sγur Jean KEATS yerratt ar teqbaylit Farid FELLAHI

Akka i ttɛeddayen yisneγ wussan, akka i nett-mettat ddaw iḍaren n zman,
akka i nγerreq di lebḥer n tatut. Leǧyal ttarun ismawen nneγ s waman, i g-skaway
yiṭij n wussan d leɛwam, mačči s lmidad i g-ttaken tudert i lmut. T-xetti tafat, tayri t-ttfat. Tt-ruḥun gellun s usirem. Am akken
tella tudert, i tella lmut. ka nebna yemmut, ameslay nneγ, lǧil di teddun
yettut.

D tagi i tudert n ufennan ?
amek i tga ?

Tga am yiḍeli, truh d asfel n zman. Neγ d lwaqt agi dgi nettɛici, yettazalen
deffir n lweqt yefnan. Neγ d azekka ara n-ili, ur nesɛi lmaɛna d lqima nɛac assa
d yiḍelli.

Ad iruḥ ka yessefraḥen ulawen , D wayen yesseḥzanen irwiḥen, ur neẓri d
acu ara γ-d-ǧǧen. D tagi i ttudert n ufennan, tezga am aman yeskew yiṭij n zzman.