Teγzi n yiles, d  ammud isefra sγur εabdelḥafiḍ Kerruc.

tiẓrigin useqqamu unnig n timmuzγa, 2004. 36 isebtaren .

 tukkist :

           Lebraq

walaγ iṭij deg uzal i iyreq

walaγ asigna yeffer-it

γileγ mazal ad-yecreq

warεad d-telḥiq tmeddit

ger wallen yewwet lebraq

yerna-d arεud iy-ḥemq-it

a lebraq-agi id-yusan

bγant wallen ak-wεunt

ad ayi-t-segmeḍ ussan

d gek ad awiγ azaγṭuṭ

ad yekfu wayen iεeddan

imeṭṭi ar d at-ttuḍ

tusiḍ-d lewhi teqleḍ

ur ak ğğiγ awal-iw

limer dgi it-beddleḍ

ad afeγ ccah I rray-iw

imi di lqaεa ay terẓeḍ

ad ferḥeγ yezha wul-iw

Asefru-agi yettak anzi γer wid-ak-nni n Lḥusin
Ukerdis.

" A wid yeṭṭfen imegran, ma tgezzmem eğğet iẓuran,
m´ulac kra a tneddmem drus.
Ttmektited d Sliman, d ucaquṛ d ṭṭejra s-yennan:
Ẓriγ ansi d-tuγeḍ afus"

( L.n at Mengellat )