Sγur Mack At Udiâ

Inna yas dda Lmulud: taγerma umaziγ d taγerma n wawal. Awal-a yeččur d inumak. Acku si zik d awal I izgan iferru timsal gar aneγ. Awal-a neqqar-as: taqbaylit. U ur neqqar γef yiwen issen "taqbaylit" alama kan awal-is iferru tent. Anagar imγaren d imusnawen nneγ, ala imedyazen is isnen I wAwal-a tikli.
Di tama, Belqasem deg wawal-is; di tamawt i iger γef tudart, γef uγilif, γef iẓuran deg Uḥiwec, irefed-it s tewzel. Imi ula d awal awezlan izmer i tlufa γwuzzifen, muqwren. U ur isluf i yiwen, imi tamuγli-s ur tezri ara di tγanimt. Issefra-d γef temsal akw I teccweγben akken itent iwala. War akukru war tugdi. Acku s ubrid-a kan id-yettara wawal tissas.
Di tama nniḍen, Belqasem, ur yekni ara I tesnaraft n tmeγrut yesseknan acḥal d amedyaz amaziγ, yerran azaglu I wat wawal. Di ṭaqa isefra-s, awal amerḍal yella-d kan anda d-yezga, anda ilaq. D awal amziγ I izwaren imi ala netta I izemren ad yessefru tikti umaziγ s tezdeg, ad yerfed tamuγli umaziγ s tefses.
Di tagara ad inniγ d akken Belqasem d amedyaz yegzan amek teddunt temsal. D amedyaz isnen I "teqbaylit" tikli u ar aγ iγul ara s tegzi-s d tirmitin-is. Tannemirt ay amedyaz u afud igerzen.


Taγerma: civilisation
Inumak: les sens (sigulier: Anamek)
Tasnaraft: la dictature
Tameγrut: la rime
Awal amerḍal: l'emprunt
Tigzi: intelligence
Tirmitin: expériences (singulier: tarmit)