awal γef tmeskent i d-iga usqamu ɛlayen n Tmaziγt deg Wehṛan. D-ayen i sen-d-ifkkan affud d-tedfi tameqrant i ymaziγen n Wehṛan. D-ayen ur γilen ara akk ad-d-yili, d-afaris n wedlis amaziƔ, ama deg taγult n tsekla neγ n wayen nniḍen. Amuden n tmedyazt, ungalen, ticequfin umezgun. Ass n 16 05 2006 deg tmeskent deg wexxam n yedles n Wehran γef tmert 11t, imyura akk wwḍen-d s yedlisen nnsen; γas akken ɛyan maca ur s ukin ara seg lfeṛḥ(tumert) deg ttilin imi i temlal tasa d-way’ turew am win icban Yusef Merraḥi ,Saɛid Cemmax, Ḥamid Ubaγa... Aṭas mači d-yiwen mači d mraw(10) neγ warem(20). Nembeddal awal γef aṭas temsal ,ur d-ill'ara aṭas umgirred, acku, akken qqaṛen, win yebγan yeqqaṛ: “amek ?” , win ur nebγi yeqqaṛ:”ulamek !”. Ma d-Imaziγen qqaṛen-d tanemmirt nwen deg wayen d-tgam ,ma D-“aɛṛaben” nnev qqaṛen-aγ: “acimi mači s taɛṛabt i tettarum ?”. D-acu kan, s wi akk d wi :d Imaziγen n Wehṛan i sen ittaran awal. Amedya: Yiwet n tmaziγt n Wehran terra-yasen awal i sin inelmaden n taɛṛabt n dinn-a, n Wehṛan, tenna-yasen : “d nekk i yessetḥan deg wemḍiq nwen, kenwi i d-yennan :”nekni d inelmaden”, d-inelmaden, ur tessinem ara tutlayt taγelnawt n tmurt nwen; uγalen nneḥcamen. Ass akken i sen-d yezzi wawal nnan-aγ: “ad awen yefk ṛebbi tazmert .” Gan akka ṛuḥen. Tameṭṭut nni tuγ azal n mraw yedlisen , mi d-nniγ mraw acku ẓṛiγ m ten terra deg wkettaf ines..Ihi akka i tkkemel temsikent agi ar mi d-ass-is aneggaru, ass 19 05 2006 . Deg yiwet tegnitt yeguggen γef imaziγen n Wehṛan akk d-imyura imaziγen i-s-fkkiγ awal i weḍris agi ; D wagi i d-izen i riγ ad-d-greγ. Tura, akken qqaṛen : “attan teccuyt(tasilt), atan uγemǧa(iflu) !“. Wid yufan akka talemmizt trefd iten teqbaylit, Ɣurwat ad-tγilem taqbaylit ur tzzemr ara i yman-is . Yiwen wass a-d-teddem aγerbal-is ad-tesfif, ur ill’ ra ayγeṛ ad tsekkrem aγbel .Kra yellan tzemreḍ a-s-tkkelxeḍ siwa(anagar) tameslayt yettwarun, ur yezmir yiwen a-s-ikkellex. Ihi tura, nekni , nekcem deg webrid n at-ddunit, imi zik isderγel aγ ubrid n tmettant n wer-tira; s tudert n yergazen imeqranen s i d-nekcem mači s ufus γef umayeg. Wid akken i sen ikksen tudert γilen dayen ulac iten ,ur walan ara , imir nni id-d-lullen i tikkelt nniḍen , am imezwura am ineggura ; ihi tura, imru yewwḍ-d γer iffasen nneγ.
Seg Weqbu Laḥlu S.