Iγerban atnaya
Ass mi i-tt-fkkiγ i zraẓer
D axxam i yi-tt-igan
Ixf-iw yuγal ur yettawi
Tillin gar kuẓ iγerban
Kkreγ-d zik ass-nni
Smareγ-d kra yellan deg allaγ,
Rriγ-t d ilem ur deg-s tikti
Ur deg-s yeqqim-d idles
Ur ẓriγ ansi i d-kki-γ
Ur da yi-tecliε anda teddu-γ
Iswi-w d lexlawi
Cerheγ allaγ yeğğa-yi
Uγaleγ d agḍiḍ
Uγaleγ n at igenni
Ettferfireγ allaγ ur yelli
Acḥal fssuseγ aḍu yettawi-yi
Tizegzewt d ddkir tjebd-iyi
Ad rseγ γef isekla
Ad ččeγ aεeqqa
Ad suγ timiqwa
Allaγ d ilem ur ssineγ yiwen
Tizegzewt tura sqaqaren-tt-id iγerban
Tettawḍ-iyi-d tenεaεast n umdan
Ṭṭfeγ iṭargan
Uliγ ar igenwan
Dinna urεad laman
S wadda tenhuggal
Asuγu, ambarez, tazzla idamen
Wigi d at sin iḍaren
Ala nutni i yessnen i tigi
Nek igenni yeṣr-iyi, tikti ur telli
Uksar kra n imdanen
Kkaten ad afgen am nekki
Tsumun deg asebsi
Acema kan ini γlin ar lqaεa
Ur din tella trewla
Iγerban tura d tazzla i ttazzalen
Amdan deg-s rekkḍen
Yettsuγu ay igenwen ay igenwen
Yettawḍ-iy-id uγlaγal
Ur ḥareγ deg wawal
Yak tura ur lliγ n at wallaγ
Tizegzewt tettfakka
Yugget uẓekka
Iγerban rebḥen lggira
Amdan fukkent-as-d deg ass-a
Ma d nekk ẓriγ ur i yi-ttaγ wara
Djamal Saadi