Azul
Refdeγ-d amger d ugelzim γer wayen ur nelzim
A ziγ d aqerruy-iw i ssufgeγ

G.t: Ma telkem akka ad taweḍ...

Ttuγ ula d awal-nni usebγes! Xuḍi qqaren-t yakan "bab n yirden reṭṭlen-as awren", γer tegmat-nni-nneγ daγen yella "mul ttaj u yeḥtaj". Riγ a d-iniγ (wat ticrurin): ulac deg-neγ wi ur neḥwağ asebγes, anagar kan win yewwḍen taqacuct, maca i tqacuct akin d acu yellan sennig-s?
Aferḍas

Sslam n nnbi d Rebbi fell-awen
Kra imeslayen neγ kra n tefyirin seg usefru-ya smektant-iyi-d s tezlit-nni n dda Sliman Σazem " A Muḥend U Qasi"; si tama-nniḍen smektant-iyi-d daγen s tezlit-nni ideg yeqqar Deḥman Lḥerraci " Ssmeε wefhem wac nqul": waḥed ḍalem, laxer meḍlum, waḥed ḥili, laxer nniya... Maca, "ḥrez iṭiḥ bik ssellum, tebbet εeqlek γir beccwiyya"
Acḥal d aseggas d nekkni neqqar " Tamazγ yiwet, tameslayt yiwet,..." A ziγ yal yiwen d taqbaylit-is!
I tedhuḍ-d d telkin-inek ay Aferḍas amcum?!

Ax lmunaḍel

Azul,
D lewhayem!.. Yal amedyaz ad tafeḍ γur-s yiwen usefru neγ sin isefra yufraren seg 20 neγ 30 i yura; wagi atan seg yiwet tama: isefra ṭṭef γur-k, d ayen i d asif! si tama-nniḍen ufraren-d akk isefra-s, lhan akk (ur riγ a d-iniγ "ugar si lehhu akin" acku ma ulac a s-inin : atnad rnan-d neγ nnernan iceyyaten!). Ahat ad yiγzif wawal ma fkiγ awal i yiman!... Akken t-yenna akken Si Muḥ:
"Ma ğğiγ ul-iw a d-yehder
Uh, acḥal yewεer
Kemmel-as di zzman am wagi ah!"
GraN-d kan sin yesteqsiyen:
1) Ma tettunefk i yal amdan akken ad yessefru? ( tban-iyi-d akka : yezmer yal yiwen ad yessefru, acku d tanamit kan.)
2) Ma yezmer kra n wemdan yessefruyen ad yuγal d amedyaz? ( dagi, ur cukkeγ ara! Win ur nelli d amedyaz deg yiman, ur yettili d amedyaz s isefra kan! Win ur d-yemsil ugama ad yli d amedyaz, ur yezmir a t-yemsel wayeḍ, ur yezmir a t-yerr d amedyaz!
Aderγal

Aferḍas, aderγal akk d lmunaḍel usan-d ad ssqerdcen tamsalt n tmedyaz neγ tmedyezt?! Irgazen amek-iten ur ssawḍen ara a tt-id-ssefrun, wigi ...
D acu kan tella yiwet mwataγ deg-s d yiwen seg imuḍan-agi " Ma yezmer yal yiwen ad yili d amedyaz neγ ala"?
Tikkelt yenna Lewnis At Mangellat (awal yewwi-t-id γef Ğeεfer, mmi-s): Tzemreḍ a tazneḍ yiwen ad iγer aẓawan, a d-yeffeγ d amẓawan (amusiqar) , maca yiwen ur yezmir a d-yessufeγ amedyaz si lakul (aγerbaz) neγ a t-yerr d amedyaz kan akka!
Aεeẓẓug

"Leεlam icudden, wi yeqqimen yernu-d" akka i tella deg yiwet tmenna. Ixuṣṣ kan lewzir n ttaḍamun lwaṭani! anda yella ukeεwan, uderγal, uεeẓẓug yas-d !... Imi akka ula d nekk a d-rnuγ tid-iw!
D tamsalt n tmeslayt ( mačči n tira!!!!!!!!): akken greγ tamawt i teqbaylit umedyaz-a d tin yufraren, mačči d tin n yiwen wedrum kan. Yessen-itt neγ d nettat i t-yessnen wissen?! Yiwet akken testeqsa yiwen, tenna-yas "tessneḍ taqbaylit, εni kečč si lagrund?"
Nekk a d-iniγ taqbaylit wi yebγan a tt-yissin hrawet, lqayet.. mačči n yiwen wedrum i tt-yesεan neγ ideg tella.
Kra imedyaḥen ssefran yakan; εyan yaka di teqbaylit; la qqaren ayen nra a t-id-nini ur s-tzemmer ara teqbaylit!!!!!!!!!!!!!!!!!!!!!!!!!!!!!!!
Dagi teẓmek teqqim akken?! Wissen d taqbaylit ur nzemmer ara neγ d nutni ur nzemmer ara i teqbaylit?!
Tameslayt swayes ssefran imeqranen (yernu ur tt-id-ḥuden aran acku ay akken bγun imγuren, meẓẓiyit γef teqbaylit) Ccix Muḥend, Ssi Muḥend Wemḥend, Ben Muḥemmed, Muḥya,Sliman Σazem; Lewnis At Mangellat Sεid At Mεemmer... nnan-d i bγan s yes-s yernu ... wiyaḍ (kra imedyaḥen) la k-qqaren : taqbaylit-agi teḍyeq! Ayen-nniḍen : La qqaren: ad nessiweḍ izen-nneγ i wiyaḍ (s tmeslayin-nniḍen i leğnas-nniḍen). Ay abbuh, ay abbuh!! i yeḍran d teqbaylit?! Win ur nezmir ad yessiweḍ izen i wid-is amek ara t-yessiweḍ i wiyaḍ?! Ahat a sen-yemmeslay γef derwa ẓum (akken yeqqar Mmi-s n Wemsed) i wiyaḍ d nekkni rkan wallaγen-nneγ!
Agugam

Azul,
Tafaska Yusef U Qasi
Tafaska n tmedyazt Yusef U Qasi i tessudus yal aseggas tiddukla Yusef U Qasi a d-tili seg 18 ar 22 di Γuct 2008 deg Iferḥunen. Tin d win iran ad ttekkin/t ad aznen/t 3 isefra s uγiwel i tiddukla tadelsant Yusef U Qasi, Iferḥunen ( ḥṣiγ teqqarem-as Friḥa mačči alamma tennam-iyi-d!) Tizi-Wezzu.

D amedyaz-agi dγa i s-yennan " Anwa izedγen adrar? - d lbaz akk d umiεruf. Anwa izedγen lewεur? - d uḥdiq akk d wunguf.
Ma d massa (madam) Nuγmun tesmekta-yaγ-d s tmenna-nni : Ay uli-iw issin, yelha win yettweṣṣin.... ur cfiγ ara amek akk akken ....
Yella amzun ulac-it

Azuy feyy-awen
Akken gziγ di tmenna n terbaεt-agi, ma akka: Aqbayyi neγ amaziγ s umata ur ilaq ara ad yaru s taεrabt neγ s trumit neγ s tayeḍ. D acu-t uxeṣṣar-agi? d tagi i d timṭṭurreft neγ adteqqim!

Azul a Yayi (ahat "Σli")
Yiwen ur d-yenni taqbaylit/aqbayli neγ tamaziγt/amaziγ ur yessefk ara ad yaru s tutlayin-nniḍen! Atan wayen gziγ a Yayi a gma: taqbaylit/aqbayli neγ tamaziγt/amaziγ zemren ad arun s wayen ran neγ amek ran...maca, ur qqaren ara kan " nekkni d imeγnasen n tmazitγt, tamaziγt ilaq ad teγren deg iγerbazen bla ddin n yemma-s n ddula... Yernu widak-agi yettarun s tmeslayin-nniḍen yugaren tamaziγt, ma zemren i yiman-nsen yessefk ad ffγen cwiṭ γer temliliyin n wedlis yecban tin n Dzayer, Lpari... yak tteklen γef yimanen-nsen acimi i tezzin kan di temliliyin ideg llan anagar leqbayel, d nutni ttarun s tmeslayin-nniḍen ( ḥanun zanun γef yiri n lkanun!).
Lexyal n tebḥirt

Azzulfalawan
Ayayaytma imazighanimaazuzen.Lankradagi ur bghine aghaanqar thamazigtnnag achku dyirnutni.ttahyatamazigetnnegh tamazuzet. Lmundagikanaka nagh lmundhalgimachcidmazigh, ilakagh atnessufaghssya. tamazigtnnagh nhemmalitmerra machiwidyusannkan adigariman-is degnag
thanmirt fallawanayaytmatannnagh imaazuzen n wasmalagi-nnagh

Azul fell-awen
Nekk d Yidir Awaγzen, ssrameγ kan ur d aken-yessagad ara yisem-agi amaεur n twacult-inu, acku tikkal isem neγ udem zemren ad ssγelḍen imdanen. D tikkelt-inu tamenzut ara d-sserseγ kra isekkilen da, γas ma uγeγ tannumi rezzuγ-n yal tikkelt γer wesmel. D yiwen umeddakel-iw i yi-d-iwellhen γer da; maca, nniγ alamma walaγ amek teddunt temsal da d wamek ara d-ttaruγ tikkelt γer tayeḍ. Ur lliγ d ameγnas neγ d aggag; d menwal kan ay lliγ, daya. Ssya d asawen ad uγaleγ a n-ttaruγ imagraden γas ma ur ẓriγ amek teddunt tlufa da, ma yessefk ad kellseγ qbel iman-iw neγ a d-azneγ kan γer tansa n wesmel? Wisen amek d-ttrusun imagraden, ma amezwaru d amezwaru wis-sin d wis-sin neγ akken myezwaren deg wazal-nsen neγ amek?
Ayagi merra ur yesεi azal annect imi yella wesmel s tmaziγt.
Aḍris amenzu ara d-sserseγ da, ad yili d taγect umedyaz acennay Si Muḥ, ḥṣiγ llan dagi wid t-iḥemmlen.
Tanemmirt-nwen, ar tufat

Lewṭar*

Si lweqt n sidna Ɛisa
Leqbayel si zzman akka
Di tegmat kan i tent-uɣen
Acḥal d irgazen at ṣṣfa
Nesɣam-asen-d nekkes-iten

Akkagi si zik nekkni
Ula d tamaziɣt-nni
I nenwa a ɣ-yesduklen
Bḍan-tt akk d leqsadi
Iqerra mačči yiwen

Akka i tleḥḥu
Teɛkef tuɣal d aseḍru
Zdat-s tebna tcerket
Tazemmurt turew aseḍru
S lḥebb-is tundi tcerket

Neddem lewṭar
ad necnu a d-nemmekti
Tuɣac i nḥemmel ad necnu
D lwaǧeb-nneɣ
Ma yettu a t-nesmekti
Nekkni s leqbayel ntettu

Neddem lewṭar
ad necnu a d-nemmekti
Ɣas akken ccna d amehbul
D lwaǧeb-nneɣ ma yettu
a t-nesmekti
Wi sɛan taqbaylit deg wul

Nettmuqul
Deg wid i ɣ-yebɣan f wacu
Di lbaṭel ttheggin amraḥ
Nṭeq ay ul
ɣas ur sen-d-zgiɣ ɣef wul
Ma ttwaregmeɣ d ameddaḥ
Gret leɛqul
Sɛut leɛqel d lmeɛqul
Taqbayli tekcem lakul
Lemmer d lebɣi ad as-nefreḥ
Gret leɛqul
Sɛut leɛqel d lmeɛqul
Taqbayli tekcem lakul
Lemmer d lebɣi ad as-nefreḥ

Deg wass unejmeɛ
Mkull tikkelt ideg ara nemlil
Ur yefhim baba-s mmi-s
A leqbayel
a ziɣ taqbaylit ur teɛdil
Mkull wa d taqbaylit-is

Nekkni s warrac n Dzayer
Yiwet ur ɣ-tezgil
Necba lɣerḍ i kull lfuci
Ulac lǧil
Yesɛeddan lweqt ushil
I wakken a ɣ-tezgel nekkni

Nedderɣel
Zzɛaf iwedder-aɣ leɛqel
Neqleɛ seg uẓar tazemmurt
A lefḥel
Teḍra-yak am iḥiqel
Yessawel-ak gma-k ɣ lmut
Yiwen yemṭel (Lwennas)
Wayeḍ d timess i iqubel (Lewnis)
Mi iɣil yettekka, yettkel
Ɣef yimi-ines neɣleq tawwurt

Yiwen yemṭel
Wayeḍ d timess i iqubel
Mi iɣil yettekka, yettkel
Ɣef yimi-ines neɣleq tawwurt

Neddem lewṭar
ad necnu a d-nemmekti
Tuɣac i nḥemmel ad necnu
D lwaǧeb-nneɣ
Win yettun a t-nesmekti
Nekkni s leqbayel ntettu

Neddem lewṭar
ad necnu a d-nemmekti
Ɣas akken ccna d amehbul
D lwaǧeb-nneɣ ma yettu
a d-nesmekti
Wi sɛan taqbaylit deg wul

* D tizlit n Si Muḥ (attan tansa umayel-ines i win iran a s-yaru: <si_moh2@yahoo.fr>

Yezri wakud ziγman
awid-ak infan
yezri γef meden irkuli

ikcem usegwass s-ttmam
wis kraḍ igiman
muggrent meden ttirni

Ay teẓda tsirt n zman
a wid inejlan
seg asmi d-nebda tikli

iḥesrah zrin wussan
ay agellid ameqwran
ar tmurt ur-d nwelli
Ukerdis
http://www.iflisenumellil.net/forum/viewtopic.php?t=76&postdays=0&postorder=asc&start=0

Azul fell-awen
S usemḥissef meqqren s wayes ara d-ssiwḍeγ yir isali n tmettant umedyaz ameqqran MEḤMUD DERWIC (d amedyaz Afalistini yettwassneγ akk deg umaḍal ilmend n tmedyazt-ines).
Amarezg n win d-yeğğan kra, ur yunag ara kan akka.
Yidir Awaγzen

Azul fell-awen,
Qqaren-as “yeḥrec wuccen alammi werǧin i igi taxxamt am netta am wiyaḍ”! Akka i ɣ-teḍra i nekkni s leqbayel.
Ula d nekk mwataɣ d kra n watmaten (di kra n temsal kan) i yi-d-yezwaren s awal. Drus n wawal i d-yettilin da ɣef tmedyazt, ɣas anda-nniḍen yeṭṭuqqet yir awal, ɣef yir ccɣel; awal yettwi-t waḍu, tifrat ur telli! Imusnawen d imesdawiyen n tsekla terza temsalt gugmen, ulac awal. Imedyazen yesɛan tirmit meqqren drus wanda d-ggaren awal; tegra-d rreḥba i ijewwaqen: zzux d ufuxx, kullec yelha, neɣ kullec diri-t! mellulet akk, neɣ berriket akk; ulac dinna ayen-nniḍen! Tuḍen icc-is, teqqim! Ma tneṭqeḍ-d tebɣiḍ, ma tessusmeḍ terḍiḍ ( aneggaru-ya d awal i d-yekkan si taɛrabt: tqebleḍ mačči terḍeḍ-d!)! Lemmer ahat a s-tinim wagi yusem, acku ur lliɣ d amedyaz neɣ d amyaru, neɣ …. A wi ara yesɛun tissas, ad yefk lemrad i yiman-is, a d-yesmir i s-yellan deg wul!

Bu ccfaya

Awal yeḥwaǧ awal, tikta teḥwaǧ axmmem, axemmem yeḥwaǧ akud; nekkni akud iteg ccɣel-is mgal-nneɣ, nettwaḥreṣ si yal tama, d tagi i d tawaɣit-nneɣ; ma nezreb di ccɣel-nneɣ a t-nesderɣel, ma neǧǧa tagnit i uḥebber, asmi ara d-nefqed a d-naf yewwi-yaɣ waḍu ɣer tizi n nnger!..
Aṭas di drus ara yeɣren tinin-agi-inu, a d-inin (i yiman-nsen kan mačči i nekk, acku ur nuɣ ara tannummi nettawi-d awal ɣef temsal yecban ta s tira): Atan yerna-d daɣen wagi ( ulelluc neɣ urelluc-agi, a yi-beddlen ula d isem n BU CCFAYA. A ɣ-yenǧu, yenǧu-ken seg waṭṭan-nni n tatut!) s tid-is n “ṭaṭaṭin , baṭaṭin” akken yeqqar Muḥya. Dɣa ula d Muḥya sseqdacen-t kan melmi i sen-yehwa, d wanda i sen-yehwa! Wigi a sen-iniɣ aya: Yeshel maḍi ad rzuɣ ɣer “google.com” anda ara d-awiɣ akk tigi n ṭaṭaṭin, baṭaṭin: d acu i d tamedyazt? Tiwsatin (leṣnaf)-ines? Amek ara neg azɣan (asenqed) i usefru? D acu i d tamedyazt neɣ tasekla (s umata) tatrart ( swayes i ɣ-d-ttfuxxun kra seg wid i ɣ-yettɛuddun d ulli, imi nettaru s teqbaylit!)…
Bu ccfaya

Maca, dayagi i kan neḥwaǧ tura? Dayagi kan i ɣ-ixuṣṣen?! Ahat ad yelhu wawal s cwiṭ unecreḥ: D acrured n tsekkurt kan i ixuṣṣen “madam” neɣ massa tayaẓiṭ?! Dɣa tella deg yiwet tmenna: Asmi bdan la ttafgen yefrax, yal afrux yini-yas: s lɛun ( s tullin)-ik a Rebbi” ini yafeg. Mi d-tewweḍ nnuba n tyaẓiṭ, tenna-yas “ad afgeɣ bla Rebbi-inek a Rebbi!”dɣa teɣli dinna, ulac tifgin!) --ngum ara s-tinim “wagi…! A wen-in-iniɣ nekk ur ttamneɣ la s kra n ddin neɣ …; nniɣ-d aya acku ssneɣ imawen n leqbayel: adred kan Rebbi, a s-inin wagi d aya d waya, adred kan isem n waɛrab aql-ik-id d aɛrab ineslem…! Ma tenniḍ-d tarumit telha d …. A s-inin wagi d atrar, d amegday,… -- Awalen-agi merra zwareɣ-d seg-sen akken ur s-qqaren ara kra “wagi yettmeslay s war lqis, yesserwat kan… Riɣ a d-iniɣ s waya, aya:
Ngum (qbel) ara nnadi ayen d-nnan irumyen d waɛraben d wiyaḍ, ama di nnqada, di teslaḍ-nsen, d yesmilen-nsen, d yedlisen-nsen, d tesdawiyin-nsen… yessefk ad nezwir ngum seg waya: Ad nessin ngum iman-nneɣ s yimanen-nneɣ. Lmeɛna n wawal ɣef tmedyazt ass-a:
Bu ccfaya 2

1)- Amezruy atlayan (tameslayt)-nneɣ, d umezruy-nneɣ aseklan s umata:
Melmi d wamek tella tmedyazt ɣer ɣur-nneɣ s imaziɣen s umata d leqbayel ladɣa?
2)- D acu n tmedyazt i llan ɣur-nneɣ si zik d tura? D acu n tewsatin n tmedyazt i llan ɣur-nneɣ si zik d tura?
3)- S wacu ssefran imedyazen-nneɣ d wacu iɣef ssefran?
4)- D acu unamek i tesɛa tmedyazt di tmetti-nneɣ d wacu n twuri n i tesɛa tmedyazt di tmetti-nneɣ? D acu n wazal i tesɛa tmedyazt di tmetti-nneɣ (tamaziɣt si zik d tura)?
5)- D acu unamek i yesɛa umedyaz di tmetti-nneɣ d wacu n twuri i yesɛa umedyaz di tmetti-nneɣ? D acu n wazal i yesɛa umedyaz di tmetti-nneɣ (tamaziɣt si zik d tura)?
6)- d acu n yeswan (lmeqsud) i wumi nteg tamedyazt: 1) tikci ufud (aseǧhed) i tmeslayt-nneɣ s tririt n wawalen iqburen i iɣeban neɣ i yellan ɣefg tizi n nnger, neɣ s useqdec n wawalen i d-nerḍel si tmeslayin-nniḍen-nneɣ amedya si ttergit ɣer teqbaylit, si tcelḥit ɣer tacawit…. 2) aselḥu n tikta d usegzi n tmetti i ubaɣur uleqqem n tmusni d tussna ara a ɣ-yawin seg uxemmem n texnanasin n teqbilt (adrum) ɣer uqader n wazalen iheggaren d wazalen alsanen, ara s-d-yerren talsa-ines i wales (amdan: d tameṭṭut neɣ d argaz)… 3) D acu wemteddu neɣ imal/immal i tesɛa tmedyazt ɣer ɣur-neɣ?
Bu ccfaya 3

1)- Amezruy atlayan (tameslayt)-nneɣ, d umezruy-nneɣ aseklan s umata:
Melmi d wamek tella tmedyazt ɣer ɣur-nneɣ s imaziɣen s umata d leqbayel ladɣa?
2)- D acu n tmedyazt i llan ɣur-nneɣ si zik d tura? D acu n tewsatin n tmedyazt i llan ɣur-nneɣ si zik d tura?
3)- S wacu ssefran imedyazen-nneɣ d wacu iɣef ssefran?
4)- D acu unamek i tesɛa tmedyazt di tmetti-nneɣ d wacu n twuri n i tesɛa tmedyazt di tmetti-nneɣ? D acu n wazal i tesɛa tmedyazt di tmetti-nneɣ (tamaziɣt si zik d tura)?
5)- D acu unamek i yesɛa umedyaz di tmetti-nneɣ d wacu n twuri i yesɛa umedyaz di tmetti-nneɣ? D acu n wazal i yesɛa umedyaz di tmetti-nneɣ (tamaziɣt si zik d tura)?
6)- d acu n yeswan (lmeqsud) i wumi nteg tamedyazt: 1) tikci ufud (aseǧhed) i tmeslayt-nneɣ s tririt n wawalen iqburen i iɣeban neɣ i yellan ɣefg tizi n nnger, neɣ s useqdec n wawalen i d-nerḍel si tmeslayin-nniḍen-nneɣ amedya si ttergit ɣer teqbaylit, si tcelḥit ɣer tacawit…. 2) aselḥu n tikta d usegzi n tmetti i ubaɣur uleqqem n tmusni d tussna ara a ɣ-yawin seg uxemmem n texnanasin n teqbilt (adrum) ɣer uqader n wazalen iheggaren d wazalen alsanen, ara s-d-yerren talsa-ines i wales (amdan: d tameṭṭut neɣ d argaz)… 3) D acu wemteddu neɣ imal/immal i tesɛa tmedyazt ɣer ɣur-neɣ?
Bu ccfaya 3

Awal ad yiɣzif nezzeh, mazal lxir ɣer zdat, a sent-id-nuɣal akk deg wussan d-iteddun… ssya ar yimir-nni, ur yessefk ara ad qqneɣ tiṭ ɣef waya:
A sen-iniɣ i wigi (qbel ara ḍṣen fell-aɣ wid yemmuten!!):
-- “Ǧ.Ḥ” ɣas sserked iman-ik a mmi! Mačči d tiqulhatin i wumi ara tsemmiḍ “taṣleṭ n tmedyazt taqbaylit”! Lmed, teɣreḍ a mmi, tnadiḍ ad tissineḍ qbel ara temleḍ tamusni i watmaten-ik!
-- “B.T” Ma s sin isefra-inek imeqqerṣ swayes ara ɣ-d-temleḍ tamedyazt tatrart, a t-zegleḍ a mmi! Tamedyazt neɣ tasekla tatrart s umata mačči di talɣa kan ideg tella, attan deg wegbur, di tikta; mačči d tukksa n tmeɣrut i isefra i wumi ara tsemmiḍ tamedyazt tatrart” ! ṭeẓẓ akken yenna Lqaddafi! Tasekla tatrart tečča aqerruy-ines ula di tmurt-ines “FAFFA” zdat tsekla yuran s teglizit akk d tesbanyult n Marikan n wenẓul neɣ talatinit, acku tasekla ur nesɛi kra uẓar ɣer tmetti-ines yewwi-tt ubeḥri (win ur numin ara ad yesteqsi acḥal n wungalen i wumi semman ungal atrar yettnuzun tura di Fransa?!) A mačči s lxerṭi d wecɛal n wallen ara teqqleḍ d amedyaz neɣ d amyaru a mmi! Aṭas n wid I k-yecban: teffren deffir n wawal “tatrart”, amek ara yissin tatrart wemdan yellan “ppirimi”?!

-- “A.A” Ma d askeɛrer-nni-inek ara k-yerren d amazzag di tsekla, “a teṭṭrumpiḍ” akken t-yeqqar ccix Amsed! Tekfiḍ seg udari deffir n yisem n dda Lmulud wama adraka ma DDA LMULUD, tuɣaleḍ tettarguḍ iman-ik d afelsaf s s yir imeslayen yecban wigi: Tafransist d tameslayt n tmusni, taɛrabt d tameslay n ddin; tamaziɣt d tameslayt n tmedyazt! Ansi k-d-yekka uhetref-agi? Ansi d-tekka tmaziɣt-agi d tameslat n tmedyazt?!
A d-tqarneḍ kečč wid yessefran s taɛrabt, ɣas ma ḥesdeɣ-tt s waya, maca, tidet ur tt-ddalen ara iɣerbalen ammi! ɣer sin iferṭeṭṭa i nesɛa nekkni ( s leqder meqqren i Arnub, Ssansiperyan, Ṭartilyan, Apili n Madur, Yuba wis-sin… wagi merra mačči s tmaziɣt i ssefran, anagar kan ma yesɛa isefra-nsen netta, meqqar a ɣ-ten-id-imel?!) neɣ yebɣa a d-iqaren Ccix Amud Aṭergi, Zayed Weḥmed Amerruki, Ɛisa Lǧermuni Acawi, Ɛli Debbuz neɣ Ṣaleḥ Tiricin Amẓabi neɣ lugrun Pewwiṭ Aqbayli ɣer wigi n waɛraben : Imru Lqeys, Lmutanebi, Ɛumar Xeyyam, Ɛenṭara Ibnu ceddad, Ḥmed Cawqi, Niẓar Qebbani, Meḥmud Derwic…. D tagi i wumi qqaren akken lekdeb imzenneq, taqesset terreẓ, zzit mɛelleq! Lemmer d-tegri di tkerkas, yili a d-iniɣ (ttuɣ ula d Carl Budlar ---

Charles Baudelaire 1821-1867--- iquren-it-id ɣer Ssi Muḥend Wemḥend, mačči d agejdur wagi?! D acu uẓar neɣ n wassaɣ i tesɛa tmedyazt ger sin-agi i d-iquren?!) Ulac wi ɣ-izemren di ddunit!!!

Tuklaleḍ aṭas n leqder a dda Sɛid, tabɣest tameggazt di tira n tmedyazt. Awer tennuɣniḍ, awer tedrebzeḍ, awer teɣliḍ.
Yettwalkam/yettkemmil…
Bu ccfaya 6