Azul fell-awen
Yelha usefru-ya maca llan kra n wagulen i izemren ad ssaεṛen taγuri:
"ksaγ" ma s unamek "enlever" yessefk a t-yaru umedyaz "kkseγ", "ur s kkiseγ".
Wayeḍ d sin isekkilen n "s" s i d-tewwin ad yaru "yessgen" "yessawl-as-d"

Wannag asefru yufrar. Dγa ar tagara-nni d ayen yufraren:

Ay adrar ḥareb γef arrac
Ffγen i tmegra n uγilif
Lufan di dduḥ yeḥrec
Ineṭq-ed yewwi-t nnif
Wanes-it ay adrar yewḥec
D leqraṛ wwin k' iddem wasif

(k' = kra)

Agujil
Win i wumi kkseγ baba-s
Ur s-kkiseγ-ara
Win i wumi kkseγ yemma-s
Ur s-ğğiγ-ara
Akka i d tarwa uγilas
Yerwan lḥif n tmara

D agujil yemma-s tella
Yezga d arbib si tlalit
Lxir-is tewret-it takna
Tesgen mmi-s di tẓallit
Yessawel-as-d gmma-s yesla
yedduqsed yuṛğa tallit

Isuγan sya d sya
D aẓar-is i d-yessawlen
Lbaṭel deg-s neεya
Seg wul nekksed ayen yellan
Lḥif, urfan ad tnaya
S idurar-nneγ γlayen

Icceqaq wedrar, yettru
Γef wawal-is aẓidan
D llḥeqq fell-as a d-iru
Ğğan-t-id widen iεeddan
Iḥar yes-s melmi ad naru
Awal n mmi-s azedgan

Ay adrar ḥareb γef warrac
Ffγen i tmegra uγilif
Llufan di dduḥ yeḥrec
Yenṭeq-d yewwit nnif
Wanes-it ay adrar yewḥec
D leqrar n win k-yeddem wasif!

tallit deg wadeg n talit

Azul fella-k a Ḥemmu d aḥmayan,
Tanemmirt γaf tamawt i-d tegreḍ ilmend n ugulen n tira
i d yeḍran deg usefru agi, d tidet d ayen illan.
u-ssaḍ win d yekkren yessen,
u-ssaḍ win yessnen ur ixuṣ.
D acu kan ad faṛṣaγ tagnitt i wakken ad graγ i imusnawen nneγ
ad sduklen ṛṛay nnsen, tamussni nnsen akken aγ d ssufγen yiwet n tira n tmaziγt.
Nek lliγ ttaruγ s isekilen n tifinnaγ ( n ugraw imaziγen ).
Sγur bab n usefru.