Tallit n gerninuc


D tagi d tallit n gerninuc
Aqqeru-s yettawi-t deg igenni
Iḥemmel la čči-čči
S ufella kan s ufella
Daya i yeččan tura

“Acimi akka terniḍ taḍṣa, εni ur tezṛiḍ ara?”
Asteqsi-ya dγa ala!

D aggur, gerninuc yemmeγ ad d-yeṭṭef aggur
Lqaεa d tmesxiṛ, netta i inuda d leεlali
Yeqqar deg yiwen yiḍ ad yeqḍeε wiyyiḍ !
S nnif yezmer-as i ddunit, dacu akkagi ?
Tura s ukustim, aṣigar deg imi, yuli !
Yelmed “les affaires” yettemsewwaq d ilili

“Acimi akka terniḍ taḍṣa, εni ur tezriḍ ara?”
Asteqsi-ya dγa ala!

Ilili yezṛa ixf anda yella
Gerninuc yettrehrih ur yenḥerwa
S ufella kan s ufella!
Wiski agugu, ikesman čuču
Lullu rfed γef iman-ik lullu
Wagi d lbiznis inu!

"Yettaḍṣa ad yill ur yezṛi ara
Xic nekk ur t-seqsayeγ ara!"

D tabeεuct I yeččan ixf-is
Leεca i yedda lεemṛ-is
Ilili yeḥweṣ amur-is
Tura yeqqim-d yism-is
d taḍṣa i lebda!!

Yesfenxer yimi, mzunadent wallen
Ur yelli ara s-iniγ, tura dayen

Ğamal at Udiε  

A nnegr-ik a gerninuc, ixf-ik deg umalus terniḍ tettleεliεeḍ !

qqaren diγen :

" a nnger-ik a gerninuc ixf-ik deg umalus keč la tettrehriheḍ "

myal tama amek qqaren, akken yeqqar akken wemdakkel nneγ Saεid At Mεemmer: "Taqbaylit d tamerkkantit". d tidett.
ar tufat.

Uḥeq adrar n Tmeẓrit
D wid yeṛwan tawaγit
Di tmurt yettṛebbin iḍan

Seg asmi d-nekker a ddunit
Nekwni deg ttemrit
Waqila nluled i yberdan

Mi nesεa argaz nweddef-it
Ay nuklal t-tiγrit
Deg naγ ad gezren isγan

Tamurt d-yefkan itran
D irgazen yeṣṣfan
Ass-a la tkenu i twaγit

At tissas ddan kfan
Deg utaram jlan
D izan ig-gzedγen tiḍwirt

La nettendduruz am yiḍan
Nluled i-yiberdan
Awes-aγ ay Uzmir amγit

Valparaiso 2004
http://www.iflisenumellil.net/forum/viewtopic.php?t=76

Azul fell-awen
Amaqwa-k a gerninuc, iẓuran-ik deg umalus, kečč tettreɛriɛeṭ (tettreɛriɛeḍ)
Akka i qqren deg taddart Cekbu (taɣiwant It Ǧeɛfer, Lberǧ n Buɛririǧ)
Nekk, ur t-ssineɣ ara gerninuc-ayi, ɣas ma ḥṣiɣ-t d imɣi. Wissen ma d winna akken i wumi qqaren deg umalu n tmurt n Lanjiri : lgernina?
Asefru-ya yeɛǧeb-iyi, ɣas ma ur tesseɣ lwiski, ur tesseɣ ddexxan, ur jmiɛeɣ lullu (lellu i neqqar nekkni). Yesmekta-yi-d daɣen s sin isefra, amenzu umedyaz Ṭeyyeb : « Affar d umerɣun » ; wis-sin umedyaz Ḥmed Leḥlu (mmi-s n ɛemmis ucennay Ɛebderreḥman Uleḥlu— winna n pouvoir assassin-) « Affar d ugerninuc », yella ɣur-i ma tram a t-in-azneɣ, fket-iyi-d tansa.
Ar tufat

Azul fell-awen
Amaqwa-k a gerninuc, iẓuran-ik deg umalus, kečč tettreɛriɛeṭ (tettreɛriɛeḍ)
Akka i qqren deg taddart Cekbu (taɣiwant It Ǧeɛfer, Lberǧ n Buɛririǧ)
Nekk, ur t-ssineɣ ara gerninuc-ayi, ɣas ma ḥṣiɣ-t d imɣi. Wissen ma d winna akken i wumi qqaren deg umalu n tmurt n Lanjiri : lgernina?
Asefru-ya yeɛǧeb-iyi, ɣas ma ur tesseɣ lwiski, ur tesseɣ ddexxan, ur jmiɛeɣ lullu (lellu i neqqar nekkni). Yesmekta-yi-d daɣen s sin isefra, amenzu umedyaz Ṭeyyeb : « Affar d umerɣun » ; wis-sin umedyaz Ḥmed Leḥlu (mmi-s n ɛemmis ucennay Ɛebderreḥman Uleḥlu— winna n pouvoir assassin-) « Affar d ugerninuc », yella ɣur-i ma tram a t-in-azneɣ, fket-iyi-d tansa.
Ar tufat

Azul fell-awen
Tbaneḍ-iyi-d tzewreḍ nezzeh, yerna s tidet tẓewreḍ di tira. Tḥedqeḍ, tmeεneḍ. Anṣuf s yes-k γer wesmel-agi-"nneγ". Tikkal ttwehhimeγ amek teddunt temsal da, argaz la yessutur amek i yezmer a d-yazen iḍrisen neγ asefru, yiwen ur d as-yerri, ur d as-yefki tansa! Maca, tura bdiγ ttissineγ amek teddunt temsal da, kra n win ideg ara cukken neγ ur d asen-neεjib ara ad yuγal deg yidis; ad sεuẓẓgen tiririt ulac! Wigi n wesmel-agi teḍra yid-sen am "ipappasen" i iqqaren : get ayen d-neqqar, mačči ayen nxeddem!
Wa ad qqaren asmel yeldi akk i medden, ssya ad ttarran iman-nsen ulac-iten da?!
Attan ihi tansa a gma-tneγ-agi tt-yeḥwajen:
inedbalen@imyura.net
neγ:
winna@imyura.net
ma ur tufiḍ ara amek ara tceyyεeḍ, azen-d γer tansa-yagi n unemhal amatu (diriktur ameqqran n wesmel), isem-is Mass Mmi-s n Wemsed:
atlasnatwemsed@yahoo.fr
Anṣuf s yes-k.
Tanemmirt-ik ay Yidir Awaγzen

Azul fell-awen
Aql-i am win i wumi yefsi wagus, ssetḥaγ nezzeh imi ur d-ufiγ ara imeslayen tuklaleḍ a gma-tneγ Zizi-twen. Azal d leqder-inek meqqer; lxir-ik ur tessiriden isaffen!
Ur yelli d acu-yi akken ad cukken deg-i! Ur lliγ d “fis” ur lliγ d “abulis”, a gma. Yerna γas lliγ d kra, ur yelli i γ-yezdin nnig temsalt-agi-nneγ “Tamaziγt”; ayen-nniḍen yal wa aqerru-s di tcacit-is. Nniγ skud ssneγ ad sxuxxteγ cwiṭ di tira-yagi n tmaziγt meqqar ad aruγ yiwen usefru umedyaz-agi “Ḥmed Leḥlu” acku yeɛjeb-iyi, uγeγ-d ammud-ines isefra am nekk am yemdanen-nniḍen, daγen ad aruγ u ad azneγ yiwet tullist n Murad Zimu, daya. Ur yelli wayen ara d-rebḥeγ, ur d-seddayeγ isem-iw (d way d isem sɛiγ-t ad rnuγ a t-id-sedduγ!), ur yi-id-ttaččaren leǧyub-iw! Ma d tugdi i ugaden, ahat d isem-iw i ten-yessagwden?! Maca, llant kra n tefyirin i yenna yiwen umedyaz akken, hattah:
“Agwad bu sin iḍarren
Ur ttagwad waγzen
A k-iḥader d bab n nnif”
Aql-i ihi uzneγ-n asefru n Ḥmed Leḥlu γer tansiwin-nni i yi-d-tefkiḍ.
Tanemmirt-ik i tikkelt-nniḍen a gma-tneγ Zizi-twen. A k-ibarek Rebbi.
Yidir Awaγzen

Azul fell-awen
Aql-i am win i wumi yefsi wagus, ssetḥaγ nezzeh imi ur d-ufiγ ara imeslayen tuklaleḍ a gma-tneγ Zizi-twen. Azal d leqder-inek meqqer; lxir-ik ur tessiriden isaffen!
Ur yelli d acu-yi akken ad cukken deg-i! Ur lliγ d “fis” ur lliγ d “abulis”, a gma. Yerna γas lliγ d kra, ur yelli i γ-yezdin nnig temsalt-agi-nneγ “Tamaziγt”; ayen-nniḍen yal wa aqerru-s di tcacit-is. Nniγ skud ssneγ ad sxuxxteγ cwiṭ di tira-yagi n tmaziγt meqqar ad aruγ yiwen usefru umedyaz-agi “Ḥmed Leḥlu” acku yeɛjeb-iyi, uγeγ-d ammud-ines isefra am nekk am yemdanen-nniḍen, daγen ad aruγ u ad azneγ yiwet tullist n Murad Zimu, daya. Ur yelli wayen ara d-rebḥeγ, ur d-seddayeγ isem-iw (d way d isem sɛiγ-t ad rnuγ a t-id-sedduγ!), ur yi-id-ttaččaren leǧyub-iw! Ma d tugdi i ugaden, ahat d isem-iw i ten-yessagwden?! Maca, llan kra n tefyirin i yenna yiwen umedyaz akken, hattah:
“Agwad bu sin iḍarren
Ur ttagwad waγzen
A k-iḥader d bab n nnif”
Aql-i ihi uzneγ-n asefru n Ḥmed Leḥlu γer tansiwin-nni i yi-d-tefkiḍ.
Tanemmirt-ik i tikkelt-nniḍen a gma-tneγ Zizi-twen. A k-ibarek Rebbi.
Yidir Awaγzen