Aḥeddad l-Lqalus

Taddart l-Lqalus tura trab.Qqaren asmi-tt mazal tebded, illa deg-s yiwen uḥeddad isεa cci, yerna γures tameṭṭut tzad di ṣṣifa.Yibwwas qqimen kra l-lγaci la heddren di tejmaayt, inṭeq-ed yiwen inna-as :
-Lemmer ad iyi tcehhdem, ad-kkseγ i wḥeddad tameṭṭut is.
Nnan as: - I kecc s lεaqel ik?
Inna yasen: Ṛeggemt iyi kan ard ad it tcehhdem. Ṛeggemn as.
Iruḥ ar tejmaayt n ccraε, inna yasen:
-Sliγ i wḥeddad ibṛi tmeṭṭut is n tlata fi tlata.
Ihi yekks as-tt ccraε. Aqli nek bγiγ att aγeγ.
Nnan as : - D lmuḥal !
Inna yasen :-D ayen ẓṛan medden .
Nnan as : -Awid inagan .

Iruḥ ibbwi-d inagan widen akken s iṛeggmen di tejmayt. Cehhden as. Tajmayt teḥkem tebra tmeṭṭut. Truḥ. Yaγ itt wergaz nni. γer taggara uγalen armi kksen iwḥeddad ula d tiferkiwin is.

Tella di taddart l-Lqalus yiwet temγart tegwra-d weḥdes, ur tesεi ḥed. Tebwwḍ-ed tefsut; bdan medden la tefγen γer tferkiwin nnsen. Ala tamγart nni ack’ula wuγur teğğ axxam is . Assen truḥ, s aḥeddad tru yas. Inna yas :
-Ma tebγiḍ ad am ggeγ ttawil.
Tenna yas :- Lemmer atxedmeḍ tinna…
Inna yas :- Ad am xedmeγ tasekkwart as yetteskkwiren axxam imi si beṛṛa.
Di lweqt nni tibbura ttsekkwirent kan si zdaxel.At taddart, akken walan tamγart, mi tsekkwer tabburt is atruḥ bdan ar-d ttazzalen γer uḥeddad iwakken ad asen ixdem tisekkwarin si beṛṛa ula d nitni.
Ixedm itent, maca mkul yiwet yuqm as snat tsura, yiwet iğğda-tt γures.
Yibbwas amesbaṭli nni d tmeṭṭut is txuṣṣ iten tmes, inna yas i tmeṭṭut:
-Ruḥ awi yaγ-d tmes sγur uḥeddad .
Tenna yas :- Annaγ! Anwa udem iyes ara t-qableγ?
Inna yas :- Nniγ am ddem aceqquf truḥeḍ.
Truḥ. Mi tebbweḍ ur tnebḍat n tebburt tebded, teggum atqereb. Aḥeddad iwala-d tili, inna yas :
-Qerrb-ed.
Tenna yas :-D nnek!
Inna yas :- Nniγ am qerrb-ed.
Tenna yas :-Nniγ ak d nek.Ur ii-d aεqileḍ ara.
Inna yas : -ẓriγ d kem, qerrb-ed.
Tekcem, tenna yas:
-Acu la txeddmeḍ a bu nnkuz ?
Yerra as s tmeγrut agi (-uz-).


Xeddmeγ i medden akw lxir
nek d aḥeddad si l-Lqalus

Ul iw ittagwem ineqqel
ata di lhem ur ixus

A kwen ttraγ a lawliya
At Mraw akw d At Aεrus

Aqli la neğğṛeγ azduz
ay At Ṛebbi gt as afus

Tuγal tmeṭṭut s axxam. Inna yas wergaz is:
-Acu yam d-inna?
Teḥku yas, tεawd as ifyar d as-d inna uḥeddad. Inna yas:
-Tettakeḍ awal i bu tirgin!
Ttama l-Lqalus tella yiwet taddart temsaεdaw yides; bwwḍen armi qrib tt-xlin. Iruḥ yibwwas uḥeddad γer yemḍebbren n taddart nni, inna yasen:
-Ayen iḍran yidi teẓram-t.Tura ma tebγam ad awen zenzeγ taddart, a-tt-texlum.
Nnan as : -Amek?
Inna yas : -Ilaq taεssast nnwen mkul iḍ a-n tqaraε s-axxam iw; Mi n-twalam γer ṭṭaq aqajiḥ n tmes azzelt-en.
Yiwen iḍ aḍu la issafag iqremyad. Medden akw tṭsen. Aḥeddad ikker, ibda-d i taddart si ṭṭerf. Axxam iγef iεada isekkwer as tabburt si berra.Yuli γer taεrict bwexxam is, idem tadla ggeγlel, issaγ itt, issεadda tt-id si tṭaq. Aεdawn walan-d aqajiḥ mbaεid, azzlen-d s leslaḥ.Zzin i taddart si mkul idis, mekknen as times.Tendeh, tleḥḥu armi-d bwweḍ s ixxamen imezwura n taddart.Laεyaḍ ikker.Win immγen f tmekwḥelt, ad iruḥ ad-d-ili tabburt, yaf itt tsekkweṛ si beṛṛa.

Ata wakken texla taddart l-Lqalus.




***Ittwaks-ed seg wedlis n Dda Lmulud At Maamer Poèmes kabyles anciens (Isefra n At zik )ar tizrigin La Découverte
Iabat deg wesmel n yimyura A.R

azul,
Akken walaγ ggten mačči d kra wagulen (fautes) deg wed'ris-a. Ama d wid n tussda di kra n wawalen, ama di tseftit (imataren udmawanen ...). Ddeqs daγen n wagulen deg tira n yews'ilen ama n wemyag, ama n yisem, ama n tenzγt. Tamawt nnid'en terza γer tzelγa n tnila deg wat'as n yemyagen, ad tt-naf teqqen γer-s war tizdit (tajerrit' n tuqqna).
A wi yufan,imassayen n wesmel n tsekla tamaziγt, ad gren tamawt nezzeh γer tira igerrzen.