Azwel d-yeddan da mači d azwel i s-tuqem tmeskart, d afyir amenzu kan. Nettat ur tettuqam ara izwal i isefra-ines.

Ttxil-ek ay ul cfu

Imi allaγ yezga itettu

Ssekren-aγ-d γur-em s tirga

Tezdeγ tteryel d ireyliwen

I ujedεaun n leqbuḍ necfa

Meẓẓel fettus d iwaγezniwen

Yid-sen acḥal nesεedda

Uḍan deg i ur qqinent wallen

Mi d-nuki seg-sent nufa

D tidett-im i yesstewḥacen

Tegnaw ur tecbi ilem

S yitran deg-s mi mzarwaεn

Cban timeqwa n usirem

Deg illel n layas εummen

Wehmeγ amek armi d ṭlam

Isen-igan azal i ymeqwren

Imi tafat tessewham

Mi d-teflali teffer-iten

I du’ar i yzegren asif

Γef bab-is ma ad d-yelli allen

Ay ijdi yeddlen leryuf
Ak-id-leqwdḍen ifassen

Imezdaγ-ik d imecṭaḥ

Yal wa d acu i t-imeslen

Usmeγ ad d-iniγ ṣṣaḥ

Mi εedlen di tdkuli-nsen

Farida At Harun ( Ldjamaa ) Yennayer 2956 ( 2006 )

Azul, γuri kan tamawt agi: asuget n uzwel d izewlen neγ d izwal?

Azul a Ilelli

Ahat akka d-tenniḍ i yserreḥ deg iles. Azwel, izwal...am tezwal :-)
Tanemmirt

Acewwiq-agi n Farida n At Harun a d-tiniḍ d win akken n usaru English Patient. Win t-iwalan lfilm nni, acewwiq nni d azgen deg-s. Wis dacu n tutlayt s wayes i tcennu tinna ? S l'hongrois waqila ? Tinemmirin a libroro.

Azul merr'a,

Tanmirt tameqwrah'ant i imyura akwd Winna ! imi i d-tessersem dagi asefru-agi inu.

Tanmirt a winna imi i d-tessersed' belli aẓawan fuγef i d-cniγ asefru-agi inu n tarbaat n Yugurten.

Tagara, tanmirt i win, neγ tin - ur zṛiγ d anwa, neγ d anta - i went-in-iceggaan ( wiss anwa akka ? )...

Xas akken ur zṛiγ ara anwa... tanmirt seg ul a wagi neγ tagi i wumi ur ssineγ ara isem. Tanmirt !

Farida

Acewwiq-a yesmektay-ed azawn-nni n "Ṣṣelṭan n Mejbala" i icennu Ideflawen. Imeslayen n tezlitt d Muḥya i ten-yuran...

D tidett ay amnay ula d nek ḥulfaγ yettak anzi γur-s deg tazwara nni.
Ideflawen akk d yimaziγen Imula cnan ddeqs seg isefra n Muḥya..aṭas i qedcen akken laεwama.
Yiwen wass nnan-as i Muḥya: "i melmi a truḥeḍ tura kečč γer tmurt?" yenna-yasen: "Asm' ara yeḥlu ufeddix n Σli n wedfel" lol

tanemmirt i Farid γef usefru-yagi, nekni s wid itettun yella d accu ar a d-nesqucceḍ deg-s...

i wid akw d tid ur neẓri ara, Farid tεeddad-d di radyu n Radio Canada, temmeslay-ed γef terbaεt Tilelli akw d yedles Amaziγ s umata, acewwiq-agi i yella daggi d tukkist seg-s.

Bγiγ kan ad d-bedreγ yiwet n tγawsa, γef akken walaγ ima ar a d-terrem kra di imyura.net yelha ma tcawṛem bab-is...

** asteqsi: d accu i d addad amaruz n wawal " tadiwennit"?? tzemred' ad d-tinid' "tukkist n tdiwennit"??

hakim

Azul a Hakim

Ssurf-iyi ttxilek. Ẓriγ tukkist video n tceqquft n Tidak n Nna Fa, ur cawṛeγ yiwen, aqli-iyi kkseγ-tt. Ad iyi-ssuref diγen Racid Begenan n BRTV.

D tidett, yesseft a nqadeṛ amahil n wiyaḍ.

Ulac win ur nttecceḍ

Ar tufat

Ma d acewwiq-a, cawṛeγ Farida. Maca ahat yessefk a nciweṛ diγen Radio n Kanada. Wissen ???

A Bakli, ur teḍlimeḍ ara
Ur teḍlimeḍ ara a Bakli

Ini-d ini-d !

A wansen a gma, aṭas i yečḥen fell-aγ akka ttwaliγ!! Aṭas imu tewwa tasa af Yemyura.net... limer ufan, Imyura.net ad yemdel tiwwura. Lxewwan inselxen (am gaεgaε aki d asawen) ttrağun kan melmi asmel n Yemyura ad yeḥbes...arnu teẓriḍ.
Atnan nettwali-ten deg wedlis aki.
Rran-aneγ d imakaren tura a ddin rebbi!!!

A k-sumreγ takti-w : ekkes awk azwel aki xas ma yella tenna-yak Farida aki ğğit. M ulac ad -aγ-gren ccraε yeqMayliyen γef ulac.

Bakli akk d Ḥakim ad mḥababen a γ-sufγen lkarṭa ar uzazraf...ahalalila..

Ḥakim akkd Bakli, ad ṭṭfen yiwen ubugaṭu (af ucewwiq a ddin rreb!!!).

Ttxil-ek a Wansen a gma m'ur tekkiseḍ ara Azwel-a!! Neγ xerṣum, ekkes tafrensist-nni n Uxuni-nni n Mekka!!

Ahya ddin qessam (akken yettsuγu Ideflawen)

Azul ay Amnay,

Ur reffu ara ttxilek ma γas yella acu γef ad yerfu yiwen. Asmel-nneγ ad ikemmel. Wid i t-iγunzan llan u ad ilin.
A s-neddu akka i s-d-nedda almi d tura. Mači d amyizwer a nemyezwer d wiyaḍ, mači d aqameṛ a nqameṛ wiyaḍ, d amur-nneγ kan i nra a t-id-nernu, d tirni-nneγ i nra a tt-id-nernu γer tiyaḍ. A nkemmel kan akka a gma s tezdeg, s wulawen-nneγ. Anda newweḍ newweḍ. Ass mi ad yuγal wesmel-agi ur d-ittawi ara kra i tsekla-nneγ, i tmeslayt-nneγ, a t-nekkes. Ma d tura a nkemmel.
Acewwiq-agi atan a t-kkseγ. Ma d asefru a t-ğeγ imi d Farida i t-id-yuznen.

Affud ay Amnay

Tanemmirt-ik a yizem nneγ!

Ahah, ur ččiḥeγ ara, γef wacu a neččeḥ, akken i s-yenna "Muḥya" (bala-k kan ansi i d-yettas gaεgaε-nni n wussan aki yezrin aγ-icareε af wawal aki daγen)...

Ass nniḍen, a sen-nsuter acḥal n yedrimen a ten-nxelleṣ si tazwara (akken i s-tenniḍ u Ubudali-nni), akka ulac win ad yasen ad yesmicriw fell-aγ.

Ẓer daγen acḥal iγ-ttalasen di "radio-canada" ad neg tabzert daki di Kanada, a s-ten-nazen d aqessun (d aεwin).


Afud igerrzen a Wansen!

Azul fell-awen,

A winna ... ilaq ulac-deg !!! Acku ula d Radio Kanada al armi i d-iyi-d-steqsan ma xas a tt-sersen deg uz'ett'a-nsen, nnigh-asen xas!

Ur walagh ara ihi - h'aca ma d gha aarqent-iyi - aygher awen-inin aygher.

Farida

Azul a Farida

Imi i kem-id-steqsan nutni, aqli a tt-rreγ ihi. Aṭas umi teεğeb, d tidett d aγullu a t-nγull ma nekks-itt war sebba, war tamentilt.

Yusa-d yiwen ireggmaγ-d maḍi. Kkseγ tidmi-ines, imi s tefransist i γ-d-yergem. Lemmer meqar s teqbaylit. Mači d tikelt tamenzut. Tansa-ines IP d tinna n win d-yefkan tidmi-s yakan γef uḍris nni n Belεid at Ali.

Azul a winna, Amenay, Azul akw,

Aqli nneh'camegh dagi !!! Ayagi i wen xedmen akw... ghef usefru-inu ! :-(

I lukan xedmegh akken xeddmen kra, ur d-nnigh ara belli azwel-nni kksegh-t-id sghur Yugurten ... ihi ad terwi mmad'i !!

Ahat akken ak-xd'un a Winna ad d-sefhmegh kan amek tella teswaait ! :

1) Asefru-agi-inu. Ur d-iris ara di Radiu Kanada ar mi i d-iyi-d steqsan ma xas a t-erren ...
2) Winna iceggaa-iyi-d yenna-k ma xas a t-uqmegh.
3) Nnigh-as ruh' ... uqem-it ma yehwa-yak...

D aya !! Zigh d aymi qqaren : Yiwwas i tkeh'el tyaz'it', yewwi-tt ufalku ! :-(

Nnigh-awen... di laanaya-nwen ... m'ur d-iyi-d tefkim ara tansa ( ma tesaam-tt ) n winna i wen-d-yuznen s tefransist !.... Awer yawed' !!

I tikelt-nnid'en, sureft-iyi ...

Farida

A Farida, ticki a d-yas yiwen ar wergam, ur d-ittak ara tansa-s n tidett. Tifrat i waya akken d-yenna yiwet n tikkelt Nnaṣer yessefk ur d-itteffeγ ara wayen d-yenna yiwen almi iεedda deg unifif, maca d inifif nni i d aγbel, win a t-iṭṭfen ilaq a d-izg dagi kra yekka wass. Tifrat nniḍen, ḥala wid ikelsen a d-yefken tidmiwin-nsen. Maca medden sseεgazen ad kelsen, ticki kelsen sseεgazen ad qqnen, ad kuniktin. Nekni, yiwen seg iswiyen-nneγ, ilaq ad ilin aṭas ad ittarun taqbaylit. Ihi ilaq tifrat ur feṛṛeṭ ara deg iswi-yagi.
Win iwalan kra n tikti nniḍen, ad tt-id-yefk.

Tanemmirt

Azul a Winna, Amnay, Farida...

Ur ẓriγ ara akka ar a tili teswaεt, tili ad ṭṭfeγ kan immi-w axir, zaymmi i qqaren ay iles yellan d aksum d accu ar a k-yerren d iγes! Nekk nniγ-ed "yelha ma tcawrem bab-is" s nneyya inu kan, mačči d tiyita mačči dayen nniḍen... ur d-ggireγ lala jijtis neγ ayen nniḍen deg wallaγ-iw...

Lḥaṣun ma ḍelmeγ semḥet-iyi, nekk mačči d imyura.net i bγiγ ad ḥizeγ.

Winna & Amnay akw d At Imyura.net di laεnaya nwen m' ur i yi-tsurfem

hakim abdat

Azul,

Ur walaγ ara dacu d-yenna wagi neγ tagi. S teqbaylit i d-yura? Wehmeγ dacu yezmer umdan a t-yesεu mgal n wayen nqeddec amzun akken wis dacu neznuzu neγ nekkat a nerbeḥ! Ih nekkat a nerbeḥ..d ajuğğeg n yedles nneγ i d "rrbeḥ"..yugar akk ayen nniḍen.

Tagi n uγerbal ttwaliγ d yir tikti acku yettbin iyi-d ma nga aγerbal amzun d ttukerḍa i nettaker neγ wis acu n diri i nxeddem u nugad medden a γ-d-ini acimi ! Ala yif-it wakka, win yellan d argaz neγ d tameṭṭut ad yaru tidmi-s d wayen akk yellan deg wul-is war argum neγ awal n diri. Maca win d-yuran s tefransist ad yettwakkes yizen-is acku:

Tamezwarut, amdan am wa ur s-telli ara teqbaylit deg wul.
Tin γer-s, win iran tafransist ṭṭuqten yismal n Irumyen ad iruḥ ad yesxerbubec din akken s-yehwa.

Win ur nessin ad yaru ad yeεreḍ ad yaru s teqbaylit akken yessen, u aqlaγ dagi a s-nmel, daγ akka i yezmer ad yelmed akken i wata.

azul fellawen,
yella-tt wakka win yebγan ad yaru s Tefransist neγ s Taεrabt yaru deg asmlen iqeddcen s tmeslayin agi.
ma d mass Amnay ur ḥsiγ ara γef Ḥakim i yerfa, acku netta yenna-d s neyya-s kan ayen yellan.
win ysexṣaren (rregmat) sufugh-en-t deg tejmaεt ma d win id yettakken rray yemgarrad (i lebni) d afud i tejmaεt, d Taqbaylit.
asmel agi nneγ awk, ysefk ad tenḥarz-t u ad as nnini i yindbalen n Imyura aqlaγ yidwen, ayen akka txedmme-m d iseγ, tanemmirt nwen d tamuqrant.
afud igarzen.

Lwaldin d-nnṛebba ṛuḥen, am yewtal ufgen εellan.
A ttiṛ yufgen am weγyul, d azeggaγ am tqabact.
A win yettweḥḥiden axellaq, yeγlid wedefel di ccetwa.

Robert si Micli