D tajmilt i dda Lmulud At Mεemmer, ilmend umulli wis-19 γef tmettant-ines.
Timseεraq
(Timḥuǧǧay neγ d acu-tt, d acu-tt ?)
Annect-is annect n telkit, texdem tawaγit?
Tifrat: Taxellalt n ẓẓalamiṭ.
Am yisem-is, am wudem-is ?
Tifrat: Tamellalt.
Akli iεelleq g tmiṭ ?
Tifrat : Aεeqqa uzemmur.
Aεeqqa n yirden, i d-inudan akk igawawen?
Tifrat: Aṭṭucen/allen.
Annect-is annect n lbunya, arraw-is εeddan meyya (100)?
Tifrat: Taremmant.
Afus-is deg ufus-inu, lḥess-is ar ugemmaḍ?
Tifrat: Tamegḥelt.
Cucu iεelleq lulu?
Tifrat: Ibelṭ (aεeqqa ubelluḍ).
D iḥlalaḍen, d iblalaḍen ulac tamurt ur wwiḍen?
Tifrat: isurdiyen / idrimen.
D amellal am izimer, itess aman am wezger?
Tifrat: Arekti (arekwti).
Izig izig idammen, areεreε izamaren
Tifrat: Uglan.
Iteddu bla iḍarren, itettru bla aṭṭucen (allen)?
Tifrat: Asigna.
Ilef ddaw rref?
Tifrat: Ayeddid.
Ijebbu-d ur d-ikeccem?
Tifrat: Lqermud.
Icudd tacacit yeznanneḥ?
Tifrat: Ibelṭ ( aεeqqa ubelluḍ).
Jeddi yeḍreḥ, jidda tceṭṭeḥ?
Tifrat: Aγerbal d ulemsir.
Jbiγ i tiγilt, rniγ i tiγilt, ufiγ sut lawliya jeddbent?
Tifrat: Tileggit.
Kul mi ad izid, ad yenqes ?
Tifrat: Leεmer.
Meṭleγ jidda, yusa-d nebbac yenbec fell-as, tekker jidda tebrek fell-as?
Tifrat: Tafexxet (ticerket).
Ssuq yeεmer, imdanen ulac ; aḥbul itewwa, timess ulac?
Tifrat: Taγrast n tzizwa akk d tammemt ( tamment).
Snat tḥuna, seqqfent s yiwen wejgu?
Tifrat: Anzaren.
Sufella tecbeḥ, γer daxel teqbeḥ?
Tifrat: Tifelfelt.
Sufella teqbeḥ, γer daxel tecbeḥ?
Tifrat: Takermust.
Tagertilt-iw n neḥḥas ( nnḥas), ur tettruẓu ur tettnefṭas
( ur tεeggej); Rebbi fell-as d aεessas?
Tifrat: Iṭij.
Taḥennact-iw n lmerǧan, ur tt-keccmen yizan?
Tifrat: Tirgin.
Taqeddiṭ (taqeṭṭiṭ) tefla lḥiḍ?
Tifrat: Aγerda.
Ttḥibbiγ-t am Rebbi, xennqeγ-t am yebki?
Tifrat: Ttezḍam, daγen: Arekti.
Taεekkazt tger ad tsew?
Tifrat: Azrem.
Tesεa imi, tesεa ibelmi, tesεa sin ?
Tifrat : Taqendurt.
Ttett ur trewwu (treggu)?
Tifrat: Lεafya ( timess).
Ṭṭbeq ilellac, iγef d-zzin warrac ?
Tifrat: Lkanun.
Ṭṭbeq lemṭebbeq, la zerriεa la lwerq ?
Tifrat : Azrem.
Uglan-is deg uεebbuḍ-is?
Tifrat: Amger.
Yensa deg waman, yekla deg waman?
Tifrat: Iles.
Yelsa aḥebnuq (abeḥnuq), yekcem deg wezbuq?
Tifrat: Lmeyyet.
sγur
Isem n twacult: Benmeryem.
Azarisem : Naǧat.
Asemmud (leεmer): 09 iseggasen.
Isem n twacult : Benmeryem.
Azarisem : Σebderreḥman.
Asemmud (leεmer): 13 iseggasen.
Isem n twacult: Benmeryem.
Azarisem : Ṣaliḥa.
Asemmud (leεmer): 13 iseggasen.
Taddart: Taxlict n tekrumbalt—Ǧεefra—Berǧ buεrariǧ.
-- Wehran--.