan n berzidan,
iẓẓan n berzidan, teččam iẓẓẓẓẓẓan
n berzidan.
****
Ma tγilem uccayen-agi ad ten-ttuγ,
ma ttuγ-ten, gezmet-iyi iles!
Lwennas di tanafa a d-isuγ,
ad iyi-yessexreb iḍeṣ.
Tezdeg s wigi i tluγ, amek ara ten-ttuγ
Xalida d Ben Yunes?
Iẓẓan n berzidan, iẓẓan n berzidan,
iẓẓan n berzidan, teččam iẓẓẓẓẓẓan
n berzidan.
S. A. M.
Tamawt:Asefru-a yezmer wemdan ad t-yecnu s uẓawan n tezlit
"Taḥya berzidan" n Ferḥat.
Tizlit-agi d tajmilt i Dalay Lama n yeqbayliyen(mmi-s n Wemsed).